塚田食堂

营业中

休息中

值得一提嘅係呢間餐廳嘅店員服務態度非常好，非常之有禮貌，好有耐心咁同客人講解點餐嘅過程同埋折扣優惠。〈高湯玉子燒〉呢款玉子燒同喺出邊食到嘅日式玉子燒有少少唔同，呢度係用高湯去整成，有濃湯嘅味道，亦都夠晒口。〈三文魚刺身〉三文魚刺身嘅性價比超高，只係$38就足足有五塊 ，而且每一塊都切到好厚，三文魚非常新鮮， 沾上食我嘅芥末同刺身醬油，非常滿足。〈滑蛋鰻魚定食〉呢款定食超級推介，因為鰻魚無骨而且夠晒大舊，而且滑蛋用味淋煮過非常之美味，另外仲加$10轉左冷烏冬，啱晒啲唔想食飯但係又想飽肚嘅朋友。午市光顧定食仲可以免費享用沙律飲品吧，沙律菜新鮮而且洗得好乾淨，飲品選擇亦都好多，有自家製嘅飲品同罐裝飲品，甜品細細舊啱晒飯後品嚐。