坐忘

营业中

休息中

如果你要去太古坊（鰂魚涌果頭），不妨考慮試下呢間以健康為主的日式咖哩店。裝修以木系日本風為主，菜式就有多款咖哩，烏冬作主打。師傅係日本人，由日本黎到香港開店，取名「坐忘」就係希望食客坐低享用美食時，能夠忘記世間煩惱。名字甚有意義外，味道也是上品之作，所以每天午膳和晚膳時段都會爆滿，坐無虛席😝雖然鋪頭係一條街市款的街道中，但係佢嘅光芒並未被蓋過，永遠鋪頭前都係people mountain people sea🌊

咖哩呢樣嘢幾乎出現係餐廳大部份嘅餐入面 今次嗌咗個野菜咖哩豬軟骨餐好似$69定$60 因為餐單手寫 有少少睇唔太清楚 轉咗烏冬(+$10)整體份量都算幾多 豬軟骨有兩大嚿!都幾多 望落公吸引吸引野菜類配料有薯仔 翠玉瓜(？) 荷蘭豆 椰菜花 西芹 全部都係啱啱烚熟隔水加落去咁 不過薯仔略生 但以健康角度嚟就算係幾好咖哩湯就都算係香 有果種香味 不過食落就比較稀 調味唔算好濃 可能食慣咗重口味 但就似係自己煮出嚟嘅咖哩 唔似果啲純粹咖哩磚開水烏冬方面因為見多數人都叫開飯 佢個飯睇文字都已經覺得好健康 但就想特別啲嚟試與眾不同啲 餐廳用嘅係果種比較薄同扁平嘅烏冬 係咪叫稻庭烏冬呢？食落都完幾綿滑 可以食到雪雪聲重點係豬軟骨! 十分入味而且應該精心燉/煮咗好耐 啲軟骨都變哂啫喱咁 而啲肉就好juicy同肉質柔軟 係幾出色 食得出係有心機之作雖然整體而言呢間餐廳就好似唔算好日本或者好正宗嘅舖頭 不過如果人少少都係一個同朋友短暫小聚嘅好地方最後無意中閱讀到舖頭嘅理念都幾窩心 幾鍾意佢所寫嘅「一星期在外午餐5天，一年便是250餐，吃下去的每一口，都是選擇」而佢為大家提供多啲蔬菜嘅方針 都係以人為本

Great food but bad service by one lady, drops my money at check out which is a messy area anyway and claims that I didn’t give her enough money. Then argues with me that it’s my fault. As if just so happens I had the wrong amount when she dropped my money that was placed neatly on the money tray...

The restaurant is opened by a Japanese couple. I ordered 15 vegetables a day, which has lotus root, broccoli, cherry tomato, onion, potato, bell peppers, pumpkin, cauliflower, eggplant, sweet potato, courgette, peas and carrot. Healthy! The curry isn’t spicy and indeed slightly sweet!

難得係鰂魚涌開左分店，就去試下水準保唔保持到 同天后有冇分別店面大小同天后差不多，但比較光猛，感覺都舒服我朋友點左烤雞生姜溏心蛋烏冬，因為佢減肥就叫得清淡D湯只係清湯加左D姜味 而烤雞亦好普通，冇特別香或者滑既感覺溏心蛋亦只係未熟哂既蛋，唔係拉麵店級數最好既係烏冬，彈口爽口而我就叫左招牌豬軟骨野菜咖喱飯，因為我係食肉獸，佢俾既份量無令我失望豬軟骨好軟淋，係同筷子就可以夾斷既程度，成舊連骨咁食好滿足果然招牌係唔會馬虎，首推

#豬軟骨咖哩湯烏冬咖哩湯香濃少少辣，烏冬q彈，每條烏冬都比咖哩汁包裹住🤩🤩豬軟骨好淋，軟骨入口即溶🥰，不過如果中意爽口既人就未必中意咁淋🐽🐽 #15種一日野菜牛肋/烤雞定食平時成日出去食都無乜點食到菜，呢款定食就有齊15種蔬菜🥗， 滿足我地一日既需要，但雞扒略嫌有少許乾，牛肋條炆得好淋，可以一試👍🏻

位於鰂魚涌嘅寫字樓區，我作為一個太古城居民好少會撞正lunch hour黎食，因為每次黎到都坐滿食客，不過都由此可見呢間小店嘅食物質素極高！Camper’s個理念好特別，佢好著重健康飲食，明白都市人好難一日食十幾種菜所以呢對日籍夫婦就萌生開呢間小店嘅念頭主張無添加、無味精、多蔬菜、少油提供美味可口嘅食物介紹完理念，講下我地食左咩先！我地點左個「十五種一日野菜咖喱飯」同「黑芝麻牛肋咖喱飯」十五種一日野菜咖喱飯有茄子、蓮藕、薯仔、翠玉瓜、紅蘿蔔、西蘭花、椰菜花、車厘茄、南瓜、洋蔥、豆角、三色甜椒、蕃薯佢用咖喱汁煮到啲菜比較林身所以平日比較硬嘅翠玉瓜、蓮藕都會林身左最鍾意係食佢個蓮藕、南瓜、蕃薯！雖然咖喱汁好濃郁，但都無奪去蔬菜本身嘅鮮甜味道😍 （反而覺得更加突出添！）黑芝麻牛肋咖喱飯就少啲菜，菜嘅variety都無咁多元化但好驚訝嘅係牛肋份量好多，煲得好林身亦好入味黑芝麻咖喱嘅黑芝麻味唔算好濃，比起頭先個十五種一日野菜咖喱飯嘅咖喱汁，最大嘅分別係佢比較辣，可能係因為加入左黑椒，不過相應地都係更加惹味😋值得一提嘅係佢隨餐附贈嘅日式烘茶🍵可以balance咖喱本身比較濃郁嘅味道

坐忘有兩間分店，鰂魚涌這間是老店雖然說是日式小店，但有別於居酒屋或串燒的類型，他是主打定食的，但又不是像大戶屋那樣的定食而且他是奉行健康主義，單看主打的咖喱野菜一日定食便知道，因為當中用了10多種不同的時令蔬菜，用咖喱汁烹煮，但煮之前會因應不同蔬菜的受火程度，用不同的方法先輕輕烹煮，再用咖喱汁將所有蔬菜用平底鑊炒香，使香味四溢另外的豬軟骨定食也是必點的，豬軟骨煮得濃香入味，食完後嘴巴也張不開，滿滿的骨膠源，超滿足，還有拉麵及牛肉定食等選擇天后那一間分店也有幫襯過，但總覺得味道不及老店的好😜

呢間小店其實開左好多年，keep住夾唔中都會泥幫襯，而且平時繁忙時間食的話，都要排下隊先可以入座。呢間日式小店最特別既地方，係有好多菜食平時出街食飯，十間有九間都係食肉為主，有時想食多少少蔬菜但又唔係素食既餐廳，有時真係幾難諗。食呢間就岩哂~西班牙黑豚豬頸肉野菜咖喱飯豬頸肉真係幾好食，唔會太韌而且肉既味道非常出，就算同甜咖喱汁一齊食，都唔比個汁擋到個味。蔬菜真的不是求其，西蘭花、翠肉瓜、蘿蔔、薯仔... 好難得一個飯可以食到咁多款不同種類既蔬菜。飯方面，係混埋蕃薯南瓜粟米生姜，非常有心思。一個飯夠哂飽之餘，仲唔會好似平時出街食飯多肉多味精，呢間餐廳值得推介。

🤩身邊兩位朋友都不約而同地推薦這間的日式咖喱，到訪後果然真的是不負所望啦～🤗今次黎到買外賣有九折，門口有幾位排隊，不算很多人，食物也不用等很久豬軟骨野菜咖喱飯 (外賣九折 $62 包一杯茶)🍛不是普通的咖喱飯，很用心地配了蕃薯南瓜粟米生姜飯。咖喱比出面食既平價咖喱深色，都比較香，但唔係香辣果種，仲帶啲甜味🐷有兩塊好大塊既豬軟骨，好腍，入口即融🥦驚喜地豬軟骨下面有滿滿既配菜，蘿蔔、薯仔、翠玉瓜、再加上加入粟米蕃薯南瓜既飯，感覺蠻健康💰這個價錢，有咁既食物質素同豐富既份量，CP值很高啊！

📍 坐忘鰂魚涌濱海街13號中興大廈地下✨和風雜菇沙律$65愛菇之人嗌呢個就啱啦 但建議可以少d醬汁 咸左d 啖啖都係菇 食完都飽嫁 吾好睇少佢😂✨烤雞野菌忌廉湯烏冬$75好Creamy既湯底 但吾夠濃味 有dd淡 烏冬煮得啱啱好 有成2-3塊雞扒 烤到少少燶面 但食落就有d鞋 吾多嫩加埋野菌 好香口仲有一道豬軟骨七小時 煮到好冧好入味 配飯就一流🍚🤤

行山人士必定會去過柏架山，位於港島交通方便，而每次行山完畢都是我覓食的時候給予我最佳藉口嘗試新餐廳。聞說坐忘是回流香港的日本人打理，所以必定一試是否真的有日本味道⠀【白芝麻湯溏心蛋豬軟骨烏冬$75⠀】⠀⠀-⠀慢煮豬軟骨不愧是招牌菜，肉質鮮嫩多汁，軟稔而不鬆散，配上香濃芝麻湯，非常之美味😌⠀⠀【牛肋黑芝麻咖喱飯$65⠀】⠀⠀-⠀日式咖喱甘口而且味道層次好豐富，濃稠度亦適中，非常下飯，牛肋骨口感挺軟嫩紮實，份量亦非常慷慨🤤⠀⠀

因為實在太多人話好食 終於去試左😙😙經過7小時慢煮既豬軟骨果然出色😋不但好入味 食落仲唔鞋 而且軟骨一入口好似就溶咁😍👍 烏冬方面就係扁身的 普普通通 但個白芝麻湯底都幾香😛而個飯就係番薯飯 配埋少辣既咖哩同野菜 正🤤多菜仲要係冇味精 健康晚餐🤓🤓

～ 黑芝麻牛肋野菜咖喱飯+溫泉蛋牛肋骨肉同蔬菜嘅份量非常充足，尤其係蔬菜部份共有7、8 種不同類型，新鮮、建康又有營養，係香港速食小店真係非常罕有。出品即叫即煮，入口熱辣辣，加哂分。溫泉蛋合格，送飯一流。要挑剔啲話咖喱味道比較淡，番薯南瓜粟米生薑飯水份比較較多，入口有點BB爛糊飯感覺。黑豚肉生姜燒定食黑豚肉生姜燒合格，蔬菜量亦係非常豐盛，同樣地珍珠米飯偏軟爛，適合喜愛吃軟飯的朋友。。。白芝麻湯烤雞生姜溏心蛋烏冬烤雞選用雞上脾份量足，烏冬爽口，靈魂嘅湯頭以家常小店嚟㗕已經係合格，起碼零添加任何化學成分，百份百天然食材。綜合嚟講係一間日系良心速食小店，實話實說味道唔係話好突出，不過零味精，標榜食材嘅原汁原味同提倡綠色蔬菜真係要俾多個 like，支持小店！

🍴#慢煮七小時豬軟骨 煮得超級腍同好入味，真心值得去，佢啲飯仲有啲粟米粒喺度，好有心㗎！不過我到宜家都仲未試到佢嘅咖喱🍛，下次要再去試吓先得！☺️呢間坐忘，喺鰂魚涌都幾出名，未試過嘅要試吓喇！😗-宜家啲肺炎咁勁，都真係出少咗好多街，所以你見我啲post都跳嚟跳去！😆