壹玖陸零 (已結業)

餐廳係復古風嘅裝修，播放住oldies 嘅音樂，座位舒適。前菜大力推介八爪魚薯仔沙律！八爪魚超級爽口，薯仔蓉已經調咗味，再配上沙律菜加少少沙律醋，超級令人開胃。另外，最鍾意豬鞍個主菜，肉質細嫩，口感極佳。而且份量一啲都唔細！配菜亦都唔求其！！仲有蜜糖雞翼都超級好味，個皮脆卜卜，裏面啲肉又滑又林。餐廳侍應超細心，最後送咗白兔糖奶凍俾我哋，超香白兔糖味，但係又唔會太甜，奶凍面有脆脆，奶凍好滑，口感超好。

知道觀塘開左間名字很特別嘅西餐廳，一直都好想黎試。琴晚終於約左幾位好朋友一齊嚟。首先一入鋪環境好舒服，紅磚牆配上霓虹燈招牌，懷舊得黎又有格調。我哋每人都都叫左個主食同小食，我就叫左個慢煮鴨胸同蟹餅。首先黎既係蟹餅，竟然同平時ig見到既賣相係無分別，廚師精心既擺盤真係未食都加晒分！蟹餅用料十足，食落啖啖肉好有蟹味而慢煮鴨胸就皮脆肉嫩，但最驚喜既係連配菜廚師都無馬虎，我竟然食晒一滴不漏，真係無得頂！誠意推薦，一定會再嚟食！

今晚同朋友們聚會❤️朋友試過哩間觀塘新新地既西餐廳，超級推薦，當然要黎一試😋八爪魚沙律朋友極力推薦八爪魚沙律，當時心諗八爪魚有咩好大驚少怪🙊食左第一啖之後，發現我錯怪左佢，真心好好味！八爪魚一入口已經有股淡淡既檸檬香味，而且八爪魚烹調得好稔，一咬即開，好似食緊肉咁，唔洗咬到牙都軟。手指薯驟眼睇好似椰菜花碎，唔是普通薯蓉，而係有粒粒既口感。八爪魚沙律真係一定要再黎食多1960次！香辣番茄大蝦意大利飯出街最驚叫番茄意粉/意大利飯，因為好多餐廳整既番茄料理都會用極多茄膏，令到味道變得好死氣沉沉，完全冇層次感，食完一啖已經覺得enough 。哩道意大利飯令我非常驚喜，先黎薄薄既番茄味，接著係香既辣味（真心係香辣，係令人感到朝氣勃勃既辣，唔係死辣），而且辣道非常過癮，鍾意食辣既一定要試啊！本人比較唔喜歡食半生熟既意大利飯，哩道意大利飯軟硬適中，咬落去係彈牙，唔會好似白飯咁軟但又唔會生。非常好！！低溫煮鴨胸配法式橙汁哩道鴨胸肉令我有食片皮鴨既感覺，因為鴨胸既皮係脆的！！！鴨胸肉亦唔會「鞋」，配埋清新既橙汁，唔驚會食滯咗。配菜亦十分出色，尤其係焗薯粒，外脆內軟。焗薯粒出色到可以單獨拎出黎賣🙊綠色既長長

小妹甚少去觀塘一來覺得觀塘好擠迫同埋冇乜特別嘢食點知早幾日就俾閨蜜約咗出觀塘談心唔打唔撞就搵到1960呢間餐廳我哋一上到去 環境好寧靜 好舒服我哋叫咗一個主菜(西班牙黑毛豬羽毛)食落去嘅口感完全唔似豬卡邦尼意粉（並唔係卡邦尼汁撈意粉，食落去好香 完全難以形容）黑松露野菌意大利飯雖然呢啲係普通嘢😍但食落有驚喜並唔係驚嚇🤩以上三款係我哋上次叫嘅有時間一定會再去 試其他菜🤤

星期天下午和家人去觀塘，上網搵到呢間西餐廳，位處成業街工業大廈一樓，入去環境丶坐位、燈光都很舒適，枱與枱之間一點也不侷促。我哋order 了三個下茶餐再加一個午餐，四個餐都只係二百零蚊。其中，薯條炸得非常香脆，配上黑松露沙律醬，好美味！另外，南瓜意大利飯，Carbonara, 同埋雞肉意粉，味道雖creamy 但一點也不「漏」, 份量剛好。整體來講，這一餐很滿足！

之後發現樓上鋪有唔少好嘢食之後我就好少再去地鋪食嘢，唔係話地舖唔好，只不過發現樓上鋪臥虎藏龍！😎話說近排發現一間性價比極高嘅西餐，自己去過一次食下晝，嗰個卡邦尼意粉真係冇得輸，同店長傾咗幾句，發現佢哋嘅晚餐都好鬼死吸引，今次我就帶咗成家人一齊去試，佢哋晚市選擇唔算話好多，因為屋企人多所以一次過叫晒佢所有主菜加多兩個意粉同兩款前菜🤌🏽相我就冇影到好多，但係有幾款嘢食本人都幾鍾意，首先佢前菜個鵝肝配鹹檸檬醬 嗰個醬完全中和左鵝肝嘅膩，如果鵝肝再大嚿啲就冇得輸。另外意粉方面卡邦尼我就唔講 想知道佢幾正就自己去試，今次仲叫多咗個黑松露野菌意大利粉，呢個黑松露味非常重 意粉質地一如既往正。主菜其中一個叫黑毛豬羽毛都幾令我深刻，油香味勁重，不過佢本身煮法有少少生，如果怕食生嘅朋友就叫佢煮熟啲。今次佢仲送咗碟雞翼俾我哋食 呢個就正常發揮 不過送就唔多講整體來講 絕對會再返去食 期待佢有更多菜式

已經係第二次黎了，呢度環境好好，店員亦非常貼心阿根廷青醬封門柳睇介紹已經流哂口水，食落肉質有口感，亦好香牛味，入口肉汁豐富一啲都唔乾，重點係佢既配菜，都係熱辣辣唔馬虎，沾上肉汁同青醬，好滿足呀🤤Espresso Tonic呢度既咖啡都唔普通，咖啡底好濃郁，份量亦好足，食完排飲落口真係好gur 🤣🤣

去開觀塘買嘢順便搵個觀塘番工嘅朋友食飯，佢話lunch食過呢間野幾好食無投訴，相信晚市應該唔錯可以一戰，所以上左去試試。環境幾舒服嘅，雖然個場用射燈但係坐落唔殘眼，紅磚牆有舊舊地feel，場內又播番d唔係時下現代歌曲（咩年代歌就唔識分）整體幾有懷舊感覺。我地叫左香煎蟹餅配芒果莎莎醬、香辣蕃茄大蝦意大利飯同慢煮法式豬鞍配青蘋果茸焗薯粒。個蟹餅香脆咬到蟹肉足料，個意大利飯入口有d酸酸甜甜再食落又帶d辣味口感幾有層次唔錯，豬鞍就大份，最怕咁大塊豬會鞋口好難食，呢個唔錯唔鞋口肉又嫩。侍應幾有禮貌服務殷勤值得讚嘅，呢間野整體唔錯，聽講個鴨胸幾好食，下次再試個鴨胸

星期三落波睇下有咩食，係個apps 周圍search有咩餐廳開返，見到呢度再打去問有位，同女朋友上去醫肚。入到去真係有啲嚇親，微妙嘅lighting照落啲磚牆有啲幾古蹟嘅感覺 加埋小小音樂 個氛圍係舒服嘅，好鬼肚餓，叫左幾碟試試，全部比預期好。第一個上嘅椰菜花cream soup，打得好滑，濃稠度適中，女朋友個碗都比左一半我飲，之後上了Salmon，豬同埋cabonara，我唔係非常好西餐，但係feel到食材都係處理得好同有心機，salmon外皮脆，入面剛剛熟，個豬羽毛球都係一樣，剪得香但係又粉嫩有油香，食和牛不過係豬嘅version，兩個個醬汁都襯得啲肉有幾好嘅層次。Cabonara唔係cream 個隻（好似話咁先係正宗）味道都係和諧嘅，我見佢應該主打coffee 不過無試到。老闆同staff 好好服務仲送左小小homemade 話梅雪糕比我試，話調整緊，但係我都覺得味道非常好。可以再來encore ，橫掂都住得近，唔使次次食連鎖嘢頹嘢。未試過嘅可以一戰。

無意間搵到間新開嘅西餐，見到menu幾吸引，價錢又合理，所以就試吓。1. 鵝肝好大塊，好香，仲有塊脆嘅麵包，食密一啲都唔膩2. 煎魚啲魚鱗都煎埋，好香好脆，個汁可以再濃味啲，但都好好食3. 豬鞍好大份，肉好嫩，一啲都唔「鞋」4. 大蝦意大利飯比較濃味，仲有啲酸酸地，好開胃，如果蝦份量可以多啲就好當日臨近中秋，仲送咗迷你cranberry月餅，味道好特別總體而言，係觀塘少有好食又抵食嘅餐廳，裝修又靚又有特色，值得再嚟！

紐西蘭走地雞扒配意式番茄醬😍一個人食飯唔知去邊度好返工隔離棟大廈有間新餐廳好似都聽過嗰名工廈西餐質素算係幾出色我覺得牛扒太貴但係又想食肉所以就嗌咗呢一個紐西蘭走地雞扒配意式番茄醬喇快雞扒都幾大塊夠飽嘅咁肉質方面呢都唔錯身 因為通常辣慶左塊皮嘅雞扒都好容易會燒到好老 好在無事 好彩意式番茄醬酸酸甜甜 我估計餐廳係用咗新鮮蕃茄嚟整呢一個醬汁嘅 配雞扒真係唔錯㗎另外薯仔揸得幾香不過我個人就食得鹹啲如果佢再落多啲鹽調味重手啲呢咁就一流啦

琴晚係結婚周年紀念日。上網搵咗好多間餐廳買相都唔太好。諗起之前喺連登，有人出post講過呢間餐廳，個個都話好正。就諗住將個重任交比佢。乜都冇準備嘅我嗱嗱趣晏晝book咗2位。夜晚收工揸架車去接老婆收工。老婆見到係工廠大廈之後，即刻黑咗面，仲想衝上車走。氹咗佢一輪，終於都肯入餐廳。坐低之後發覺環境都幾舒適，侍應哥哥雖然有啲怕羞，但係手腳都幾快。我哋嗌咗兩個湯，牛扒，同個豬。嗌完嘢食冇耐，就已經送咗兩個湯上嚟。侍應哥哥同我講話係蕃茄湯，本身諗住都係罐頭湯，飲咗一啖之後，OH MY GOD！個湯酸又夠酸，甜又夠甜，總之就係啱啱好。重點係嗰兩塊包，本身唔知做乜，但係浸一浸個湯，咬咗啖。就好似羅密歐同茱麗葉一樣，夾呀！飲完等咗一陣，終於都上牛扒同豬，我食豬而老婆食牛扒。首先買相，我比90分，點解唔俾埋個10分？因為隔離嗰啲調味粉，好似倒瀉咗。可能係我食唔慣高級野。唔講咁多即刻咬一啖。哇，我讀得書少真係唔識講，我只可以話係，肉汁甜，肉質正。我再試左一啖老婆嘅牛扒，一樣，都係咁正。我望咗一望廚房入面，原來唔係鬼佬，但都煮得好好食。去到果一刻，我知道今日冇死錯，買單嘅時候睇一睇個價錢，五舊水有找，仲有

又係一間用數字命名既西餐不過聽講近期呢間1960就好似幾出名我幾個朋友各自各都去過相信成業街番工既人都無咩邊個未聽過🤣連假三日 今日早收成班同事就話不如今晚去食好啲 搵間有得坐得舒服啲咁 😙呢間餐廳唔係好大不過環境好舒服燈光裝修就算係播歌都非常之悠閒仲有一種復古嘅感覺 我哋一班同事都好鍾意呢一種食飯嘅環境 我自己食左西式醬烤三文魚 蟹餅😋 好食三文魚個醬加埋烤香左既魚皮 無得頂😍魚就剛熟 唔會太老咬落去肉質好嫩滑好鮮甜蟹餅好香好好味 足料 好多蟹肉 真材實料😍😍

舊同事話呢到開咗間新餐廳，上黎試試，見到有個叫“豬羽毛”，個名幾搞笑叫咗黎食，點知又幾好食，厚身但係啲肉又唔韌，本身啲肉幾多油花，但加咗啲生果醬汁中和返個膩跟住叫咗個鴨胸，好驚喜，外面煎得好甘香，好似片皮鴨嘅香味廚師推介咗個三文魚special，個人唔太好食魚，但唔腥，入面仍然好有汁水，讚仲有叫咗個蟹餅同cheese cake，不過食得太快唔記得影相甜品係白兔糖奶凍，真係好似食緊白兔糖咁好搞笑嗰晚侍應哥哥好好人送咗杯無花果茶同柚子茶值得再試

二訪•壹玖陸零💛上次嚟嘅時候係8月 當時係佢哋開業初期 菜式選擇冇咁多 𝕀𝔾見佢最近出咗唔少新款 一直心心念念想再嚟 最近終於約到朋友上嚟 果然冇失望☺️呢間位於觀塘工廈嘅西餐廳 裝修以紅磚牆同霓虹燈做主調嘅懷舊主題 地方唔算好大但係都坐得舒服嘅 一邊聽住懷舊音樂一邊食吓嘢 好令人嘢食高質 食得出佢哋無論係烹煮同食物選材方面都好用心 絕對唔係ℎ𝑒𝑎你嗰種 佢仲有唔同嘅咖啡同茶選擇 {一般西餐廳好少會有𝑐𝑜𝑙𝑑 𝑏𝑟𝑒𝑤, 𝑑𝑖𝑟𝑡𝑦, 冷泡茶呢啲 抵讚👍🏻} 價錢又恰宜 (而家仲做緊𝟡折 直頭好抵) 好啱一班朋友上嚟聚吓 🥰 [***私心***] 如果佢有酒牌就更正更𝑐ℎ𝑖𝑙𝑙 👻ʕ •́؈•̀ ₎今次嗌咗...♥︎ 黑松露蛋黃醬薯條 $𝟛𝟠♥︎ 香煎蟹餅配芒果莎莎醬 $𝟠𝟠♥︎ 頂級封門柳配阿根廷青醬$𝟚𝟘𝟠♥︎ 西式醬烤三文魚$𝟙𝟜𝟠♥︎ 香辣番茄大蝦意大利飯$𝟠𝟠♥︎ 卡邦尼意大利粉$𝟡𝟠♥︎ 黑松露野菌蘆筍意大利飯$𝟠𝟠