墾丁茶房 (已結業)

星期日晏晝得呢間無咁多人排隊，就食呢間啦店員既態度真係麻麻，唔休做1）豬排肉躁飯： 份量大，豬排淋淋地，應該有落到腌粉，令佢鬆軟個飯就唔錯，肉躁醬好足，係好味既肉躁，唔會太重口味，肉又好足，如果加隻蛋就perfect!2)焗豬排飯就真係麻麻，d飯又硬又乾，汁好少，好似擺左係度好耐，格硬整熱佢，再加d汁上去所以飯有飯食，豬排有豬排食而且芝士都好少

平日中午的大本型, 沒有太多人流, 食肆都十分冷清。隨便走進這家「墾丁茶房」, 店子寛敞, 加上客人不太多, 空間感十足。以台灣墾丁作背景, 給人一種悠閒放假的氣氛。筆者仍未到過墾丁, 就在這裡靜靜的感受一下。店內裝潢簡約。旁邊有四、五張圓形梳化椅, 加上黄色布吊燈, 簡約自在。筆者坐的長枱的椅上都放有軟身的cushion, 讓客人坐得舒服。午餐選擇多, 但部分午餐不似台式食物。午餐連飲品五、六十元, 沒有加一。價錢定位在居屋區來說, 不知道是否偏高還是合理?《焗豬扒飯 $54》 焗飯即叫即做, 因此製作需時。等了十多分鐘終於呈上。焗飯面上舖上一片芝士, 表面焗得金黄, 賣相吸引。可是焗得過火, 沒有了拉絲的效果。豬扒呈上時已經切開, 咬下去啖啖肉。豬扒預先炸香, 薄身軟腍。飯炒底, 蛋絲不太多, 但勝在飯粒粒分明而且乾身。飯內幾片磨菇片及大量西芹粒, 口感豐富又健康。蕃茄鮮甜多汁, 差不多有一整個蕃茄。味道甜酸度合宜, 頗開胃, 但略嫌汁不夠多。午餐包括餐飲, 揀了杯熱泡沫奶茶。呈上的奶茶沒有泡沫, 味道不似台式奶茶, 反而似大家樂大快活的奶茶味道。茶味較濃, 但不夠香。

今日去完東華嘉年華後,一家三口(兩大一小)便去大本型商場食晚飯。晩上約八時五十分入到餐廳,九時叫了二人套餐(有單據相片為証),到了九時二十五分上齊餸菜,怎料套餐中的葱雞底層五件雞十分生,甚至見血(有相片為証),便向經理反映,經理竟然答鹽焗雞會是生的,便不了了之,令我十分生氣!去到九時半,整間餐廳竟然關了一半燈,剛上齊菜五分鐘後竟然先告訴我餐廳要十時關門,如果入席前有職員告訴我餐廳關十時我一定會另選其他餐廳,又或不會點套餐,但當時没有職員告訴我,所以在只得半小時時間內我們一家三口(包括一位小童)匆忙及狼狽地趕快吃,到了九時五十分經理還不斷叫我們提早付款,方便他們埋數,最後更關了大部分燈及下了半閘,小兒更因為害怕便没有再食,我和我先生惟有急急地吃......我很少投訴餐廳,但今次晚飯真的令我感到十分生氣及不想再有下一位消費者上當,所以才有動力寫下此食評。

同姊妹們去完東華嘉年華之後，我地就搭免費巴士出大本型，見有時間又有啲肚餓，所以就去墾丁食個下午茶啦~比起上次嚟食晚餐，好明顯選擇唔多，係冇乜選擇情況之下，兩位好姊妹就叫左茶餐，我自己就食酥炸拼盤啦~ 比起上次嚟食晚餐，好明顯選擇唔多，係冇乜選擇情況之下，兩位好姊妹就叫左茶餐，我自己就食酥炸拼盤啦~ 三個餐都會附上肉燥米粉，佢嘅味道都係OK嘅，不過份量就少得有啲驚人，兩啖就已經食晒啦~ 兩位好姊妹嘅主餐，有酥炸雞扒及奄列，姊妹們都表示味道唔錯，個雞扒炸得嚟都好嫩身，奄列都唔會太乾身~ 我就係食酥炸拼盤，有花技丸、雞同埋豆腐，不過我就冇姊妹們咁好彩，我依個主餐味道真係麻麻，最誇張就係個炸豆腐，入口真係凍冰冰，所以我都冇乜點食呀~ 估唔到一個晚餐同一個茶餐分別係咁大，所以......我想下次都係唔會再嚟食茶餐了！

因為之後有野做，趕住食完個飯，見到呢間無乜人等位，好快就入左去坐，見無乜人等位，但入面都坐滿左唔少檯，心諗應該唔會伏既。因為趕時間，所以未影相就食左，一來係影唔切，二來係估唔到要有影相既必要。午餐都算係中上價位，$50-$60都有，一行兩人，叫左一個花枝丸拼菜肉雲吞麵、一個紅燒牛肉麵，諗住咁大路既麵應該都正正常常，仲要收咁既價錢，起碼都有一定既質素。先來左杯野飲，一杯柚子蜜，一杯蜂蜜紅茶，係呢餐午飯最正常既部分，因為應該都係外面現成買返來沖既，所以無問題，仲幾好飲。首先來既係紅燒牛肉麵，一到檯就聞到好香既味，但食落唔熱，仲要係微暖，d麵好林，全無彈性，牛肉就幾林既，但同坊間既牛肉麵真係差好遠。而花枝丸拼菜肉雲吞麵就更加騎呢，店員話有湯底選擇，我當時聽到既係有麻辣、牛肉、當歸、紅棗四種，咁已經有點突兀，由於本人唔食牛又唔食辣，所以揀左「紅棗」，諗住紅棗既味道都尚可接受，點知送上來既時候，先見到單係寫紅棗當歸，姐係藥材湯底，諗住整得藥材湯底都唔會差，陣味尚可接受，但食左幾啖之後已經開始覺苦覺澀，再試下食所謂菜肉雲吞，一咬就散開曬，非常之鹹，賣相不討好；另外既所謂花枝丸，美其名係炸既，但皮肉

我地食完炒雪糕之後，小小豬就上左天台花園玩，一玩就玩左個幾鐘，又到左晚飯嘅時候，所以就揀左依間台式餐廳食埋我地嘅晚餐啦~墾丁茶房其實成日都想嚟試下(冇得去台灣...嚟食下台灣嘢頂頂癮先啦)，不過次次都大排長龍，唔多鐘意排隊嘅老公當然唔肯陪我排。終於今日早早地嚟食，唔洗點等位就可以食到啦，我地三口子就ORDER左兩個餐同埋一碟卥水拼盤。先嚟兩杯飲品~老公嘅珍珠奶茶，佢話個茶味夠香濃，珍珠軟硬度適中。我嘅蜂蜜綠茶爆爆珠，茶味都算夠濃，不過亮點就落係啲爆爆珠，邊飲邊食啲爆爆珠，真係勁有口感呀！隨餐附送嘅青紅蘿蔔湯~餐廳嘅例湯都唔預有啲咩驚喜(都係我自己煲嘅好飲好多)，不過如果份量多少少會感覺良好啲，因為兩啖已經KO晒啦！ 卥水拼盤~ 其實一睇佢個色都知道卥得應該唔多夠味，食落就知味道偏淡，真係要有待改善呀！鹽酥豬排香菇肉燥飯~個鹽酥豬排係唔錯，佢炸得都幾鬆軟，而且熱騰騰咁食都唔錯。不過個肉燥飯相對之下就較為失色，肉燥偏咸得嚟份量仲比較少，真係三啖就冇晒啦！清酒豬軟骨石鍋飯~豬軟骨都幾淋身，而且都叫醃得幾晒味，不過就食唔出嗰一種清酒味。最後就係隨餐附送嘅桂花杞子糕~完全食唔出桂花及杞子嘅味道，

交完project十級肚餓,本身想食樓下間SPADE既tea set...點知full晒t_t於是就求其搵間野食, 見呢度裝修幾靚就入左黎.叫左個焢肉飯+鹽穌雞排茶餐, 包一杯野飲 ($37).價錢黎講算系過得去啦~~焢肉飯既肉躁味道正正常常咁啦, 冇咩特別.不過份量吾多, 食面d飯時都仲有野撈下,但食到中間果陣已經好dry好似食白飯咁.呢塊雞排就真系不得了啦~就咁睇已經睇到好多油,一落去d油流晒出黎..真系見到都冇胃口外面層皮一d脆既感覺都冇, 完全系淋既總括黎講呢餐真系好一般.....

下午茶常餐($40)油塘大本營有一間大快活集團開既墾丁茶房，司令有日晏就冇食到野，下午茶時段肚仔就打鼓，見到menu有個常餐又幾吸引。常餐入面有肉燥新竹火粉、鹽酥雞扒、半個烘多士加個火腿芝士奄列再包杯飲品，仲要免加一，都咪話唔抵。肉燥新竹米粉，司令就覺得講到肉燥當然台灣好味啲啦，但普通嚟講都係好味既，唔正宗咁解。而米粉方面，司令就未食過真正既新竹米粉，但司令就覺得呢度既好幼，幼到好似粉絲咁😅個多士就普通麵包片，同大快活早餐既麵包片就一樣既。最抵讚就係奄列同個雞扒，鹽酥雞扒味道唔錯唔太鹹，外表酥脆，而肉質都好滑，又juicy。奄列要食一陣外圍先到餡，但到餡呢又幾味，有芝士、火腿、磨菇同洋蔥，雖然料就少左啲，但味道搭夠，幾好味！

我好鍾意食台灣牛肉麵，見到有間台灣餐廳，就當然要試下啦，而ｅ間餐廳更加話佢既牛肉麵係招牌，咁就啱晒！一坐低就叫佢啦，唔洗唸，再叫一個台式珍珠奶茶！到左啦，賣相都唔錯，我就首先飲啖湯先，啖湯好濃味，但係又唔會話好咸，望落去都好足料，面質非常彈牙，而且牛肉都好林，而且都唔會話好少，絕對有去台灣食既水準！跟住就到杯奶茶，奶茶方面就有少少失色，無咩茶味，又無奶味，有少少失望，不過成餐黎講都算係唔錯啦！

Boyfriend and I were in this area and were a bit hungry. Not knowing what to eat, we chose this place. There seemed to be a good amount of customers, it looked clean and reviews seemed mostly happy.Well ... I guess I'm one of those among the unhappy.Kenting Tea House serves Taiwanese food. Their layout is a cute blue nautical theme. Prices aren't expensive. Menu is in Chinese and English. Service was ok and very prompt. However, upon entry and sitting down, the seats were all torn. I was wearing

星期日，帶小朋友嚟油塘玩，食lunch時間搵地方食嘢，行到嚟依間食台灣嘢，本來以為外面好多人肯定有排等，點知原來係排隔離三哥米缐，我真係唔明有乜咁好食，之後一入去就有半圓卡位可以坐，裝修都幾光猛舒服，餐牌啲相都影得幾好，之後我就點左香酥雞扒肉燥飯，炸雞扒用煲仔上份量非常之多，炸得好鬆脆入味，肉燥醬亦唔會太乾，好惹味送飯！牛肉麵,湯底好濃郁好味，肯定好過小王，牛肉又煮得夠淋，我另外加左個唔記得係雲吞定餃子也不錯！珍珠奶茶，食台灣嘢肯定要飲珍珠奶茶，估佢唔到，大杯得嚟有茶味，而珍珠亦好彈性和有甜味！讚！有機會我一定再嚟食！

海鮮焗飯Lunch set：味道還可以，但所謂的海鮮，只有龍脷柳、蟹柳、青口，其他都係蔬菜，如紅椒、黃椒、茄子等。可幸是焗的，同埋有啲芝士。蜜糖紅茶：都幾大杯，但略為甜咗啲滷水豬頸肉豆腐：跟餐另加 $2X 先有，兩樣都好入味，成餐最推介係呢碟。埋單$8X, 價錢偏貴, 雖唔算難食, 但質素唔太值.

今朝好難得起到身去食早餐。我叫左一個炸魚柳配鮮奶炒蛋+牛油脆豬。先上鮮奶炒蛋+牛油脆豬，蛋炒得好滑，半生熟的，上面有部分仍是呈液體狀，底部則比較厚實，當中食到有好大奶味同牛油味。另外，豬仔包就好脆，中央位置有牛油，已經融曬，滲曬入個包里面，食落又脆又油，幾耐唔一次，無所謂啦。魚柳係即叫即炸，要等10分鐘左右先另上，所以一出黎好熱，外皮好鬆脆，而入面既魚肉好滑，一片片咁，好正，如果淨食魚柳會好膩，但配上佢個沙律醬，酸酸甜甜，好match炸魚柳。最後仲有一杯熱柚子蜜，清甜可口消滯，好完美既句號。

 一個人去到油塘, 就順便食個LUNCH 先, 行完成個商場, 這一間的裝修很清新, 所以入去試試.  內裡都很大, 中午時間都不用等位.選了個午餐炒飯, 熱珍珠奶茶.呢個炒飯都幾乾身, 味道幾好, 食落不是後鹹, 但食完之後整個下午都真的超口渴.熱的珍珠奶茶, 是跟午餐加$3.  這個奶茶有點失望了.  首先佢得幾粒珍珠, 但要加$3 , 不加也吧.  第二, 佢竟然係用奶粉沖的, 來到奶粉都未有融化, 而且並不熱, 像是温温的.

做完運動，去左油塘大本營墾丁茶房食下午茶，坐底叫左兩個下午茶餐，其中1個係新竹米線加多士奄列雞扒，另一個係魯肉飯，加流心蛋滷水豆腐。先上黎既係新竹米線個餐，米線入口易咬容易落肚，但味道有點淡。奄列及多左與雞扒都只係普通水準，不算突出。魯肉飯就略嫌太肥膩，以下午茶黎講太滯喇。至於滷水豆腐唔算入味，豆腐同醬味道分開。流水蛋算係成餐最好食既一樣野，但係都只係行貨水準。