坤記煲仔小菜

营业中

休息中

終於有機會去呢到食..兩個人十點去到唁駛等位，但係d排骨就賣哂,結果叫左三樣野1)白鱔滑雞煲仔飯，煲仔飯真係好好味，雖然要耐d，但都係值得，飯煲得剛剛好，飯焦脆卜卜，白鱔同雞都好好味!正!2)紅燒班腩煲，呢個都好好味，熱辣辣，班腩好夠味，又冇骨,good!3)豆腐魚頭湯煲，呢個對比下就普通左d,但都唔錯呢度食物好，但環境就差少少，但係去得食都預左!

今日終於同左男朋友黎呢度食煲仔飯啦！黎到已經好多人啦！好彩有訂位！！係條街度食好有大排檔feel！食左田雞白鱔飯同埋腊味排骨飯，兩樣都好得！d飯好一粒粒，飯焦又無燶味喎！！白鱔好淋好有鮮味，但田雞略為un左ｄ．．腊腸同潤腸唔知點解好食過平時食開個ｄ．．排骨亦好淋好夠味，成煲飯都好熱仲有少少辣！！好味呀！！

中環行去西環坤記排咗半句鐘，落完柯打又等咗半句鐘，不過。。。係值得嘅！紅燒班腩煲，好味好大兜好好好鑊氣呀！介蘭，大碌咗啲。。。臘味雞煲仔飯本人覺得好過新翠華盛惠$108，抵到冇聲出。見到以下嘅小菜色香都好正，下次會試：薑葱生蠔煲，啫啫雞煲，椒鹽九吐魚。亦會返兜紅燒班腩煲。

真正的炭爐煲仔飯，在香港已經不多。吃煲仔飯我不太重視材料，更不需要一個什麼甜醬油，但就要求一煲靚飯。剛從炭爐燒出來的煲仔飯，焗起已聞到飯香，是平常的炭爐煲仔飯所不能替代的。在本地云云炭爐煲仔飯店中，個人覺得這裡是水準最高的一間。天氣忽然轉涼，一班食友即興的諗住去吃火窩，諗住又想食埋煲仔飯，就拉隊來了這裡。呢度搬左新舖，感覺上地方光鮮左，但坐位又好似唔係多左好多，開埋出街邊，都長期有十幾人在等位，幾犀利。十幾位食友，又羊腩煲又打邊爐，好不高興。煲仔飯方面，一共叫了五煲，先叫了田雞排骨、白鱔滑雞、臘味油鴨及窩蛋牛肉。煲仔飯逐煲拿來，先沿煲邊下一點醬油，焗一會就有得吃。都說材料是配角，飯才是一切。這裡的飯香味十足，粒粒分明不會一舊舊的，吃起上來，偏乾身及較硬淨，正合個人口味。上檯前下了生油搖煲，所以飯焦是可以輕易的剷起又撈入飯中一起吃。人多，每人每煲都只分得一小碗飯，正好是少吃多滋味，這裡的煲仔飯，是高水準的。幾款配料，仍然喜歡最傳統的臘味油鴨，臘味的油份及香味滲進飯內，是別的材料比不上的，所以最後追加的一煲潤腸飯也很快吃個煲底朝天。除了主角的煲仔飯，火窩方面是弱了一點。火窩料選擇較少，亦如

有冇訂位,冇?等下啦.去坤記,是一定要訂位的.最好食六點,因為如果你訂八點,就起碼八點半才有位!在早兩期的HK magazine (2006Jan8).坤記名列The longest queue restaurant in Hong Kong 的其中一間,可想而知.煲仔飯:不用說,是must eat.坤哥辛辛苦苦,又先用煤氣爐將生米煮成生熟飯,再用炭爐,煮慢慢煲熟配料,慢工出細貸,最少五,六個字才能完成.是有血有汗的煲仔飯.煲仔菜:栗子蚊雞煲!超林栗子,入味滑雞,個煲是熱到出煙,同吱吱聲.豬骨煲:大大煲,二人前加一客肥牛,好了,免得眼闊肚窄坐門口,空氣流通,不過會有走過,要小心!

天氣突然下降,又諗起去食煲仔飯,就老遠去到坤記,6：45已經坐到出門口,仲有人等緊,那處不設派”紙仔”,你問佢點排,佢亦唔會答你,原因係佢d木台一早比人訂曬,佢又唔想咁唔客氣叫你走,所以你無訂位就唔好去食la !講番個煲仔飯,我叫左個白鱔排骨加潤腸,買相唔錯,個豉汁幾好,唔會太濃,d鱔都有d味,排骨同潤腸ok 啦，飯亦好香，底部有飯焦！我食煲仔飯唔會落豉油，原因係我比較鍾意原汁原味（材料本身０既汁滲落ｄ飯道其實最好味），但為左講比食友知，我就落左少少，ｄ豉油放左落飯道，味道唔算好突出，但就咁點一點，又幾好味！（佢應該加左薑去煮）總扣括離講，ｌｅｅ道ｄ煲仔飯係幾好味，但唔係超好果隻！我心目中最好味０既煲仔飯，係大約十一，二年前在旺角女人街明苑食０既，可惜，他的師傅走了後，水準就不再了，不過，我下次仍然會去多一次坤記，因為我仲未食佢個豬骨煲，食完再寫過！

天氣轉涼左好耐，而我今季仲未食過煲仔飯，點得呀!本來諗住去添樂園，但係大家既食評中搵到坤記，於是一於過海試新野。係食評當中知道呢度人山人海，都係訂位先。訂左八點兩位，點知都要等到八點半先入座，因為佢\\\地既細檯細少，而好多人都係黎呢度打邊爐，所以無d耐性都係六點黎食頭圍。雖然隔離檯檯都係打邊爐，但我地都唔想烚下烚下，我地黎既目的係食煲仔飯架嘛!!於是叫左油鴨田雞同我至愛既潤腸田雞飯，再加多沙爹芥蘭炒牛肉同蒜蓉蒸開邊蝦，黎多枝青島大啤，真爽!!沙爹芥蘭炒牛肉沙爹味濃而牛肉夠軟滑，芥蘭略嫌普通，而個汁要黎送飯簡直一流，可惜我唔係黎食白飯啦!我記得蘇絲黃講過叫蒜蓉蒸開邊蝦既人唔識食，因為蒜蓉既味道會蓋\\\過蝦既鮮味，但坤記既製作就可以搵到平衡點，既有蒜蓉既冶味，又有蝦既鮮味，大大隻海蝦好正!等左咁耐，煲仔飯終於黎喇，先沿煲邊落少少豉油再放返個蓋\\\焗佢\\\一陣，打開時就飯香撲鼻啦! 飯身夠飽滿亦夠飯味，但略嫌濕左少少，至於潤腸屬佳品，酒香配埋潤既味道相當一流，而田雞亦啖啖肉而嫩滑，難得難得，因為坊間有好多煲仔飯既田雞都係煲得過熟，食起黎鞋口有渣，唔得掂。最後既重頭戲飯焦亦香脆，剛剛好

今天是冬至,因前天已與家人做冬,故打算今天與朋友及女友來吃此曾緣慳一面的煲仔飯. 因上星期曾來過但實在太多人了, 唯有去了別店. 今天已預早訂枱但也只輪到8:30的枱. 到達後已全場滿座, 幸好有訂枱, 等了一會便安排了入座. 我們點了枝竹羊腩煲$78.立鴨田雞煲仔飯$38.白鱔加雞加臘腸煲仔飯$42. 首先出場.羊腩煲出場,料不算多預你會再加火鍋料. 接著田雞煲仔飯, 飯味及飯焦一流. 接著叫了蘿白拼甜粟米放哂入羊腩煲. 不一會白鱔雞臘腸也來了, 白鱔很鮮臘腸好味道. 食下食下蘿白甜粟也食得了, 粟米超級好味, 很有粟米味道.正. 快將十時, 員工已拿出一個大大的生日蛋糕及唱起生日歌來祝老闆生日, 此時,全部顧客也一起拍掌及唱起生日歌來.只見老闆面紅紅地從煲仔飯廚房走出來,面帶微笑來切蛋糕. 頓時發覺此店確是溫暖萬分,那怕店外那寒風吹襲呢.

20051217 6pm能夠在離開openrice 前, 再寫一寫這裡, 真好!上年冬天吃過, 念念不忘. 今年再來. 星期五晚7時許來到, 門前排了約3檯人. 肚餓, 放棄. 死心不息, 星期六, 又來!6pm 來到, 已有3-4 檯客, 坐下約15 mins 後, 已全場爆滿. 心想真是好彩!2人order 了-* 臘味排骨煲仔飯- 無o野好講, 我一路食, 一路忍唔住猛講: "好正呀~好正呀~" 臘味靚! 排骨入味肥瘦適中. 最緊要, 飯焦! 脆卜卜!! 沒一點焦味! 靚到不得了!* 沙嗲粉絲肥牛煲- 肥牛絕不欺場, 有約一磅! 真係唔好講笑! 肥牛仲多過粉絲! 不過味道則稍嫌不夠惹味~* 蒜蓉炒芥蘭- 等位時有個女人看到我桌上的芥蘭, 尖叫道: "嘩~~碟菜好靚呀~碟菜好靚呀~" 的確! 爽甜! 新鮮! 香! 有鑊氣! 而且才$25!老闆娘的態度我覺得還可, 但我聽到鄰桌的客人用粗口破口大罵她黑口黑面. 其他的侍仔態度不錯.環境這一次我選擇坐到街上去, 因為坐店內衣服會吸滿炭味. 作為排檔來說這裡我覺得算相當乾淨.Total around $120.p.s. 星期五晚湊巧碰到

同一條街全新裝修!比以前更靚!但價錢冇變!一樣咁好食!有一樣要同坤哥平反,點解要d煲仔飯要咁耐!因為要先用煤氣爐煮,後再用炭爐煮,所以要咁耐!"不是粗製濫造"每一煲飯都係坤哥既用心做既,佢能夠保持既水準,就是呢份心機!要食好野,就要比d耐性啦!!個人意見,請不要見怪!!!

豬骨煲勁正，多水又多骨。重多加雞腳使個湯起膠，叫多左幾個小菜(水準都幾高)。宜家夏天就小d人(唔洗等位)，一到冬天就唔洗指意喇.......最正係食完一d都唔口渴，同十位朋友食到飽加飲啤酒飲到醉都係每人九十蚊....

叫左個臘味牛肉料足飯香d飯唔落醬油都好好味同埋d 飯焦都好正老細同d阿姐都好好人我覺得呢間野幾好有網友話佢用煤氣爐唔係炭爐因為我坐門口位見到佢係先係煤氣爐煮左一陣再將個煲放係炭爐度煮唔係全程用炭爐下次去食小炒同煲先

星期六真係專程來食個炭爐煲仔飯。一條細街仔裡，竟然咁多人識搵o黎呢度食，唔通真係好好食?本來好想叫羊腩煲，但同老公兩條友驚食唔駛，只係叫了田雞煲仔飯、生炒骨同金銀蛋白菜仔。真係等了好耐，我估起碼有30分鍾，連老公平時有耐性都覺得。第一碟係生炒骨，睇個買相都唔太討好，炒得好黑，而且黐了一點一點的鑊屎，沒有甜酸味只得一個咸字，骨本身又炸得唔多脆，係我第一次食淨晒d生炒骨。金銀蛋白菜仔有d肉碎舖係面，好似咸蛋蒸肉餅咁，唔知係咪師傅賭馬衰左，兩碟小菜都好咸。最後o黎係個煲仔飯，田雞唔錯肉質好嫩滑，可惜飯味唔夠香，但可以食都一粒粒的飯粒，最正就係有好大塊飯焦係低，不過輪味道覺得新翠華較勝一籌。落樓下埋單時，雖發覺然佢有炭爐，但係眼見所有煲緊的煲仔飯都係用緊煤氣爐o黎煲的。

原來呢度煲仔飯至掂, 我上次仲食豬骨煲, 羊腩煲tim~daddy叫o左個鱔煲, 佢仲話師父功夫好, d料正, d飯又好靚wor, 讚到咩咁, 大家襯呢幾日凍真係可以試下!!!!!!!!

羊腩煲好多羊腩... 我o地3個人... 食極都好似重有咁! 好誇張! 重有真係好好味!! 叫d 菜放入去! d菜吸o左d汁之後簡直係人間極品!! 連我唔鍾意食菜都話正! 羊腩又夠腍~環境雖然一般! 但係咁好味都冇所謂! 重好平tim!