墾丁茶房 (已結業)

呢一間台灣野既餐廳之前泥食都覺得好好味呢到既晚餐午餐同下午茶我都試過呢一日泥試下早餐見到個餐單野食都幾平我叫左吉列魚 鮮奶炒蛋 同牛油脆豬包另外再加個蕃茄薯仔扭紋粉個粉一上就覺得好香蕃茄味幾重個人幾中意個粉唔會煮到好Lum 有咬頭不過湯可以再多啲就好另外脆豬包 魚柳同炒雞蛋望落去都好令好吸引個包好脆 幾好味而個炒蛋就真系滑到爆魚柳啲肉幾滑而且又熱辣辣個早餐包埋野飲又冇加一咁多野食 又咁好食四十蚊可以找數以後多啲早起泥食早餐先

呢日心血來潮同屋企人去樓下商場食飯平時食呢間都係下午茶都幾好食所以今日就試下午餐魚香茄子雞塊鍋好夠熱茄子有啲油但好夠味 好香茄子味魚香味又夠重雞塊系鹽酥雞塊幾好食但同成煲野既味道有啲唔夾我覺得多啲料會好啲我中意撈汁食飯糖醋魚冇咩特別同平時果啲一樣 幾開胃甜酸 偏甜我中意酸啲都幾多魚塊啲白飯好lum 仲痴埋一舊舊唔太好食呢個要快啲食食慢啲啲野凍哂無咁好食油麥菜同肉燥味道好match有菇既肉燥 正！幾中意份量岩岩好不過$14有啲貴香芋珍珠奶茶糖水自己加本身已經有甜味唔好甜既我落好少糖水就得好香香芋味珍珠幾un因為唔會好甜所以唔漏不過茶味就冇乜另外仲有杯奶茶不過不失咁呢到既環境都幾寬敞坐得幾舒服侍應態度都非常好上菜速度又快咁多野食夾埋每人都係七十內不過個人都係中意呢到既下午茶多啲

周六下午茶員工比較少，非常繁忙，等候點餐、等候送水都較慢。點了混醬多士餐，花生醬加草莓醬，飲泡沫奶茶，加9蚊要個沙茶牛肉新竹米粉。1. 混醬多士，美味 （好難唔好食）2. 熱泡沫奶茶，好飲，滑滑的 3. 沙茶牛肉米粉，好正，沙茶牛肉入味，新竹米粉幼身好味

整體黎講真係唔錯！特別好食嘅係 肉燥扒A菜 同埋 蕃茄焗豬扒飯，色香味俱全⋯先講 肉燥扒A菜 ，平時食啲肉燥都好多油，黎個菜反而冇乜油，啲菜又入味，送飯一流。蕃茄焗豬扒飯，豬扒又唔硬，又夠多芝士，上菜嘅時候又香又濃嘅味道令人垂涎三尺。不得了！環境方面，又係一流！最貼心嘅係每張凳都有cushion，坐得好舒服，正！雖然有少許貴，但好食都抵嘅⋯

行左幾層, 我覺得油塘既商場, 好似樣樣野食都好貴…真係唔捨得入去食個tea…小妹最後行行下見到呢間墾丁茶房, 感覺好舒服而且人唔多, 睇左個menu, 再confirm埋佢真係有常餐 $39, 就入去坐。常餐一d都唔hea, 佢有5樣野! 一樣接一樣咁上檯時, 真係好震撼 (sorry, 因為我細食,,, 少少野就會飽)1) 鹽酥雞, 佢唔係一粒, 係一塊! 雖則唔係肉質嫩滑, 但唔會鞋口, 再者, 佢唔係勁厚炸漿肉就食唔到咁hea 你, 真心炸得好食!2) 芝士火腿奄列, 一開始我唔係好明, 點解蛋漿白白地色, 食食下食得出佢係白汁. Well aka 芝士汁3) 牛油厚多士,加上澳洲牛油! 正!! 牛油係多士既靈魂~ 雖然係常餐, 塊多士唔會 “林”左架!4) 肉燥新竹米粉, 呢碗野, 唔係得幾條食兩啖冇左個d, 而且我本身食得慢, 佢都冇發漲~ 開心5) 珍珠奶茶, 自己加糖, 所以唔需要叫走甜, 少甜等~~~ 佢幾大杯下, 珍珠又多, 食到好鬼飽!呢個常餐, 只係38蚊, 對我黎講份量係多到食唔哂, 而味道又ok, 我好滿意! 服務幾好, waiter雖然少, 但都好主動~

最近偶然都會嚟大本營食飯，睇openrice 見呢間評價麻麻，一直都無試。但之後經過見店鋪頗大，藍白色裝修，好似幾舒服咁，今日終於嚟俾個機會佢，試吓晚餐。我哋叫咗2個晚餐套餐，包湯及飲品。滷水拼盤配香菇肉燥飯（$67）鹽酥豬排香菇肉燥飯（$62）再加肉燥扒A菜（+$14）整體味道好好，而且份量非常足夠。我算大食，我哋兩個人都食唔哂。同openrice有d食評所講（如話份量細、唔好食、服務差等）幾有出入，令我感到非常意外，所以決定要為佢平反一吓。餐湯算足料，幾好飮，好夠熱，唔係茶餐廳稀稀嗰種。兩個餸都唔錯。滷水拼盤好多款嘢食，例如鴨舌、豬頸肉、豆腐、蛋、白蘿蔔等，樣樣都有2件或以上，可以share嘢食。另外鹽酥豬排都幾香口，下面仲有好多菜，如乾扁四季豆、茄子等。早知唔使叫多個菜都得。肉燥飯我覺得好味，但老公話怕肥，佢話下次要走肉燥。另外，環境算好整潔，食具枱櫈、牆壁都好新淨。服務ok，唔覺得有咩問題。價錢又唔貴。以後會再嚟食～

油塘探完剛生產的好同事同佢個囡囡, 就去左第1次踏足既大本營搵野食喇! 店內都几焗, 冷氣不足, 焗到我地個個塊面都紅卜卜....一班餓鬼, 一人叫左一個set 黎share 食....總括黎講, 食物都几油, 同埋味道偏咸, 跟餐既白飯用左珍珠米, 好大碗, 所以好飽肚... 尤其鍾意雲吞雞, 香濃湯底, 加上珍珠米, 食欲大增... 其餘有几個小菜都有湯有汁, 送飯亦唔錯... 醬油雞既然都几滑, 配上微辣既醬汁, 都几醒胃... 羊腩煲仔, 同事們都好喜歡, 南乳味濃... 作為台式店, 佢既珍珠奶茶都几好飲, 珍珠彈牙....

啲食物質素係非常失望1.鹽酥豆腐: 口感成舊臭豆腐，無個種滑豆腐既口感2.紅油炒手: 皮厚 ，好似食泥膠咁3. 薯仔雞煲: ok la,係無咩味者4.皮蛋豆腐: 舊豆腐一咬落去成舊豆腐好似變左粉漿。5.是日小食: 鹽酥豆腐<- 係咪覺得double 左 我好奇怪呢。 張餐牌又無寫是日小食係咩，點個事個待應又唔講，咪同(1) double 左囉，唉！6.白飯:非常之好食

首先,新年期間遭受這種待遇,極為不滿.我覺得必需寫下此食評.服務及食品方面,都是劣等.未曾試過!! 有餐廳""""找數"""" 是用丟的方式還有""""""強行收取額外小費"""""""共32X,給340,卻只找回10元. 親戚到港,新年期間很多沒開門.又不想去酒樓食,大本型內 發現""這間餐廳""從外看進去很光亮,裝修也不錯.親戚就話,試試吧該餐廳,裡面有空位.不用等候看好餐牌,便是惡夢開始女待應,需要多次要我地講,3道菜,3杯飲料.需要我們說4~5次, 原因, 她在聽對講機. 我點的是, 焗豬扒飯.飯極硬,每啖食都藏到牙縫.到食豬扒"有異味", 我猜應該是雪櫃的味道...... 整個飯除了焗豬扒飯上的芝士,整個飯只食了數啖. 該女收銀員,是女待應(短髮女人).走去埋單時,如上所說.

今晚同媽媽撐枱腳，7點左右來到，好多位唔洗等，so good。餐廳地方寬敞，我很喜歡佢藍白色的主題和泡泡吊燈，有點希臘風情，坐位都幾舒適。店員推介二人餐，但我和媽媽偏細食，最後決定叫一個set dinner加散叫一個餸share。晚餐我選了滷水拼盤肉燥飯$65，個餐包一碗湯或小食同一杯飲品。金銀菜豬骨湯（3/5 stars)，媽媽話味道不錯，但飲到有味精。香菇肉燥飯（4/5 stars), 肉燥汁很多，濃味不太咸。滷水拼盤（5/5 stars), 份量十足，一個女仔一定食唔晒，裏面有雞亦兩隻，豆腐兩件，糖心蛋半隻，牛三件，茄子三件，底下仲有一堆椰菜絲同豆角，全部都滷得好淋好入味，不過牛同椰菜吸晒d滷水汁，咸咗少少，但整體來說是不錯的，值得推介！另外再從主餐牌中選了一個香蔥惹味雞（例）$49 （3/5 stars), 出乎意料之外，這個原來是個冷盤！由於餐牌上無寫，所以我一直諗住係熱的。雞肉很嫩滑，但有兩三件實在太生，有血水，我唔敢食，個汁亦都太“傑”，扣分。熱珍珠奶茶，面層泡沫很滑，珍珠煮得太耐所以唔彈牙。

大本型商場的角落，藏著一個神祕的台南國度。單憑門面，會令你小覷這一家店。論格局，深不可測。是日與女友坐在門口不遠處，看不見餐廳盡頭。座位分三類，卡位外的座位均有軟墊，目測其舒適度不遜色於卡位私隱度。論格調，優閒自在。餐廳以藍白色為主調，座位疏落有緻而寬闊，令人放鬆。不過，世事都不曾完美。論時間，上菜速度可謂奇慢。餐廳看似有集齊一定數量才出菜之疑，總看到服務員捧著一大個堆得滿滿的盤，有效率而換來則是客人的等待。即使，筆者要個焗飯，卻由44分上單後等到07分才端上來。飲品更要多等5分鐘，餓死都未有得食。論服務，雖不能一竹篙打一船人，害群之馬總是令人份外難忘。整體上相可接受，唯為我們寫單，貌似比較高級的一位女士，在我們第二次忘記表示要凍飲還是熱飲之時，竟以不動口亦不動手，嘴扁而眼閉的樣子，像是對我們的無知相當不滿的表情，等待我們一句指示。為我們落單，勞駕您了。論食物，不過不失而港式味道甚重。對於55元的飯而言，份量以及材料，加上大大杯的+$2凍飲，算係甘架啦。可惜，鹽酥雞味道太濃，海鮮飯味道太鹹。連凍飲57元一位，比樓上可以糯米屁股的韓燒只平上一元。不過，當你追求食得似樣，在這個商場之內，頗

星期六外出晚飯，如果要出尖沙咀旺角銅鑼灣就一定逃不了等位的厄運了。 由於家住藍田，如果想方便就腳的話，另一個好選擇就是油塘大本型！食肆種類多，位置比較冷門又不會太多人等位，而墾丁茶房就是我飯堂之一。星期六晚上八點，全店九乘滿但不用等位。晚市套餐由50-70蚊不等，包括湯（或是日小食）、飲品、主菜和甜品，價錢算是可接受範圍，我們二人各點了一個套餐。 珍珠奶茶茶味夠香濃，珍珠軟硬度適中，光顧多次都能保持水準！ 蜂蜜綠茶爆爆珠爆爆珠有口感，茶味夠濃，消暑之選。 酸菜湯味道OK，夠濃，雖然全碗湯只得一條酸菜，但勝在無味精，飲完亦不覺得口乾，值得加分。 鳳梨糖醋魚塊推介之一! 糖醋汁酸甜度適中，魚塊外脆內軟，炸漿又不會過厚，相比起很多酒家做得還要出色! 特別喜歡伴菜之一的鳳梨，是甜甜的鳳梨而非罐頭菠蘿，誠意度十足!跟餐白飯白飯大大碗，軟硬適中! 乳香大蝦雞鍋推介之二！一上檯已香氣撲鼻！雞件醃得夠入味，熱辣辣拌飯吃一流! 伴菜十分豐富，有翠肉瓜，洋蔥，地瓜和香菇。值得一讚的是雞鍋絕不油淋淋，吃到最底的地瓜也尚算乾身，要挑剔的也只是大蝦非大蝦而是小蝦2,3件。

This was a first time visit to Kenting Tea House. I liked their simple decor and bright color scheme which resemble the blue skies. We ordered two lunch sets, the Deep Fried Chicken Steak & Taiwanese Meat sauce with Noodle in soup, and Soy Marinated Meat assortment and Noodle in soup.We also ordered the Taiwanese "A" Vegetables with Meat sauce and a plate of Chilled Beancurd with Preserved Duck Egg.The Chicken Steak was surprisingly really good, the meat was tender and was not dry or oily. The b

是日本想到大本型的譚仔吃米線，但實在太多人等位，惟有臨時轉戰隔壁不用等位的墾丁茶房。我點一個常餐，有芝士火腿奄列、豬肉腸（２條）、菜肉餛飩（２粒）、牛油多士、沙爹牛肉新竹米粉及凍珍珠奶茶一杯。單看餐單，好像很豐富，但現實是．．．．．．．．．好像早餐．．．．沙爹牛肉新竹米粉的牛肉份量少，而且湯也沒甚麼味道。那小小的兩顆菜肉餛飩還要另上，感覺是要充撐場面，看起來豐富一點但其實無濟於事．．．．而且味道也是普普通通。芝士火腿奄列味道不錯，內餡的芝士蠻多，但奄列的蛋皮有點乾。而豬肉腸味道非常普通，不是難食，只是普通貨色而已。難怪這間不用排隊．．．．

 已經不是第1次來此店吃飯，第1次吃"墾丁"是在mega box分店，食物很不錯的。油塘分店初開業時常來光顧，但後來轉戰老公大人最愛譚仔少左來。今晚同朋友一齊再試，坦白講，吃完這此短期來都唔會來啦。套餐二人餐有$168/ $198，兩個人都唔係太肚餓又好想吃台灣野，於是叫左兩份牛肉麵，再叫左一個小食三併: 涼拌青瓜、口水豆腐、麻油黑木耳 , 涼拌青瓜係用大量白醋去醃，喜歡酸味的我覺得ok，口水豆腐個汁係麻辣，我就ok，友人就覺太辣，吃了一口已吃不下去，麻油木耳ok正常，幾爽口。再來就係等左都幾耐，超過20分鐘的牛肉麵，散叫的份量都係縮晒水，好在我地唔肚餓，味道方面，同去台灣食的街檔牛肉麵無得比，濃度、牛肉鮮味，湯頭都係稀釋左40%的，不過不失啦。最令我 O 晒咀的是兩杯原本"無得輸"的台式飲料！ 我叫左凍香芋珍珠奶茶，朋友叫左熱珍珠奶茶，大口一飲凍香芋珍珠奶茶，可以話係完全無香芋味！係要在"回甘"after taste裡才尋找到少許香芋味！搞咩呀?！又淡又無味！問下友人杯珍珠奶茶，珍珠得6~8粒，佢話過可以，於是我叫個侍應姐姐埋來想換杯穩陣的熱珍珠奶茶，侍應姐姐反應令我吃驚，佢話" 唔