坤記煲仔小菜

营业中

休息中

尋日一心諗住同阿媽專程係屯門出黎試下坤記煲仔飯, 大約7點去到, 見到冇人排隊, 仲鬼咁開心走埋去問有冇位, 點知有個四眼女人(應該唔知係咪老闆娘既物體)唔理我地, 跟著見到佢攪d mark 左時間既紙仔, 咪問係咪要訂位, "係呀, 冇既9點先有呀!" 好霉氣的, 山長水遠黎到, 得到咁既招呼, 我唔係黎乞食喎, 決定以後都唔會黎, 佢都唔希罕做我生意啦, 再好食都係咁話, 唔需要受氣! 之後去左附近一間茶餐廳食焗豬扒飯, 又好食伙計又nice, 有機會推介比大家.

一心走去試o下好唔好食, 知道被傳媒廣泛報導o既坤記好出名, 於是前一日已打電話去訂枱, 老闆娘話回覆只可訂8點半, 之前就可以walk-in 試o下.星期五, 我一行4人, 7點半去到, 見到門口坐o左四至五張枱食客, 舖入面有吉枱, 以為可以試o下坤記師傅o既手勢, 點知老闆娘欄住個門口, 問有冇訂枱, 冇就要等到9點半, 當然好冇瘾啦.越諗越慶, 於是打電話去投訴, 話坤記將d枱擺\晒出門口做生意, 唔合衛生之餘, 更加超出牌照許\可o既營業範圍.

睇左下面噤多位食家既推介,星期二終於有機會去試下啦!我同d朋友仔去到都成7點9啦!不過好好彩唔洗等仲有一張檯……我地叫左蒜蓉抄菜心,椒鹽肉排,羊腩煲……煲仔飯本來叫左三個:有雙腸煲仔/滑蛋牛肉/大鱔排骨不過鱔果個落少左單;可惜…..而service都算係噤啦!整左隻筷子落地下你叫佢佢都立即換俾你

好似其他食家所講坤記唔休做, 態度差。某情度上係同意因為你有訂位都一定要等。唔訂就..........都會有不過再等耐d。問過老細點解唔開大d, 佢\話唔想搞都咁大難manage，所以各位朋友，　繼續等啦。我地試過食完再加”宋”就黑面同埋俾說話你聽。最正就會食食下要你轉枱。仲會自己幫你同其他客講你已經食完，就走。食物方面，　我覺得小菜好味過煲仔飯。而且煲仔飯要等好耐有次試過等咗一個鍾。所以１你唔小菜食住先你會餓死。再加上你唔可以係等位的時候叫定，　所以你一定要預時間等個飯。本人覺得飯最可取之處係ｄ飯焦。因為係其他地方食未必有而且咁多飯無。喜歡食飯焦的朋友就絕對要去坤記。除此之外，他們的煲仔飯與其他的分別不多。不過我覺得他們的飯較油。小菜方面真係要讚。大部分都不會失望。特別推介係椒鹽的菜式。鮮魷，　蠔都好好味，　鬆化絕對不會炸到好硬。炒蜆可以唔好食。個汁好”傑”同埋唔似食緊蜆。見到好多人食豬骨煲，同大邊爐，　我就冇試過。總括來說坤記的小菜真係好食，而且好有街坊食飯的味道。價錢唔貴不過唔大碟。　坤記絕對推介！

看過很多評論說這裡的煲仔飯一絕，便遠遠也來一趟試試。一早訂了六點，想光顧的朋友必定要記得訂位，因為晚晚都坐無虛席!餐廳環境尚可，以這類餐廳來說，算是乾淨。服務態度惡劣，為我訂位的阿姐態度粗魯兼話約六點要六點到，遲少少都要比下位。點了沙鍋魚頭煲，窩蛋牛肉飯和雙腸滑雞飯。沙鍋魚頭煲非常好，魚頭同豆腐非常入味，還有阿叔熱辣辣咁囉過o黎，一開蓋d煙已經香噴噴，值得一試!窩蛋牛肉飯真係失望，一開蓋發現係牛肉片，飯又over-cooked... 失望失望。。。雙腸滑雞飯尚算okay, 潤腸好新鮮，雞都好嫩口。飯焦好容易就剷得起，好脆，唔太，好好食。豉油做得好好，唔太甜亦唔太咸。見到隔離個師奶叫左碟炒蜆好似好有鑊器好正，下次去既時候會試試。可能本人太挑剔，覺得煲仔飯有ｄ過份吹噓，價錢亦偏高（對於食物質素方面）

記得我們是來過的，年多以後，差不多原班人馬，趁天氣急轉涼，又來一次。天氣一涼，這裡是極度的量場，如隔日來電訂位，已經只有6時及8時半兩個時段，只好選後者。而大伙兒準時到，這裡也立即有檯，很均真。上次吃火窩吃到一頭煙，是次學精了，一式過以煲仔飯及煲仔小菜作主打，再配以其他菜色，當然吃得滿意多了。要了幾個煲仔飯，分別是臘味、窩蛋牛肉、臘腸排骨及潤腸飯。這裡的煲仔飯，照例是炭爐燒，煲仔上檯時香氣四溢。下一點醬油，待稍褪熱，就趁熱吃。飯身乾爽，偏硬身，絕對合個人口味。先將飯撈勻，飯焦不多不少，仍然是煲得很有水準。以飯計，最好吃的當然是臘味飯，飯粒透著油香，在座食友，係不讚好。以配料計，當然是以潤腸最好，口感軟熟豐腴，味道濃香甘美，也絕對的搶手。窩蛋牛肉飯也好，不過一時不記得要雞蛋後加，所以上桌時蛋是差不多已全熟的，影響了口感。不過牛肉嫩滑有肉汁，不好臘味的朋友，吃這個窩蛋牛正合。邊吃這個有水準的煲仔飯，邊呻，為何在香港有水準的也這樣難求？數來數去，也只得三幾間，而這裡，就是最好的幾間之一了。吃得煲仔飯，當然少不得煲仔菜。羊腩煲熱辣滾燙，實在是合時佳品。雖然是汁多過料，但不代表不好吃。羊腩肉質軟

五點四十五分黎到, 我見有個行動唔方便的婆婆, 問門口個阿嬸有冇位, 個阿嬸叫阿婆入去問, 咁我物跟埋入去囉. 裏面個凶神惡殺既四眼女人, 好大聲咁渴個阿婆話無位, 無訂無位, 個阿婆再問咁幾點有位, 個惡女人話: "幾點都無, 要三日前訂, 訂滿哂啦, 出番去, 唔好入黎..." 個女人既態度超衰, 你唔憂做, 我都唔係一定要幫襯你... 黎食飯係要錢架... 你咁唔中意人客黎幫襯, 唔好做生意囉! 當時只不過係五點九, 你又唔係咁忙, 駛唔駛咁呀!

I went to try out this place at around 6PM this evening with my wife and we went there so early because I know it's usully very crowded at later hours. I asked the old bloke there if there is seat for two and he asked if we have reservation and if not, then we dun need to think about eating here tonight. The way he said it was kind of half scolding and we feel like we are beggers. This fucking shit place, I dun know why anyone would go there even if the food is delicious. I hope this place will

這裡不設訂位, 要吃晚飯6pm去就好了.小菜夠鑊氣, 炭燒煲仔飯亦不錯,支竹羊腩煲最讚, 十分入味, 羊腩份量亦很多.最重要是價錢十分便宜, 所以晚晚坐無虛席呢.

臘味排骨飯窩蛋牛飯蒜茸炒芥蘭Satay 牛仔骨椒鹽fish臘味排骨飯: I didn't have it but it looked impressive.窩蛋牛飯: great, much better than the one I had lastnight in the tea restaurant underneath my building.蒜茸炒芥蘭: 蒜頭味好香.Satay 牛仔骨: 成煲都係極品，牛仔骨又淋又入味, they have golden mushroom in there. This one has more sauce than the black pepper one.椒鹽fish: the fish pieces were were fresh but they contained bones....will get 椒鹽squid..who cares about cholesterol..Very impressive dinner.We saw Pang Kin Sun there too..didn't see his dog tho..

四個人，叫咗四個煲仔飯、一個煲仔菜、再加二碟餸，又一個食物盛宴...好友加菲貓夫婦相約吃飯。佢哋要求要食D熱嘢，由小弟發板。心諗唔係煲仔飯就係打邊爐la。啱啱前幾日先打完邊爐，於是決定揀食煲仔飯...一決定食煲仔飯就想嚟呢度，實在聽得太多有關呢度嘅傳說...知道呢度平日都係大排長龍，特別係呢個season更加誇張。於是早幾日打定電話嚟訂位，心都定D....友人先到，已先落咗兩個飯--- 白鱔滑雞及排骨臘肉。小弟跟太座再追加白鱔排骨及滑雞臘味。唔夠喉，再嚟煲荔芋油鴨...煲仔飯一等就差唔多要十多二十分鐘，唔再叫多D嘢食實聽餓瓜。於是再叫個例牌嘅避風塘炒蝦及鹹魚炒芥蘭...餸先嚟。蝦算頗新鮮，但所謂避風塘炒只係落咗一大堆辣椒粒及金蒜粒，根本唔係傳統避風塘風味。冇咗爆香嘅大量豆豉蒜頭，點成事?芥蘭炒得過淰，鹹魚味不夠亦不香，水準以下...主角上場。先微微打開煲蓋，從煲邊落豉油，等豉油慢慢滲入飯內，熱力又得以保持...等多三四分鐘，打開蓋，香味四溢，飯煲得粒粒分明，未食已知唔會太差...一食果然不錯。調製過嘅豉油不太甜，撈入熱騰騰嘅飯入面，食落暖笠笠，不錯...煲底嘅飯焦一挖即起，脆卜卜有如薯

有友人住附近，網上又講到好似幾好咁…無所謂之下幾個朋友一齊去…有訂位，我哋又早到，好快就有位。食物嘅味道係唔錯。不過…1/ 一坐低就叫你落煲仔飯order…佢係出於好心叫你快d叫…不過係有d比人逼嘅感覺;2/ 個煲仔飯又真係好耐先到，差不多都成個鐘;3/ 羊腩煲d肉幾碎，有d唔抵食嘅感覺;4/ 舖頭有d焗，食完包保無人唔知你食過;有d回味係事頭婆幾江湖feel，來呢度食飯你唔識做佢唔會比面你…掉番轉你識做時佢對你幾好(如街坊)。而個位伙計(長髮男士)好醒目…我哋細細聲討論食乜時佢已經聽到…我哋決定左未叫落單佢已經幫我哋落左，都幾好笑，好似比人偷聽咁。總括來講，佢唔係唔好食，不過地點實在偏遠，長途跋涉去到而食到嘅未必如大家想像中咁“勁”…仲要係好食嘅煲仔飯，其實九龍都有好多。亦唔需要睇人面色去食飯。而我本人無乜特別嘅話都唔會為左佢再去。太遠喇。

早2日訂左台, 8:30pm去到例排都要等多一陣至有台, 這是預料之內, 咁都算好快等左15分鐘就坐低.去之前都睇左好多食評, 知道最小要等半粒鐘至有得食, 所以除左叫左個鱔排骨飯外仲叫左好多人推介o既2個小菜, 面屎生菜同薑聰生豪. 坦白講2個小菜又唔係唔好味又唔係好好味, 只不過係普通菜式, 但係唔叫又唔得, 否則要干坐係度等煲飯. 等到主菜煲仔飯la, d送又真係幾好味同食得出新鮮, 排骨肥瘦剛好, 而飯蕉係好脆, 早知叫多煲, 真係申笨.不過小女覺得d飯其實可以mix多幾種唔同o既米, 咁就可以做到有飯香,煙un 又唔會太濕ge 效果la. 總括來說廚房用油都係比較多,生豪煲底勁多油, 煲仔飯都係所以唔痴底.有耐性o既就不房等等la, 不過我相信好味過坤記o既大有人在!

煲仔飯我食過兩次,都算ok啦!但就真係唔係所講咁好!要等成個鐘先有得食,我就覺得唔多值la! 至於羊腩煲,我就覺得佢隔離果間打冷舖仲好食過佢!

23/11walk in惠顧西營盤桂香街坤記, 但到達時伙記說沒有訂位最少要等到九點半, 並無禮地要求等候者於對面街等待:“要等你行過d等啦!”於是, 在28/11便致電預約30/11星期五晚19:30, 當晚準時19:30到達並安排坐下, 伙記問我們要唔要煲仔飯, 於是立即order了兩個煲仔飯, 伙記問: “淨係要兩個飯咋?”我地就答: “落住兩個先啦”, 伙記無禮貌回應: “再加要等好耐o家喎!”我們亦明白煲仔飯製作需時, 結果由19:30落單等到20:00才第一次問有冇漏單, 伙記拒絕跟進並回應:“一定唔會漏單o家啦!”於20: 10第二次追單, 伙記回應: “唔駛追單o家啦, 個個都o係度等飯o家啦!”於20:20 第三次追單, 伙記沒有看單便回應: “整緊o家啦!”我們於20:30 第四次問伙記: “究竟有冇落單, 仲有幾耐得, 如果冇我地走o家啦!”伙記才走入去炭爐附近看一看單, 並很惡地回覆: “整緊啦!!!”離遠見到仍需一段時間製作, 於是我們決定離開不作等候。由落單到離開足足等左六十分鐘, 伙記態度極之惡劣亦沒有意圖幫客人跟進!!就算幾好食都不能彌補!!