坤記煲仔小菜

营业中

休息中

某日夜八點幾收工，老婆話想再去坤記食煲仔飯，咁就順下佢意啦。去到門口，見到有人等緊，話比阿姐聽兩位，無訂，佢叫我地等下喎。好，就等下啦。見到門口d人入下一批，入下又一批，最後得番我同老婆兩個等。跟住門口有張枱埋單走人，我地就諗係咪坐得，點知阿姐當我地透明，我就以為張枱有人訂左，再等左幾個字，期間幾次你眼望我眼，佢都唔出聲。點知有兩個walk in客一黎到就坐低，我地當堂慶爆，問阿姐做乜唔比枱我地，佢又唔出聲。終於同老婆坐低。叫左椒鹽生蠔，豉汁涼瓜、膶腸田雞煲仔飯。食物保持水準，尤其生蠔外脆內嫩，老細和另一位阿姐都好好聲氣招呼，當晚仲見到阿B同朋支來食飯。但我同老婆比門口阿姐攪到無晒心機，食乜都無味。埋單一百一十幾，以後未必會黎啦。

兩老山長水遠由慈雲山嚟呢度，就係為煲飯。（多謝好心人為佢地指路。）由我先一日訂位。五點九到，企响門口等。當阿爸聽到老細問「有冇訂位？冇訂最快都要等到九點三」時，驚訝得完全唔識反應。唔怪得佢。如果我無得各網友提點，都一定唔會估到連食煲仔飯都要訂位。三個人，叫咗紅燒斑腩煲、膶腸田雞煲仔飯同臘味煲仔飯。我覺得三樣都好味，尤其是煲仔飯，加埋鼓油食完都唔會唇乾舌燥，但係味道係從來未食過咁好，有飯焦又唔太乾，田雞更加係諗唔到咁滑。阿爸仲大讚師父煲飯手勢乾淨俐落。阿媽就話人哋爆過o既燒肉認真香；臘味煲仔飯又香又好味；仲有：點解好味o既嘢都要搭咁遠車o既？〔最尾呢點係我問題～自我反省中～〕阿姐o既服務態度就……睇到佢對人點o既，好彩對我哋無咩嘢咁啦。已經鎖定目標下次要叫豬骨煲。

20070120月前一試煲仔飯後，念念於斯，今晚難得七八點鐘身處西環，豈有不重遊之理。拿了一次號，因事錯過，不願放棄，重新再等，終於在9：35入座，說那種感覺，如同古人“衣帶漸寬”，不知會不會太褻瀆：）人少不足以對抗豬骨煲的分量，完全Encore前次選擇：煲仔飯、豆腐魚雲湯煲，只將煲仔飯的配料從窩蛋牛肉改為窩蛋肉片。吃法也不變，喝一輪魚湯，吃一輪生菜什菌豆腐魚雲，舀一碗煲仔飯，再泡幾片飯焦。坐下到離開，短短一個鐘，便由內而外暖了起來。搭台的兩女一男食客，對著霧氣氤氳的豬骨煲，大塊吃肉，大聲說笑，是一樂；隔壁三張桌子拼成的長台，十餘良朋歡聚，觥籌交錯，是一樂；我與honey兩人，靜坐一角，慢慢品位，閒聊幾句，也是一樂：）前後個半鐘的等候，也不覺苦：）

話說有日我女朋友話想食煲仔飯....佢話有間好好味既!!我就黎試下啦.....!!!未黎之前都知道要等下架啦!!去到時同個伙記講2位....!!d伙計就用d好唔耐煩既語氣同我講....出去等唔好阻住門口...我心諗你都好寸姐...唔休做咁喎!!咁既語氣同d客人講野...!!!等在好耐....我女朋友開始炆啦...鬼咩等在咁鬼耐...!! 終於入到去..諗住d野會好好食啦...叫在2個煲仔飯....超少飯...3分鐘就食晒d飯...!食完又唔係覺得真係好食死等成個鐘先食到既好好味既煲仔飯......!!!我自己覺得lee 度d煲仔飯..同我留下間茶餐廳差唔多味道姐.....!!!最值得一讚係...不太貴..抵食...!!最差係..伙記超串...咀....!!!叫了2個煲仔飯一個餸一個采!! 140蚊....平均每人都係70都可以接受!!

講好食，就係幾好食o既...不過..."全部"(無錯，係全部)伙計都超"寸"...話說平安夜當晚，因為怕其他地方唔安全(指搵位方面)，就建議家父家母o黎食豬骨煲，o向我打電話book枱o既時候，個伙計用超"寸"o既語氣(好似唔想撈o甘)問幾位，我話六點半四位，點知大大聲話無得book六點半，要就六點啦!唔好意思都無句，臨收線仲好似訓導主任o甘吩咐我唔好遲到!!!!!我都知呢度成日都爆，咪提早到啦! 都係早o左10分鐘之嘛，個"事頭"款o既伙計堅持唔比我o地入座，我爸爸(有腳患)媽媽唯有去附近行陣先。次次停車都要停到無雷公o甘遠(西區公園運動)，仲要冒住無燈無斑馬線下橫衝差唔多8條行車線再上多兩個街口先到到...節日中懶鬼o既我見到桂香街條巷有得泊，又怕差人抄牌，順口問個伙計可唔可以比我o地坐出面(次次o黎佢都擺幾枱o向出面架啦!)，點知佢好consistant o甘超"寸"又無尾音話"唔得。"o的o野食un好都無用啦!寸成o甘!如果唔係家父偏愛煲仔飯同豬骨煲，我點都唔會再o黎呢度!煲仔飯之嘛，登龍街o向間翠華仲好啦!

20061224今天去了海洋公園，無啖好食，在饑餓難耐的情況之下勉為其難幫襯了裏面的“金香雞”，當時已近四點，吃完有些擔心晚上沒胃口享受美食，誰知全是杞人憂天，因為我們選擇的是坤記。平安夜是一個到處都多人到處都昂貴的時候，我們特意避開人潮，但原來這裏作為一間大排擋，一個中餐廳，在這樣一個夜晚，竟然也客似雲來，貨如輪轉，真令人不得不讚歎。我們差不多八點鐘到，等了十分鐘左右，才有了一個室外的小台，不過已經很滿足了，而且，這樣才更有風味嘛：）在我們留戀的一個小時之內，身邊幾乎所有的桌子都已經輪換了一次客人，不過等候的人龍也沒斷過。見到幾乎桌桌都有一個煤氣爐滾著的豬骨煲或羊腩煲，頗嚮往之，不過也深知一兩人之力是招架不來的，只有等下次。點了一個豆腐魚頭湯煲和一個窩蛋牛煲仔飯。後者阿姐已經明說要半個鍾，我們也給足耐心去等，事實證明是值得的。魚頭煲先來，魚湯奶白色，清甜而魚味濃鬱。一分鐘前我們還在心大心細要不要炒一碟青菜，見到這個湯煲就知道多慮了，浸透魚湯的唐生菜已經恰到好處的平衡了我們的營養。跟湯煲有一碟辣椒豆支油，用來點魚頭更添滋味。正在大快朵頤之際，honey提醒說留些湯來泡飯焦，嗯，也對。正

尋晚約６點去到，滿左，諗住等位，問個無野做企係到樓面女人，兩位諗住攞飛慢慢等，佢望都唔望我就叫我出面等，但出面９千幾人，唔寫飛點知邊個打邊個。個friend 再問多次出面９千幾人洗唔洗攞飛等，佢又係望都唔望我就叫出面等。其實我諗佢知無位（因為好多人訂左位），但係唔想話無位．．．．我唔會再去！　　

成日見到呢度門口咁多人等，搵日同老婆黎食晚飯。兩個人，見到人地食豬骨煲，但都係下次搵多d人黎先試。今次叫兩餸一飯食住先：椒盬九肚魚：分量不算多，但幾好，外脆內軟，但唔算十分突出。豉汁炒苦瓜：咪以為豉汁一定會好濃味，好多汁，呢味菜就比預期清和乾身，但幾好，苦瓜仲係爽的，正。膶腸田雞煲仔飯：最後上，果然好戲在後頭，田雞不會過熟，膶腸很香，但這只是次要，飯才是精華所在。飯較乾身，初食有點奇怪，但再吃一口，才感到飯香，再吃下去，飯焦呈金黃色，一點燶也沒有，師傅功力果然厲害。望入廚房，佢地好似真係用炭爐架。就係為左呢個飯，一定要再黎。埋單$101，扺食街坊價。

今次約埋三五知己,一行八人黎食晚飯!醒目咁一早訂左位,好彩只係等左一陣就有得坐低!朋友一早指明要試出名豬骨煲,我地唔係打邊爐,但係都一樣好味,湯底有d似胡椒豬肚湯,但就唔覺得辣,好夠味,豬骨都入哂味,d蘿蔔好林;粟米又甜,但份量就少d,於是我地都額外加碟粟米!另外叫左貴妃雞半隻,原本想要一隻,不過伙計話可以試食多幾款菜色,所以都忍食半隻,好味(試過賣哂冇得食)又有椒鹽鮮魷,又係好味得黎份量少,上次食九肚魚好d!黎3次都有叫0既豉汁炒苦瓜,平時要我食咁多都難!仲有叫左豆豉鯪魚油麥菜,蒜茸蒸開邊蝦(呢味普通麻麻),另再先後加左四個煲仔飯!有窩蛋牛,梅菜肉餅,腊腸潤腸,田雞鱔,朋友們食到飯焦都不知幾開心,呢幾煲飯的確有水準!綜合全晚菜色,最正0既點都走唔甩係豬骨煲同煲仔飯!總算冇介紹錯俾朋友們搭車黎食,埋單夾返都係每人七十零蚊,抵食又好食啦!數落呢頭0既小菜皇,非呢度莫屬!必定有下一次!

見到咁多好評,於是星期六特登過海再搭巴士試下,訂了八點半,都要等二十分鐘先有位,d野食好好食呀,起碼係即製,所以份外好食,三個人叫左兩個煲仔飯(白鱔排骨飯同臘腸肉餅飯),栗子雞煲,唐生菜,薑田雞煲,貴妃雞例牌再加支啤酒,雖然遠d,但我諗我再試其他野,我地走時,十點,都有成十個人等,我估當中都有好多熟客仔

昨晚與4位友人來,坐在裡面,滿座,所以好嘈。d聲音/噪音困住於店內,故交談要好大聲,耳仔難受一點!反而坐外面會寧靜好多言歸正傳,食物水準好平均,但比較突出的有1)羊腩煲:不是重羊肉味果種,但勝在腩汁惹味又唔會好鹹,肉質好唸同軟滑,包一碟新鮮菜"綠"落去食,甜!2)椒九肚魚:外脆內軟,魚肉肥美,白"雪雪"。不好連幼魚骨都食埋的我,也覺得煮得唔錯3)咸魚肉餅煲仔飯:咸魚好香,不是死鹹派,飯焦很易挖出來吃,這個飯焦不"窿",脆口另外的小菜也不俗-貴妃雞-薑汁芥蘭-油鴨田雞煲仔飯-白鱔滑雞煲仔飯(這個飯焦很"窿",要放棄)

雖然家住西環,但未食過,一於去試下,試完果然正野!第一次去成11人,真係要訂位,否則唔知等到幾時!有香妃雞,椒鹽九肚魚,豉汁涼瓜,生炒骨,薑汁菜,薑蔥蟹...真係唔記得食過咩,但真係好味!11人成十碟野,都係伍佰幾蚊,因為隻蟹貴海鮮價嘛!今第二次只得三個人,冇訂位,唯有要坐出路邊,係比較唔好!原本想再食雞,不過冇哂,所以應男友要求叫左羊腩煲,食到"雪雪"聲,正呀!見有人已經食煲仔飯,好似幾好味!另外見好多人都會叫豬骨煲打邊爐,叫埋肥牛...諗住凍d就黎整煲試下...老闆娘係粗豪d,但其實冇咩野...舖面就係細d,不過都認為咁樣仲食到風味,咁當然怕坐出街就要醒目打定電話訂位喇!

一直好想黎試下佢d煲仔飯有幾巴閉今晚終於掟起心肝同朋友仔兩個黎試下好彩一早上黎openrice做定功課前一晚打定黎book兩位黎到六點鬆d已經坐左七成人而且每張檯上面已經貼定紙仔留檯叫左沙嗲牛肉炒芥蘭($38),紅燒班腩煲($45),薑蔥田雞煲仔飯($38)同忌廉($7)紅燒班腩煲～最先上檯,因為剛剛新鮮整起,一開蓋不停出煙,班塊先以薄粉包住炸過再同燒肉,冬菇絲,豆腐一齊煮,唔知係咪因為燒肉已經鹹,加上煲仔飯又未上檯,所以食多兩件會覺得鹹左少少,不過總括黎講都唔錯!沙嗲牛肉炒芥蘭～牛肉同芥蘭份量差唔多,沙嗲有香味,但可惜味道唔夠濃,幸好芥蘭新鮮嫩口無渣搭夠!牛肉用多左鬆肉粉醃,無乜牛肉味,但都可以接受!薑蔥田雞煲仔飯～薑蔥味好香但唔會食到粒粒薑,田雞份量多又夠多肉,肉質一d都唔韌,豉油唔太甜或者鹹,上檯時即刻加入煲中,俾脆口既飯焦吸收左,好正!朋友仔唔愛食飯焦,所以中間d飯由佢包辦,我就食晒外圍!好味道!真係想encore!但太飽喇!下次先!忌廉係支裝汽水,但兩啖無晒有d貴!或者因為太多人黎食班腩煲同田雞煲仔飯所以呢幾味都加左價雖然多人但服務唔錯伙記無話唔休做咁黑面對人反而幫我落單個哥

Arround this district, I guess this is the only one which provides good chinese food to us. I recommend people to dine here if they don't mind to wait at least 30 mins fr the long long queue.

今晚天氣轉涼一於來食煲仔飯。6:45pm來到，人不多起菜快，正是快人一步理想達到。沙爹牛仔骨煲- 牛仔骨肉滑，沙爹和粉絲惹味。腸排骨飯- 飯粒分明有腸香，飯焦脆卜卜，排骨也很滑。枝竹牛腩煲- 好多牛筋炆得腍膠質豐富，枝竹鮮軟不是平常吃到又又油益味那種貨色。全部熱辣辣上檯，食完全身暖笠笠好滿足。可是沙爹煲中加送一條鐵絲，牛腩煲中加送一絛頭髮>_<，算啦細菌當補品。今晚好多人叫豬骨煲打邊爐，豬骨煲大大煲很多料，豬骨大塊頭見大家啜得津津有味，但火鍋料很少選擇。埋單$125