壽司喰 (已搬遷) 新店位置

the food is very fresh,and also very tasty,highly recommend but the price is a bit high.the service is also very gd.

我幾日前經朋友介紹去左果度食左個lunch~我就同另一個同事叫左個什錦魚生反~同行既同事就叫左個海鮮魚生反同壽c定食傻架~真係超足料呀佢地d魚生反~賣相又勁靚~2個魚生反黎到之後同事們都嘩嘩聲~好豐富~個壽c我都食左件~因為同事唔食三文魚~d反細細粒~又好軟綿綿~d口感唔識講呀~仲之係好soft好正~個set仲有埋個烏冬仔同湯應該係剛剛好再飽小小既份量~!中環區食過咁多間佢呢間都算係最得果間~d魚生又新鮮喎~連佢d壽司反都好得囉~真係超好食~本人超鐘意食壽司反果d人~佢果d睇黎我可以唔洗魚生都食到2碗呀~~同埋d位又夠寛哩~都坐得幾舒服~去左一次就愛上左~佢地d姐姐仲好nice好好傾tim~好過d真係好正規淨係得個笑字又唔講得笑既餐廳丫~我記得我問左個短頭髮高高地果個女仔"口食"字究竟點讀~佢仲好耐心咁話埋比我知個字點解~仲係咁幫我地加茶~我隻杯根本都未空過~仲聽佢講叫左個佢話一定要食超好食既果個柚子雪糕~真係好好食~是次lunch真係10分咁滿足呀!

開頭0黎個溫泉蛋，個蛋雪白，黃晶瑩，0係香港真係好少有機會食得到。Sashimi 啲蝦好大隻，勁鮮甜!!! ^.^咁大個女都未食過無渣的拖羅，顏色比豬頸肉深少少，入口即溶，甘香無比。日本空運的北寄貝，比平時急凍的鮮味得多。仲有油甘魚，勁好食!價錢比春園街好多明星去的壽司店平，不愧是中環區日本餐廳的綠洲，環境清靜，卡位多，氣氛好。赫然發現前置地廣場地庫日本餐廳Kiku的高大靚仔日籍廚師過檔登場，在此餐廳坐陣!!!最欣賞他對食物的要求極之高，每次端到枱面的食物，碟碟都好似藝術品咁，構成一幅好美麗的圖畫。坐在壽司bar的食客都可能會發覺到，日籍靚仔大廚會(偷偷地)留意食客將食物放入口的表情，若客人的表現是欣賞或滿意，他都會會心微笑的。聽講天婦羅都好好食，不過實在食得太飽，下次再食。