圓苑 (裝修中)

#尖沙咀美食 #小蓮星吞食尖沙咀🔻 圓苑 尖沙咀山林道14-16號達榮大廈地舖/🧃水晶蝦餃皇大大隻，漲卜卜，仲有金薄包邊，非常精緻，餃皮煙韌，蝦肉大粒，爽口彈牙/🧃鮮蝦腐皮卷新鮮炸起，脆皮香口/🧃豉汁蒸排骨排骨肥膏偏多，好香好正，下面墊左腸粉，索哂啲汁，仲好煙韌/🧃蜜汁叉燒皇超級大推！好耐無食過咁好食嘅叉燒！蜜汁包住成舊叉燒， 半肥瘦，外硬內軟，非常好食/🧃蜆芥鯪魚球鯪魚球外圍包咗一啲脆脆，食嘅時候有脆口嘅口感，肉質唔會鬆散，好香鯪魚味，非常鮮味///#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

今次食Lunch嘅體驗，自己都有少少喜出望外；餐廳員工非常體貼，會主動建議有咩好食；呢到有唔少名人出沒，餐廳嘅裝修亦都非常光鮮；座位亦都非常寬敞；咁多個餸，我最想食佢呢度嘅叉燒；因為一間中菜館，叉燒好壞可以反映出廚師的真實功夫；呢度嘅叉燒厚切，晒上蜜糖，肉質唔硬，軟稔稔，油香豐富，我非常推介這一個菜式；之後就係呢度嘅灌湯餃，用上竹笙、瑤柱整成，相比起其他地方淨係用一舊豬肉，呢度好明顯有更重的鮮味；珍珠雞亦都有好豐富嘅材料同埋清新嘅葉香味；最後以一碗紅豆沙作結。總括而言，我覺得這裏的小食、點心，都非常有質素。餐廳仲有一條2斤的皇帝星，可以起肉炒球兩食，不錯。

自從第五波之後都好耐冇飲過茶啦 今日出尖沙咀就揀間高質少少嘅位置好方便就係佐敦地鐵站行兩分鐘 呢間酒樓好大好舒服有兩層高同朋友揀咗上上層 今日超級肚餓 即刻叫咗一籠蝦餃先 仲有我最愛嘅鹹水角 有朋友就叫咗呢度好出名嘅叉燒腸粉 仲有牛肉菜心 蝦餃係有金箔好浮誇但我鍾意 皮薄餡靚嘅別重要係鮮蝦 正!而 鹹水角 個樣好得意成個啤梨咁第一次見中間仲要係一支百力滋好盞鬼最最最驚喜係個叉燒腸粉 腸粉個皮好薄 好香 叉燒嘅肉半肥瘦啱啱好 燒得好好味 真係超正牛肉菜都好多塊牛肉 但如果個牛味再重啲就正啦因為我哋都太肚餓呀最嬲尾都要叫多碟豉油王炒麵! 份量好多正常發揮😁 總括嚟講呢個價錢呢個地段好合理 食物都有水準

平時好少食中菜，今次同媽媽一齊食，所以簡坐得舒服又高質素D既中菜!服務超好，又會推介食物，又非常好既態度，staff感覺好friendly又唔會催促你，真係無黎錯~薑蔥枝竹龍躉扣 (例牌)⭐⭐⭐⭐未食過咁好味好骨膠感既龍躉扣，肉質結實彈牙薑蔥爆得好香, 醬汁煮得好好味, 入曬味之餘又唔會蓋過主角!呢個佳餚既係煲仔菜又係見得場面既節日菜，係極之推介既中菜!冰燒三層肉⭐⭐⭐⭐⭐一咬落去, 果個脆卜卜的豬皮, 真係超正!肉質鬆化，偏乾身，絕對唔會有淋淋地既口感, 咁先係100分既燒肉!!茨實濃雞湯浸菜苗⭐⭐⭐唔好睇佢簡簡單單，但其實都好好味，十分之暖胃，食左咁多重口味既野，又燒又煲仔，即係叫個清淡既清清味覺雞湯清甜，完全無味精湯搞到口乾乾既感覺，菜苗一食落去，就知道係高質素既菜，又唔會寫得太腍，所有野都煮得岩岩好!海帶綠豆沙⭐⭐⭐⭐海帶味好香，甜度適中，食左咁多野之後，飲番個唔太甜既糖水下下火，一流!

要數香港飲食文化，又點少得「飲啖茶、食個包」？細個跟屋企人去飲茶，係因為鍾意佢隔離報紙檔度買漫畫書睇；而家同屋企人、朋友、或者同事都會鍾意去茶樓一邊傾吓計、一邊品嚐精緻嘅點心～今日同一個好耐冇見嘅朋友就約咗嚟備受好評的✨圓苑✨飲茶～🐟生滾泥鯭粥其實本身我就好怕食魚粥，因為驚腥啦、有骨啦….. 但聽講呢度嘅泥鯭粥都出名😜 咁試下啦～ 試咗一啖😳原來係好鮮甜！ 粥底入口鮮甜綿密，還隱隱滲出果皮的清香～ 泥鯭經人手拆肉起骨，每一口粥都有食到啖啖泥鯭肉～ 仲可以按個人喜好、撒少許蔥花及冬菜調味。😜食完一碗好想再食呢！🐔鮑汁炆雞腳鮑魚汁鮮甜味美～ 以慢火將雞腳炆至軟淋入味，入口滿滿骨膠原，風味一流！女士們真係要食多幾隻！🐔北菇棉花雞好足料嘅棉花雞！雞肉嫰滑、有冬菇同蟹柳做配料，魚肚吸晒雞汁嘅味道好好食！🍤米網得意腸外層係軟滑腸粉，包住內層脆脆米網蝦卷同中式芹菜，口感豐富又好食😋！🍤安蝦咸水角可愛的啤梨造型～ 以百力滋做「頂」，餡料豐富、口感脆而不韌～🍠蕃薯糖水薑辣同冰糖甜度配合得剛剛好！ 好正呀！😂飽都要食埋佢呀！本身仲想叫多幾個點心，食晒呢幾款都已經飽飽了，好在無眼闊肚窄😂 下次叫多d朋友仔黎

之前已經想試呢間中菜館，所以趁住放假訂枱同屋企人食。只係七點左右，餐廳已經半滿。🔸千島明蝦球$218蝦球先用油爆香，爽彈又酥脆，更保存到蝦肉原汁原味。既有千島醬嘅酸甜開胃，亦不失鮮蝦嘅甜味。🔸脆皮妙齡鴿$108新鮮炸起熱得燙手，一撕開就見到勁多肉汁。鴿皮炸得香脆，肉質更加係數一數二嘅嫩滑。🔸鮮茨實濃雞湯浸菜苗$168白菜苗口感細嫩無渣，雞湯鮮甜唔死鹹。最後仲有送嘅糖水：百合紅豆沙😍📍圓苑 (尖沙咀)尖沙咀山林道14-16號達榮大廈地舖

飲杯茶食個包‼️ 山林道竟然開左間茶樓🤣裝修好乾淨企理 有別於街坊茶樓 坐得舒服唔嘈 服務都好好😚 價錢貴少少但都合理👌🏻❣️蜜汁叉燒皇 (小碟) $108真係好鍾意食叉燒( ⸝⸝•ᴗ•⸝⸝ )੭⁾⁾ 呢度嘅叉燒係偏肥 好正🤣 蜜汁好香 燒到少少燶邊❣️圓苑蝦餃皇 $52個金箔邊好靚⚜️ 包咗好多大粒新鮮蝦 好足料🦐 皮好晶凝通透唔黐牙🌟 平時食酒樓成日食到啲焗到黐埋一齊嘅蝦餃🤣 ❣️米網得意腸 $58我腸粉最鍾意食呢款‼️ 口感豐富中間一層炸到好脆 中間係蝦膠(๑°﹃°๑)❣️安蝦咸水角 $48得意整到一個啤梨嘅形狀~ 味道都唔錯👌🏻❣️柴魚花生鹹骨粥（碗）$52食碗粥都唔錯 配料好多有榨菜花生蔥🥳 綿滑足料😚

山林道一向都多好野食今晚同媽咪兩個撐枱腳 就佢口味揀左食中菜呢度坐得舒服 野食好好味服務又好 媽咪好滿意 係咁叫我寫食評讚下😂金沙脆魚皮咸蛋黃包住炸魚皮 又香又脆口真係好邪惡 明知熱氣但忍唔住食晒成碟芝麻鹽焗雞呢個真係不得了 唔怪得咁多枱都有叫雖然其他都好好食但佢絕對係第一名雞皮好薄好脆好似食薯片咁 仲有好多芝麻好香口 雞肉好嫩滑又有雞味經理話係風乾過再焗先做到呢個效果果然係心機野大芥菜咸豬骨煮沙蜆食左咁多熱氣野 芥菜清熱就啱晒啲蜆肉隻隻都脹卜卜好鮮甜豬骨其實係排骨位 食落嫩滑一啲都唔鞋埋單仲有糖水送木瓜雪耳糖水夠晒清潤 啱晒女士

最近好似好少食中菜，見附近有間中菜都幾乾淨企理就入左去了~ 因為唔算太肚餓，叫左個鮮露筍黑木耳炒鮮准山，感覺都好健康，清清地，唔會話好咸，算係不過不失。野菌百合炒龍躉球好有鑊氣，西芹好爽口，魚肉都好滑身，食到都好想加碗白飯!見都有人推介呢到既冰燒三層肉，就叫左黎試下，個皮好脆，肉同油脂位都分佈得好平均，一啖食落好真係好滿足下!仲可以配埋黃芥末咁食，更加香口。有機會都想ENCORE試下其他菜色或者係點心！

朋友介紹飲茶點心高質一直都就唔啱時間轉食晚市食物品質都唔錯平日夜晚去到唔算多人坐得好舒服， 傾偈都唔會嘈而且相對下服務好好， 侍應快手有禮貌友人力薦嘅蜜汁叉燒皇果然很讚佢肥膏唔多， 但肉質軟糯兼有少少脆皮， 口感好味道鹹甜適中， 非常美味可以話係近期我食過最好味嘅叉燒黑椒薯仔安格斯牛柳粒 少少辣， 食落唔會好油膩， 味道惹味送飯一流鮮露筍黑木耳炒鮮淮山唔想食菜嘅另一選擇鑊氣夠 淮山炒得爽脆可口， 味道清甜飲茶留待週末再去先

屋企人諗住夜晚唔煮飯，就搵了間在尖沙嘴食d小菜的酒樓，簡簡單單點幾個小菜。酒樓有唔少特色配搭小菜，都幾特別，亦都可以食到d平時屋企未必會煮嘅小菜。鮮露荀黑木耳炒鮮淮山就係其中一例，屬廚師推介，淮山口感爽香，加上同樣爽口的露荀，配搭夠refreshing另外一款廚師推介小菜同樣有特色，欖菜四季豆炒鮮鮑魚的攬菜好香同惹味，同爽香四季豆好match！仲有鮮鮑魚，簡單中顯不平凡。蜜汁叉燒皇的叉燒肥瘦適中，肉汁軟嫩外表焦香微甜，水準不錯！最後食埋糖水真係好滿足☺️

《🫖飲茶》好耐無飲茶啦，今日同家人去咗佐敦食點心🥢圓苑蝦餃皇💰$52呢度嘅蝦餃好高級嘅感覺，蝦餃有金色邊，好奢華，蝦肉大大粒，皮薄，值得食🉐🥢酥皮焗餐包💰$48平時點心蒸包我麻麻，但係焗餐包我就好鍾意啦，因為酥皮外層夠脆身，內裏軟身，叉燒饀好食🉐🥢紅燒妙齡鴿💰$108燒乳鴿又係好耐冇食，今次要咗一隻同家人兩份分，每人食咗半隻，乳鴿燒得香脆好食🥢鮑汁燜雞腳💰$78平時我唔係好食雞腳，但呢個鮑汁燜雞腳超入味！一睇顏色都知燜咗好耐，雞腳好腍，好多骨膠原，食到個咀黏黏的，鮑汁味好重，最鐘意呢碟🉐🥢上湯灼鯪魚滑時蔬💰$58有菜較健康，清清哋🚩圓苑 (尖沙咀) 📍尖沙咀山林道14-16號達榮大廈地下

屋企人有時會嫌大胃帶佢地食太多西餐、日餐，所以好掛住中菜，咁好啦，夜晚食吓中餐呢間日頭賣點心，夜晚就係主打中菜呢間嘅茶水唔錯，飲完會不停有人幫你fill唔使自己操勞，真抵讚小食好特別，唔係花生腰果之類，竟然係蕎頭，成本都比nuts高㗎，相當有誠意第一碟係雜蔬炒雞肉，肉同菜非常掛芡，每條菜蔬炒到晶瑩透亮又爽脆，雞肉嫩口又juicy跟住呢碗刀削麵，大胃真係第一次食，魚頭刀削麵，仲要唔係湯麵魚頭以剁碎嘅紅椒調味，香口但又唔會太辣，魚頭蒸得好有膠質，充滿骨膠原，青春唔會完唔好睇小呢煲通菜，未開蓋已經聞到鑊氣，一打開啲味噴晒出嚟，未撈勻食條菜，都已經好有火氣，蝦味勁出最後都有碗紅豆沙作為飯後甜品，呢碗只有淡淡嘅甜，帶點澀味，煮得夠爛，確實係起到cool down作用

山林道個邊一直都多野食 今次揀左一間中菜晏就揀左幾份點心都幾唔錯 下次試下d抄野圓苑蝦餃皇 $52我好鍾意食蝦餃 呢度既蝦餃好高質！一粒蝦餃有兩隻大蝦仁加蝦膠 好飽滿蝦仁非常爽口彈牙 鮮味十足面頭仲有小小金箔 非常高級松露野菌腐皮卷 $48呢款係素菜卷松露香 素材卷皮炸得夠香脆米網得意腸 $58軟滑的腸粉包著香脆米網蝦春卷 口感豐富煎釀雙寶 $52茄子肉質厚實 啖啖肉蜜汁叉燒皇 $108必叫 叉燒色澤亮麗肥瘦相間 佈滿香甜蜜汁好出色 

今日係尖沙咀收工，跟同事去咗酒樓食晚餐，輕輕鬆鬆咁食返餐🐖蜜汁叉燒-蜂蜜味幾甜香-叉燒半肥瘦 食落都幾好味🥗淮山木耳炒蘆筍-淮山爽口 感覺有少少似秋葵-呢個菜幾清新-清清淡淡算唔錯🐂黑椒牛肉炒蘆筍-牛肉質感似牛仔骨-算炒得幾香-裝飾蕃薯片口感唔錯-呢期蘆筍夠嫩口 所以愛上咗總括而言，呢間酒樓嘅環境都幾寬敞，樓梯再上又有一層，服務及上餐速度都幾快，酒樓最緊要加水加得快😂食完又有糖水送，食物算係唔錯