在家 (已結業)

首先，我地booking係一點十五分，上到去未有位，要等到一點三十分先入座。我地八個人，佢俾半張大枱我地，要坐到勁逼，好喇，都算喇…我地已經嗱嗱聲叫嘢食，等到兩點都未黎先追單，追單佢話做緊，但係態度敷衍。之後等等下又同我地講冇海膽要轉另一樣，我地兩位同事唔想再等就走先。最後，我地等到兩點二十分都冇嘢食，我地起身走，個waitress咩都冇講。之後我地等lift，個waitress衝左入廚房，話 ”煮左未呀? 班 (粗口) 走喇”。咩事呀，lunch得一個鐘，我地已經用左一小時五分鐘黎等，最後冇嘢食不單只，仲要俾人用粗口鬧，呢啲係咩服務態度呀，以前都唔係咁，愈做愈差! 以後唔會再去囉! 

24/12lunch已book位,但黎到都要等成廿分鐘都算啦。入到去d台密到想行都行唔到，都算啦。叫完野食等左成九個字都無野食，返工lunch時間有限，唯有吹下單，個員工唔好意思都無句，話五分鐘到！五分鐘好快過，當然食物無到！結果等到兩點半都未嚟所以我哋決定一行八人迫於無奈餓住起身走！當我地等緊lift時，個女店員好大聲同廚房講：唔洗煮，班**（粗口）走左！！！ 咩食肆啊竟然用粗口鬧食客，一句唔好意思都無，仲比人鬧返轉頭。以後唔會再黎！

今天book了台，等了半個小時才進去，怕人多等太久，所以叫了魚生飯和海膽，結果還是等了一個鐘！最噁心的是，海膽竟然是臭的！非常非常不愉快的用餐經歷。下次一定不會再來！奉勸大家一定不要光顧，一定會後悔的。地方好小，有人走來走去就要站起來讓路，整個lunch一直起起坐坐，麻鬼煩！！！地方又小，做不到就不要接booking，這樣大家想吃不好。何必！老闆是否可以管理一下！另外好奇，為何魚生飯只需要切切切，都可以切一個鐘？？？你們去哪裡釣魚了？？？

好耐之前就好想試佢嘅旋風鰻魚蛋飯！見到Instagram個個都影得個飯好靚所以一直都好想親身試下！😌今日見有時間就去試下，諗住Lunch time上去應該都會好多人排隊，點知上到去唔洗排隊👍🏻👍🏻餐廳入面嘅空間唔大，而且枱同枱之間好逼，坐底左同隔離個個都會掂到大家隻手。咁我就叫左旋風鰻魚蛋飯。之後侍應就俾左碗湯我，望落去好濃郁，而且好重蝦味！一飲完整個口腔都係蝦嘅味道，調味得剛好！濃郁得黎唔會過咸，而且非常鮮甜，好有驚喜！連碗湯都咁好飲，令我更加期待個鰻魚飯！個飯一黎到，好似見到一個藝術品！真係好靚！個外觀好吸引我去食佢😋☺️外層嘅蛋感覺非常滑，而且仲有蛋汁係上面！煮得剛好。而裏面嘅鰻魚亦都煮得好入面好香！我覺得成碗飯嘅重點在於啲飯！佢地用左壽司飯而且有少少酸味，而且每一粒飯都有蛋汁！真係不得了！尼個做法我個人好中意！有機會會book佢地嘅晚市！最後有一個小提示俾大家，如果大家都係中午去食！記得帶現金，雖然佢地有得俾卡，但要滿300先可以用信用卡俾！

如果你有時間，不妨考慮到在家吃午餐1點落單1點半到，因為上一枱因為漏單無走2點半，都未有得食，話整緊2點九，話有啲魚生無左，轉唔轉其他野，即係未整3點，決定取消唔食如果你有時間，可以試下用2小時黎等然後乜都食唔到食物質素都未能評論因為乜都無食過職員不斷推說是廚房的問題，但職員都有問題不斷追問都只係話整緊，但其實根本無幫你追餐廳又不承認問題，又無提供任何補償如果你好多時間無地方去，又想試下一流的服務和效率在家將讓你大開眼界

在家鴛鴦鰻魚飯✨ 本身都幾想食呢間但佢晚市係做私房菜所以一路都冇食到，今次晏晝咁啱經過觀塘就可以試下佢啲飯丼😏佢有兩樣嘢我都想試，一個係旋風蛋包飯另一個就係鴛鴦鰻魚飯，朋友就話要食魚生飯唯有試其中一個先😗所謂嘅鴛鴦鰻魚飯其實係一邊燒一邊炸，相對之下炸鰻魚其實都少見，所以特別好感，脆得嚟入面啲肉又夠肥夠滑不過其實成個飯冇乜汁撈，還好加咗十蚊叫個醬油漬蛋黃，送飯一流另外隨飯附送嘅味噌湯應該加咗啲蝦落去一齊煲，超重蝦味，仲正過個飯😂 仲叫咗個小食燒雞柳加咗明太子醬超惹味✨ 整體來講價錢都唔平但質素唔差，可以一戰😗

一大班人食飯，有人建議食依間私房菜。一行15人包場。晚飯既菜單只有私房菜式既套餐，每位自選兩款唔同嘅頭盤，食材都唔錯，算新鮮。我揀嘅頭盤係醉蟹蓋加海膽蟹子同埋煎鵝肝帶子。蟹蓋入邊填滿蟹肉，蟹肉帶微微酒香，鋪喺面嘅海膽好大羹，唔孤寒。不過鵝肝好多筋，應該唔係高價貨。全晚重點兩道菜，蝦蟹山一道，啲蟹多到成座山咁。另外一個醬油鴨糯米飯，成隻醬油鴨鋪係糯米飯面。侍應放低碟飯俾大家影相，影完相之後會拎走拆肉，鴨肉撈埋糯米飯一齊食，好味到不得了。晚飯嘅菜式好特別，講唔出係邊度地方嘅彩，叫做fusion吧。餐廳日頭係做日本菜既，佢哋嘅旋風蛋包鰻魚飯都好似幾出名。十幾個人搞飯局，budget有番6-7百蚊嘅話，依間餐廳都係唔錯嘅選擇。

午餐由一點十分等到一點五十分都未有，追單又凈係識話做緊，對唔住都冇句. 最後，我等到一點五十五分都冇嘢食，我唯有走，個waitress 一句說話都冇講，都唔知係乜嘢服務態度。

Quite a decent resto here hiding around the corner of kwun tong. This bowl of rice is quite instagramy and please take note that theres actually eel down there lol cant say its super tasty but its a fair deal in general given the price haha! Should definitely pay a visit if youre around kwun tong but not sure if I'm gonna visit again!/又係觀塘搵野食呢間係Instagram算出名 好多人推介地點方面 非常方便 近地鐵站係上到去冇乜指示 門外冇牌 所以唔知邊個門先啱 :/ 不過入到去既感覺overall都95分好舒服 真係有家的感覺好中意佢既佈置同擺設 有張bar枱坐仲有長木枱好日式但又有強烈時尚感!總括黎講 環境我比滿分因為我真係好中意呢種style坐得好

今日係觀塘上堂，約左係觀塘番工既朋友食午餐。佢推薦左在家，表示呢間餐廳係觀塘都幾出名。仲話原來呢間餐廳冇預約係冇得入，前一晚打去預約，本身都話冇位，但好好彩地過幾個鐘覆返我地有位。去到14樓，一出電梯轉左，原來Ｇ室唔係門口，要係Ｆ室先入到去我12點到，在家岩岩開門，做左今日既第一位食客。開放式廚房叫左旋風蛋鰻魚飯同燒牛油果雞扒溫泉玉子丼。一落左單，員工首先送上湯，入面有海帶同白蘿蔔，好鮮甜。員工服務好好，見我朋友未到，問左大約幾點會到，佢怕旋風蛋擺得耐會熟曬，冇咁好食，等朋友差不多到先開始幫我整。旋風蛋鰻魚飯（＄９８）蛋包飯形狀似旋風，唔怪得叫旋風蛋。蛋好滑，切開係滿滿既鰻魚。鰻魚飯比較溜，建議落青檸汁。唯一美中不足係鹽融唔曬，有幾啖蛋同鰻魚比較咸。燒牛油果雞扒溫泉玉子丼（＄１１８）丼飯睇落好似好細咁，牛油果同雞扒唔多，但食下食下就會發現其實係唔夠飯。但份量原來都夠，最後我地食唔曬。除左名入面既材料之外，佢仲有魚子、紫菜同青檸仔。魚子爆開左伴飯一流。 食到尾會有少少溜，如果怕太溜的可以加青檸仔中和一下。

中午找了家公司附近的日式店填肚，入內裝潢簡單而乾淨。點餐時覺得價錢於工業大廈來說感覺有點小貴，不過上丼後也就理解了。鵝肝海膽丼內每件鵝肝肥美厚身，師傅應該是採用鐵板煎，所以皮薄內嫩，鵝肝油滲透飯裡，惹味。而海膽大大件鋪面，完整無缺，入口鮮甜無腥。質素高但整碗偏小，基本上只能讓文職人士吃飽。朋友點了赤蝦白吞拿三文魚籽海膽飯及雙色丼，色澤新鮮感覺不錯，不過我很有禮貌沒有搶吃。整體質素不錯，但份量偏少，需要等待一點時間，價錢也有點小價，看捨不捨得了。

呢個係我第一次留言,咁就比左呢間不知所謂既餐廳我同屋企人為左慶祝媽媽生日黎呢倒食晚餐4個都失望而回!!!我地4個一共食左二千幾蚊!!!!連一杯野飲都無都算我地簡左佢個頭盤花膠湯, 細碗到不得了, 個碗只係用d茶餐廳既碗, 豬肺好似食緊橡膠甘, 咬極都唔爛!!!之後黎個海鮮拼盤, D蟹唔知做乜勁苦,完全係咬碎左粒藥丸甘苦, 同佢地講, 個解釋竟然只係話因為有酒, 大佬!佢既苦重苦過廿4味, 根本唔係一般酒味既苦!!!! 燒春雞極之普通, 去一田買重好食過佢!!之後個糯米飯咸到死, 但呢道菜都算係已經叫做入倒口, 我地總共只係食左5道菜有3道菜都低於水平, 甘既質素收我地二千幾, 每人成5舊幾水, 簡直同搶錢無分別!!如果食物質素好,大家食得開心, 原本5百幾一個人都會覺得值, 但我地4個簡直好失望!!!!比一千蚊都厭多!!!!重要收成2千幾!!請問憑乜野?????

1. 食物份量太少 :連女仔都覺得完全唔夠食，要去下場再食過。2. 價錢太貴 :3個人食晚飯$1600，冇包冇湯冇酒冇蠔唔夠飽。3. 服務差 :呢個係致命死穴，全餐飯不停有人行嚟行去昅住想收碟，只係由8點食到9點半，都充滿壓迫感，明明寫11點先收工...點「在家」呀？全晚都坐得好唔舒服，想迫人快啲走。我第一次寫食評就比咗呢間嘢，其實環境唔錯，味道都唔太差，但如果想行fine dining路線，真係要改善吓啲服務喇。

今日同女朋友黎到觀塘由於事出突然，所以冇訂位就黎到呢到，好彩剛剛好有兩個位可以一試。一開始叫左飯之後會上一個湯，開頭睇落好似麵豉湯，見佢燈色仲以為佢係加左南瓜個啲奇怪野，但原來一試係蝦味濃郁既湯，飲落幾開胃，係一個好開始。今日叫左一個幾岩我胃口既組合，有蝦有吞拿魚同海膽！ 其中海膽係加拿大海膽，好大片同冇好差既苦味！白吞拿魚好香吞拿魚味但唔會有好大油脂感覺，赤蝦新鮮大隻👍🏻 飯係醋飯同時上面加左日本人好常用既飯素。 總結整體比我感覺好好，海鮮丼感覺有滿滿誠意，配搭有心思，女朋友食既鵝肝好香好厚，作為一個胃口較大既人，呢到對於我最大缺點係份量太少，但比較完優點同缺點後，我都係對大家推薦呢到！

食過在家已經好多次了，每次都唔會令人失望。好鐘意佢餐廳個環境，真係有種屋企feel，返左大半日工就係可以好好甘relax下。今日食明太子燒雞扒飯，仲有配麵豉湯。麵豉湯非常濃郁，仲有淡淡既蝦味。店主應該放左好多蝦殼落去煲，值得一讚明太子一向係我最愛，雞扒煮得好軟又好入味，非常滿足。