在家 (已結業)

首先，我地booking係一點十五分，上到去未有位，要等到一點三十分先入座。我地八個人，佢俾半張大枱我地，要坐到勁逼，好喇，都算喇…我地已經嗱嗱聲叫嘢食，等到兩點都未黎先追單，追單佢話做緊，但係態度敷衍。之後等等下又同我地講冇海膽要轉另一樣，我地兩位同事唔想再等就走先。最後，我地等到兩點二十分都冇嘢食，我地起身走，個waitress咩都冇講。之後我地等lift，個waitress衝左入廚房，話 ”煮左未呀? 班 (粗口) 走喇”。咩事呀，lunch得一個鐘，我地已經用左一小時五分鐘黎等，最後冇嘢食不單只，仲要俾人用粗口鬧，呢啲係咩服務態度呀，以前都唔係咁，愈做愈差! 以後唔會再去囉!