堅信號上海生煎皇 (淘大商場2期)

营业中

休息中

Many shops of this restaurant. We choose that near Kowloon to din. We waited for about 10 mins. There are still somebody waiting outside at around 20:30.The hygiene very good, using wood chopsticks 🥢 under covid-19.Iced soy milk 🥛 ~ the sweetness is acceptable 👍🏻雞扒湯麵～ very delicious 😋 with healthy noodlesVegetables and meat dumplings 🥟 with soup , healthy choice againFamous dish-生煎包～must order again!!!! Super yummy and juicy 😋肴肉 with beef in the middle~ special dishVery full for two ppl

加入左openrice一段時間，平時食嘢成日相機食先，一直都想食評，終於的起心肝第一次寫食評晚飯去咗試堅信號，開咗一段時間聽人講話好味，今次嗌咗幾樣野：生煎包- 推介，湯汁好味，飽底香脆，整體絕對值得一試紅油抄手- 有啲辣，但味道唔錯，唔會太咸或者太淡孜然雞翼- 推介，待應拎黎嘅時候係好熱，入口嘅時候覺得好香口，啲皮有香脆嘅感覺上海粗炒- 味道一般，冇菜館或中餐廳炒出黎嗰種鑊氣待應服務ok，但舖頭比較細座位有啲逼，2人檯好細張，再加上有防疫膠板分隔，張檯冇咩位擺野，所以餐飯坐得唔係咁舒服，有啲壓迫感希望下次再食待應會安排一個比較舒服嘅座位

堅信號有好多分店，今晚發現喺淘大都有！👍🏻我一直都好想試呢間餐廳既生煎包，今晚一試，發覺的確唔錯！個底煎得幾脆幾香！正如枱面張食生煎包既教學所言，咬開少少果陣一定要吹下包入面既湯汁，同等一等，因為湯汁真係非常之熱辣辣，而且湯汁量都唔少，肉味都幾好！生煎包亦都唔會好油膩，推薦！👍🏻另外，見到投疫晚市套餐幾抵食，於是叫左個京蔥牛肉湯麵餐，配雞絲粉皮、鮑汁生菜同熱豆漿。湯麵既湯底無乜味，麵質係偏向粉感，但京蔥牛肉既味道幾好，牛肉厚薄適中，亦夠嫩，彌補到湯麵既不足！如果配菜飯可能更match!!雞絲粉皮有驚喜！粉皮好似蒟蒻咁滑、爽口👍🏻生菜都幾新鮮，如鮑汁可以再多少少就更好！豆漿唔會太甜，豆味都夠。另外，服務員好有禮貌，會叫我地食得開心d，抵讚！👍🏻

好耐無去淘大商場，好驚喜...原來開咗間堅信號生煎皇，因為我想試食好耐啦！下午茶時段，28元有4個生煎飽+豆漿，超級抵食！最重要係，生煎飽真係好好味呀！👍🏻夠熱及飽底好脆，但食個時真係要小心燙咀！餐牌上的食物都很吸引，價錢合理，必定會帶埋親朋好友去試！值得欣賞是員工態度很友善，會提你「小心燙咀」、「請慢用」，雖然都是很簡單的說話，但又有幾多間餐廳食肆做得到？希望堅信號可以繼續保持水準！👍🏻👍🏻👍🏻👍🏻👍🏻👍🏻

之前試過午餐外賣呢間新開嘅堅信號上海生煎皇，覺得都唔錯，今晚就決定去堂食食個晚飯。除咗主餐牌之外，晚市仲有套餐選擇。佢嘅選擇都幾啱食，每個主菜都跟兩個小食，而且價錢唔貴涼拌茄子加招牌生煎包，茄子嘅醬汁非常醒胃，做前菜一流，生煎包水準不錯，不過略嫌細隻咗少少京蔥牛肉菜飯，估唔到個京蔥牛肉幾好食！炒得好有鑊氣，牛肉亦好入味及嫩滑！另外散叫咗一個迷你蟲草花雲吞雞，味精味唔算重，湯底尚算清甜，雲吞餡料新鮮及大大粒，可以一試！

一直都聽聞過呢間生煎包好好食，終於有機會試到啦! 必點推介---- >堅信號生煎包 見到每一台都會點就知佢有幾吸引啦 ! 一咬開超多肉汁，多到好似飲湯咁，而且個汁好清好鮮，超正呀! 同埋，隻隻都煎到個底好脆，絕不馬虎 (溫馨提示:唔好一口食野，因為真係好多肉汁噴出黎，熱親個口就唔好啦!) 雞絲粉皮 上海野又點會少左佢呀!個粉皮好滑又好薄身，而且青瓜絲同雞肉絲份量比例剛好，每一口都可以食到兩者，好多時其他店得青瓜絲，肉都搵唔到!呢間好得呀 蒜泥白肉 粉皮同雞絲粉皮一樣，都係咁滑身。佢地蒜頭好多，夠我塊塊肉都可以包一堆蒜頭咁食，岩曬蒜容怪既我 京汁茄子 一直都係我最愛的小食 茄子超超超超超軟身，份量又多，CP值超高 呢個可以做必選之一 紅油抄手 個皮好薄，入面既肉好多，好漲POPO呀! 同埋好鐘意佢個汁，起初以為佢好辣，點知唔係，原來係慢愎麻辣出黎，個感覺好正呀! 上菜時間好快，同埋店員超有禮貌，整體好好!

這次到堅信號生煎皇，吃了幾款不同的餸菜，味道相當不錯。首先是生煎包。包底被煎得十分脆口，內多湯汁，十分可口。桌上還附有插圖指引如何吃生煎包，有趣亦有創意，值得一讚。麻辣無骨鳳爪與酸辣湯雲吞，味當適中，適合不能吃太辣的朋友。京蔥牛脊片菜飯方面，牛脊片不會靭口難以咀啜，也炒香得不錯。如果想吃清淡一點，也可選擇雞絲粉皮和鮑汁生菜。粉皮的芝麻醬份量適中，不會令菜式過份膩口，同時保持了粉皮的涼爽到。而鮑汁生菜用料新鮮，不會過份沸煮引致流失蔬菜質感，加上鮑汁則為此菜式作出味道提升。店舖環境方面，以小丸子卡通中的永澤同學為設計主題。舖內有不少卡通在壁上作點綴，也作生煎包的宣傳，令點舖環境生色不少，相信小朋友會喜歡。店內座位間還設有高身檔板，並會提供口罩套給顧客，此防疫衛生措施可令顧客安心用膳，值得一讚。

哩間生煎包王好多分店，咁岩係淘大開左，住開哩邊就同朋友去左試下，算係平民小店，好岩帶埋屋企人去食！餐廳位置吾算好大，所以都等左10 分鐘度先入到去，食品既選擇都幾多，由於我吾太肚餓，就叫左幾款小食share，仲見到有lunch and dinner set,好抵食！必推：雞絲粉皮個麻醬同粉皮好好味，吾會過咸/過淡！細細地一碟兩個人share岩哂！個粉皮好滑溜，醬都好香口，幫我地開左胃口！必推：生煎包個包煎到小小脆，又吾會過蕉，入面既湯料爆出黎，口味吾會過咸！好考技巧👍必推：麻辣無骨鳳爪哩款就岩哂鐘意食辣既朋友，小小辣，好爽既鳳爪😍😍總括依然，哩間鋪頭好岩屋企人口味，應該會成日黎幫襯，$200 2個人食到飽落樓

淘大商場tea time~呢間生煎皇好似係新開/或者係我太耐冇行開呢頭見都ok多人就同朋友決定試下~~生煎包(4個) ($28)招牌生煎包不負其名,真係好得!!個底煎到金黃,面頭有幾粒黑一咬開爆唒汁! 餡料足,好食~古法扣豬手加菜飯 ($36)好大碟,冇諗過下午茶都咁多個豬手好淋好入味~~另外仲有叫上海菜肉雲吞湯米 ($36)正常雲吞米,都ok~下午茶set仲有跟野飲大家都係叫凍豆漿,唔係好甜Recommendation rating (out of five):

假日去食下午茶，唔使等位即時入座。坐下就叫左一碟上海粗炒面，另外一碟生煎包2隻。粗炒首先上，很熱燙的，粗面比較硬身，咬落適合我口味，還有面上掛上了汁，整體味道幾好，加上有一点冬菇絲，点緻一下味道，简單但不錯。到2隻生煎包上枱，非常非常之熱，我要等上幾分鈡才可以開始食。先聞一下，有香葱和芝麻的香味，饱皮外層一点焦脆，煎得不錯。饱內的肉馅新鲜加上有很多湯汁，简單而真材實料，整体的效果很好。食哂兩個，很饱。

經過淘大， 俾呢間舖頭嘅裝飾吸引住， 因為係掛滿咗小丸子個同學洋蔥頭原來堅信號係賣生煎包嘅~見到張海報先記得，之前好似有個男藝人開舖頭不過講唔出佢個名， 淨係記得好似係江若琳老公~入到舖頭都幾乾淨, 靚靚裝修配疫情之下嘅靚靚隔板~啲侍應嘅招呼都幾好~唔係好肚餓~ 所以淨係叫咗一份四個嘅堅信號生煎包~36蚊四個~ 都幾好食 ~ 不過坦白講就好似真係祥興記好食啲洋蔥頭嘅包~設計得好可愛~ 可惜價錢冇生煎包咁抵~有機會會再食

講起上海菜我個腦第一時間浮現既就係上海菜飯 生煎包 紅燒軟排/糖醋排骨麵全部都係我杯茶！話說淘大突然開左一間新上海菜聽講係江若琳老公開既舖頭最近因為小丸子crossover推出左永澤同學造型包點套餐引起左熱潮本身我都係衝住永澤同學包點想嘗鮮但去到見到佢晚市套餐有疫情優惠主食加兩款小食連飲品都係平均HKD 60至 80左右 超抵小食既種類仲好有誠意於是就改戰晚市套餐！我同男友分別叫左 京葱牛肉菜飯 配 雞絲粉皮 鮑汁菜芯同 蜜椒雞扒菜飯 配 招牌生煎包（2個）再加 涼伴青瓜飲品方面則叫左豆漿超豐富既一餐上海菜 咩都有得食少少 正味道方面 主食既質素亦相當不俗份量足 菜飯煮得好香軟 蜜椒雞扒惹味 京蔥牛肉有鑊氣但最令我地驚喜係跟餐小菜招牌生煎包比夠兩大個你 皮薄饀香新鮮滾熱辣 咬開滿滿既湯汁湧出尼 正！雞絲粉皮都好有驚喜 調味岩岩好 粉皮又薄又滑 佐以青瓜絲 好開胃！總括而言 係口痕想食上海菜既高cp值之選！

之前聽朋友講呢間店既生煎包好好食，見屋企附近開左間分店，就專登過黎食晚餐。睇下點餐紙，見到有啲套餐幾抵食，仲可以散叫啲野食！有好多好吸引既上海菜啊！我自己一個人過黎食，點左一份抗疫晚市套餐，呢個晚市套餐有成6款咁多，款款都好吸引，好難揀啊！我點左套餐E，有蜜椒雞扒菜飯、涼伴青瓜、招牌生煎包同飲品，好豐富！蜜椒雞扒煎到好香脆，外脆內嫩又juicy！菜飯好大碟！爽口既青瓜，好開胃，唔經唔覺就清哂一碟！重頭戲當然係呢度既招牌生煎包啦，生煎包新鮮出爐熱辣辣，要攤一陣先可以食，一咬落去啲肉汁勁多，而且勁鮮甜，皮薄餡靚，係我食過最好味既生煎包啊！除左套餐外，我仲點左個皮蛋豆腐，豆腐好滑，皮蛋又香又惹味，正！

這一晚來到淘大商場，去新開一間上海店：堅信號食晚餐相信這間店吸引很多小丸子迷，哈哈。但店內沒有小丸子，而是以永澤同學作招徠我哋特意前來，品嚐永澤同學套餐，另外都叫咗一個晚餐。先來嘅係佢哋招牌生煎包。生煎包煎得個底好香脆，裏面的肉同肉汁都好豐富涼拌青瓜都好新鮮好爽脆，醬汁味道剛剛好。因為永澤同學套餐，所以飲品凍豆漿嘅杯都有佢嘅貼紙，可愛😊一個餐叫咗凍豆漿，一個叫熱豆漿。個人覺得熱豆漿比較香份量都幾大，雞排外皮煎得香脆，甜甜地同埋有胡椒味，送菜飯唔錯最後都永澤同學包。白色嘅係奶皇包，綠色嘅係抹茶紅豆包。奶皇包就似中式茶樓食嘅，奶黃都幾香滑幾重奶味。綠茶紅豆包感覺就比較日式，紅豆蓉好綿好濃味而唔會過甜。好趣致🤣餐廳開業不久，吸引好多附近居民試試。在淘大商場來講，佢哋嘅價錢算合理。希望下次試吓佢哋嘅涼拌茄子，好似都幾吸引。

今天和朋友來到九龍灣逛街，朋友是小丸子迷，知道淘大商場有這家堅信號，有其中永澤同學套餐，樣子很可愛，於是便來打卡了。想不到除了有噱頭， 食物的質素算是不錯。紅豆豆漿紅豆軟綿綿，配上充滿豆味的豆漿，確實不錯豆漿也不會過甜，值得一試。永澤同學套餐永澤抹茶紅豆包抹茶配上紅豆，沒想到和中式包是這麼相襯，打開包子時的熱辣辣的紅豆香味，而且十分足料，紅豆蓉非常香👍🏼永澤奶皇包本來對這些公仔包沒有太大的期待，但想不到奶黃餡是香香甜甜的，質素頗為不錯，最開心的是這個套餐還有一杯豆漿。酸辣雲吞湯酸辣湯的材料豐富，有木耳、筍、豆腐和腐皮等，配上雲吞後更是很夾！麻辣無骨鳳爪開胃小菜之一，鳳爪麻麻辣辣，很惹味！