塚田食堂

营业中

休息中

朋友介紹我呢間試吓～今日就嚟左💕環境都幾靚幾舒服～😍整體感覺唔錯！整體評分：7/10味道：7/10環境：7/10人均消費：$100-200地址：塚田食堂 (將軍澳)將軍澳坑口重華路8號東港城1樓181號舖4色刺身盛合定食 ：都好新鮮，三文魚油脂豐富，味道好鮮甜，好有去咗日本嘅風味～再配上粒粒飽滿既米粒，令人忍唔住瘋狂一直食🤤🤤🤤回味十足宗玄 Sword of Samurai 純米酒:清酒🍶好香，又唔會好刺激，配上刺身一齊食好享受另外餐廳仲有「SEAFOOD LOVES SAKE」為大家設計多款清酒x海鮮的「神鮮配搭」。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來無與倫比、耳目一新的清酒體驗，全城掀起清酒x海鮮的飲食潮流

呢間日本餐廳位於東港城，上網見到炸池魚同燒花魚定食非常熱門，決定同屋企人黎左！職員好耐心咁介紹佢地既招牌菜同最新既「神鮮配搭」清酒x海鮮套餐，見到價錢咁親民就當然一試：$198包一杯清酒😛燒花魚定食表面燒至香脆，食落油脂豐富，而且吃起來比較多汁，唔會太乾，更唔會有腥味👍🏻花語本身只有簡單嘅調味，配上柚子醋醬汁仲多咗一份清新既感覺🤤利休梅靜香純米吟釀清澈嘅酒味帶有陣陣花果香，同清甜花魚味道好合！除咗清酒之外，餐廳仲有提供唔同嘅飲品同特色飲品，包括清暑既甘筍蘋果美人水，所以非常多樣化🤣

抵食日式食堂呢間日式餐廳人氣非常之高之前經過都見佢排長龍今日放假咁啱經過見到唔係太多人就即刻衝左入去，仲要發現原來佢而家做緊一個特別嘅活動，好似係叫seafood love sake ，可以以優惠價叫一個定食再配埋一杯清酒我見呢度嘅人食評都係通常推介銀雪魚，咁我一於就try try!佢呢個套餐而家做緊$218 一個銀雪魚西京燒定食再包一杯七田純米清酒呢個銀色啱啱好，有少少燶邊再加少少鹹，食落係非常惹未，再加上啲魚肉非常之滑，我覺得非常出色再加埋呢杯清酒，飲落去係相對地比較純再更加提升左魚嘅鮮味，出色

值得一提嘅係呢間餐廳嘅店員服務態度非常好，非常之有禮貌，好有耐心咁同客人講解點餐嘅過程同埋折扣優惠。〈高湯玉子燒〉呢款玉子燒同喺出邊食到嘅日式玉子燒有少少唔同，呢度係用高湯去整成，有濃湯嘅味道，亦都夠晒口。〈三文魚刺身〉三文魚刺身嘅性價比超高，只係$38就足足有五塊 ，而且每一塊都切到好厚，三文魚非常新鮮， 沾上食我嘅芥末同刺身醬油，非常滿足。〈滑蛋鰻魚定食〉呢款定食超級推介，因為鰻魚無骨而且夠晒大舊，而且滑蛋用味淋煮過非常之美味，另外仲加$10轉左冷烏冬，啱晒啲唔想食飯但係又想飽肚嘅朋友。午市光顧定食仲可以免費享用沙律飲品吧，沙律菜新鮮而且洗得好乾淨，飲品選擇亦都好多，有自家製嘅飲品同罐裝飲品，甜品細細舊啱晒飯後品嚐。

周末早晨睡到自然醒😉，過來吃個飯，正巧在最後結單前，吃到了早餐的價錢，真是超級划算。 這家日本菜我放假時候就會來吃，因為價錢便宜，食物質量又高，性價比可謂是一流。塚田食堂小鉢朝食 1x$86超級開心的，因為九宮格，有超級多選擇，不僅僅飽肚子，最重要的是滿足了嘗試的慾望，吃飯要色香味俱全，一道菜，吃了九種不同食物，開開心心。我還加了一個溫泉蛋，滿足一天到晚的營養洋風炒蛋朝食(配厚切多士) 1x$66沙律菜好新鮮，炒蛋也是很嫰滑，因為食材新鮮所以，味道超級好。我現在追求的是健康。雞肉蕃茄通粉 1x$28 太划算了，這個價錢連街邊檔都不夠。聰明人要有逆向思維能力，挑選早餐時段，吃性價比高的食物塚田食堂將軍澳坑口重華路8號東港城1樓181號舖

This shop is used to be 美人鍋, but I didn’t have the chance to try that. Now it’s changed to a branch under塚田農場. My first time here but was surprised by the menu with a wide variety of authentic Japanese meal set! Immediately it came the reminiscence of やよい軒 in Japanese but it is even more outstanding becoz of the built-in electric stove on every customer’s seat. I didn’t order pot dishes this time but I’ll definitely try it next time. For my first time I ordered the safest dish - Chicken Nanma I

刺身丼😍食過塚田農場，覺得幾唔錯，今日見塚田食堂，應該係同一集團，試吓先。刺身丼，$148叫咗lunch set，除咗有個刺身定食之外，仲包出面沙律、甜品同嘢飲任食。刺身一啲都唔hea，叫咗5款刺身定食，有三文魚、吞拿魚、帶子、魚子同埋油甘魚，每款都有三片，另外仲有隻蝦，好豐富。最好味係帶子，好鮮甜，三文魚都好肥美，油甘魚就好香口，因為唔知刺身定食有油甘魚，另外又叫咗一份🤣自助區都好豐富，尤其係飲品，好多款美人茶、水果茶。。。當然熱茶氣水都有。沙律自己裝，都新鮮。甜品就有兩款。以咁嘅價錢有嘅質素真係幾抵嘅。

之前食過幾次覺得佢d定食都唔錯，前幾日收工突然間想打邊爐但係又唔想食任食嗰啲，就諗起呢度有鍋燒烏冬😆♥ 牛肉壽喜燒鍋燒烏冬定食🍲 $98壽喜燒湯底好濃郁🥰不過偏甜咗少少，識食一定係將隻蛋發勻當醬汁要嚟點黎食😋不過配料比較少，只有冬菇🍄同幾塊腐皮，牛肉份量都多，索晒湯底撈蛋汁好正😋 烏冬口感都適中，另外仲配左一個迷你魚生飯(甘迷你幾得意），魚生都OK有三文魚、吞拿魚、三文魚子、青瓜、玉子加兩款前菜♥ 燒血鯛定食🍱 $106呢個定食配有三款前菜同一個麵豉湯，麵豉湯味道偏鹹，鯛魚燒得好香好大條，不過本身應該冇乜調味，同埋比較多骨食得要小心啲🙈個人比較鍾意加少少檸檬汁食😋本身加$20就可以享用出面自助沙律🥗甜品及飲品🥤，不過只供應到九點，我入座都已經8:45，所以下次先試🙈見到都多嘢飲選擇有汽水、果汁、咖啡。♡ 坑口餐廳其實唔少，但日式定食就相對較少，呢間都算唔錯嘅選擇😆見好多人都推薦自助吧，下次去就想試吓🥳

這間餐廳在網上有不少好評🌟，而且門外也有很多人在等位，相當受歡迎😋。首先叫點了一個炸豬扒定食，定食方面會有日式豆腐、面鼓湯、還有一些前菜，單單賣相方面已經相當吸引，豬扒就炸的十分香脆🤤，而且炸粉也不會太厚，頗有皮脆肉嫩的感覺，而且配上炸豬扒汁搭配也很完美。另外亦點了一個滑蛋鰻魚定食😆，鰻魚本身很肥美，而且我特別喜歡日式滑蛋，個人認為滑蛋配上白飯已經很美味，而且配上那麼一大片鰻魚很滿足❤️。

位於坑口的日本農場之食物料理店，新開了早餐時段的餐單，提供一共9款的朝食，全部都是日式系列，價錢相當合理。木色系的風格、格調，予人和諧、放鬆的感覺。外面還有個自助飲品吧，可以額外加錢供客人自取各款飲品，除了多款果汁外，還有茶、咖啡及花果茶等，選擇很多。柚子雞湯拉麵湯底是雞湯，加了幾匙的柚子，湯底散發著淡香的柚子香氣，蠻清新的。拉麵幼細，很掛湯。碗內有雞肉丸子、小粟米芯及蔥。定食還有兩磚甜玉子。洋風炒蛋朝食配厚多士定食就如一份洋風風味的全日早餐，食材有麻醬沙律、香腸、啡菇、煙肉、一塊多士及炒蛋，色彩鮮艷。金黃色的炒蛋香且嫩滑，上面灑上了黑椒，再放上其他配料，跟牛油厚多士一起吃。另外，跟餐定食還有一小杯的乳酪及玄米茶，營養滿滿的早餐。燒鮭魚朝食前菜有涼拌的蟹柳豆腐，主菜有三文魚扒煎配日本米飯，三文魚扒不是很大一塊，煎香後，皮脆且乾身，肉厚，帶三文魚的魚油香，伴碟還有蘿蔔絲及黃豆醃菜、玉子；還有一杯熱的玄米茶。簡單的味道，早餐有魚有飯，真是讓人有種置身於日本的感覺。

一日之計在於晨，豐富嘅早餐， 令人為之一振😀😀 趁著假期周圍搵美食， 經過 塚田食堂， 原來新推出朝食套餐， 價錢大眾化， 看看門口的menu賣相也很精美， 九宮格造型的小鉢朝食套餐甚為吸引。塚田食堂小鉢朝食真的太想念日本，看著這個九宮格造型的 朝食， 就像每次在日本酒店吃早餐時候的感覺， 色彩艷麗的小鉢， 承載著不同的日式美食。 漬物、魚生、炸物、煮物、烤魚、蔬菜， 真的非常豐富。套餐附送白飯麵豉湯和日本茶。香炸白身魚炒蛋朝食 配多士炸魚炸得 金黃香脆， 那裏肉質保持嫩滑多汁， 點上醬汁更加美味。 沙律菜新鮮 爽口， 炒蛋滑捋捋， 整體都不錯。燒鮭魚朝食充滿日式風味的傳統朝食， 烤鮭魚 套餐要等得耐一點， 因為是 即場現烤的， 充滿著煙燻味道的鮭魚， 配白飯和麵豉湯真是perfect match。 而且還有幾款漬物， 鹹酸爽脆 非常開胃。

今日咁啱經過將軍澳俾我喺東港城發現咗呢間性價比幾高嘅日本餐廳設計係簡約和風日式裝修座位都幾寬躺我自己就點左一份定食同埋兩款小食牛肉壽喜燒鍋燒烏冬定食配日本溫泉蛋牛肉係新鮮嘅肥牛大約8至10片份量都OK溫泉蛋可以當醬汁點牛肉或者就咁食都可以自己覺得湯底偏甜烏冬口感都唔錯另外會送一個迷你嘅魚生飯同埋兩款前菜照燒雞年糕薄餅煙煙韌韌非常彈牙不過絕對唔痴牙但年糕蓋過咗雞肉嘅味道🙈所以唔係太食得出雞味但係勁有咬口高湯玉子燒呢個就略嫌蛋嘅部份比較乾身🙈整體性價比都算唔錯加錢可以享用飲品吧同自助沙律吧

話說今日睇Openrice睇到依間餐廳食評咁好，咁就同老婆外母去試下，攞左張飛，等左30分鐘左右 (等位冇問題既)就入到去，7點21分坐低，見話得90分鐘食，都好快地係7點28分就落左單，加埋個20蚊可以出沙律吧同飲品，開開心心等野食黎!7點50分食埋沙律，問下侍應野食到未，跟住佢答話準備緊，等一等先!😑到左8點，眼看隔離枱遲過我地入黎，都食得7788，咁再問多次侍應，佢就答，唔好意思(好似漏左單咁)，麻煩你等多3分鐘就出黎! 最後3 set 和牛壽喜燒逐一出黎 (❗大約8點15分❗)，明明加埋錢轉蕎麥麵，攞左個白飯出黎，侍應就答你地係白飯，我就當然攞住張單話單都寫左蕎麥麵，當然佢入去轉番，跟住我同老婆食食下，外母就話 "點解你地有蛋既"，原來佢果set漏左冇比到蛋，又問侍應攞番，食食下老婆就問，壽喜燒味道係咁架咩，提醒左我，好明顯地冇落到醬料/調味啦，仲要問侍應果陣，佢叫個經理解答貴公司好特別地用雞整好個湯底，不過我地3個食落，同清水整冇分別，而且攞出黎果陣，連大家會見到有個啫喱狀既湯底都冇，完全中伏，返屋企用史雲生清雞湯自己整都冇咁嬲😤😤😤😤🤬🤬🤬 冇下次! 😡總結黎講1. 食物有

餐廳位於坑口，位於坑口的大型商場之內，地理上十分方便快捷。這天我點算的食物就是生薑炒豬肉定食，挑選這個的原因全因為剛剛碰上了半自助餐這個極致吸引的套餐優惠，加上我也十分喜愛吃豚肉，所以定必好好品嚐一下。食物味道方面，帶點薑絲的香味，不太辣，但能提升豚肉的味道，肉味甚濃，味道還不錯，最重要份量十足，絕對是性價比之選。但令我更欣賞的就是半自助餐，沙律任食，飲品任飲，多種不同的選擇和配搭，絕對是令我喜出望外。

放假悠閒早晨無得去旅行，又爆假決定同朋友搵一個平日放假，搵間餐廳享受下。我又想食日本嘢朋友又想食西式嘢最後就決定選擇塚田食堂日本野，西式野都有，一次滿足兩個願望。今次我就食咗個柚子雞湯拉麵，而我嘅朋友就食香炸白身魚炒蛋朝食，另外再加多$8出咗去自助吧度飲嘢。等嘢食嘅期間出咗去睇吓有咩飲先，出面超級多選擇，原本以為得啲普通嘅橙汁、茶、咖啡。點知仲有提子汁、紅石樓汁、蜂蜜綠茶等。而且好新鮮好好飲唔係藥水味嘅果汁。攞完嘢飲返到去嘢食已經到，首先上菜嘅就係雞湯拉麵，首先飲一啖湯，雞湯再配上柚子，令到濃郁嘅香甜雞湯有一種淡淡既清新嘅感覺。另外再配上甜甜嘅玉子，啱啱起身嘅疲倦感完全消除晒。跟住上茶既就係朋友既香炸香魚炒蛋，為食嘅我梗係攞嚟試吓啦，鯊炸魚超級香脆，而且魚同炸漿嘅比例啱啱好，唔會感覺一大嚿魚，不捨得一層好厚嘅炸漿。炒蛋非常之嫩滑，配上牛油多士，又係一個絕配之選。