圓山台灣料理 (已結業)

這日來到尖沙咀圓山晚飯，這裏看似中菜館，怎知內有乾坤，原來是有中菜又有台灣菜的台灣料理。前菜有蒜蓉青瓜，很爽脆。之後當時是開始主菜了，首先有口水雞 ($168)如果你能吃辣的話，這口水雞你必定要試一試。雖然價錢上略貴了一點，但做得十分出色，配料很足很地道，雞煮得剛剛熟，能讓肉質保持鮮嫩，就算不是雞批肉都蠻滑的，而且很辣很惹味，值回票價。蚵仔煎 ($88)這有別於在台灣吃到的傳統蚵仔煎，不會很痴牙或很黏。反之，這個蚵仔煎感覺很香口，料也很夠。台式小炒皇 ($128)十分足料，有韮菜，魷魚，蝦乾等等，炒得甚有鑊氣，特別是魷魚配搭蝦乾，口感不錯，可惜有我們不太喜歡的芫茜，要扣一點點分。還有我們最愛的台灣燥肉飯 ($28) 和 滷肉飯 ($28)肉燥入口即溶，味道跟台灣吃的不相上下。滷肉則有兩大塊，肥瘦比例均勻適中，滷水汁也開胃，不錯。由於每碟份量太大太多，我們二人實在吃不下，建議大伙兒或一家大細來吃就最合適不過了。

星期日大家都放假就一家人黎到尖沙咀行街食飯，順便去商場睇下聖誕燈飾影下相我地一行七人行到咁上下時間，就黎到位於金巴利道既圓山台灣料理醫肚。我地黎到已經坐滿晒客人，好彩我地已經預先打黎訂左枱，如果無訂到既話我估都要有排等位我地總共點左9個飯菜開心share,最後食到個個都超級飽，埋單連埋加一茶位等等$1600到！！其實呢到都有2-4人套餐供選擇，但我地個個想食既野都唔同，所以無去點到套餐，選擇了散點台式鴨舌$85沙鍋石燒田雞煲$168呢個本人至愛田雞肉質滑嫩，爽口又彈牙，味道有少少辣幾過癮，田雞下面真係放左好幾塊石頭係到蜜桃🍑咕嚕黑豚肉$138咕嚕肉炸得好香脆，入口酸酸甜甜寧舍開胃，大人細佬都愛吃蝦皇大白菜🥬$168霸王辣子雞（例）$188呢個辣子雞味道整得偏咸左少少，送飯食會好點鹽酥雞$88黎到食台灣料理點少得呢一款菜式，鹽酥雞食落仲係熱辣辣，入口香脆👍🏻蚵仔煎$88蛋味十足，蚵仔份量都唔少，食完真係好想即刻走番轉台灣，去瘋狂逛夜市圓山招牌炒飯$160講到明招牌緊係要點黎試下佢啦，個飯確實炒得好香，飯粒炒到粒粒分明。入面配料亦十足有蝦、帶子、火腿汁等制作而成，唔怪得知一上枱就已經香氣撲

尖沙咀呢間圓山台灣料理，真係比我食到台灣嘅味道。睇吓有咩好食先。招牌極品流沙包，流沙包好多地方都做得好流，但呢度除咗流，係真係食到沙嘅，個奶黃餡起沙，真係超好食！甜酸炸雲吞，就算攤凍左一陣先食，個皮依然係脆卜卜，索索聲㗎。外婆蘿蔔糕，煎得唔錯，幾香口。雖然話係台灣料理，呢度都可以食到燒賣同小籠包。鮮姑魚肚扎，魚肚爽口彈牙。鳳梨酥，呢個要必食，熱呼呼嘅外皮，裏面酸甜適中嘅菠蘿餡料，食到幸福感呢！台式紅槽豬手，豬手炆得好淋，個醬汁味道有啲似南乳，豬手食落好有膠質，食完個嘴都有黏黏地。豉汁欖角蒸魚雲，個豆豉醬汁好濃郁，加埋滑滑嘅魚雲，正！薑茶湯圓，薑茶微辣好好飲，湯圓裏面係芝麻餡，皮薄餡靚。今餐又飽又滿足。

今次係第二次光顧，質素很穩定，依然保持高質，沒有令人失望個人覺得圓山比起一d有名既連鎖酒樓更出色，所以時間容許，我會寧願搭耐d車出黎呢道嘆茶款式多，價錢合理，所有點心即叫即做炸雲吞，個汁是重點，但影漏了非常脆口鬆化，包住爽口蝦肉，點埋個汁一絕蝦餃有成5粒粒粒飽滿圓潤，皮薄餡多！馬拉糕都唔錯，但未算有驚喜虎皮尖椒呢個堅，夠薄身，煎得香口入味，微辣惹味不帶苦👍👍必食既鳳梨酥新鮮即焗， 入口充滿酥皮香，口感鬆軟，鳳梨帶微微點酸，甜度適中，比在臺灣吃到還要好味黃金蝦春捲皮薄又脆口，用料足，蝦肉新鮮爽口！燒賣皇台式小籠包大大隻，內裡充滿鮮甜肉汁鮮菇魚肚扎味道似鮮竹卷，但因為有魚肚食落口感會較鮮竹卷爽口！椰香棗茸糕呢個甜品有驚喜，入口非常煙un彈牙，棗味濃郁突出，

圓山是尖沙咀區比較少見的台式酒樓！店面光亮整潔，座位寬敞舒適！估唔到都有幾多年青人黎台式酒樓飯聚，三五成群的，仲有兩枱係慶祝生日添！蒜片黃花魚 $188上菜時，店員會先讓我們拍下整尾魚的照片，然後再幫我們把魚肉分拆出來，服務周到！甜酸汁極為濃郁，散發出香醇的醋香味。師傅的手勢也十分了得，以油炸的方式把魚肉的鮮甜味緊鎖在裡面。外皮略帶香脆，而內裡的魚肉則非常滑嫩！簡直食到停唔到口！三杯雞 $138上菜前仍聽到ja ja 聲，證明是即叫即做，新鮮熱辣！走油後的雞件肉質尚算滑嫩，配上大量的蔥薑蒜和九層塔，還有麻油和米酒加持，真係香氣四溢！而且呢個煲嘅份量一啲都唔講得笑，啲雞夾極都有，真係好抵食！招牌極品溜沙飽 $36招牌極品溜沙飽個名勁猛之餘，輕輕咬開，熱辣辣又香又甜又濃郁奶黃就會慢慢咁流出黎，呢個溜沙飽色香味俱全，不愧為招牌菜！台南擔仔麵 $28擔仔麵入口爽滑，麵質彈牙，仲有好香嘅豬油味，真係好好食！台式肉燥飯 $28肉滷又香又肥又滑，入口即溶兼夾肥而不膩，配上白飯真係一流！

呢間台灣菜係諾士佛臺附近既轉角位，成日都經過，不過一直冇機會食，前排終於同朋友一齊黎食。水煮桂花魚估唔到呢間台灣菜都有川式麻辣野食，見到d辣椒堆到座山咁都比佢嚇一嚇！不過好彩佢冇想像中咁辣到難而入口，係辣得黎又香又麻，好有層次。雖然我不太鍾意食魚，但都覺得d魚好滑好嫩，入面仲有d薯粉同芽菜，索晒d湯汁。蚵仔煎台灣食既蚵仔煎係比較軟身同有好多醬係面，呢到既做法我覺得迎合左香港人既口味，有d似煎蛋餅咁食落較乾身，加埋韮菜好香口惹味，d蚵仔粒粒飽滿味鮮，我幾鍾意呢個改良版。三杯雞呢個台灣名菜係必點，三杯係指調味料有醬油、麻油同米酒，一打開煲蓋香味四散，雞肉好入味醬汁味濃，用黎送飯真係停唔到口。

前排去完台灣實在太掛住當地嘅美食啦，所以上網搵下香港有咩餐廳可以滿足下我嘅美食欲望，終於搵到間喺尖沙咀。款式好多... 揀咗店舖最出名嗰幾款菜色。餐前小食係酸青瓜，酸酸甜甜，青脆爽口，非常開胃。蚵仔煎：絕對係去台灣夜市必食嘅美食，好香蛋味，煎得好香口，蚵仔份量又多。彰化鹽水鴨：我哋叫咗個例牌，份量啱啱好，肉嫩多汁，口感清爽而唔油膩，味道亦唔會太鹽。三杯雞： 雞肉色澤誘人，非常入味，醬汁唔會太鹹，送飯認真一流。台南擔仔麵：正宗嘅擔仔麵應該係細細碗，台南人話齋要食得巧妙，所以呢碗嘅份量都唔多，三幾啖就食完，啲豬肉碎甘香，湯底濃郁，擔仔麵爽口。台式肉燥飯：絕對係台灣美食之一，雖然好似只係簡簡單單嘅牛碎撈飯，不過真係唔好睇少佢，肉碎帶點半肥瘦，鹹鹹香香，撈飯認真一流！呢度樣樣菜都做得好有台灣風味，下次想食台灣嘢唔駛飛過去啦，呢度都可以比你食到正宗台灣美食！

好耐冇帶家人出門食飯，今晚就帶佢地嚟尖沙咀食台灣菜～三杯雞：圓山嘅三杯雞唔會好辣，唔食辣嘅家人都表示好食👍🏻雞肉十分嫩滑，而且很入味！炒A菜：原本都唔知咩係炒A菜，原來係清炒芥蘭😂炒得好夠鑊氣花雕蒸蝦：一上菜就聞到好濃嘅花雕酒味，鮮蝦一開為二浸係酒中，入口係滿滿嘅花雕味～差唔多隻隻蝦都有蝦膏！台灣花雕醉雞窩：好香濃嘅雞湯！一大煲夠我地每人飲幾碗😂可以見到煲入面有好多材料，證明煲湯好足料👍🏻而且煲湯表面唔會有好多油，啱曬我呢啲怕油嘅人～見到菜單上有唔少點心都好似好好食咁，下次要嚟試下圓山嘅下午茶先得！

約親朋友食飯成日打邊爐咁悶 今次搵咗間食台式晚飯嘅餐廳 佢嘅食物選擇多 地點方便同氣氛幾好 適合一大班人嚟食飯傾計👍🏼呢到有好多種類型嘅小菜食 仲有好多高質嘅海鮮 如果跟佢個餐咁叫都幾抵食 某啲海鮮可以便啲咁食叫咗碟蚵仔煎 好好食 因為佢唔會太油太粉 火侯控制不錯 蠔仔份量多 十分好食海鮮叫咗碟炒聖子 聖子好大隻 非常新鮮 仲炒得好入味好香 食過唔停仲叫咗份台式炆海石斑 好高質 石斑表面炸得香脆 內面肉質啱啱好 而且仲好滑 配埋佢嘅醬汁味道好足夠 非常開胃仲有一份糊椒焗海中蝦 十分野味 佢嘅調味係好辣嘅 但味道滲入咗大大儲嘅蝦到會好香同好入味 食落滋味 叫咗碟蛋黃肉試下 佢嘅味道偏鹹 但仍然吸引 肉質唔韌 幾特別嘅台式食物另外仲叫咗個三杯雞同台式炒A菜食 味道幾好 冇上面嘅食物咁多亮點 但其實都係好食嘅 可以試下唔同嘅台式料理👍🏼我地仲叫咗碗魯肉飯同擔仔麵食 魯肉肥瘦匀衡 口感鬆軟 味道一流 份量唔會太大唔使驚好飽 值得一叫

一直都不知道原來這裡有家台式料理，朋友介紹我們來吃～一上到樓梯就發現原來別有洞天，樓下只有一個小小的入口，但上到樓上十分熱鬧，跟去茶樓喝茶差不多😂台式鹽水鴨（例）：我和友人都未試過鹽水鴨，當然要點一個試下！食落又唔會好咸，而且鴨肉很嫩，很快就被我同友人一掃而光～台灣滷肉：吃台式菜怎可以不吃滷肉～滷肉滷得十分入味，肥瘦相間，口感鬆軟，完全不會像一些滷太耐的肉會變柴，拌飯吃一流～鹽酥雞：又係台灣經典菜式，太耐冇吃有點掛念，唯有點來解解饞～沙菜牛肉：我和友人都未吃過沙菜牛肉，沒想到原來是菜和牛肉一起上😂原本還擔心沒有菜吃，這下不用擔心啦。這裡還有不少外面少見的台灣菜，下次還要再來嘗嘗！

餐廳要行上一層的。上到樓上，地方闊落💕Menu 有台灣點心&小菜都有超級多款式可揀！花多眼亂😍😍一嚟到叫咗個菊潽☕️仲有個前菜拍青瓜🥒今晚叫咗$388自選四道風味菜，另外加咗個甜品🍮⭐蚵仔煎～粒粒飽滿嘅蚵仔，有蠔味，同埋佢嘅QQ口感，配埋個Sauce，正👍🏻⭐海瓜子～即係炒蜆，大大粒又無沙👍🏻⭐️屏東小炒王～材料豐富，炒得夠火喉👍🏻⭐️阿里山桂竹筍～辣辣地好過癮👍🏻⭐️椰汁🥥紅豆糕～入口好滑，好香椰汁味，味道又唔太甜，作為飯後甜品，冇得輸👍🏻唔洗飛去台灣都食到咁正宗嘅台灣菜，正啊🤤🤤

今日黎到尖沙咀同前輩一齊上堂，落堂之後就一齊黎諾士佛臺既圓山台灣料理食晚飯。上咗一層樓梯之後見到間鋪都幾大下，仲有好多白領放咗工過黎食飯tim~人數多既話可以坐圓枱，大家可以一路食一路傾計。一坐低，店員好快就會黎問飲咩茶，同埋放低一小碟蒜蓉青瓜，味道清清地。因為想食比較有台式味道既小食，所以台式雙拼揀咗彰化鹽水鴨同埋台式鴨舌。彰化鹽水鴨好入味，咸咸地而且肉質嫩滑，唔駛點側邊既白醋都夠好味。台式鴨舌就辣辣地好過癮，少少既肉配搭住少少既軟骨，十分有嚼口。蚵仔煎一上枱就圓圓一餅，可以跟據自己既喜好用刀切開，要幾大切幾大。蛋煎得香之餘，蚵仔飽滿，食落有D似啫喱既口感，幾得意，加咗韭菜之後變得更香。三杯雞係台灣地道既家常菜，每次一上枱，就可以令你垂涎欲滴。三杯係指醬油、麻油同埋米酒。當店員放小砂鍋上枱時，仍然吱吱作響，熱力令到香味更撲鼻。雞件被均勻地染至上色，顯得出每件雞件都十分入味，而且唔會鞋口，十分嫩滑惹味。見有咁多美味既小菜，所以叫咗碗台式滷肉飯。飯上面有兩塊滷肉，肥美既豬肉透著油光，加上香濃既醬汁。雖然感覺好肥，但係你會忍唔住放入口。食完之後，你會嫌兩塊實在太少。流沙包係我每次去飲茶都一

今日番完學同班friend一齊係尖沙咀求其行下行過見到間台灣野 即刻唸起我地之前一齊去台灣食嘅美食🤤🤤🤤勁掛住台灣嘅滷肉飯大家即刻同意入去食Menu好多野揀 完全睇到花多眼亂有台灣野亦都有傳統中式野 麻婆豆腐 水煮魚個啲我地5個人嗌左勁多野食🤤啲野食上得勁快 好快就擺滿哂成張枱 好彩啲姐姐收碟收得快 比個叻佢🖖🏻🖖🏻我地嗌左個柯仔煎 同台灣夜市食嘅有啲唔同 但一樣足料同好味😛 之後上酸菜桂花魚 好好食!!! 啲魚又滑又無乜魚骨 勁大份🤤🤤🤤呢個係酒樓姐姐推薦嘅胡椒蝦 蝦好大隻好新鮮 不過好多胡椒所以好辣跟住係新竹米粉 擔仔麵 同滷肉飯滷肉飯好食 完全係台灣嘅味道😛我地個個爭住食擔仔麵都唔錯 新竹米粉就普通 可能係因為我地太多野食 食米粉個時佢已經索哂水😂😂😂呢個好似係叫炒蟶子皇 唔腥無沙🤤🤤like 呢間啲海鮮都唔差 全部都無腥味同幾新鮮呢個係蛋黃肉 佢一上嘅時候我地仲吐槽咪姐係咸蛋肉餅🤔🤔 但一食先發現個肉口感線密好多 個汁都好好味 超級送飯呢個台式烤石斑係我地一致認同所有野入面最好味嘅 魚肉又鮮嫩 魚皮又烤得好香脆 連我平時唔食魚皮個fd都食左好多我地仲嗌左三杯雞 煮得都幾入味😛😛

假日朝早上完興趣班，就同個同學去佐隔離嘅圓山台灣料理飲茶連食飯。餐紙上除咗台灣料理仲有港式點心。圓山招牌炒飯 ($160) - 材料豐富，包括爽口鮮蝦、香口嘅乾瑤柱、炒蛋、青葱，飯身粒粒分明，炒得夠乾身香口好食。麻辣鴨舌 ($78) - 鴨舌好香花椒、八角味，辣度適中，鴨舌爽口彈牙，一啖一個，香口惹味。台灣花雕醉鴿 ($70) - 醉鴿肉質鮮嫩juicy, 花雕味恰到好處，水準之作！懷舊水晶蝦餃 (特點) - 一籠五粒，粒粒都充滿爽口彈牙嘅鮮蝦，調味得宜，雖然主打台灣料理，但呢款傳統港式點心做得同樣出色！秘製酒香豬潤燒賣 (特點) - 表面的豬潤好厚切，食落有淡淡酒香，口感爽嫩；燒賣入面加有冬菇，味道鮮美。台式胡椒餅 (大點) - 餅皮香酥鬆化，入面嘅肉餡既juicy又富有胡椒香味，出色！呢度食物味道、服務、環境都好唔錯，我哋會再嚟幫襯。

呢間野門口細細，主打台式同中式嘅酒樓小菜，見有埋台式嘅小菜覺得幾特別，就搵左呢日同friend去試下。去到酒樓就一定要叫啲海鮮先過癮，我地就跟經理推介點左幾款海鮮同小菜。.首先講下啲海鮮，我地點左炒蟶子皇同胡椒炒蝦，兩樣都勁新鮮！蟶子又大又爽，仲要清得好乾淨，無沙，啖啖肉咁，讚！胡椒蝦啲蝦大隻又新鮮，睇住師傅係水缸揀走啲唔新鮮既蝦，都想像到枱上嘅蝦係幾咁吸引，蝦用大量胡椒同椒鹽去整，吮個殻會有好重嘅胡椒味，配上新鮮嘅蝦真係幾正！.另外都點左個酸菜石斑魚，石班又係好新鮮，彈牙又有魚味，同微酸嘅湯底一齊煮，更加有層次。.話晒都係台式酒樓，當然要點啲台式小菜。蚵仔煎可以話係豪華版，啲蚵仔一啲唔”仔”，粒粒飽滿，有蠔味，煎餅都落重料，比出面食到嘅用多好多蛋，但又不失蚵仔煎應有嘅Q彈口感，值得點！.另外當然有鹵肉飯同麵線，鹵肉真係超邪惡，肥肉嫩而不膩，送飯真係一流。.另外好送飯嘅仲有蛋黃肉，原來係蛋黃肉餅，但係再重口味少少，有淡淡嘅咸蛋黃香，都唔錯。.之後叫左個魚，唔記得叫咩名，但係同糖醋魚差唔多，都係炸到好脆口，配上好開胃、酸酸甜甜嘅汁，中意食魚嘅朋友就一定要叫。.最後值得一提就係啲服務質素都