坤記煲仔小菜

實在太鍾意食港式嘅芝士焗龍蝦伊麵底，今日嚟到西營盤坤記，得兩條友食晚餐，唔想叫兩個煲仔飯咁寡，所以就叫咗其中一個佢地嘅特別介紹：芝士上湯中蝦(伊麵底)，順便試試個小菜廚嘅功力，另外叫一個白鱔排骨臘腸煲仔飯。一如所料，煲仔飯要等好耐，芝士蝦先上枱。嘩，芝士蝦都用煲仔上，熱辣辣，誠意十足。但放低一睇，瀨嘢😱，點解個芝士汁會稀如水呢？一問之下，原來佢哋做嘅係有芝士嘅上湯，而非芝士上湯汁。既來之則安之，當然照食可也。芝士上湯，雖然同我想像嘅質感好大落差，但味道竟然係好味嘅，芝士味夠，上湯亦ok。中蝦炸得夠透，可以連殼一起吃掉。伊麵唔會過淋，淥得啱啱好。成件事係中伏了，卻又幾好食😆。🐑白鱔排骨臘腸煲仔飯，所有嘅餸都唔錯，煲底飯焦亦好易起，而且幾靚仔，不過個飯略嫌都仲係濕咗少少，慢火煨多佢5分鐘可能好啲。🐑椒絲腐乳通菜，好味，冇投訴，完。#西營盤 #坤記 #脷安食道 #LeionFoodChannel…Read More

成日都話食煲仔飯係撞手神。今晚兩人用餐，叫咗以下餸菜：1. 招牌黃金蠟味撈飯（追加潤腸）2. 椒鹽九肚魚3. 啫啫娃娃菜招牌黃金蠟味撈飯：時間唔足，飯焦極少，但蠟味油香爭少少，追加潤腸偏咸偏硬（冇粉感），但飯底乾身都算合格。椒鹽九肚魚：九肚魚一如平日粉薄、火候岩岩好，但面料偏少，食唔出椒鹽風味。啫啫娃娃菜：煲仔上果下香氣足，但又係時間爭啲，菜唔太入味。總括嚟講，多次幫襯，今次算偶有失手，特別係個飯油香同飯焦都爭少少，但水準穩定，仍會回頭幫襯。…Read More

慕名而來，平日夜晚排隊都要排兩個鐘先有得入去真係好多人感覺有半個場係外國旅客。餐牌都多嘢選擇，除咗煲仔飯仲有啲小菜，炒蜆椒鹽鮮魷九肚魚通菜嗰啲，唔會太寡。不過可能真係太多人，煲仔飯都要等成45分鐘，如果太肚餓嘅真係會餓死，可能佢啲爐頭太少唔可以一次過同時煮太多煲。試咗個田雞白鱔煲仔飯，真係即叫即整，上嘅時候個煲仲熱辣辣，啲飯焦仲未凍硬。田雞同白鱔都好新鮮，feel都用料係好嘅，不過分量唔算多。敗筆就係啲飯焦好少，可能急住上枱，只係得少少淡黃色，唔夠香脆。同埋要排太耐又坐得好迫，性價比連等候時間令到佢扣咗啲分。…Read More

前排聽朋友講呢坤記煲仔小菜啲煲仔飯好好食，見呢排時間多少少一家去西環個邊行下，順便試一試。叫咗招牌臘味煲仔飯、滑雞煲仔飯同煲湯。飯煲上枱仲滋滋聲，香到漏！臘味香氣滲晒入飯粒，食落去粒粒都有入晒味，飯底焦香十足，大家都爭住食。滑雞嫩滑唔會有骨碎，我哋都好放心俾小朋友食。唔夠甜鼓油職員都會幫忙加甜豉油，服務細心。坐位傳統茶檔style但夠local feel。大家食完都話滿足，價錢唔過$300，抵到爆。建議早啲去，唔係真係要排耐啲！人氣真係唔少。…Read More

聽朋友講西環有間好出名既煲仔飯，一於今日就去試下，朋友話要比較早去先有位，例如下午5點半開業即刻去。我地去到都真係在門口等了大概15分鐘才有位，吃完出來，門口一大條龍排曬隊，真係好多人去食。通菜炒鮮魷，炒菜的味道幾好，鮮魷都有鮮味而且口感Q彈。白鱔排骨飯，配料的話白鱔整得幾好，煲仔飯我反而覺得沒有特別好吃，可以說是普普通通，是有飯焦的，但是上菜速度也需要等很久，最少半個小時。大家真的不趕時間，不介意等候才去吃吧。…Read More

食咗個臘味田雞飯，白鱔滑雞飯（加咗臘腸）同埋金銀蛋莧菜。唔講笑真係好好味個MVP係佢個脆飯，個菜就冇乜咁特別啦。睇到網上面啲人話要排兩個鐘咁我哋五點去到，但係嗰陣時都冇人排隊…Read More

平日去 21:00左右開始排隊40-50分鐘兩人叫左兩個煲仔飯等菜約莫都係40-50分鐘計埋食接近3個鐘食物普通 。價錢以煲仔飯黎講偏貴 最平既都$100可能因為最低消費$100起…Read More

首先，一開始一個人入去，叫左2個煲仔飯 因為未人齊，咁人齊4個，4個人 3大人1小朋友，入左去la, 覺得不夠加左個小菜，炒芥蘭，想加多個煲仔飯，店員說夠食，食到一半，店員說4個人要消費夠400，一人一百蚊咁計，我就講 小朋友都要計，我小朋友3歲，有啲不合理，咁不通bb 又要計，你已經座位又逼架la其實，2個煲仔飯加個小菜 都3百，差幾十蚊，有需要嗎？事件未完，到之後 煲仔飯來到 小菜來到， 不夠食 想再加，個店員又說，而家不加得，要一開始講，咁佢一開始不講，要一開始叫哂，而家先講，你又話不夠錢，我而家加野食又不俾，我一開始話想加多個煲仔飯，你又話夠食，原全不合理如是者，嘈多2嘈 又加左了，等40分鐘我預料今晚翻到屋企，應該要煮面除左小朋友飽，應該3個大人，都未飽因為而家在等緊飯的路上，打呢遍野味道，就還好用咁多時間等，你諗你諗值不值得了這樣的態度驚世，慎入，慎重考慮驚世，慎入，慎重考慮…Read More

我真系忍唔住要爆粗！呢间店嘅服务态度简直系离谱到极点！入到去，竟然逼我哋同四个人拼桌，我哋两个人坐喺度，连转身都难，背脊贴住墙，坐得咁辛苦，店员仲要不停咁催我哋“往里挤”，真系火都嚟！同台嘅另外两个人就坐得舒舒服服，仲要霸住个位放袋，我哋就似乞儿咁缩喺角落，真系离谱！最离谱嘅系，我哋见到隔篱有空嘅双人桌，好心请求换位，点知个店员即刻瞪大对眼，怒吼：“换唔到！再嘈就唔好食！”哇，你咩态度啊？我哋系嚟食饭，唔系嚟受气㗎！仲要咁恶死，真系以为我哋好欺负？最搞笑嘅系，十分钟之后，另外两个大汉顾客提出换位，店员即刻变脸，殷勤到不得了，带佢哋去坐双人位，仲要帮我哋两个年轻人“负担”？我哋质问点解区别对待，个店员竟然冷笑：“我爱让谁坐就谁坐！”哇，你咩道理啊？你系老板咩？定系觉得自己系皇帝？呢间店嘅服务态度真系差到冇朋友！我劝大家千祈唔好嚟帮衬，除非你想嚟受气！店员嘅态度简直系侮辱顾客，完全唔尊重人！我哋系嚟食饭，唔系嚟受你嘅气！希望大家睇清楚呢间店嘅真面目，唔好再嚟受罪！…Read More

等咗兩個鐘特登去食，煲仔飯係好食嘅，飯底好，飯焦係脆，而不是硬到牙都崩，潤腸好食，但其他小抄基本上，同其他市政街市差唔多！不是太突出，價錢合理！！最後我重來未試過，俾人用兩只手抹下抹下，叫我快啲走嘅！…Read More

網上見到啲人話坤記好好食，於是我地特登去西營盤試吓。間餐廳改左唔做午市，淨係做晚市，晚市由下午5:30開始，我哋大約5:45到，見到門口已經打晒蛇餅，最後我哋等咗兩個鐘先入到餐廳，叫完嘢食等咗半個鐘先上食物。我同朋友都叫咗鴛鴦腸飯，諗住等咗咁耐，又見咁多人排隊，或者啲嘢食真係好好食，原來根本唔係呢回事，煲仔飯配料好少，臘腸好硬，唔知係唔熟定係點樣，我朋友嗰碗煲仔飯都係咁，總之唔值$100呢個價錢，而且座位好迫，下次唔會再食。…Read More

这一家店最出名的就是吃煲仔饭，平时就是做街坊的生意，可能宣传的多了，现在游客也蜂拥而至，导致排队的人龙十分的夸张。他们的小炒也非常的新鲜和地道。有兴趣的人可以去尝试一下。…Read More

天氣凍咗少少❄️最啱就係去食熱辣辣🔥嘅煲仔飯坤記有兩間分店都係西營盤本店多啲人排隊本店星期一至六5:30開門但如果想入第一輪 五點已經要去到如果第一輪入唔到 起碼要排1個鐘以上🥲我哋今次就係星期六晚5:15去到 入唔到第一輪 都要排咗接近1個鐘先入到🥲🥲好誇張 我地3個人嗌咗2個煲仔飯同1個小菜煲仔飯要等多大概30分鐘建議可以嗌小菜食住先白鱔排骨飯 $125大大件白鱔 肉質鮮嫩甜 有骨🐟🦴要小心啲慢慢食排骨肉質軟腍 少少肥 幾唔錯👍煲仔飯面頭有勁多豆豉 食前倒上秘製醬油拌飯同食 超級惹味😋煲仔飯嘅靈魂👻當然係飯焦 飯底夠焦香唔會燶 食落脆卜卜 好香米香味🍚臘味滑雞飯 $110雞肉幾入味同嫩滑😋煲仔飯加埋臘腸同潤腸嘅油香 加熱後油脂滲入米飯裡面 香上加香~成個煲仔飯啖啖肉 撈埋啲甜豉油一齊食超級香同入味❗️椒鹽九肚魚 $90炸到金金黃黃👑外相好吸引😍識落幾乎食唔到炸粉 超級超級薄魚肉🐟嫩滑 配埋自製嘅喼汁 超級惹味😝總括嚟講 煲仔飯係好食嘅 但味道咁驚艷值得排一個鐘以上 反而覺得小菜好好食 有驚喜…Read More

聽從朋友介紹到此一試。怎料食物味道一般，煲仔飯配料少，質素參差。不過服務態度奇差，極度惡劣。對多台食客呼呼喝喝，好想不休做一樣。建議大家另覓餐廳。不能接受如此服務態度😡😡😡…Read More

聽聞就好好味la，但等咗兩個鐘先可以食到，真係等得我心急如焚。餐廳環境唔算豪華，但好有溫馨感，令我對即將到來嘅美味充滿期待。等嘅時候，我已經開始幻想臘味煲仔飯嘅香氣，忍唔住想快啲食。終於，服務員端上嚟一鍋熱氣騰騰嘅臘味煲仔飯。打開蓋子，香氣立刻撲面而來，飯上鋪滿咗各式臘腸、臘肉，色澤誘人，真係食指大動。第一口飯，粒粒分明，底部有啲焦脆，搭配上臘味嘅鹹香，簡直好味到爆！臘腸嘅鮮甜同臘肉嘅煙燻味混合得剛剛好，每一口都令人驚喜。雖然等咗兩個鐘，但呢碗臘味煲仔飯真係值得。…Read More