坐忘

营业中

休息中

呢間已經想食好耐 之前成日見到ig好多人讚 今日又突然好想食咖喱就山長水遠去左食Camper’s😊睇到個menu同相就覺得好有日式家庭小店既感覺 原來佢係日本人主理～今次就叫左兩款🥢豬軟骨野菜咖喱烏冬🍲D豬軟骨係超淋同好入味 我諗老人家都會食到👍🏻而個咖喱汁就係普通日式甜甜地既咖喱～不過咖喱汁既份量好夠 撈烏冬真係一流 條條烏冬都被咖喱汁包住☺️🥢黑芝麻牛肋野菜咖喱飯🍛唔好睇個咖喱甘既色 但係佢係有好濃既芝麻味 其實幾好食😂而且佢牛肋肉都有好多舊 份量絕對唔少 仲好腍身👍🏻 特別既係佢個飯底 並唔係普通既白飯 而係蕃薯🍠粟米🌽南瓜飯 甜甜地好味！最欣賞係佢每樣主食都有好多蔬菜 令到成件事好健康🥰🥰

假日十一點幾去到估唔到已經8成滿，好彩早啲咋！打開手寫嘅menu有好多選擇。令人眼花瞭亂，最後都係同朋友叫咗一樣嘅招牌定食，下次想試咖喱！！🍛；豬軟骨定食 $667小時慢煮招牌豬軟骨入口即化，呈啫喱狀，非常入味，肥瘦均勻，完全無肥膩嘅感覺。帶甜嘅醬汁撈珍珠米一流，最欣賞佢俾勁多菜，出街食難得見到咁多菜，好健康！！！꒰◍ᐡᐤᐡ◍꒱ 個豬軟骨的確出色，係咪去到「世界級」就見仁見智；我係鐘意佢成間嘢嗰種日式住家飯嘅感覺，舒服、溫馨得嚟有種置身日本巷仔小店嘅錯覺。

主打健康無添加無味精多菜少油日本料理 一定一定要試下最出名既豬軟骨 係鰂魚涌名物🤩! 食飯時間不論堂食定外賣長時間都好多人 所以去的話可以盡量避免lunch hour!🐷豬軟骨定食 ($66) [😋9.3/10]𝙎𝙡𝙤𝙬-𝙘𝙤𝙤𝙠𝙚𝙙 𝙋𝙤𝙧𝙠 𝘾𝙖𝙧𝙩𝙞𝙡𝙖𝙜𝙚 𝙍𝙞𝙘𝙚 𝙎𝙚𝙩兩大塊豬軟骨 經過7小時慢煮 質地超級淋身 入口即溶 仲煮到非常入味 有豐富骨膠原既感覺😙 醬汁偏濃 不過撈埋個飯食就唔會過鹹 呢個豬軟骨真係世界級咁好食!😍 定食有埋沙律同埋湯 係蘿蔔湯 味道好清 成個set好均衡好豐富份量超足🥳🍛是日牛肋野菜咖喱飯 ($65) [😋7.4/10]𝙏𝙤𝙙𝙖𝙮’𝙨 𝘽𝙚𝙚𝙛 𝙍𝙞𝙗𝙨 𝙑𝙚𝙜𝙚 𝘾𝙪𝙧𝙧𝙮朋友叫咗beef ribs 佢就覺得呢個比豬軟骨遜色🥺 我之前都試過呢個 牛肋雖然唔韌但略嫌偏硬 不過牛味算重 同時份量都好多 入面既蔬菜亦煮得非常入味 日式咖喱偏甜唔會辣 撈飯唔錯!😌 呢個飯唔係普通白飯 混合咗南瓜玉米 食落唔係好食得出但感覺比較健康😗—————————————————————😋 味道評分: 8.7/10🥳環境評分: 7.3/10🤑性價比: 8/10🤩回頭

#鰂魚涌 #必試#日式小店 🇯🇵➡️《坐忘Champer’s》🎎🎏💬鰂魚涌同天后2間分店對🙎‍♀️黎講都係山卡啦地方，所以咁耐只係食過2次。店面細細的，強調無味精、無麩質、多蔬菜的料理。大部份既粉麵飯都係$6X~7X，港島區🇯🇵菜黎講真係算良心價💛D野食碟碟都色彩繽紛,就算唔熱愛食菜既人都覺得好有食慾🤭1️⃣ #豬軟骨七小時煮野菜咖喱飯 🍛‼️2塊好大舊入味既豬軟骨食落係超~~軟綿(無牙呀婆👵🏻必食🤣)，d軟骨已經好似化骨綿掌咁，脂肪 〰️軟骨〰️肉3者融為一體，瘦肉既部份都唔會鞋，JELLY⭐️膠質滿滿，食完一次就會念念不忘🔥🙆‍♀️(🗯通常愈多膠質既部位都會較易食滯，怕食唔哂就同人share啦🤭)🔆咖喱就係一般日式甜咖喱，冇咩特別。🔆欣賞〰️個飯底唔係白飯咁單調，係蕃薯粟米南瓜生姜飯💛，香香甜甜的絕對不會吃不完。👅：8.9/10💰：$662️⃣ #黑椒燒汁彩菜牛肋定食🍛隨便叫多個款黎試下，又唔差wo👍🏻，肋骨間的條狀肉油脂同瘦肉比例係最均勻。呢個夠牛味夠軟熟，同時亦有纖維筋腱既彈口，肉量都唔算少。炒野菜都好香，唔dry，配埋個濃淡度適中既汁〰️送飯都幾夾🤗👅: 8.7/10💰: $84

今日帶新同事去食lunch ,佢話想食飯。同事係一個對食物有要求嘅人。第一時間諗起坐忘。一如既往，等左20至30分鐘左右有位。我又係叫返豬軟骨肉咖哩飯。濃濃嘅咖哩味，又係勁香。豬軟骨又有膠質同埋好‘淋‘。連同事都話勁好食。話下星期又再黎。😂食左坐亡有二，三年。次次都唔會令人失望。

話說講唔停住咗係餐廳個頭已經好耐🤔 不過都係到近排先發現到呢間好出名食豬軟骨嘅餐廳🙈所以上次就即刻捉埋朋友一齊去試吓啦😝豬軟骨野菜咖哩飯 $66首先想講呢到嘅豬軟骨份量真係好多🤩有成三至四大塊 而豬軟骨真係超級軟諗❤️ 平時好怕啲肉柴到痴唒牙😢而呢度嘅完全唔會🥰咖哩係日式咖哩黎 一啲都唔辣 不過個人覺得有少少稀😬 而個飯係南瓜蕃薯粟米飯黎 但其實唔係好食得出咩味🤭豬軟骨野菜咖哩飯 $66 + 轉烏冬 $10 + 温泉蛋 $8呢款同上面一樣 不過就轉咗烏冬 烏冬好滑 好掛汁🤤 另外值得一提嘅係呢到嘅野菜係有超級多款 非常之有誠意😚整體黎講 講唔停覺得呢度嘅豬軟骨的確幾唔錯 😍不過就未至於係世界級🤣 如果係附近住或者返工嘅話都不妨可以試吓😝不過記住要早啲去 因為真係好多人排隊🙈

平日lunch 見到成日大排長龍，今日見人少少於是就等下啦！其實已經1:30啦🙃🙃🙃📍溏心蛋豬軟骨烏冬湯底唔會好咸或者好味精，唔錯！烏冬既好滑又有煙韌既口感，更加唔會有酸味，不知不覺會食曬成碗。而豬軟骨的分量亦好足，有兩大條，充份滿充食肉獸的要求，加上煮到好淋，好易分成細細啖慢慢食。另外烏冬仲配有適當分量的蔬菜，令到成碗麵唔會太膩😋😋😋😋唔錯！難怪咁多人排隊

相信住港島東既人 對坐忘呢個名 一定唔會陌生 因為佢哋嘅咖喱豬軟骨野菜飯 實在令人太難忘 大大份豬軟骨 配自家特製嘅咖喱汁 令人回味無窮 都不枉佢地坐無虛席 每一次都要等位先可以入座 不過今次係第一次試佢哋嘅外賣自取 感覺就比堂食少少失望 不過都唔影響味道😛 🧡咖喱豬軟骨野菜飯一打開 分量一如既往地有兩大塊豬軟骨 煮得好淋身 一咬就散開 軟骨同肉嘅位分布均勻 滿滿骨膠原的感覺 自家製嘅日式咖喱汁 甜甜地一啲都唔辣 另外佢哋唔係用普通嘅白飯 而係南瓜番薯飯 一向唔食南瓜嘅我都覺得接受到 感覺亦都健康啲 💛咖喱牛肋野菜飯同豬軟骨飯最大嘅分別就係個咖喱汁 佢哋係用加咗椰奶嘅咖喱 我就比較喜歡呢個咖喱汁多啲 感覺濃郁啲 不過牛肋肉就比較硬身冇咁多肥肉feel 同埋牛肋肉嘅份量都冇豬軟骨咁多 💚青芥溫泉蛋牛肉丼飯係佢哋新出嘅飯 表現正正常常 青芥末嘅味道不是很突出 冇咩坐忘嘅特色 💔今次比較失望嘅地方見到蔬菜嘅部份都比較燶 有一面都係完全燒黑 亦都有幾塊牛肋肉燶燶哋 後來同同事講起佢哋都有相同嘅經驗 希望店家都可以改善下

🍽 15種一日野菜咖喱飯 $65 +溏心蛋🥚 $8🍽 （免收加一服務費）👀👀👀👀👀👀👀👀👀👀👀👀👀👀👀👀👀👀👀🤩My eyes好努力數咗幾次確認有冇15種野菜！有幾厚身大塊嘅薯仔🥔、車厘茄、翠玉瓜、煎到少少燶燶地表面黑哂嘅豆角🤔、好淋嘅洋蔥🧅、我不會擺入口嘅嘅紅蘿蔔🥕🤢、只得各一塊嘅紅黃緑椒🫑、好淋好索味嘅南瓜、茄子🍆同西蘭花🥦、無咩調味嘅椰菜花、微微炸過嘅蓮藕、西芹。材料相當豐富但建議就紅蘿蔔不要俾三塊我可說是好浪費食物～～🥲🙇🏿‍♀️👍🏻咖喱是日式口味比較偏甜配上粟米南瓜飯食到粟米粒粒幾有趣😚不過溏心蛋就得半隻且味道無咩特別～📝 整體就是正常普通的好食。不算太特別不用特別前來光顧，經過可以試試，常駐鰂魚涌就可以做飯堂～之前試過豬軟骨都幾好味不過都不太驚喜🥸（6.5/10）

如果你喺鰂魚涌番工一定有食過或聽過同事介紹呢間日式咖哩小店🍛幾年前喺附近番工第一次食一試愛上 lunch time一定滿座咁多年都仲係好好味😋🍗豬軟骨野菜咖哩飯 $69好多人都係專登嚟食佢嘅豬軟骨一碟大概有2舊手掌咁大塊嘅豬軟骨 煮到非常淋非常入味軟骨已經變咗啫喱口感 骨膠原滿滿真係入口即溶食過好多間豬軟骨最愛都係佢😋🥦一日野菜咖哩飯 $65老闆話一個成人每日要攝取350g蔬果所以一日野菜咖哩飯就正正有350g蔬菜😆入面有茄子/蓮藕/南瓜/三色椒/翠玉瓜等等顏色超豐富超開胃😋.留意佢哋唔係用白飯㗎係配好健康嘅蕃薯南瓜粟米飯自家製嘅日式咖哩冇平時食開個啲咁稠香濃得嚟帶少少辣呢間好味之餘亦標榜天然無添加 食得放心而且份量真係非常足夠 直程捧住個肚走呢個價錢真係超級抵食👍🏻

平日lunch hour係鰂魚涌食野應該都要等好耐位 但呢間店員手腳好快 等左唔洗10分鐘就入到去 先係門口點餐 入到去唔洗3分鐘就上菜了 超快！😍🍛豬軟骨野菜咖喱飯 $78佢哋嘅豬軟骨慢煮左7個鐘 炆得好軟淋 筋位仲入口即融🤤 豬軟骨真係超大舊 雜菜都好足料 女仔應該都會食唔曬🤣 不過我覺得個咖喱可以再濃d～ 佢地既飯混合左粟米南瓜 雖然口感同白飯差唔多 但感覺都健康d🤪🍜豬軟骨咖喱烏冬 $74烏冬煙韌彈牙🤤 份量同樣多 有我最愛既溏心蛋😍半熟程度啱啱好👍🏼 醬汁配料其實同上面個飯一樣～ 咖喱唔係好辣 略嫌佢比較稀身同淡😢🍛 牛肋野菜咖喱飯 $65牛肋同樣都係好淋 好入味 冇骨😋😋相比起豬軟骨飯個咖喱 我比較喜歡呢個咖喱多d 咖喱杰身d 帶有椰香味🤤

每次諗起豬軟骨都一定會諗起坐忘。今次叫左餐牌入面Dashi Soup Noodle入面既咖喱豬軟骨烏冬。呢度既咖喱汁有濃厚既咖喱香，雖然有少少辣但平時唔食得辣既我都接受到。每碗都會有兩大舊豬軟骨，煮到非常軟腍兼入味，完全咬唔到骨，因為D骨已經煮到淋晒，只食到肉同骨膠原。佢D咖喱汁份量都好足夠撈晒成碗烏冬有餘。烏冬食落煙韌有彈性，咬口十足。一啖豬軟骨、一啖咖喱烏冬，簡直人間極品！不過呢碗咖喱豬軟骨烏冬就只得少少椰菜同粟米。如果想食多D菜，可以另叫配料7種野菜。由或者可以叫佢地Lunch menu豬軟骨咖喱野菜飯，加$10轉烏冬。推薦必食呢度嘅豬軟骨，一試難忘。

平日晏晝時間 呢間野門口一定有人排隊今次打定電話去落單一去到門口比完錢就攞得(留意電話落單一定要俾現金 冇得do八達通)外賣同堂食一模一樣都係咁好食豬軟骨兩大舊 好淋 80歲冇牙婆都吃到個汁都好好食 佢個飯唔係普通嘅白飯 裏面有番薯比較特別同埋佢有好多蔬菜 令到成件事好似好健康😂食完都唔會覺得太罪惡

/ᴊᴀᴘᴀɴᴇsᴇ ғᴀᴍɪʟʏ sᴛʏʟᴇ ʀᴇsᴛᴀᴜʀᴀɴᴛ /꧁𝗖𝗮𝗺𝗽𝗲𝗿’𝘀 坐忘꧂又一間bookmark了幾年都未有機會試的小店原來由日本主廚主理 家庭式料理著重多菜少油無味精數年間依舊人氣不減 是實力派喔!☘︎︎ 豬軟骨野菜咖喱飯 $𝟞𝟡豬軟骨是必試之選 用上7小時慢煮 非常入味 肉質淋而不散咖哩汁比一般日式咖哩辣 野菜不過不失☘︎︎ 黑椒燒汁彩菜牛肋定食 $𝟠𝟟出奇地食到大排檔的感覺- 鑊-氣！影完相仍然熱到燙口!味道同大排檔名物蜜椒牛柳粒相若不過肉質大有不同 絕對不是梳打粉拿成的口感!各種野菜都非常惹味 南瓜好甜好creamy不過要有鑊氣其實整體會相對油膩ʕ •́؈•̀ ₎餐飲非常便宜+$𝟝有杯迷你蘋果汁+$𝟛有杯熱焙茶(飲落似玄米茶多啲)不過定食配的餐湯就很不ok有種茶記味精例湯的feel(;´༎ຶٹ༎ຶ`)💬 當晚等了數分鐘就可以入座 不過都一直有人等位 就連外國人都慕名而來! 不過我覺得豬軟骨又未至於要上神台 🦦更覺得黑椒牛比豬軟骨出色呢🦦ⓄⓋⒺⓇⒶⓁⓁ: 8.5/10〰️〰️〰️〰️〰️〰️〰️〰️〰️〰️〰️〰️〰️〰️📍 坐忘 (鰂魚涌)鰂魚涌濱海街13號中興大廈地下ꪖꪶ𝘴ꪮ ᥇ꫀ ᠻꪮꪊꪀᦔ📌

一直聽人講喺鰂魚涌有一間食日式咖喱嘅餐廳好出名，尤其係佢哋嘅豬軟骨！我係喺未禁晚市堂食嘅時候去，晚市係由六點開始，我準時去到坐低咗一陣，就陸續咁有好多人都入咗嚟，所以如果唔想排隊就早啲去，不過依家都係lunch去或者叫住外賣啦☹️我哋叫咗日式咖喱豬軟骨飯同雞扒烏冬，豬軟骨好食到額外單點咗一份~~𝓞𝓿𝓮𝓻𝓪𝓵𝓵~ ✨價錢:7.4/10👅味道:8.6/10🌌環境:7/10-📌豬軟骨野菜咖喱飯 ($69)呢個真係一定要叫！豬軟骨份量極多，佢醬汁嘅味道係甜甜地，有少少似照燒汁，夠味資源唔會令你覺得啲汁份量太多，連我呢個食嘅話好鍾意醬汁嘅人都覺得好好食。平時食豬最驚咬唔郁，但佢豬軟骨煮得好軟身，一啲都唔韌，特別係有軟骨嗰啲部份骨膠原感好重，好鍾意嗰種有少少黏口嘅感覺而佢嘅咖喱係日式咖喱，係偏甜唔係辣嗰種，送飯一流，不過因為豬軟骨原本個醬汁已經好多，所以個咖喱汁其實我就食得唔多同埋呢間舖頭最特別嘅係嗰飯，係會配上佢哋自家製嘅番薯南瓜粟米生薑飯，不過其實食落口同白飯差唔多，但好似健康啲咁推介推介！📌烤雞生薑糖心蛋烏冬 ($69)相比啱啱嗰個飯，呢個烏冬就略為遜色，個人唔係咁鍾意幼身嘅烏冬，覺得唔夠咬口