坤記糕品專家 (已結業)

傳統糕點店越黎越少，坤記就係僅存嘅老字號，佢位於深水埗港鐵站出口旁。每天8點，店面就會擺好林林總總嘅傳統糕點，缽仔糕，白糖糕，鬆糕，芝麻糕……記得小時候每次探望嫲嫲，嫲嫲都會一早買定白糖糕等我。那種感覺，那種味道，至今未忘。現在已經成為社會人士。每次經過都會不由自主地買番幾件。白糖糕$8清甜一如既往，不會有過分嗆喉嘅酸味。芝麻糕$10足足有9層，芝麻味濃郁，滑口，但略為偏甜。黄糖缽仔糕$8大大件，紅豆夠稔無渣。但只停留在缽仔糕面，退步左？紅豆糕$10同缽仔糕剛好相反，啖啖都係紅豆。難怪價錢會貴啲。時光嘅流逝，熟悉嘅味道，拼湊出後來嘅傳統。喜愛也許是一種懷念，是一個回憶，更是一種不捨。