壹.01

营业中

休息中

💭每隔一段時間，都會好掛住台灣嘢食，今日再次回訪觀塘呢間小店☺️記得一年前黎食過，覺得佢又平又抵食，今次要試下其他嘢食😙而家同之前一樣都係做緊2:30pm後九折優惠😍值得一提係佢地而家可以+$4由飯轉做豆腐底，啱曬需要減肥嘅人🫶🏻🥢香蔥紫菜手撕雞飯手撕雞份量多，食落啖啖肉，雞肉夠滑，配上青瓜絲、紫菜同小量配菜，好開胃🤪🥢薑蔥蜜汁排骨飯排骨飯一樣份量夠曬多！超大塊排骨，外層好脆，唔會炸到好乾，肉質淋好juicy，食到有甜甜嘅蜜汁味道👍🏻🥢台灣夜市小食拼盤拼盤有台灣腸、花枝丸同鹽酥雞鹽酥雞外皮唔會厚，細細件勁惹味！花枝丸大大粒爽口彈牙🤪台灣腸皮脆肉汁多👍🏻超級惹味🥢花生冰淇淋卷今次試試店舖新出甜品，我未試過係台灣食呢款甜品，今次終於食到😍，薄薄嘅皮包住芋頭口味嘅雪糕、花生糖粉末同咪芫茜，無諗到味道係超夾👍🏻好好食！🥢雙檸東瓜茶🥢仙草豆奶

壹.01 📍觀塘❣️芋泥肉鬆脆皮蛋餅呢個配搭真係好出色，入面嘅芋泥好滑，帶住淡淡嘅芋頭香，搭上肉鬆同蛋香，層次好豐富。❣️台北夜市小食拼盤拼盤入面有台灣腸、花枝丸同鹽酥雞，每樣都好有驚喜。台灣腸煎得香口；花枝丸好 Q 彈；鹽酥雞就炸得啱啱好，外皮脆卜卜，肉質嫩滑，調味夠惹味。❣️薑蔥排骨飯薑同蔥嘅份量多到誇張，聞落去已經好香，而排骨肉質唔會太乾，排骨嘅份量又好多 好驚喜😝。係好食嘅排骨便當❣️蘇子青瓜手撕雞就清新啲，手撕雞嫩滑多汁，夏天食呢款真係一流。❣️魯肉汁肉燥蔬菜為咗健康啲，我叫咗走汁，雖然走汁但係入面嘅西蘭花同椰菜都有調味好好食😋❣️特盛薑蔥手撕雞粉絲呢個份量真係誇張到吓咗我一跳！手撕雞好嫩，薑蔥調味夠香夠濃，食完一盒覺得好似食咗一餐大餐咁滿足，性價比真係好高。同埋煮食我今次揀咗粉絲，佢配埋個汁好清爽，又唔會好膩！整體黎講，呢度嘅台式菜味道夠正宗，份量又夠多，每款菜都有自己嘅特色，食完真係好開心。下次有機會一定再返去試多啲其他菜式，推介俾鍾意台菜嘅朋友！💕

觀塘呢間「📍壹.01台式料理」🥢之前都有介紹過，區內朋友應該唔會陌生，因為味道性價比都係區內數一數二，絕對係街坊打工仔人士恩物. 送小朋友去興趣班路過見到banner，原來而家有新甜品，仲要係特價下午茶時段，梗係要試啦. 星期六下午附近公司冇乜人返工，唔使迫，更加有慢活感覺. 餐牌兩版紙，主打台式飲品、小食、便當、滷肉飯、排骨飯，牛肉飯. 價格親民. ⭐️芝. 芋頭鮮奶 /芝. 綠茶. 前者賣相夢幻可以打卡，芝士濃郁，芋頭的香氣滿溢，鮮奶的質感滑順，飲品甜而不膩，非常滿足. 後者紙杯上冇乜視覺效果，綠茶口感清爽清新，能夠很好地解膩. ⭐️花雕雞翼花雕香氣誘人，雞翼冰涼開胃可口. ⭐️牛肉汁煮風琴豆腐豆腐外皮脆口，內裏嫩滑，牛肉汁的濃郁相得益彰，風琴豆腐吸收了豐富的味道，讓人欲罷不能. ⭐️薑蔥滷肉飯（豆腐底）‼️色彩繽紛. 薑蔥配滷肉夠晒特色好有港台fusion味道. 滷肉的味道醇厚，驚喜配搭配豆腐底更健康減少罪惡感. 口感辣辣地嘅惹味. ⭐️花生冰淇淋卷🆕🚨外皮透薄有靭性，冰淇淋口感滑溜，一個價錢有晒兩種口味（豆腐/芋頭），花生的香氣濃郁，這道甜品清爽而不膩，罕有配搭芫荽味道特別. ⭐️芋見八寶

講到觀塘區嘅名物，一定唔可以唔提中海日升中心嘅「壹.01」。主打台式定食，價格亦都好實惠，以前喺觀塘返工都成日都會食。薑蔥蜜汁排骨飯 $59酥炸香脆嘅台式排骨，薄薄一層炸皮香脆又唔油膩。面頭放咗好多薑絲和香蔥，濃厚嘅薑蔥混和蜜汁嘅甜味，餸飯就好邪惡。壹.01芒果魯肉飯 $60芒果就係台灣明產，原來同魯肉一齊可以中和油粉，令到層次更加豐富。小食方面可以試下手作芋泥肉鬆蛋餅和台灣腸都值得一試。而飲品就首推珍奶，煙煙韌韌係好正。另外仲有幾款新甜品，例如鮮果斑蘭河粉、芋見百寶奶豆腐和花生冰淇淋卷。壹.01 (觀塘)觀塘駿業街56號中海日升中心2樓D號舖

最近咁岩要去觀塘 去既途中仲要塞哂車心血來潮就同朋友去左壹.01 食😇因為記得好耐之前黎過佢間鋪既金句: 觀塘除咗塞車 仲有壹.01 🤪咁耐冇黎 依然係好抵食2:30pm後FOLLOW 社交平台 有9折優惠🥳壹.01 係由幾位年輕人主理主打各式台式料理😊而家MENU多左幾款甜品仲可以加錢由飯轉做豆腐底好健康 減肥都岩食☺️💥香蔥紫菜魯肉飯 朋友中意紫菜又中意食魯肉飯呢個配搭岩哂佢魯肉飯唔會話超肥 醬汁惹味撈埋D香蔥 紫菜一齊食 送飯一流😆💥薑蔥手撕雞飯手撕雞髀肉份量好多 又嫩滑加埋大量薑蔥 青瓜絲 好香 好快就KO左🤪💥我不是章魚燒同章魚燒好似樣 其實係加左木魚碎同沙律醬既花枝丸外脆 內裡花枝丸好彈牙😋💥熔岩蛋之戀 台式料理就係中意食蛋餅😋蛋餅煎到香脆 中間夾左拉絲芝士同火腿上面仲有D千島醬同花生碎勁邪惡 味道好豐富 😇💥鮮果班蘭河粉新品 色彩繽紛 睇見就開心係店家自家製既班蘭河粉 清香又Q彈伴有士多啤梨同芒果粒 好清新開胃💥胚芽豆乳清香既豆乳 加左胚芽 唔會好甜💥仙草雙檸冬瓜茶呢個冬瓜茶好清新帶檸香 同好多仙草 既有口感 味道平衡😀

我叫左份外賣，結果發現飯盒入面有條頭髮纏住啲飯，實在令人難以接受。當我打開飯盒的時候，看到這樣的情況，真係好唔掂。搞到食慾冇哂，也讓我開始懷疑這家餐廳的衛生狀況。廚房的工作人員應該要有基本的衛生意識，戴上廚師帽和口罩是很重要的，這樣才能避免頭髮和其他雜物混入食物中。我始終相信，食物的品質和安全是最重要的，特別是在外賣這種情況下。這次的經歷讓我對這家餐廳失去了信心，麻煩餐廳能夠重視這個問題，改進他們的衛生管理，下次真係唔會食。

觀塘有間台灣餐廳一直有幫襯，下午茶☕️時間更有全單再折！是一間值得支持的小店 ！餐廳現時所有飯都可以轉做豆腐底，非常之適合控糖/減肥嘅人士，而且味道不減，無痛減肥之選！🤩我今次點了素鰻魚飯， 外觀確好像鰻魚其實是燒茄子🍆，口感軟腍入味！另小食最愛芝士拉絲火腿蛋餅拉絲好療愈，豐富芝士味太邪惡！最近餐廳製作左呢幾款新甜品-鮮果班蘭河粉-芋見百寶奶豆腐-花生冰淇淋卷我便點了花生冰淇淋卷，口感特別，層層有不同配料好有風味！

餐廳價錢好親民 而且份量好足 款式又多 晚市去食都需要排隊等候 人氣滿滿！-✨101芒果滷肉飯 ($53.1)呢個配搭好神奇 第一次見就決定試試佢 食完覺得幾特別 芒果好鮮甜 配上鹹鹹地嘅滷肉 出奇地夾 推薦大家試試🥰✨辣椒大蔥排骨飯 ($53.1)排骨超大塊 炸粉吾厚 肉質嫩 排骨滷過 食落甜甜地 有少許肉汁 而辣味就吾算好重 呢個排骨飯轉左粉絲 粉絲索哂辣蝦汁超入味😍✨台北夜市小食拼盤 ($40.5)小食拼盤有台灣腸、花枝丸同埋鹽酥雞 台灣腸好推薦！外皮脆脆地 內多汁 仲有蜜糖汁超juicy🥳花枝丸夠彈牙 而鹽酥雞炸粉吾厚 肉質嫩滑 鹽酥粉超足 又吾會太鹹✨熔岩蛋芝戀 ($40.5)蛋餅切開咗六件 面頭淋咗千島醬 中間餡料有芝士同埋火腿 芝士帶熔岩效果 外皮如果再煙靭一點會更好✨全手作芋頭鮮奶 ($23.4)超足芋泥 芋泥質感較實 需要刮一刮先可以食到 甜度岩岩好 夠哂芋頭香✨珍珠奶茶 ($22.5)珍珠奶茶好重古早味 味道幾特別 帶點焦糖香珍珠煙韌好咬🧋⚠️以上為9折後價錢

朋友話帶我試下平民美食，推薦咗呢間台灣菜餐廳，果然大件夾抵食！午市套餐 $78 起包主食 + 小食 + 飲品💕我哋叫咗兩個套餐，仲加埋幾款小食，一齊分享 🤤★̆̈ 套餐1 - $101 (折後價 $90.9)✐ 辣椒大蔥排骨粉絲 $80排骨份量超多，食落好酥脆，整體嚟講唔算辣，粉絲有啲似韓式粉絲咁，撈埋蝦米食好香口！✐ 明明 - 我不是章魚燒 （跟餐+$13） 見到個名好搞笑就叫咗嚟試吓，佢真係唔係章魚燒嚟🤣 有1粒外皮係炸到脆卜卜嘅，入面有章魚粒，仲有2粒係炸花枝丸，食落好彈牙，全部「章魚燒」上面都淋咗濃郁嘅明太子醬，味道好豐富 ✐ 雙檸冬瓜茶 （跟餐+$8，大杯） 冬瓜茶清甜，仲加咗檸檬，特別清新★̆̈套餐2 - $94 （折後價$84.6)✐ 香蔥紫菜魯肉飯 $81 魯肉飯肥瘦啱啱好，連埋紫菜同香蔥一齊食，特別香口，送飯一流，唔小心就食晒成碗飯😋✐ 蜜汁台灣腸 （跟餐） 台灣腸切咗一半之後仲好大舊，咬落好juicy，仲要係甜甜哋，食落好滿足✐ 芝・綠茶 （跟餐+$13，大杯） 芝士奶蓋配綠茶，飲落清清哋，好解膩★̆̈ 熔岩蛋之戀 $45 （折後價$40.5） 芝士火腿蛋餅，蛋餅煎

Bestie 同我經開觀塘食左依間台灣嘢當然唔會錯過我哋最愛嘅……芝士& 芋泥熔岩蛋之戀 ( 拉絲芝士火腿蛋餅 ) ~ 咩都唔駛講一黎即夾起睇下芝士有無拉絲….Wahhhh拉到好高好歡欣邪惡蛋之戀 ( 芋泥肉鬆脆皮蛋餅 ~ 芋泥分量係啱啱好，再配上肉鬆♨️咸香得黎有層次感蛋皮酥脆內部keep住軟林林. 獨特風味當然唔可以錯過 台北夜市小食拼盤 (台灣腸,花枝丸,鹽酥雞)~台灣腸似台灣食咁腸內肥膏同肉分量啱啱好(本人對肥膏麻麻純粹個人口味) , 而花枝丸裏面柔軟及彈牙有台灣風味, 鹽酥雞外脆內軟雞肉明明- 我不是章魚燒~依個真心有驚喜真係唔係章魚燒嚟㗎我哋揀咗<<明太子>>我不是章魚燒，係用兩種整法嘅花枝丸，有明太子嘅咸香一種係酥脆薑蔥排骨飯 ( 可以轉粉絲 / 豆腐做底)~一嚟夾起排骨就撈撈撈…排骨肉質外面香口，胚芽豆奶(大杯)芝•芋泥鮮奶 (中杯) 加上芋泥鮮奶完全唔會膩，口感療癒

觀塘除左塞車仲有間用心製作台灣菜 📍地點：觀塘🍽️菜式：台灣菜💰人均消費：午餐 HK$50~70🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：方枱📝落單方式：侍應生落單 / QR code落單免費🅿️：❎ 【芒果魯肉飯】💰HK$60估唔到芒果咁夾滷肉！ 芒果好鮮甜，令到魯肉飯冇咁漏。 【蜜汁紫菜排骨飯】💰HK$62排骨香酥肉嫩，蜜汁香甜。飯底鋪上紫菜增添香氣。 【熔岩蛋之戀 (拉絲芝士火腿蛋餅)】💰HK$45火腿芝士呢個穩陣配搭，但估唔到芝士可以做到咁拉絲。香港少見高質蛋餅。 【魯肉汁肉燥蔬菜】💰HK$16食肉獸唔想食蔬菜？呢個肉燥蔬菜就啱晒佢！ .【鮮果班蘭河粉】💰HK$35斑蘭味好濃，河粉Q彈！配上粒粒鮮果，好fresh！ 【全手作芋頭鮮奶】💰HK$21綿密芋泥加上濃郁鮮奶，好有飽足感。 .【古早紅茶】💰HK$16 .【雙檸冬瓜茶】💰HK$22 #foodcourt #foodxcourtx #foodxcourtKT#觀塘搵食地圖 #觀塘美食 #觀塘 #台灣菜 .@壹01🏷️觀塘駿業街56號中海日升中心2樓D號舖

今次係我第三次嚟呢度因為佢哋有新嘢🤩首先係芋見百寶奶豆腐🫶🏻呢個好推介✨豆腐好滑而且整得好靚💖配有芋泥、芒果🥭、士多啤梨🍓另外仲有鮮果斑蘭河粉✨食落有啲似椰青肉主食都係食番薑蔥魯肉飯😆鍾意佢夠入味😋魯肉肉質唔肥膩如果唔想食薑蔥嘅話加埋紫菜一樣咁好食☺️一定要嗌芝士芋頭鮮奶!!我每次嚟都會飲🥰芋泥綿密配上鹹香嘅芝士奶蓋🤤如果想fresh啲可以嗌仙草雙檸冬瓜茶🍋2:30pm後有九折🈹仲要唔使加一抵食💖！ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰芋見百寶奶豆腐 $42鮮果斑蘭河粉 $35薑蔥魯肉飯 $59特盛紫菜魯肉便當 $80芝•芋頭鮮奶 $37仙草雙檸冬瓜茶 $27 ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰

今次嚟到呢間位於觀塘嘅壹.01！可以話係平民台灣菜，非常高質😳主食方面嗌咗一個牛肉便當同手撕雞便當，份量非常多，便當面除咗牛肉/手撕雞之外，仲有台灣腸、青瓜、西蘭花、鵪鶉蛋等😋超足料好抵食！ 佢哋所有飯都可以轉做粉絲/豆腐底，豆腐底啱晒控糖或者減肥嘅朋友🥳小食嗌咗台灣腸同拉絲芝士火腿蛋餅！超推薦蛋餅，蛋餅火腿同芝士好足料，芝士流心拉絲超正！甜品方面嗌咗堂食限定嘅花生雪糕卷，呢個雪糕卷超特別，花生方面食落係花生糖嘅風味，台式風味嘅雪糕卷原來中間係會夾好多芫荽，鍾意食芫荽又鍾意食雪糕嘅朋友啱晒～😙

以前係觀塘返工，每日lunchtime都唔知食咩好，周圍人山人海，間間餐廳都要等好耐先有位，等得黎又唔夠時間食😓 好耐冇過黎呢邊了，發覺呢區變化好大，多咗好多餐廳🍴 今次去咗一間好多人大讚嘅台式餐廳，價錢仲好抵食㖭🤩最特別係所有飯都可以轉做豆腐底，啱晒控糖/減肥嘅人士👍🏻脆炸鮮奶卷🥛外皮香脆，內餡鮮奶濃郁、香滑。古早芋泥三文治🥪麵包先用炸的方式，裹著滿滿的芋泥，香脆內軟的口感，層次分明。花生冰淇淋卷🍦店裡新推的甜品，餡料豐富，分別有：花生碎、冰淇淋、芫荽，喜歡芫荽的朋友不要錯過了，味道特別，吃一口能體驗到不同的口感。台北夜市小食拼盤🍱（台灣腸，花枝丸，鹽酥雞）炸物香脆，香腸切小塊，方便進食，將梅粉灑在花枝丸和鹽酥雞上，讓味道提鮮。拼盤份量很適合三五知己一起分享。芝.芋頭鮮奶🥛芝士鹹香，芋泥厚重，配上鮮奶，喝上一口，滿滿的飽足感。仙草豆奶🥤豆奶作茶底，加了仙草，味道清新。鮮果 斑蘭河粉🍨用斑蘭製作的河粉，可因個人食量選擇份量，有半份、一份。加上芒果🥭、草莓🍓，味道酸酸甜甜，開胃極了。店裡新推的甜品，清涼的口感。餐廳推出了在下午茶、晚市時段及外賣優惠，可享用全單九折，還免加一服務呢❤️

這間台式料理提供了不同款式的碗飯及便當，仲有台式小食，飲品及甜品，價錢仲要抵食大件。香蔥紫菜手撕雞飯，大大碗都只是$59, 仲可以加$4 由飯轉做豆腐，食晒一碗都無負擔。手撕雞肉質嫩滑，充滿芝麻香，配上香蔥，青瓜，紫菜，味道配撘剛好。男士可以點特盛便當系列夠大碗，特盛紫菜排骨，排骨炸得酥脆，炸漿夠薄身，配菜有紅椒絲，西蘭花，酸菜，滷水鵪鶉蛋，再舖上超多的紫菜。飲品推介爆珠馬蹄椰子水十分清甜，好解膩。鍾意他們的甜品可以點半份，芋見百寶奶豆腐有齊班蘭河粉、鮮果，馬蹄珍珠、芋泥及豆腐布丁 ，口感及顏色豐富，亦不會太甜。