坤記煲仔小菜

营业中

休息中

14-5-08 (三)上次沒有訂位，無煲仔飯而返，今次去電訂六時正，才成功有位。一心想試煲仔飯，叫了白鱔滑雞煲仔飯和臘味牛肉煲仔飯。等侯期間看見小菜也很吸引，又大碟，又惹味，看見蜆介鯪魚球大大粒，新鮮熱辣，流哂口水。等呀等，幾近一個鐘，煲仔飯終於現身。白鱔肉厚味鮮，滑雞又滑又嫩；潤腸雖皮不脆但味很香，牛肉也嫩滑可口。這麼美味的煲仔飯如果份量大些和不用久等就更好了。

琴日同幾位舊同事黎呢度食煲仔飯。我地訂左九點鐘，我地早左少少到，不過都好快有位。唔係好覺個四眼女人好惡，唔通因為琴晚唔多客？！我地四個人叫左窩蛋牛肉飯、白鱔滑雞飯、臘味排骨飯、椒鹽鮮魷、蘿蔔牛腩煲、蒜蓉芥蘭、豉椒炒蜆、椒絲腐乳通菜同埋四枝大藍妹。煲仔飯~一個字形容...好味！飯焦夠脆！鮮魷新鮮、芥蘭靚，不過碟頭細左D。牛腩煲42蚊抵食。有機會一定再黎。

打完拳見已九點半,我想人群已散去,一行三人便去食煲仔飯,好彩去到即有位(雖要搭檯).成日見人食豬骨煲,未試過就叫來試下,另叫窩蛋牛飯&臘味排骨飯.豬骨煲好快到,味道ok但冇乜特別,不試也罷.豬骨煲食到七七八八,D煲仔飯終於到,窩蛋牛D牛雖係切片,但好好味亦冇受鬆肉粉催殘.係我每次必叫的.D排骨用腩排好正.食完飯個豬骨煲終於有用o刺-用D湯撈飯焦,雖湯底好似有"師父"個撈飯焦幾好.以下消費只是約數,呢到真係好抵食,但大家記住要訂位&九點幾好多野已sold out!!

上星期打完波後，愛吃的波友已預訂在這間口碑不錯的小店吃飯，經傳媒報導後已成為其中一間長龍食店，到達後也要在店外等了十多分鐘才可安排入座。這店以煲仔飯聞名，當然是今元必叫的菜式。坐下後經過一輪研究後叫了以下食物:1. 雙腸滑雞煲仔飯- 味道好，有適量飯焦2. 豉椒白鳝煲仔飯- 味道好，有適量飯焦3. 開邊蒜蓉蒸蝦- 蝦肉新鲜，好味道4. 半隻香妃雞- 肉身夠滑有雞肉的鲜味，皮下脂肪不多5. 豉椒蒸魚雲- 新鮮的魚雲冇腥味，入口很滑6. 五香蘿蔔牛腩煲- 炊得夠，唔會咬唔開，食落冇渣，蘿蔔好味但太細件7. 椒絲腐乳通菜- 份量少味道一般8. 豉椒炒蜆- 好味但蜆肉唔夠大厚肉9. 香蘇骨- 肉不黏骨，得夠身，唔需要咬到牙較軟整體食物質素都很出色，雖然煲仔飯唔錯，飯焦唔會過火農變成黑炭一樣，入口像一片片香口的薄脆，但我更加欣賞其它菜式，這裹的環境只是一般，人客又多所以店內的座位都較擠，不過食物味道及質素幾好，而且價錢又不高，以不愈百元可有這樣高的水準及份暈，值得我們一再安哥，其它食家路過西營盤不妨去這店吃一吃，我都很有興趣再去試埋其餘食品。

之前一直想來食坤記, 但因很多事而延遲, 今次男友終於俾左一個surprise 我而book 左, 實在未出發先興奮!book 左8 點半, 好彩老板娘仲俾位俾我地, 不過都等左一陣間~一早已經知道個飯要等, 所以預先落左個滑雞eel 飯同咸魚肉餅飯!坐低左男友就order 多左個生炒骨生炒骨賣相好靚, 食落都ok, 唔係好覺肥膩(對於一個唔鐘意食豬肉既人來講呢個係一個稱讚!!!)男友就覺得好好食, 兩個人冇幾耐就清左一碟!冇幾耐就上煲仔飯, 首先係個咸魚, 淋左豉油~~ 都覺得好好味~再來滑雞~ 今次老板來叫我地唔好落豉油, 叫我地試下邊樣好味點~ 咁我地就乖乖聽教~舊雞真係好滑~~ 滑到男友以為係個eel~ 初時only 覺得冇豉油可以食到原汁原味, 但食到底時才發現, 有個好thick 既飯焦!!! 同有豉油既比真係好好多~ 然後當然係勁食飯焦啦~~ 然後老板走過來問我地係唔係好味好多~~ 再同老板+ 老皮娘傾計, 佢地都好好人呀~~好食+抵食~ 食得開心, 荷包又放心

家住西營盤,屋企附近就係坤記,經常見到有好多人等位,所以從來都冇咩心機去一齊等...但有次突然心血來潮去BOOK位,佢話只有八點半...所以就BOOK左八點半了...當日同女朋友去到,就算BOOK左,始終都要等一陣...不過我地只有兩個人,所以都好快有位...鋪頭可能比較細,而且多人等,所以我地兩個只能坐出面既檯...之後我地即刻嗌左個椒鹽九肚魚,真係好好食!!又熱又脆,食落仲好新鮮,而且冇咩骨...我同女朋友食到連炸蒜蓉都唔放過!!跟住我叫左個白鱔排骨煲仔飯,又係意料之外,白鱔好大件,啖啖肉,不過相比起排骨數量就比較少...而且排骨既肉就比較硬身...如果一心想黎食煲仔飯的話,一定要預番半個鐘至四十五分鐘等食物,因為佢地晚晚都好忙,所以落完ORDER好難即刻有得食...但係論價錢同質素,呢度的確係一個唔錯既選擇!!同埋最好落ORDER一TAKE過,唔係既話,之後先落就又要等一段時間先上檯....

爸媽話要去試坤記, 就找了個星期六一家人去食.唔訂位也可以, 起碼九點半才有就閣下諗諗.地方不大, 有少少逼, 不過為左食好味煲仔飯, 冇計啦!點了:生炒骨, 一般水準; 不過這裡不是名菜, 所以都ok 既.臘味煲仔飯, 飯很香, 用炭爐果然是不同, 飯有點燶 , 只是醬油淋落飯的後果.排骨臘味煲仔飯, 排骨肥瘦均勻; 雞飯也好好味, 不過就唔夠臘味香了.薑蔥生蠔煲, 生蠔不是大大隻, 但甚得爸媽的喜愛.蔬菜方面, 有蒜蓉芥蘭和生菜, 芥蘭比較好味.全晚最抵食的是那碟$35 的豉椒炒蜆, 蜆大隻又多肉, 個汁又有少少辣, 好惹味又抵食.埋單連支啤酒也只是三百多, 每人只是六十幾, 除左要訂位, 等四十五分鐘為了那煲不可以加單的煲仔飯, 甚麼也好.

有朋友由日本來,指名要吃煲仔飯,當然要去食最好味的店啦!中午訂位,想訂8點,亞姐話要8:30.去到,緊係重要等一陣先有位.蒜蓉芥蘭,不多油,菜又嫩,都幾好.芋頭雞,雞好細碎又少,芋頭炆到好淋,一般啦.炒蜆,我食到有d沙!排骨及白鱔煲仔飯, 有美味飯焦,好脆,不過有d燶咗.呢個煲等咗半個鐘才到,但係好值得.因為我們一行4人,食咗頭個3個菜,才想加單,要多個煲仔飯,但係亞姐話要等1個鐘,我們只好叫生炒骨.生炒骨,顏色唔係好紅,炸粉又唔厚,好味!不過,只有我一人,在吃完後的幾個鐘後,又嘔又拉,醫生話係腸胃炎.但係,我的腸胃係比較強的,唔知點解只有我一人中招.

今天要介紹的，是港人在天氣冷的季節時5大常吃的菜色- 煲仔飯是也~煲仔飯一定要用上用砂燒成的砂煲，才能做到最好的效果，亦不會因為底部過份受熱而令到上半部份還沒熟透而下半部已燒焦的情況出現。要弄一個成功的煲仔飯，要訣是飯的底部都燒成脆口甘香的飯焦(指的不是焦黑那種)，而在飯面上材料的肉和汁都往下滲透進入了每顆飯粒，這樣才是完美的煲仔飯。直到現在，完美的我還沒有機會嘗到，但人做的出色的倒是有吃過。這店名為- 坤記，為於上環接近正街和皇后大道西的交界，由於這店一直堅持不擴張舖位而能夠保持食物的質素，單是這一點便看到店主的誠意。如果大家要到這店品嚐馳名的煲仔飯，最好在至少三天之前便要去致電訂位了﹔有一點要留意的是接電話的"小姐"態度不會很好(因為她實在忙得很，亦只有她一個負責接電話)，所以大家最好選好幾個時間好讓第一選擇的時間不行時可以有彈性地去選其餘入座的時間。最好的入座時間是下午六時，即是他們晚市開店的時間(煲仔飯只限晚市供應)。說了那麼多，首先出場的是: 黑草羊腩煲這菜在這店也算是很熱門，羊腩煮了很久變得入味且鬆化~椒鹽大蝦佐酒的好菜色，椒鹽是最能帶出海鮮鮮味的調味料。炸至通透的脆脆蝦殼

情人節唔想同人迫再睇食評就決定去左應該冇咩人的西環食煲仔飯．．．去到好彩有位（睇番食評先知要訂位架我一去到就有位，你都咪話我唔好彩＾＾”）叫左一個．．．椒鹽炸蠔（一般）避風塘中蝦（一般）麵豉生菜（一般）滑蛋牛煲仔飯（好味）滑雞煲仔飯（好味＋雞好滑）．．哩到的煲仔飯真係好食過出面的．．但就真係要等好耐　我都等左成４５ｍｉｎｓ．．但我都覺得值得的．．我會再介紹朋友去的＾＾

一直住係呢度附近...呢度其實係西營盤。住左咁耐都無試過見平時超多人等,突然唔駛等咁,梗係湧埋去啦。結果...「有無訂台? 無就要九點半先有得食喎!」有無搞錯? 你好興香咩!?服務態度超惡劣, 我住係附近都好(其實都已經廿年)都唔會再打算幫襯你!你好有寶呀? 去附近大家樂/ 心粥館食好過啦!

話過今個冬天點都要食一次煲仔飯，終於等到呢日同女朋友食出晒名既坤記。之前訂位訂幾次都話爆晒，撞o岩呢派天氣凍，食煲仔飯最o岩，就特登星期二就訂星期六既位，終於成功。搵左好耐，邊個叫唔熟西環咩，最有驚喜就係一去到即刻有位，而且服務比想像中好好多。坐低即刻嗌左一個窩蛋牛肉飯同埋排骨飯，因為兩個都係煲仔飯預左要等，點知真係等左足足一個鐘......飯來到急不及待試了，窩蛋牛肉飯是生蛋，牛肉很嫩滑，飯硬度適中，而且飯焦仲好好味，無得彈!排骨飯好香豆士味，同埋微辣，果然係慢功出細貨~

天寒地凍，又係食煲仔飯的好時候。明知坤記多人，預早一天訂了。其實佢地訂位安排真係幾混亂，我以前都設訴過呢度服務唔好，比人當透明。所以現在都會早點到達，仲要不斷提醒阿姐。至於沒有訂位的，阿姐都會講明要等個幾鐘，又或9:30pm後才有位。和老婆兩個人，點了四個菜：蒜蓉油墨菜，一般啦，炒得不算多油，幾好味。薑葱蠔煲，熱辣辣上枱，蠔不算大隻，但仍十分肥美，而且有十隻。椒鹽九肚魚，保持一貫水準，外脆內軟，恰到好處。壓軸是我和老婆的至愛，膶腸田雞煲仔飯，由order至上枱，等了足足一個鐘，但都值得。膶腸甘香，田雞嫩滑，最正係d飯焦，金黃色，一塊一塊的夾起來。等成晚都係為左佢。等菜期間，聽到廚房話無蠔、田雞，心裏慶幸早到一步。但這晚企堂的兩位阿姐和一位阿叔好好禮貌，做到踼晒腳都唔該前唔該後。埋單一百六十幾，好過好多一味靠包裝，金玉其外的名店。

D 煲仔飯都ok, 但要等位就算訂位都要等好耐.. 係唯一d 一度唔滿意囉!! 大致上都ok

今日屋企人請食飯，介紹去坤記，訂６點但未多夠鐘門外已擠滿人，心諗呢間一定係好嘢，一開門，ｄ人衝入去揾位，秩序大亂，有人訂咗位揾唔到枱，而且仲話已經係第二次，屋企人話好在今日有confirm booking，如果唔係都冇枱，因為我哋１月頭book 既，但佢話冇記錄囉，最後唔知點樣同佢講先有位，心諗呢間嘢一定好掂，如果唔係點會咁多人叫咗ｄ咩餸已經唔想再多講，但問題就出係個招牌豬骨煲到，冇錯個豬骨煲除咗唔夠胡椒味之外真係唔錯，因為唔肥唔太多油，但點知食食吓見到有黃色異物，初初以為係腐皮，但食落怪怪地，覺得似膠手套，於是同伙計講，但點知個位小姐一口咬定係雞皮，仲話係我唔識嘢，於是我攞相機影低諗住擺上openrice，但點知個位小姐話佢又要影，又話要俾袋我攞返去，總之一個字，“寸”！點知跟住仲發現有小昆蟲，ｄ伙計又話係胡椒，講真咁大個人點會分唔到，其實都算，預咗呢ｄ地方會係咁，如果佢肯講句唔好意思咪咩事都冇囉，做食肆態度真係好重要，唔好以為多人幫襯就可以囂張！