墾丁茶房 (已結業)

今晚同媽媽撐枱腳，7點左右來到，好多位唔洗等，so good。餐廳地方寬敞，我很喜歡佢藍白色的主題和泡泡吊燈，有點希臘風情，坐位都幾舒適。店員推介二人餐，但我和媽媽偏細食，最後決定叫一個set dinner加散叫一個餸share。晚餐我選了滷水拼盤肉燥飯$65，個餐包一碗湯或小食同一杯飲品。金銀菜豬骨湯（3/5 stars)，媽媽話味道不錯，但飲到有味精。香菇肉燥飯（4/5 stars), 肉燥汁很多，濃味不太咸。滷水拼盤（5/5 stars), 份量十足，一個女仔一定食唔晒，裏面有雞亦兩隻，豆腐兩件，糖心蛋半隻，牛三件，茄子三件，底下仲有一堆椰菜絲同豆角，全部都滷得好淋好入味，不過牛同椰菜吸晒d滷水汁，咸咗少少，但整體來說是不錯的，值得推介！另外再從主餐牌中選了一個香蔥惹味雞（例）$49 （3/5 stars), 出乎意料之外，這個原來是個冷盤！由於餐牌上無寫，所以我一直諗住係熱的。雞肉很嫩滑，但有兩三件實在太生，有血水，我唔敢食，個汁亦都太“傑”，扣分。熱珍珠奶茶，面層泡沫很滑，珍珠煮得太耐所以唔彈牙。