塚田食堂

营业中

休息中

今日同同事嚟咗呢間餐廳度食飯呢間餐廳嘅lunch 有自助沙律吧、自助斟野飲同自己拎甜品沙律就正正常常嘢飲大部份都冇伏甜品就少伏 唔建議上次嚟呢間餐廳就食左煎魚既定食 幾好食呢間餐廳啲煎魚定食仲有咖喱蛋包飯都唔差今次見到Menu有燒肉就忍唔住叫咗呢個餐就正正常常啦不過個爐就伏伏地一放舊肉上去已經黐底每一舊都燒到爛哂好難handle仲要個火都幾快熄今日加咗一次落左2舊火水膏都唔夠最後好似仲有三舊肉燒唔熟但係我都費事叫佢再加火水膏了燒緊嘅時候啲油彈到周圍係真係麻麻下次我會食返普通嘢

經過門口見到呢間餐廳話有自助沙律吧，即刻比佢吸引左入去試(*¯︶¯*)門口餐牌寫明惠顧滿$58以上，可享用自助飲品及沙律吧，基本上每一個餐都過58蚊，即係一定有沙律吧，真係好抵💕沙律吧既螺絲粉沙律同青瓜絲好好味😋😋仲有柚子醋同千島醬揀～今次試左朴葉味噌牛柳定食（$98），一上菜見到啲牛係放係塊葉🍃上面，造型好特別。本身以為啲牛放成咁，中間應該係用蘿蔔絲之類去充數啦，點知入面全部都係滿滿既牛柳，攤開啲牛肉係葉上面就睇得出有幾多肉啦！我本身好鍾意食壽喜燒💕，所以揀左牛肉壽喜燒鍋燒定食（$98），啲烏冬真係好彈牙好好味！跟餐仲有一小碗三文魚親子丼，真係超滿足！(˶‾᷄ ⁻̫ ‾᷅˵)飲品吧提供多款唔同飲品，有好多唔同種類既茶比客人沖黎飲，其他飲品都好有特食，例如甘筍蘋果美人水🍎、菠蘿青瓜美人水🥒等等，一聽就知夠健康啦😂😂😂啱啱注重健康既香港人阿

次次行過東港城都話想試呢間日本野，昨天終於第一次食，3個人叫咗3個餐，因為每人有最低消費，我地叫咗銀雪魚餐，天婦羅餐和滑旦豬扒餐，其實最想試係銀雪魚，但見到真身有D失望，因為未見過煎魚D皮係黑曬而且好燶，而裡面D肉只係剛剛熟。另外天婦羅裏面有件雞肉係未熟嘅，我拆開咗同經理講，佢張我件拆開未熟雞肉返炸，如果我食過一啖咁點呢，好唔衛生喎。而3碗麵豉湯好咸好似海水咁，經理試完一啖見佢地即加好多水。雖然埋單比咗9折，但冇下次了，非常之失望。

黎過幾次lunch 都係食魚☺️❤️今次都唔例外，叫《銀鱈魚西京燒定食 》有日式小食、蟹柳豆腐、麵鼓湯，仲有火箭菜同豆豆伴碟，好豐富！銀鱈魚西京燒外皮燒到好香口，外脆內軟，魚肉細嫰🥰好好食！配白飯一流！外面有自助區，有沙律🥗 甜品🍮 飲品仲特別多選擇，除左罐裝飲品，仲有幾款特式果茶，好似美人果茶 、西柚汁，蜂蜜綠茶，如果唔飲凍飲亦都有茶包供應！沙律菜睇得出好新鮮，口感爽脆，再添加粟米粒、車厘茄、紅蘿蔔絲🥗正！每次喺呢度食都覺得好滿足👍🏻

呢度嘅炸白身魚早餐，係同大x活一樣，啲炸粉厚到一個點，啲魚肉又薄又硬又鹹，同食柴皮無分別。所謂嘅厚多士咪又係普通多士。又個餐包個杯咖啡☕️食完先到，一飲落去……嘩一聲，大家知咩事喇😂應該好快執👍🏼

✌🏻《九洲和牛壽喜燒鍋燒烏冬定食》之前仲有晚市試過佢地嘅一人定食壽喜燒包含左三片和牛、三片油揚、冬菇、讚歧烏冬定食除左有壽喜燒仲包含左一客日本溫泉蛋、迷你丼、前菜和湯份量都滿足 和牛雖然得三片 但油花靚 油脂味香濃壽喜燒有個爐可以燒住食夠哂熱辣辣不過如果鍋物可以加少少菜落去就更正了食物種類選擇繁多仲可以加錢食沙律吧和無限添飲飲料唔使擔心唔夠食至於餐廳環境方面則可以更好現場環境比較逼夾侍應亦比較繁忙服務質素可以改善得更好

話說原本係想食燒烤，可惜人太多，唯有退而求其次，呢間都係我心水之一，六點後禁堂食，我4：45pm去到，其實都幾趕，店員有介紹，叫套餐，每位加$20，可享自助沙律吧，飲品，⭐⭐溫馨提示：全枱每位都要加$20，先可享此優惠⭐⭐，真心呢個優惠好超值，由於時間唔夠，留返下次先，食機📱落單，加分💯最愛餐牌圖文並茂❤️牛肉壽喜燒鍋燒烏冬定食🍱$98等了都幾耐，不過一上菜，即刻開心晒，因為賣相吸睛，好吸引，有一碗迷你角切魚生飯，前菜,溫泉蛋🍳！魚生飯中規中矩烏冬原來係即熱嘅，最愛熱辣辣烏冬🍜所有嘢熟曬之後，加埋溫泉蛋，完美壽喜燒湯底，好野味，加埋甜腐皮，好滿足呀！安格斯牛小排牛柳粒鐵板定食$118🥩份量似下午茶，明火鐵板燒，正呀！估佢唔到，肉既品質不錯，有得玩，有得食，幾好！總結： 埋單還有9折，真係驚喜, 會再試其他食物，還有$20位自助沙律吧！

好耐冇嚟過坑口，一上到去地鐵站東港城商場，發現有好多林林總總嘅餐廳，今日想食日本菜，就去咗近天橋位附近嘅一個日本餐廳，叫塚田食堂。餐廳位置尚算寬敞，每一張枱之間都有一段空間，尚算都有私隱度。今次做叫左兩份嘢食。滑蛋鰻魚定食， $88 ，滑蛋柔滑香濃，燒鰻魚香脆可口，兩者配埋洋蔥汁，絕配，送飯一流。第二份嘢食，牛肉壽喜燒烏冬定食， $98，呢份定食分量充足，首先有一個火鍋，牛肉新鮮入口即溶，油香感十足，仲有一隻日本生蛋，配菜方面，有唔同嘅小食，有油浸酸瓜，一碗魚生飯，同埋一碗麵豉湯，一個人食晚餐份量，綽綽有餘。提醒一句，每人平均消費滿$68 ，可加$20享用大堂嘅沙律飲品同甜品，幾值得， 十分推介

今日放假準備去將軍澳踩單車，臨踩車前梗係要食返個好嘅午餐。見open rice塚田嘅食評幾好，於是就book咗枱11：30嚟開餐。一行四人全部都叫小牛排鐵板燒，用QR code落完order就出去自助吧攞沙律同飲品。沙律新鮮，但凍飲偏甜。食完沙律主餐送到，啲肉都算新鮮而且調味又幾好（唔會太鹹），份量都適中。食完之後我哋每人再追加一份小牛排（因太好食），食飽再飲返杯熱茶先走。有一點提提大家，因鐵板爐係用酒精粒點火。點火初期有酒精（或化學物）揮發，我們四人中有三人也感眼部不舒服而流眼水。如可以，建議餐廳轉用枱面的電磁爐或轉用其他品牌的酒精粒。整體用膳體驗十分良好，員工友善有禮，主動幫忙加火（因酒精粒很快用完），環境十分整潔。值得一提，帶位員工會讓不同食客儘量分開坐，不會過份擠迫，疫情之下值得一讚。

上次嚟食嘅南蠻炸雞定食有超水準，今日掙扎一番之後決定試下佢哋嘅其他定食。老公點左姜汁炒豬肉定食, 佢話一般，唔難食但冇驚喜。反而另加嘅三件南蠻炸雞非常好食，大舊，有肉同多汁。我就點左炸雞咖喱蛋包飯定食。份量唔大，但女仔一定夠食有餘同好味道！蛋包住嘅飯竟然係茄汁加煙肉炒底！好有誠意（亦怪不得製作時間比較長，我老公差唔多食完我碟飯都味嚟🙈😅）！咖喱汁係甘口，一入口好驚訝「咁甜嘅？」，咖喱基底有啲印度風味，又有啲似日本肉汁飯嘅味道，好濃。炒底飯，加濃咖喱汁再撈埋附上嘅牛膀青瓜漬物一齊食，味道豐富，滋味十足！可惜嗰幾件炸雞冇乜肉，又冇乜味，比起南蠻炸雞相差太遠！下次點炸魚咖喱而另外加南蠻炸雞好過！而碗麵豉湯都唔得，聞起同飲起都有啲怪怪嘅味道…. 飲咗兩啖就放棄咗。

最近真係好想念日本🇯🇵呢間餐廳午餐有🥩燒肉定食價錢都唔算太貴☺️堂食都有9折午市只要食滿$68仲可以享用自助飲品及沙律吧仲有甜品🍰蛋糕仔拎🔸朴葉味噌牛柳定食 $98朴葉味噌係飛驒高山嘅名物鄉土料理，係香港都好少係餐廳食到。呢款完全係解思鄉嘅美食。在火爐上放上朴葉，加上味噌，再配以洋蔥、菇類，唔會太鹹，配飯食好惹味。牛柳牛味濃郁，肉質嫩滑。🔸炸豬扒定食 $88定食包左湯、前菜，炸豬扒炸得好酥脆出色，咬入肉質唔會好乾，仲有醬汁點嚟食！配菜仲有豆腐，非常滑溜，送飯一齊食好味！

塚田食堂呢度啲燒肉套餐有前菜、麵豉湯、飲品吧同白飯，一定食得飽🤣1. 燒肉定食(豬肉片&肥牛片)薄切嘅豬肉片同肥牛片好快熟，啲肉嘅油脂幾多，有油香味，點埋燒肉汁送飯好好食，份量都OK，前菜同麵豉湯都正常。2. 安格斯牛小排&牛柳粒定食呢個餐就淨係得牛肉牛小排厚薄適中食落有肉味，牛柳粒就大粒咗少少但係都唔會好韌，整體來講都幾————————————————-塚田食堂 (將軍澳)📍將軍澳坑口重華路8號東港城1樓181號舖

《悠閑日系食堂🏯》———————————————#塚田食堂 🎌-最近疫情嚴重，邊度都去唔到，都唔好講話去旅行啦，真心好掛住日本🇯🇵 咁啱發現將軍澳區附近就有間日式定食小店🎏 款式種類繁多，燒肉同鍋燒等等，花多眼亂😆-餐廳以木系設計為主，乾淨企理，坐得都幾舒服，採用Semi Buffet形式，套餐包咗飲品包及沙律吧，而且而家做緊平日全日九折，變相免咗加一，好抵食💰-🐮 安格斯牛小排及牛柳粒定食牛小排肉質鮮美滑嫩，油花分布都算均勻，牛香十足，份量都唔少❤️ 而牛柳粒肉質彈韌，富有嚼勁，直接放落鐵板燒上面就立即迫出肉汁，燒得焦香🤤-🐮 牛肉壽喜燒鍋燒烏冬定食雖然無叫到和牛級既牛肉，但普通版既牛肉肉質巳經好嫩滑。壽喜燒鳥冬鍋湯底好濃，加上溫泉蛋-全部鍋燒都用日本宮崎縣走地雞雞湯作為湯底，充滿豐富骨膠原，每一啖都係營養精華，相當滋味，牛肉肉質都算嫩滑😋 定食套餐包咗漬物、溫泉蛋仲有個魚生飯添，超級飽肚😎-⭐價錢參考：安格斯牛小排及牛柳粒定食： $118牛肉壽喜燒鍋燒烏冬定食： $98🍌抵deal 指數：8/10💰人均消費：$100

✨安格斯牛小排定食定食已經包左湯 白飯同出面沙律飲品吧牛小排份量都唔少 有超過十塊肉質結實 口感軟腍 肉味唔算好濃本身冇調味 可以點燒肉汁食麵豉湯清清地 唔錯白飯 正常 有部分有啲糊口✨茶味雪糕盛合有抹茶同焙茶兩種口味咁就可以一次過滿足晒兩個願望抹茶味唔算好濃 焙茶味道相對突出啲雪糕冰感好重 中間有冰粒 有少少偏甜但勝在夠抵食 冇乜好投訴食特可以 份量足環境唔錯 好闊落 坐得舒服服務唔錯 自己以二維碼掃描落單好方便價錢合理 午市套餐而家有九折優惠

今日黎到坑口，到左中午就去左東港城睇下有咩好食，行行下見到塚田食堂既定食唔錯就入左去😎😎原來宜家堂食仲有9折優惠，好抵食‼️我地就點左兩個定食❤️燒金目鯛定食（$138）牛肉壽喜燒鍋鳥冬定食（$98）宜家點餐滿$58以上都附有沙律吧及飲品吧，飲品多不勝數，有好多特別既飲品，包括美人果茶、甘荀蘋果美人水、菠蘿青瓜美人水等等。除左沙律同飲品，仲有兩款蛋糕任食，可以食到飽為止呀。🐷🐷牛肉壽喜燒鍋鳥冬定食跟有漬物、魚生飯同埋溫泉蛋。雖然無叫到和牛級既牛肉，但普通版既牛肉肉質已經好嫩滑。壽喜燒鳥冬鍋湯底好濃，加上溫泉蛋一齊食令到鳥冬更加軟滑，食到最後如果嫌湯底太濃味加雞蛋一齊食就可以中和返。魚生飯不過不失，不過對一個女仔黎講食埋魚生飯份量真係有點多，不過好味既野都係要食哂既。燒金目鯛定食跟有味噌湯、飯、豆腐及漬物。燒金目鯛肉主要將內面燒到乾身有少少焦香，而鯛魚肉質厚實，較少油脂，比較有咬口。食落口非常鮮味，唔鍾意食魚既人可能會覺得有少少腥，但我自己就幾鍾意佢既鮮香味。最後食埋個Mousse蛋糕仔，有朱古力同綠茶味，比想像中好味，還可以。