坐忘

营业中

休息中

鰂魚涌對於我嚟講的確係幾遠下，但係好彩我夠為食，為咗好嘢食幾遠都肯去，先至冇錯過到呢間勁高質勁好食嘅餐廳！！！我喺星期日夜晚大概六點鐘左右到餐廳，已經見到有條隊，心諗咁早都要排？！好彩只係餐廳未開門，過咗幾分鐘之後就順利入得喇第一次食當然要試吓佢哋嘅招牌豬軟骨野菜咖喱飯，因為我好肚餓所以加多咗隻温泉蛋睇圖以為份量唔多，嚟到先知都幾大碟，特別係番薯粟米南瓜生薑飯，下次我一定會叫少飯 同埋雖然話加咗番薯等材料好似比較健康，但係其實都係以白飯為主，如果可以提供糙米飯多一個選擇就好喇～野菜有西蘭花椰菜花紅蘿蔔洋蔥翠玉瓜同埋薯仔，唔係平時擺埋落去一齊煮咖喱好冧嗰種，味道清新。重頭戲係豬軟骨！ 用燒汁熬製，夠大件夠冧，而且食落真係有啲膠質漿住個嘴，真係好耐冇食過咁高質咁好食嘅豬軟骨喇咖哩我覺得同平時自己用咖喱磚整嘅冇乜分別，一樣咁濃味，佢質地偏液體狀，分量多夠撈飯有突，下次我會叫少汁整體嚟講呢餐飯真係高水準，短時間之內一定會再去食多一次！依家諗返起個combination 都幾得意，無論係豬軟骨、椰菜、生薑飯都有各自嘅調味，但係咖喱汁就將佢哋融為一體，造就呢碟咁受歡迎咁好食嘅咖喱飯

今次我點左呢個黑芝麻牛肋咖喱飯，朋友點左咖喱豬軟骨飯。呢間餐廳會比好多色彩繽紛嘅蔬菜，感覺好健康，飯裏面加咗紅蘿蔔同粟米，真係好似小朋友嘅健康餐咁，係令我回頭再嚟食嘅原因。而且加咗黑芝麻嘅咖喱好特別，有少少似芝麻糊味道既咖喱，唔會好怪而且好match！朋友嘅豬軟骨咖喱飯都好好食，豬軟骨好大塊，煮得好林好軟，容易入口。雖然平日下午好多人排隊可能要等好耐，但係都值得一等嘅餐廳，如果唔想等咗耐仲可以考慮外賣。

Camper’s 坐忘 Quarry Bay一間家庭式日式定食小店，其實嚟過無數咁多次，但係成日都唔記得影相，可能次次去都係非常之肚餓😂佢呢度嘅賣點係健康多菜唔落味精👍🏻👍🏻👍🏻無論你叫定食定係烏冬都有好多菜係入面🥗喺香港好難搵到一間食店係咁，再加上佢嘅價錢非常親民，所以呢度無論lunch定係dinner都經常坐滿，要喺門口等位，👇🏻而呢幾樣都係經常叫嘅豬軟骨7小時煮定食$66- 慢煮豬軟骨超入味，超軟熟15種一日野菜燒汁定食$69- 好味得來色彩繽紛，自己喺屋企唔會買咁多種蔬菜，喺呢度可以一次過食到15種蔬菜，超讚黑豚肉生薑燒定食 $72- 黑豚肉配上洋蔥生薑一齊炒，超好味總括嚟講，佢係一間又健康又好食又抵食嘅小店，係你會嚟完一次又一次嘅食店😋🙌🏻

呢間小店長期都多人食午市係多人到勁誇張聽講係超好味但我食完覺得只係普普通通，冇大家講到咁驚為天人如果路過可以一試，但專誠黎／排隊等好耐位就唔建議試豬軟骨野菜咖喱飯7.5分 呢到既日式咖喱係偏甜唔會好辣豬軟骨煮得勁淋勁入味有好多好多唔同既蔬菜，感覺幾健康配埋珍珠米味道唔錯，但不至於超級好味黑芝麻牛肋咖喱飯7分一上枱就聞到好香芝麻味，係好似芝麻糊咁既味有少少擔心會好唔夾但食落芝麻味唔算太濃想像唔到佢同咖喱又夾得幾好牛肋肉就正常發揮，普普通通

🌟豬軟骨野菜咖喱飯 🍛 $69 (10/10)佢嘅豬軟骨係招牌菜 因為係慢煮所以超級淋同埋保持到肉汁 啲軟骨係好似啫喱咁嘅質感咖喱係日式 所以係偏甜 完全唔辣 而且醬汁超多 鋪滿晒成個飯 啲飯唔係普通白飯 而係加入左南瓜同埋粟米 雖然食落味道就冇太大分別 但係應該相對健康啲而且呢間小店係少有地會比咁多菜 啲菜都好新鮮 完全唔會有漂白水味 分量大概佔咗三分一隻碟 仲有啲菜好多元化 有薯仔 蘿蔔 翠玉瓜等等OVERALL: 大推薦🤩 (10/10)呢間小店可以話係其中一間我嘅愛店 以前中學就成日食 已經回頭左超多次 而且性價比好高 大概五六十蚊就食到個飯 午晚市都同價 而且有好多選擇 除左咖喱飯仲有烏冬 而且份量非常慷慨 平日嘅午飯時段長期都排晒隊 另外天后都有一間分店🌟為推薦

日式定食🇯🇵小店主打無味精純天然食材配自家製醬汁 ［坐忘］🐷豬軟骨野菜咖喱飯 （$69）+🥚溫泉蛋（$8） 豬軟骨煮到入晒味 同平時出面食嘅豬軟骨唔同 佢哋嘅豬軟骨煮到好似骨膠原咁超級淋！食落去入口即溶🤤配上日式咖喱帶有少少甜又唔會偏辣🌶而且佢哋嘅飯係用上珍珠米 入面仲有啲粟米同番薯 口感層次即刻豐富咗🤩🐮黑芝麻牛肋咖喱飯（$65）第一啖食落去以為自己食緊芝麻糊🤣香濃嘅芝麻配上咖喱汁感覺好新奇 香港比較少見芝麻愛好者必須要試吓！牛肋都係煮到好淋身 配上唔同嘅野菜 健康又好味🥬

坐忘📍鰂魚涌💛坐忘係我最鍾意嘅黃店之一，野食超級高質，encore幾多次都唔會厭(｡･ω･｡)15種一日野菜燒汁定食 $69定食入面有15款唔同嘅菜，例如南瓜、茄子、蓮藕、菜肉瓜等等(●°u°●)​ 」野菜係撈燒汁之前燒到香口，燒汁帶少少酸味，令到啲菜好開胃(⁎⁍̴̛ᴗ⁍̴̛⁎) 就算係食肉獸，食完都會覺得好滿足ε-(´∀｀; )椰香烤雞野菜咖喱飯 $64呢款係坐忘唯一一款有加椰汁嘅咖喱，個人就最鍾意呢款( ´▽` )ﾉ因為好有南洋咖喱嘅感覺，但係又帶日本咖喱嘅香甜♪(´ε｀ ) 香烤過嘅雞塊仍然好多汁，配埋撈左南瓜同埋番薯嘅白飯食好香甜(˶‾᷄ ⁻̫ ‾᷅˵) 咖喱入面仲要有好多款唔同蔬菜，超級均衡飲食(*¯︶¯*)

每次lunch time都超級多人，好彩有朋友嚟搵我早啲去攞位先有得食🤤（要人齊先入得！）·✨豬軟骨咖哩烏冬 $74豬軟骨係「七小時煮」，係我食過最腍嘅豬軟骨，沒有之一，哈哈🤣因為腍到好似食緊好腍嘅牛筋，有一下以為係肥膏（咁當然唔係啦😂）豬軟骨又大大舊，份量多嘅，食到超飽😆溏心蛋幾流心，個咖哩少少辣，烏冬滑身午餐送杯凍茶，冇咩味😂·🌟整體值得一食，未食過可以試下豬軟骨😎📍坐忘 鰂魚涌濱海街13號中興大廈地下·

豬軟骨野菜咖喱飯豬軟骨鬆軟，把骨頭都燜得如同啫喱一樣， 十分好吃。配上不辣的日式咖喱汁和餐廳的特色飯——當天是生薑番薯飯——味道配搭十分和諧，而且純吃飯時也不會覺得悶，而是有甜甜的番薯味。而且飯餐同時也配上不同種類的蔬菜，是外出吃飯時的健康之選。總括而言， $80有找的價錢，能夠吃到這種健康，高質素而又有特色的午餐， 十分難得😆 一定會再來吃！

本身住附近都唔知道有一間咁嘅餐廳，都係朋友介紹話佢個豬軟骨飯好掂！所以就叫左個外賣返屋企食！ 因為佢地方比較細！豬軟骨飯一試難忘！豬軟骨內肉質勁淋！啲軟骨又唔會好硬！食落去爽脆！咖哩汁唔會太甜，香而不辣！可惜嘅係盒飯入面有條頭髮😞

因為要去鰂魚涌攪一攪保險啲野，真係十年都唔去一次鰂魚涌，難得去，即刻上網搵定有咩平！靚！正！嘅野食😙😙！一搵之下，搵到呢間個名好有意境嘅餐廳—坐忘🌵。坐到忘記時空咁😌！仲講佢嘅日式咖喱好正宗！決定🤪！佢位置在街市附近，細細間，未去到已見有班人在出面排隊，應該就是佢了😊！門口個Menu已經好有型！好有個性🤩！入到去雖然細細間，但牆上寫曬日文，好有日本Feel😍！黑芝麻牛肋野菜咖喱飯 $65推介：☘️☘️☘️☘️☘️黑芝麻好香🤩！個樣好特別，黑咪咪，咖喱濃杰啱啱好，唔太辣帶少少甜、仲有少少起沙添🤩！有好多蔬菜，簡直好似雜菜咖喱飯嘅量咁多😙！啲蔬菜仲要好甜好好味😋！個牛肋肉係主角，啲牛肋肉鬆軟入曬味！啲飯仲要有蕃薯粒粒😗！必必必必食！豬軟骨七小時煮野菜咖喱飯 $69推介：☘️☘️☘️☘️☘️寫明七小時煮咁勁點都要試喇😆！佢同上面果個飯一樣咁正😙！豬軟骨真係勁入味😍！細細力已經可以將啲肉分開🙂！啲軟骨當然係最正😆，有啲軟淋淋，有啲就脆脆的😙😙！都係必食！🏓餐廳：Camper 坐忘🚕地址：鰂魚涌濱海街13號中興大廈#SofoodSogood #日式咖喱 #坐忘 #Camper #日本美食 #黑芝麻咖喱 #咖

特別推薦大家✅15種一日野菜咖喱飯 15 kinds One Day Portion Vege Curry w. Mixed Rice✅豬軟骨咖喱烏冬Slow Cooked Pork Cartilage Curry Udon《15種一日野菜咖喱飯》日式咖哩，係唔辣嗰隻✖️🌶，配埋番薯粟米南瓜飯一齊食，係勁夾又開胃😍有唔同瓜菜係入面，有南瓜🎃、茄子🍆、翠玉瓜、蕃茄🍅、薯仔🥔、蓮藕、西蘭花🥦、豆等等有時唔想食肉就可以叫依個食，健康得嚟又夠味🥰💰$65《豬軟骨咖喱烏冬》豬軟骨大大嚿，煮到好淋好入味🐽，軟骨位煮到膠狀超正🤤🤤，咖哩烏冬好入味，同上面個咖哩飯一樣，d咖哩同烏冬都好夾，仲有半隻糖心蛋😍，加埋少少配菜一齊食，有菜有肉好均衡😌💰$74*餐廳標榜少油多菜，所有菜都係無味精、無添加🥬👍🏻**除咗鰂魚涌，天后都有分店😆

今日嚟到鰂魚涌附近，就一於嚟試吓呢間好多人收藏嘅餐廳 - “坐忘” 💛 鋪面唔大，一眼見到已經滿座，好彩九點幾去到等咗幾分鐘就可以入座啦。佢嘅菜單有好多唔同嘅選擇，主要係食咖喱同埋健康嘅蔬菜🥬🥕，又有烏冬又有飯揀。我呢啲選擇困難見到咁多款式真係諗咗好耐啊🤣 最後叫咗一份溏心蛋豬軟骨烏冬 $69🤩 嘩！佢嘅豬軟骨牛仔熬製得軟淋淋，而且又大份，仲有三嚿添🤤 佢選用嘅烏冬喺稻庭烏冬，配埋佢嘅湯底真係一流。佢嘅湯底清得嚟又有一種味增嘅味，而且唔會過鹹👍🏻另外佢嘅蔬菜真係好新鮮，全部都好爽口🤩食起上嚟都覺得非常健康 另外只要叫咗一份主食就可以用平啲嘅價錢叫一杯嘢飲，我點左一杯熱嘅烘焙茶 $3。不過不失啦，如果可以大杯啲就好啦🤣 我下次一定會再嚟呢一間餐廳食佢馳名嘅咖喱😋 下次食完再話俾大家知食後感啦！

有沒有人跟姐一樣都愛吃豬軟骨? 出面有好多豬軟骨都會炆到好似湯渣豬肉咁，但坐忘的豬軟骨真的會令人一試難忘。豬軟骨咖哩野菜烏冬話說坐忘豬軟骨慢煮7小時，食落口，肉質軟淋淋得來，又唔會散，筋位入口即融，滿滿膠質又不會漿口，一個字，正!野菜好足料，豆角，西蘭花，椰菜花，紅蘿蔔，翠玉瓜，西芹等烏冬彈牙煙韌，配埋日式咖哩濃度適中，一絕。呢個價錢呢個份量~ CP 值超高牛油烤雞野菜咖哩飯日式咖哩配混合粟米南瓜飯，感覺健康左 好養生，口感豐富，送飯一流。同豬軟骨比，牛油烤雞普通左少少，但是都好好味，肉質滑和有夾有牛油香。

一個下晝突然好想食下沙律清清腸胃，記得camper有沙律餐所以就去望下。下晝1：15去到竟然冇乜人，所以由外賣轉左做堂食。打開menu，搵到沙律個版，都幾多唔同款，牛肋，豬軟骨，黑豚肉，肥牛都好吸引，最後揀左配胡麻汁既肥牛沙律。沙律唔洗好耐就到，d料好滿，d汁好多，夠曬撈曬d菜，最驚喜既係d肥牛多到舖滿曬個面，d牛唔會肥到得肥膏，d菜係好新鮮好脆口，食完好飽好滿足下次想食沙律嘅話一定會encore呢間