我揀嘅頭盤係醉蟹蓋加海膽蟹子同埋煎鵝肝帶子。蟹蓋入邊填滿蟹肉，蟹肉帶微微酒香，鋪喺面嘅海膽好大羹，唔孤寒。不過鵝肝好多筋，應該唔係高價貨。
全晚重點兩道菜，蝦蟹山一道，啲蟹多到成座山咁。另外一個醬油鴨糯米飯，成隻醬油鴨鋪係糯米飯面。侍應放低碟飯俾大家影相，影完相之後會拎走拆肉，鴨肉撈埋糯米飯一齊食，好味到不得了。
晚飯嘅菜式好特別，講唔出係邊度地方嘅彩，叫做fusion吧。餐廳日頭係做日本菜既，佢哋嘅旋風蛋包鰻魚飯都好似幾出名。
十幾個人搞飯局，budget有番6-7百蚊嘅話，依間餐廳都係唔錯嘅選擇。
