在家 (已結業)

好耐無食過魚生飯啦~~期待~~!!🥰🥰.同事介紹呢間日本嘢，不過睇openrice比較多人推介鰻魚丼反而唔係魚生飯.好彩我地有book位，都幾full ga~~ .望住個menu真係花多眼亂，選擇困難症又發作，雖然已經決定要食海鮮刺身丼，但仍然心大心細食邊款好😛.帆立貝甜蝦海膽丼（$148）干邑鮮蝦湯.干邑鮮蝦湯非常濃郁同鮮甜，好特別，飲到停唔到口，真係好好味🤣 帆立貝甜蝦海膽丼材料新鮮，刺身份量唔少，好滿足啊！

旋風滑蛋鰻魚丼 $98最熱門既旋風蛋鰻魚飯✨滑蛋入面鋪滿嫩滑既鰻魚 鰻魚肉質偏淋帶少少油脂 連埋蛋汁撈埋啲飯濕潤度岩岩好🤤值得提既係滑蛋上面有半粒青檸 加左青檸汁會令成碗飯更fresh喔🙆🏽‍♀️而且每個丼/烏冬都會送湯同前菜 湯係豆乳味噌龍蝦湯 更濃既龍蝦味😍好有驚喜炭燒雞扒豬骨湯烏冬 $88真係要讚下呢到既擺盤真係擺得幾靚 雞扒整齊放喺中間 雞皮燒到微微焦脆 烏冬應該係讚岐 一下就滑入口🤣配菜用左沙律菜 仲有隻溫泉蛋 湯底就無乜特別 但唔係味精湯🤓

位於工厦的小店，位置隱蔽地方細細，似家嘅感覺，只有4張枱，其中一張係八人大枱疫情期間建議外賣，要同人搭枱，中間無隔板湯好好飲，有蟹味唔會好鹹牛油果照燒雞飯見細細碗以爲好少，其實都好飽肚，大約有半個牛油果，有好多雞皮，本身有一個玉子燒，仲有一隻蛋，食左好多蛋😂鰻魚蛋飯因為朋友未到，諗住提早落定order預啲時間等，點知上菜都幾快，10分鐘左右就有。飯凍左都好食，除左面層旋風滑蛋，入面仲有蛋漿撈飯，鰻魚幾多骨

今日又係日本餐，無得去日本旅行，唯有食日本餐開心一下。「在家」店面雖細，不過有和式風味，喜歡粗糙的木檯及木櫈的感覺，唔通日本人屋企都係用木製傢具？點選了燒牛油果綜合粒粒魚丼、燒牛油果雞扒溫泉玉子丼，日式豬軟骨胡麻醬冷烏冬。自己幾鐘意食牛油果，除咗因為係健康又有益之外，口質軟軟綿綿，配上粒粒刺身，減少了魚生的腥味，亦不會太膩。豬軟骨胡麻醬配冷烏冬亦十分清新可口，加上半熟溏心蛋，黏黏稠稠很吸引，味道一流。

之前已經係Instagram上面睇到呢間工廈內既細餐廳，好似好吸引，趁今日Long Weekend 後有D Monday Blue，決定一定去食下先!!! 位於舊工廠大廈既頂層，餐廳細到得幾張長檯，所以事先book定檯較為穩陣。試過book咗12：45，等到13：25先有枱。食物都出得唔快。坐低職員即奉上香茅茶及一碗熱騰騰既豆乳味噌濃蝦湯，當中有昆布及豆腐，蝦味濃郁好足料。Lunch Menu其實選擇都多，一目了然，仲有today special！我地總共點左三個飯, 味道其實OK既, 只係個飯都相對上細... 價錢相對亦比較貴，未必成日黎，但味道真係無得頂，而且職員服務態度算不錯，老闆娘亦會親力親為。 

間餐廳唔大，一眼就望哂，但環境係舒服，有家嘅感覺，仲差唔多爆場，好在都唔算遲嚟，唔駛點等就可以入去食，本身聽聞呢度出名旋風蛋乜乜飯，不過我想試四色丼，感覺冇咁heavy，本身有三文魚籽、牛油果蓉、拖羅蓉、海膽，但當時海膽賣哂，咁我揀其他，就揀咗帶子，味道一樣咁夾，話就話四色，其實佢另外有玉子，唔好睇佢好似唔算大份，其實我一個女仔食都足夠有餘，啲餸都令你好快飽哈哈。另外試咗鰻魚同唔記得咩魚嘅丼，鰻魚係幾好食，香港整鰻魚做到一定水準嘅餐廳唔算多。

🥚twisted egg smoothies with grilled eel旋風滑蛋鰻魚丼蛋好滑有蛋味，鰻魚，味道唔錯但未至於驚艷，很適合打卡就是了🦐 soy milk miso shrimp soup豆乳味噌濃蝦湯，味道沒什麼特別，但比傳統的麵豉湯的口味多了點新意店鋪內裏裝修不錯，可惜窗外的環境看著工業大廈不太吸引

做完嘢，一點九先食得飯，反而過左繁忙嘅食飯時間更好，店鋪只得我同另外兩枱客，座位鬆動唔焗促，一腳踢嘅女工作人員，近廚房張枱坐左位小朋友玩緊手機，應該係佢嘅小朋友，感覺就好似返左屋企食飯咁。先上附送嘅前菜同湯有驚喜，湯好濃郁嘅龍蝦湯味，入面仲有海帶同豆腐，開開胃，更期待佢個主菜。凍香茅茶清新解渴。食完前菜同湯，主菜旋風滑蛋炭雞丼就即上，好快手樣子超靚好吸引，滑蛋唔會話好生，撈飯食一流，揭開滑蛋層，入面好多雞，食到最後一啖飯都有雞可以一齊食，雞扒好滑好味，飯有黑白芝麻鋪面增加口感。個飯看似細碗，但食落都好飽。唔收加一，$98可以食到咁豐富嘅午餐，好高汁。

係度食咁耐，都未食過呢間，同事話係幾好，不過就係懶無黎。除左滑蛋飯，佢都有其他嘢食。入到黎都幾平靜，呢度嘅人細聲講，個環境都幾日式。座位比我想象中少，主要係4個角落，幫襯個日唔算多人，所以又唔會話好密。先黎個湯同小食，好耐無飲麵鼓湯，正！（好掛住日本呀）小食都ok。同事嘅，由於大家好耐無食日本嘢，特別滋味吧。同事嘅，賣相唔錯，佢話味道都唔錯。我嗰個係旋風滑蛋炭雞丼，98元。上面呢層滑蛋不得了，好靚，味道不錯，又唔會話生。打開就係炭雞，好香，啖啖肉，不得了！店內會有時令茶，我飲嘅係香茅茶，以為泰式嘢，點知又夾喎，完全係解膩。原本我係叫牛油果，但店員好好，講牛油果未夠熟，另外點。對食物嘅質素堅持，我幾時都贊成！

一早係openrice book左台 午飯時間黎食好彩有book 因為都好多附近返工嘅人食 全間滿哂-座位方面真係好逼 兩人台得兩張左右 其餘都係大台可能因為想預多人嘅gathering同埋for 夜晚嘅私房菜如果想食丼飯記住午市黎 因為晚市係做私房菜-招牌旋風蛋鰻魚丼 $98就咁睇個樣都覺得佢好吸引食落味道真係唔錯 蛋入面仲有好多鰻魚另外個鰻魚汁唔會太咸  quite good!三色丼飯 $98呢個飯真係好麻麻 魚生有極重雪藏味 食唔到魚鮮味 一般般

今日同個好耐無見既朋友食飯，係觀塘區，識食一定係去工廈搵好野食！查人想食日本野，上網search 觀塘 工廈 日本菜，就搵到呢間 - 在家。最中意去小店，家庭感好重。舖頭都唔難搵，apm轉去駿業里兩分鐘就到。舖頭好細，只有二十個座位左右，裝潢係日本家庭風，有好多酒樽，感覺都好chill。入到去已經聞到一陣鮮味，呢度主打係食魚生飯既。飯未到先來一碗暖笠笠既麵豉湯，一飲就知真材實料，應該係用鮮蝦頭做底，係極鮮味同鮮甜，好濃好夠味，但一d都唔唔咸，飲完都無渴。料方面有羅白、海帶同豆腐。飲完好滿足！令我更期待個飯。飯方面，我叫左S3，有一舊加拿大海膽，兩隻蝦，四塊魚生、三文魚籽同玉子燒，料唔算話係最最新鮮（無計本人剛東京回來，築地的壽司實在太好味），但都算係新鮮，唔會有雪味Up味既情況，中上水準。朋友叫左S6，係蟹膏配海膽，佢果碗就有兩舊海膽、蟹膏同玉子燒，佢話蟹膏要配好多飯食，我自己試過一次係第二度食蟹膏飯，都係比較咸同濃味，我諗都係蟹膏既一貫表現啦！兩碗飯仔細細咁，但食完都好飽，飯係有少少醋撈過，粒粒分明既。wasabi係正宗生磨果種，所以唔會太攻鼻，豉油都係淡味，唔會搶左食材既鮮味！總括

旋風滑蛋炭雞飯 $98一上枱 視覺效果好震撼💓份量好大 外貌亦好靚滑蛋做得好出色 唔太油配埋啲蔥花好好味炭燒雞腿收埋咗喺裏面 本身以為得好少 但其實都有五六舊 雞肉好嫩滑❤️好似食緊平時啲日式串燒咁樣🤤加埋珍珠米一齊食 口感豐富 亦都好飽好滿足😆😆雖然等待時間長少少 因為人手唔多 但係食到咁高質素嘅滑蛋飯好值得！

同同事食飯，早一日打去book位，佢話要當天回覆各人食咩，我估佢要準備食材，不意為然。點知第二日去到，店員好似好無經驗咁，首先人頭湯數量又錯，放餐具的位置又唔對櫈，要客人自己傳。之後等餐上枱，總括而言等了超級超級耐。我們大約12:20 到店，第一碗飯大約12:30 上枱，但係最後一碗係1:45 分先上台，即係其中一位同事係等了一小時二十五分鐘先有飯食。過程中，有同事食到啲飯係凍嘅，而我食的嗰碗，啲米是硬的！因為間舖根本無咁大嘅能力處理咁多客，竟然做到一半話無晒飯要即刻煲！對於已經訂了座但係得到咁嘅待遇係十分不滿。至於食物，大部份同事都點了旋風蛋飯，隻蛋好似比以前食無咁滑了，好厚，雖然表面仲有少少蛋漿，但係炒老了。不過饅魚、豬軟骨、牛油果那些不錯，而且份量很大，啲汁又杰，食得好飽。

/在家🇭🇰/#sa觀塘篇 #sa午餐篇 ➖➖➖終於組隊試左在家🌟呢間店舖出名食飯同漩渦蛋飯香港黎講呢間最鍾意呢間😆當然可能仲有但未發掘到今次食住蛋先 其他丼飯等大家介紹➖➖➖1️⃣旋渦滑蛋炭雞丼 $98入面嘅餡幾特別 係明太子沙律同炭雞▪️▪️▪️炭雞味道似串燒嘅煙燻味 份量頗多▪️▪️▪️明太子就增添左一份口感🙆🏻‍♀️辣少少就更惹味👍🏻👍🏻▪️▪️▪️旋渦蛋嫩滑 蛋香幾重😊份量慷慨無令我失望🥳▪️▪️▪️飯係壽司醋飯 酸酸地 幾特別如果可以多啲餸揀就好啦😆➖➖➖分數:8.5/10➖➖➖2️⃣湯味道似龍蝦麵豉湯 帶少少蝦嘅鮮味入面仲有蘿蔔海帶👍🏻👍🏻幾足料係嫌佢有少少咸🙈🙈不過同平時麵豉湯有啲分別都唔錯嘅➖➖➖分數: 7.4/10➖➖➖📍在家

今日第一次同同事去試吓，一早12點打電話問使唔使預約，店主話要1:30先有位，咁我話OK啦，我哋1:28到咗，但係等到1:50先有位入座，入座前我哋問佢出餐要幾耐，因為我哋擔心2:30前返唔到公司，餐廳服務員話5分鐘，於是我哋決定坐低，點知2:15先開始上餐，用咗唔夠5分鐘時間狼吞虎嚥，成$100個午餐，竟然要咁樣食法，就算食物質素再好，都冇辦法感受到，另外啲丼飯係凍嘅😫😫😫唔會再去幫襯了