塚田食堂

营业中

休息中

首先介紹個滑蛋鰻魚定食，呢個餐＄88，有少少前菜，今個麵豉湯，放埋一個 tray 上，都算大方得體，鰻魚份量一啲都唔少，加埋滑蛋起鐵板上菜，感覺良好，味道亦好香滑同入味，所以算唔錯！另外嗰豚肉定食，味道係好嘅，豚肉夠入味，但係嫌肥膏太多，係香口嘅，不過可能可以煎耐少少，迫返多啲肥膏出嚟，感覺就冇咁油膩。另外個燒魚定食，鍾意食魚嘅朋友，一定會好鍾意，因為條魚又大條，肉質結實，而且自己煮好難有呢個效果，所以鍾意食魚嘅人，其實燒魚餐真係值得推介。以上嘅食物都係跟個麵豉湯同前菜，如果想加飲品，就要再加錢，自助飲品區、沙律和少量甜品。至於餐廳環境，地方闊落乾淨，感覺良好👍🏻

呢日收工去坑口食飯，同朋友一齊聚會，咁啱見到呢一間以沙律吧同任飲水果茶做主打嘅塚田食堂，餓餓就同朋友入去醫肚。我哋每人各自叫咗一個套餐，分別係燒花魚定食同埋炸池魚定食。雖然兩個都係食魚，不過味道分別就好唔同。花魚烤得好香口，鹽燒嘅方式帶出魚油香，味道簡單但係魚味好濃。跟餐仲有一啲配菜漬物，牛蒡同青瓜，送飯幾好。薯仔沙律都唔錯，不過一啖就食晒，有啲唔夠喉。至於朋友嗰個炸池魚都好香脆， 有成三條咁多，加埋他他醬食，夠晒惹味，好啱鍾意食熱氣野嘅朋友。除此之外仲可以出去沙律吧拎唔同蔬菜，整自己口味嘅沙律。亦有唔少飲品選擇， 有好多款嘅水果茶、果汁、同罐裝飲品。今餐都食得真係幾飽，人均都係百零蚊， 都真係幾抵食。

最近多咗好多和食料理，第一次去塚田農場，首先覺得好有新鮮感！飲品、沙律同甜品都擺設得好整齊企理，感到可以食得安心！黑醋炒雞肉野菜定食$88，醋味不會太濃，雞肉份量多又嫩滑，配菜嘅南瓜酸酸甜甜，勁好味，送飯一流😍😋燒花魚定食$93，無論去邊間和食屋我一定會叫的，大條之餘又厚肉，超抵食，魚肉滑溜，食完這份定食，完全滿足哂😋😋之前去些老牌和食屋，價錢要多20%！所以真係好抵食，真心支持💪🏻每人加$20有任食沙律，任飲汽水果汁，任食甜品，雖然種類不多，但已覺得非常超值👍🏻，

晚餐 - 炸池魚定食$78除左主食仲有薯泥，漬物同麵豉湯，加購埋$22香煎雞扒，好豐富😍🎊滿足🤩✨池魚炸得恰到好處，勁脆❗️推推推❗️份量有成3大塊，搞到我食唔哂碗飯🥳早知唔加雞扒午市消費夠$58，免費升級飲品同沙律吧；晚市就要加多$20先enjoy到，果陣食到捧住個肚走，就冇試到😂自私評分：🟡🟡🟡🟡🟡自私評論：下次會試埋三文魚、炸豬排定食，或者和牛邊爐都好吸引😍，或者可以試下午市食，enjoy埋升級優惠🥳

難得妹妹會說喜歡的餐廳，於是晚上一家一起去試試！我們分別叫了兩個定食。第一個係和牛壽喜燒定食，湯底呈上來是有趣的啫喱形狀，感覺非常健康。牛肉口感不錯，蔬菜種類很多，湯底吸收了牛肉精華後，再食菜會有牛肉的鮮味👍🏻更上一層樓的食法是沾蛋食。建議盡快把所有食材放入鍋，因鍋的深度較淺。六色刺身定食絕對是我的首選⭐️⭐️肉質算厚，挺新鮮的。另外，近門口的位置有一個迷你自助吧，果汁種類非常多，我便選擇了美人果茶，像fruit punch甜甜的，味道不錯。最後還可以選一些甜點來吃。餐廳的環境不錯，日系的木材裝修，座位寬敞舒服👍🏻

今日收工近近地想食個日式晚餐，就黎左呢間之前食過嘅日式料理餐廳。今日唔係特別肚子餓所以就無order到自助區，首先就叫左個南蠻炸雞定食，只係$83都幾抵食，而且仲配薯仔沙律、日式前菜同味增湯，都幾豐富，最正嘅都係炸雞，皮脆肉嫩超級吸引，點埋蛋黃醬就完美。另外我朋友就叫左個燒雞定食$98，咁啱兩個都係雞肉，雞扒都有好多件，而且雞扒本身燒嘅時候有燒汁所以食落都覺得好惹味，而且份量方面都好足夠，用黎送飯食都好正。

又黎到將軍澳塚田食堂，今次同大食朋友一齊黎👻除咗每人嗌左一個定食之外，仲嗌多左個小食share🔅海苔明太子年糕薄餅 - $48餅底非常薄同脆，味道咸咸地~食落咬感有啲似飯焦，非常脆口有少少嚼口，比起平時既飯焦無咁痴牙🦷🍛炸豬扒咖哩蛋包飯 - $133咖哩汁分量超多，啖啖都配到個汁食～而且味道夠濃郁。另外蛋都好滑嫩🥚薄薄既炸粉炸得幾香口，豬扒好軟熟👍🐟6色刺身定食 - $158刺身唔係話好靚，不過不失咁👐🏻咁多款黎講油甘魚算係最好食！另外碗飯係普通熱飯，配埋黎食有啲格格不入如果係配有壽司醋既飯會應該會好食啲。另外出面仲有沙律吧，飲品同甜品食😋加$20蚊就有啦～ 今次仲轉左cake 款🍰雖然無左朱古力蛋糕🥲 但呢兩隻味都唔錯！

塚田食堂裝潢和式風格，好見到午市套餐好抵食，惠顧$58仲可以免費享用飲品吧同沙律添，吸引進去用膳 我哋點左2款日式定食，定食包括前菜: 蝦乾併凍豆腐，豆腐好香滑。湯: 湯帶味噌湯🍲，味道濃郁自助吧沙律🥗，有沙律菜，粟米🌽，青瓜絲🥒，甘筍絲🥕，椰菜花🥦等，加埋柚子醋，酸甜口感好開胃口😋飲品吧有好多款式嘅茶類🍹，由新鮮生果🍎🍐🍊🍋制造嘅水果茶，美人果茶，美人水等定食1️⃣: 生薑炒豬肉🐽生薑炒豬肉，配以洋蔥炒香，味道鮮甜，份量好多主定食2️⃣: 照燒三文魚🐠三文魚燒到魚皮香脆，而且流出魚油，好新鮮小食: 燒花魚，肉質嫩滑鮮美。塚田食堂將軍澳坑口重華路8號東港城1樓181號舖

今日約左個朋友仔去坑口食嘢，佢一嚟就介紹我去塚田食堂，平日夜晚七點鐘左右walk-in唔洗等就入到席。🐂和牛漢堡扒定食除左漢堡扒外，佢跟左唔少嘅配菜，而塊漢堡扒食落口感覺好紮實，都重牛味，對得起價錢啦！😆🐟🌟🌟照燒三文魚定食相對起和牛漢堡扒，個人更推薦食照燒三文魚，三文魚肉質好嫩滑，食落三文魚味好出🤤🤤。私心大愛每個定食所跟配嘅薯仔沙律，食落口感好creamy，肥仔前菜❤️❤️另外每人再加2️⃣0️⃣蚊可以任食沙律吧同任飲飲品👍🏻。依個價錢嚟講個人覺得一啲唔貴，尤其見到個飲品吧有咁多出面無見過嘅飲品名就覺得好值得😆😆美人果茶係我覺得最好飲嘅，大家可以試試🤤🤤❤️。而甜品當時只有兩種，有一款係香蕉合桃蛋糕，依款真係大推！超級重香蕉味！十分驚喜🤭🤭🤭！

這天朋友跟我見面後趕著要去看電影，我便在心裡盤算著自己殿後，讓朋友吃飽便離開。不過，由於這裡效率非常高，給了我們充分的用膳時間👍🏻👍🏻我們簡簡單單的點了兩份定食，並加選了一份南蠻炸雞。雖然定食視覺效果平實，但其實食物種類很豐富！我們吃的兩款主菜分別是姜汁炒豬肉片及滑蛋豬排。炒豬肉片味道不錯，肉片稍乾，但它符合我的預期。份量方面，這個肉量令我吃得很滿足！滑蛋豬排很濕潤，豬排炸漿不會過厚，整體配搭是很好吃的！南蠻炸雞味道不夠突出，不過雞肉很多汁，而且它炸得很出色，炸物完全不油膩！

今日去東港城購物，順道去塚田食堂吃午餐。午餐好抵食，逢惠顧食品滿58元以上，可升級享用自助飲品及沙律吧。午餐選擇很多，有雞，牛，豬，魚，咖哩，蛋包飯，天婦羅等等，任君選擇，豐儉由人。可掃barcode自己落單，方便。今天想吃魚，便選了新出的銀鳕魚西京燒定食。嘩，個定食真係真材實料，優質好味。銀鳕魚燒得香，肉肥美滑溜有油香，入口即溶，味道好。麵豉湯和薯仔雜菜沙律也美味。個定食不要飯轉了凍蕎麥麵，清新有風味。燒魚出色，趁機追加了一份燒血鲷。血鲷肉較銀鳕魚結實，和銀鳕魚各有特色，好食。自助沙律吧蔬菜新鮮，有粟米，蕃茄，雜菜等。飲品冷熱都選擇多，先來罐可樂。食完定食再嘆番杯宇治綠茶，食埋迷你蛋糕做甜品，大滿足!

星期六，晚上7：30同朋友去食，要等10分鐘左右先有位坐。店內環境不錯，日式的感覺幾重朋友是以前來過，她就選擇炸池魚定食$78我就選擇生薑炒豬肉定食$73，我們再另外加$20有半自助吧（飲品，沙律，甜品）我們2個定食應是餐廳內最平的味道方面：生薑炒豬肉就沒太大特別，份量就少了dd，但炸池魚就好味了，沒有魚骨，份量又多，有3塊，女仔食2塊已經夠了半自助吧：其實都飲不了多少杯，再加上甜品只有2款選擇，每種試完都食得唔多個人認為可以唔加都得，因為1加就成枱人都要加

真是好長的一個星期，周五下午，已經超級想放假了。一餐精緻的日本料理，絕對可以放鬆和安撫心靈。 坑口這家日料，就是今天下午我在網上無意中發現的，價錢合理，還有自主沙律和飲品，就衝著這兩個吸引的地方，我就來啦。 枝豆 23雖然我不喝酒，但是只是慢慢地一顆一顆將豆子送到嘴裏，就已經很溫馨。這個過程中，可以專注於美食🎁忘掉煩惱。 高湯玉子燒 33第一次吃這樣的玉子燒，因為高湯的緣故，味道很是鮮美。玉子很嫰，入味，有營養。 鹽焗燒雞定食 98 熱烏東10果然沒有挑錯，燒雞很鮮美，且定食很豐富，有湯小吃，蔬菜，是特別精緻的口感。這是對於生命的儀式感。 加配沙律和飲品 20最抵沙律和飲品，我幾乎是點完餐，就衝過去了，沙律很新鮮，開飯前，先吃沙律和鮮果，這樣的飲食順序有助於瘦身。塚田食堂將軍澳坑口重華路8號東港城1樓181號舖

🐟炸池魚定食 ($78)定食有三大塊池魚，飯，味噌湯同埋前菜(牛蒡絲&味噌青瓜)呢個定食算係今次叫既四個定食入面最好果個三大塊池魚都炸得好香脆，但炸皮略嫌厚左啲，但配埋沙律醬都唔錯上菜都有啲慢，其他定食黎左一段時間差唔多食晒佢先到...

第一次食呢間日本野 今次叫左幾個定食會分開幾個post share俾大家知～滑蛋豬扒定食 ($98)睇menu見到係用鐵板上既滑蛋豬扒，都有啲期待點知黎到圖文不符，只係用普通碟上，而且芡汁欠奉，有啲失望豬扒咬落去亦都冇驚喜，一啲都唔香脆，肉質亦比較韌個人不推薦定食有前菜薯仔沙律，味噌湯同2樣配菜分別係牛蒡絲同脆黃瓜，都好好送飯味噌湯就相對地冇乜味定食仲可以加$15有沙律甜品同飲品bar任食但我今次冇加，因為見啲甜品都不太吸引