壹玖陸零 (已結業)

提起觀塘，大家可能心目中只有APM，但難搵位又唔一定好食經友人介紹，相隔數分鐘路程，已經有好野食紅色既磚牆，充滿工業風~今次誠意推介平時筆者比較少食既魚同湯（脆鱗甘鯛魚同蕃茄湯）脆鱗甘鯛魚，老老實實，唔係友人介紹都唔敢試，以為係伏 ，但一試，哇～脆脆既魚鱗口感再加上滑滑既魚肉，相當之配合，真心推介一試。蕃茄湯，真材實料，每淡都有蕃茄肉，有蕃茄本身既酸味，非常開胃以呢個價位可以享受到呢個質素，可以用超值來形容

同朋友系官塘揾野食 見到e間新開 個名又幾得意 就試下啦一入到去已經比個裝修吸引左先 好少小店整到咁靚 磚牆加埋一啲懷舊裝飾同畫 仲要播Beatles貓王個啲歌 岩曬我e d old school嘅人好，講下野食先1.甘荀忌廉湯好足料 味道都有驚喜 正！2.西冷牛扒配太陽蛋一黎到一食已經覺得同平時百幾蚊個啲扒唔同 雖然無得簡幾成熟 平時出面食開6-7成嘅我覺得岩岩好 肉質幾好 配埋太陽蛋又幾得意 啲薯仔整得好好味😋3.燒春雞大隻得黎 啲肉厚得黎又好入味 肉質都好嫩滑 好彩系同人share食 如果唔系一個人食唔曬 4.番茄大蝦意大利飯啲飯好軟 但入面系硬硬地 聽講咁先系正宗 番茄味好濃 無得頂總結系好抵食 因為質素好高

友人介紹呢間西餐，終於有時間去試👍🏻5個人去食 食咗差唔多10樣嘢九百令蚊，西餐黎講食咁多呢個價錢都幾舒服抵玩！！！值得一提係個鴨胸 鴨味極重 油脂香氣都好夠，同埋今晚有一個Special Menu 係西式醬烤三文魚，呢一個真心鍾意，始終自己食開中式煮法既魚，好少食西餐嘅魚，呢一個三文魚個皮脆到不得了魚肉亦都幾滑魚油香都唔錯，呢一個魚會令我嘗試多啲西式煮法既魚。如果Main既配菜多啲款式就更加好，其他野食整體中上，值得再去。

三五好友聚會好地方❤️去過幾次工廈嘅西餐，終於揾到一間平靚正嘅餐廳首先環境方面坐得好舒服，啲枱唔會好逼，咁啱又比我地有梳化位，傾計坐成晚都得重點緊係食物啦🍝八爪魚🐙薯仔沙律🥗，酸酸地好開胃🍟黑松露薯條🍝Carbonara，完全唔同普通西餐嘅卡邦尼，味道夠濃🥩西冷牛扒，搭配薯菜份量好夠，肉質好嫩🐟比目魚，煎得啱啱好，好香！啲肉唔會一夾就散價錢合理，而家仲有discount! 超級推薦地點方便，地鐵出來5分鐘就到

黃店食物質素都有保證！價錢相宜😍觀塘友～上班族又多個選擇啦～～～～氣氛都好正😏約會慶祝可以考慮下鹹蛋黃蛋黃意大利飯🎃鹹蛋黃輕輕調味 南瓜控食得好滿足 吾係清淡嘅BB糊 好香，質地濃稠 是我喜歡的質感 🧡經典美國西冷牛扒🥩有180克份量挺足的 已經切好很細心 旁邊有一隻太陽蛋 煎得幾靚🍳😍配菜烤薯粒🥔每一面都烤到金黃色😽呢道我就冇試到啦 友人話幾好食嘅🙆🏻‍♀️😋我覺得CP值真係好高!!!煎焗比目魚配意式蕃茄醬🐟立馬食的話 魚皮會煎得很香脆 ((建議大家吾好打咁耐卡啦😉放耐左就魚皮稍微變軟 魚肉新鮮 沒有冷藏味 也煎得很嫩滑！調味方面鹽可以再多翻少少🤏🏻就perfect!沾意式蕃茄醬食就啱啱好 個醬真係好好食！微酸食到蕃茄粒 自己煮食得岀用心煮嘅 下次可吾可以要求多醬🍅🤤餐湯🍅🥣成碗蕃茄蓉 味道偏酸 蕃茄味好濃郁❤️❤️❤️再配片薄薄的半融起司吐司🧀🍞絕對冇hea你嫁!!!飲完起開胃😂推爆!!!甜點🍮應該係奶凍Panna Cotta啲fd 質感偏稀 如果firm翻少少就更好 上面仲有脆脆 雙重口感😊下次想再encore試埋其他菜式

難得去觀塘唔想食大路嘢，上左成業搵嘢食，見到新開入去試下，燒雞好好食，環境工業feel幾chill，係個音樂可以細聲啲，食物最好可以有set了希望下次來會有改善啦。對佢有啲期望

星期日有live music 好似吾系成日有😂😂同朋友去試下☺️歌好聽 氣氛好好 😍😍😍叫左卡邦尼仲有黑松靈薯條跟餐凍檸茶意粉好香特別系肉好好味道薯條都OK 個漿吾錯😋埋單好似$100多D 無加一又一日了Ps 希望多啲音樂聽 吾知系咪第一次攪 出餐比想像中慢不過E個價錢有野食有野飲有歌聽🥰🥰系值得支持既小店

🍔食物質素：👍🏻👍🏻👍🏻👍🏻   💵價錢性價：👍🏻👍🏻👍🏻👍🏻   📸打卡指數：👍🏻👍🏻👍🏻🪑環境衛生：  👍🏻👍🏻👍🏻👍🏻   🤵🏻店員服務： 👍🏻👍🏻👍🏻👍🏻fai今次同3個朋友仔係觀塘食飯，發現左依間餐廳新開無耐，門面仲寫有新開張全單八折真係幾抵食。壹玖陸零係一間親民價錢西餐廳，好多裝飾都以音樂為主，估計老闆應該好喜歡音樂，點解我標題係心思菜式，因為睇佢餐牌，每款菜式都好有細節位，非常有心思，以下就為大家一一介紹。Carbonara - 卡邦尼意大利粉 ( $98 )卡邦尼好有驚喜，卡邦尼醬係廚師自己調配，唔同普通餐廳用忌廉煮個種卡邦尼味道，又香又滑，而且好有牛油香味，配菜煙肉唔係薄薄個種，係大大粒，唔會鞋，好有西式煙肉味仲帶點鹹香。Slow-Cooked Pork Rack with Green Apple Puree &Roasted Potato  ( $178 )慢煮法式豬鞍配青蘋果茸、焗薯粒豬鞍食落好似豬頸肉，但食落就更加爽口同滑嫩，食肉好少會加青蘋果茸，令到成件事好開胃，薯角外皮炸得好脆，入面就好腍。Flank Steak with Chimichuri Sauce 

我身為一名老粗 （都鐘意西餐嘅老粗）平時最驚就喺食咗唔知咩嚟但埋單人頭二三百 小弟大食 特別鐘意食肉 見到呢度餐牌有幾款扒 本身想叫牛扒不過最後叫咗鴨胸 事關十間食牛扒八間都中伏 鴨胸喺樓面靚女妹妹介紹我 服務好 咁講番碟嘢先 1肉厚大大件 2 鴨肉好香濃 咬一啖成口都係香3 塊片先喺最正 油香到好似食緊鵝肝咁4薯仔新鮮整得好出色5環境ok 不過我唔識6無飲野 7 有八折好抵食溫馨提示我好鐘意實肉口感 唯獨入面會有少少根 不過我大部都咬埋食埋下次食豬扒同牛扒先好似有咖啡

早幾日去觀塘接女朋友收工之後搵野食，見樓下易拉架寫有8折又西餐岩哂女朋友所以同佢上去試試。環境幾有氣氛，用紅磚牆同射燈，又有d懷舊嘅裝飾，都食到1960個餐廳名。我地叫左個低溫煮鴨胸配法式橙汁、西班牙黑毛豬羽毛配酒煮雜果同埋頂級封門柳配阿根廷青醬。個鴨胸皮脆嫩滑配法式橙汁，甜甜地夾落鴨肉濃厚味道唔膩口有層次。西班牙黑毛豬羽毛就我同女朋友都覺得好有驚喜，個肉質比平時食開d豬扒柔軟口感好嫩而且味濃，一試難忘。重有就係個封門柳，咬落口感有彈性牛味濃岩哂我呢d食肉獸。女朋友食得開心，自己又食得開心

有日同朋友行開觀塘接到張傳單見有間新開張食西餐睇落價錢正常又有8拆所以上去試吓。先講環境方面餐廳燈光主要靠射燈形造氣氛，恰到好處，又唔會太光又唔會太暗。餐廳刻意砌上嘅紅磚牆，又配上用霓虹燈整嘅餐廳名，確係幾有懷舊嘅感覺。食物方面，同朋友叫左個牛扒同比目魚，先講當天個是日餐湯，個南瓜湯濃，唔似某d餐廳咁水，明顯真係打出黎。牛扒配太陽蛋開頭會覺得唔知做緊乜，經職員建議用牛扒點蛋黃食，味道確係唔同，牛味同蛋味互相配合，呢個味道幾有趣。比目魚火侯拿捏得幾好，冇over，皮脆肉嫩，配上個蕃茄醬幾醒胃。甜品就係白兔糖味嘅奶凍，細個讀書食白兔糖就食得多，人大左反而好少食，今次食番呢個味道真係兒時回憶出哂黎。野飲跟餐會送凍/熱檸茶，如果想轉咖啡/其他特式茶都係半價。整體黎講性價比幾高，跟餐有湯有甜品，幾有誠意。

觀塘食飯真係到到都超多人，行過樓下見到有開業八折優惠就過嚟試吓。除咗主菜跟餐仲包一款是日餐湯丶自製甜品同埋一杯飲品（凍檸茶/水）今日嘅餐湯係蕃茄湯，會配一片烘左嘅麵包，個湯好濃郁，食到有蕃茄蓉同埋香草味，但我自己就覺得味道over咗少少，有種似食緊番茄醬嘅感覺。但同行朋友係蕃茄控，佢就覺得超正😂叫咗卡幫尼意粉同一份西冷，意粉比較特別，佢唔同出面用忌廉煮嗰種，個汁再杰身同帶有鹹香。煙肉見佢都特別用咗一隻類似風乾五花肉，食落好香油脂感。西冷就煎得啱啱好五成熟左右，唔係用鬆肉粉醃到鬆晒個種，食落都算有牛味。但比較驚喜嘅係佢側邊嘅薯角，炸得外皮少少脆入面又好鬆軟，超好味😛原本覺得佢嘅份量係偏少，但食埋個甜品就啱啱好飽晒😂今日甜品係燕麥脆脆奶凍，奶凍本身有啲膩，加埋上面嘅脆脆就平衡返個口感🙌🏻特別讚一讚個女侍應非常主動同有禮貌👍🏻

叫咗卡邦尼意粉 等咗成一個鐘都未到！同幾個朋友食 每一碟都隔咗十五分鐘食物質素極一般 肉質差 ！飲品量十分小。一整間餐廳只有兩三個廚師，出餐速度超慢！不值得 完全不值得！

係成業工廈搵到呢間新開嘅懷舊主題餐廳，見到幾得意同做緊8折就走咗入去。同個fd一人叫咗一個set，小弟叫咗個XO醬蟹肉蘆筍意粉($108)。而朋友就叫咗個美國西冷配太陽蛋（$148），聽講係餐廳大熱！XO醬係我至愛，但完全無唸過除咗撈面，配合意粉都可以咁夾。欣賞佢地菜色唔會太行，會配合香港風味去製作一啲嘅fusion菜。朋友個西冷一見到就洗哂口水🤤，一睇到碟扒就知唔係普通貨，忍唔住拎咗個fd一嚿嚟試。個牛面外脆內嫩，配埋蛋汁同gravy令到牛味昇華，超意外。好想繼續食落去，但無計，個餐唔係我叫😭，下次自己嚟會必點！總結來講係抵食。蟹肉蘆筍啖啖足料、西冷牛扒就更高品質。而跟餐有餐湯同野飲，最驚喜係有甜品送！係細個最中意食嘅白兔糖味嘅甜品😎

今日晏晝做野遲左自己一個人食, 經過新開餐廳, 之前見過, 就入去試下。見隔離幾枱都係食扒, 但今日唔想食咁多肉, 就叫左個煎魚扒。出餐大概20分鐘, 見佢幾full下, 又即叫即煎（塊扒煎得好香脆），都明白既。個sauce都幾夾白身魚（halibut)，無奶油咁漏。薯仔香口， 都好鐘意啲zucchini, 最尾食幾清新。自製甜品係香蕉雪糕，好香香蕉味，有粒粒果肉，免費跟餐好正。朱古力係有layer, 少少特別。