國金軒

营业中

休息中

小人第二款吃的是名牌國金軒的奶黃月餅。未食之前，先看餅狀，一舊齊全一舊破落，單從目測已有點落差。基本上月餅是可以一口過的，但為了拍照，小人特意咬開。在試過的三款奶黃月餅當中，這個是最不油膩的，奶的鮮香度亦足，餡多卻不漏，每人一定要吃兩個才滿足！餅皮濕潤有致，絕不會乾硬化。整件事不只餡料，就連餅皮也不會過甜；起碼食完不用狂喝茶來解膩，就知道其甜度是多麽的可取！真真正正做到甜而不膩的奶黃月餅，值得再吃，相信會再買。

I came here for business lunch this time. Not sure whether the waitresses were too busy or what, I heard some of them shouting quite loudly at the guests quite a number of times.The first course was a soup which looked very pleasant to the eyes. There were quite some crab meat and the soup was very clear. It was like a mini 冬瓜盅 where you could peel off the steamed pumpkin from the skin yourself. Nice soup indeed.The second course was quite creative with 4 types of food served on a single plate.

呢餐係近年食過最覺得被騙嘅中餐，諗住喺ifc, 收得呢個價，咁嘅檔次，應該有保障掛，點知… 宮保蝦球收我$400幾蚊，俾雪藏蝦我，啲蝦完全無味，玻璃一樣。半隻炸子雞收我$300幾，好似乳鴿咁細隻仲要無味嘅。濃湯菜心，基本上係南瓜湯浸菜心，收我$260!!!! 服務質素同樣惡劣，點了白粥無落單(btw, 連碗粥都煲唔好，水還水，米還米)，走廊地面有油無人抹，差點跣低我。咁嘅質素，外面大把平民食堂好過佢。奉勸大家不要中伏。

蝦腸粉-足足等左1個鐘都未到，期間有追過，但係到第2次先回覆原來無落單，要個幾鐘先到到唯一可取之處係，麻辣牛展，生菜新鮮，麻辣救命叫左個炒飯，無通知就分左，5個人分4份真係不知所謂

開年飯國金軒好有生意頭腦，開年飯做2輪，食客早15分鐘到，就唯有乖乖呆等。食物味道唔錯，但唔係好好(菜太油，腸粉普通)，價錢貴，所以性價比低，但因為地點係IFC而且景觀好，所以唔憂做，在商言商又無錯。

Situated in the center of IFC Mall = convenient for lunch during shopping or after a visit to the cinema Quality of the food = I love the lunch set but it’s not cheap at HK$500/person +10%The service is good so no complain. Deco is nice you can see the views of the harbour from the floor to ceiling glasses which is spacious and bright. During the weekday lunch set, the cheaper version allows you to choose two main dishes and either fried rice or friend noodle. I love the desert, not too sweet.

父親節緊係要同老豆去飲茶慶祝下啦！之前同佢去過尖沙咀既國金軒飲茶，佢對果度既點心讚不絕口，而且又念念不忘。今次特登帶佢黎中環既國金軒試下，睇下又有冇唔同！早幾日已經訂左位，準時1:00到達就安排入座了！雖然我地唔係坐窗口位，但係望出窗外既景都好開揚！👍通常酒店中餐廳都有鮑魚酥，尖沙咀國金軒亦唔例外，而中環既國金軒就特別D，唔係酥，而係鮑魚批。批既味道香，不過可能成個包住，略嫌比酥溜！點心既味道唔錯，貴得有道理。唯一係叫左蝦餃漏單，無黎到無得試！驚喜既係燒味三重奏，可以自己揀三種燒味，我地揀左乳豬、燒肉同叉燒，三樣都超好食！燒味果然好正！雖然三款都係豬，但係就已經變化出唔同既味道同層次，絕對係值成5百蚊一碟！😋😋😋最後當然要有飯落肚啦！國金炒飯係名不虛傳既！總結黎講，食物既賣相同味道都好好，服務都唔錯，不過未到酒店水準。價錢就當然係貴，每人要$400飲餐茶，間中試下無妨，不過難得父親節就更加無問題啦！亦滿足左老豆想再黎國金軒既願望啦！😄😄😄

每個人洗五六百蚊食一餐唔飽嘅茶，跟住佢同你講因為佢位於IFC、因為有維港同高官達人幫襯，因為環境靚，租貴，所以幾舊水一個人頭。。。無錯唔係一餐茶飲幾百蚊，而係一個人飲幾百蚊茶，呢間就係唔make sense 既國金軒。佢所謂嘅維港景色，就係對住摩天輪，而且座位有限，需提前數星期預約。點心嘅造型花心機，用黎影相一流，但係對於講求食嘢要實際啲同飽肚嘅男士來講，咪又係甘。例如呢三隻白雪雪既白兔，裡面係甜薯，三隻六十蚊，二十蚊，一啖就吞左。每碟點心基本上得三舊， 如果你四至五人黎，就必須每樣叫兩碟才夠平均。子母蝦餃，裏面嘅鮮蝦的確係大大隻，上面係黃芥辣。一般酒樓30幾＄40有四隻，呢度係＄35隻。都係一啖食完。食左唔夠八碟點心，每碟分到一啖，老實講真係唔飽，但係再食落去又要再洗多幾百蚊，最後都係算數去揾拉麵填肚算。

今日好多地方都book唔到位，所以最後去咗國金軒。我哋叫咗個XO醬菌王涼拌帶子，有藏紅花同少少XO醬吊味，雖然得四粒但都幾好食！最鍾意食個夏威夷木瓜薄荷牛柳粒，木瓜好甜，牛柳粒都好林個香煎鱈魚扒都外脆內軟，魚肉好鮮嫩，啲蔥都好好食，雖然點菜之前以為就咁煎，但原來係炸嘅，不過炸得都唔算好油，所以都係好食的烤雞就正常，都ok，皮脆肉嫩！整體都算唔錯P.S. 原來用Citibank信用卡或AE信用卡都有九折優惠！

這天和幾位朋友來到位於香港國際金融中心3樓 飲茶。它以巧手的點心、中菜而成為城中首屈一指的食府。加上地理優勢，所以特別多高官、貴人在這裡開餐。店內非常寛倘，樓底相當高配上超大水晶吊燈，典雅中滲出貴氣。每個服務員也穿上整整齊齊的制服，相信對員工也有一定的要求，每位服務員也醒醒目目，反應也相當好 豉汁日本南瓜蒸肉排 $60肉排相當較腍，以南瓜墊底吸收肉香，但略嫌油份太多。 鮮蝦豆苗餃 $60做到皮薄吹彈得破是我對它的基本要求，豆苗餃皮很有彈性，錎料十足。 芥末子母蝦餃 $35/只最有特色的一款點心，以一位用，子母蝦餃意思就是一大一小，再以微微辛辣的芥末提味，單調的蝦餃頓時多幾分趣。 話梅肘子 $138燻蹄以話梅煮成酸汁，除了酸酸味味可以令胃口大開之外, 更可以令肉質更爽口。 西班牙黑豚叉燒皇 $390半乳瘦叉燒又香又腍而且充分肉汁，甜香蜜汁將叉燒包圍， 好出色！ 奶皇白兔仔 $60好可愛，但奶皇非我杯茶。

以前IFC2返工，國金軒係我食堂，一個月至少食10次，不過轉咗工，好耐無食，差不多有三年，今次重臨舊地，環境無乜點變，樓底高而且闊落，唔會聽到隔離枱傾乜，同朋友想relax吓食個decent lunch嘅好地方，不過冷氣真係唔夠，我朋友熱到大汗滴細汗，不斷飲啤酒同凍水降温。食物方面：叉燒依舊好好食，話係黑毛豬做，超juicy，肉質夠淋又夠味。點心方面，子母餃其實就係蝦餃，不過整色整水搞粒芥末係上面，不過入面粒蝦好新鮮，全隻大蝦，用料十足，不過個皮有d厚，而且用大蝦做嘅蝦餃，只要肯比多少少錢，好多地方食得到，分分鐘做得更出色。其他點心都普普通通，無乜特別，不過以呢個價錢，應該做得fancy些少。特別係杯青島啤酒，每杯70，仲未加一，真係仲貴過蘭桂坊嘅酒吧。好彩識個經理，送咗甜品，同服務超到位，見到我朋友不斷流汗，即刻攞兩杯凍水嚟，今時今日呢種服務態度唔係周圍有。所以雖然入門口個welcome service唔太好，個recep 無乜禮貌，嘢食無乜特別，不過食環境同個叉燒都可以

國金軒為於國際金融中心三樓，一邊品嚐美食一邊觀看犘天輪同維港醉人景色，係飲茶消閑既好地方。XO醬菌皇涼拌帶子 $160帶子鮮甜美味，頂層點綴左辣椒絲食落口感微辣，XO醬食到有瑤柱同蝦米，有一片黑松露夾喺中間，最底層仲有幾條青豆角。小巧精緻，層次豐富。芥末子母蝦餃 $35(粒)裝住蝦餃既不銹鋼銀色籠一個個上桌，造型滿分。大小蝦餃呢個設計別出心裁，好可愛既迷你蝦餃入面係日本芥末，啖啖蝦肉爽口彈牙，正小欖粉果 $60粉果較為普通，有啲香菜，花生等。清香菜肉包 $60即係生煎包，份量較為細個，豬肉及菜肉餡料亦少。西班牙黑豚肉叉燒腸粉 $128叉燒碎濕濕，食唔到一片片既叉燒，腸粉夠滑，味道正常。八寶燉奶 $60令人有點失望，奶味濃但質地較散，入面有蓮蓉同蓮子，餐牌上寫有紅棗但我果碗入面見唔到。

國金軒有幾唔值，有圖有真相。帶子燒賣$96首先一間咁高級既餐廳，點心永遠都唔會係籠既正中，痴晒去側邊。味道質地一般到其實食利苑好過😪金腿蘿蔔$60原來係一個鹹水角，我啃左兩啖都未到涵，說好的金華火腿就得個幾點咁大把。味道還好，當甜品差不多。叉燒包$60皮真心厚，叉燒又少又瘦，味道同點點心差不多。生煎包$60都係有圖有真相，厚到一個極點，肉又係低質肉，其實鍋貼大王好過佢好多。響鈴腸粉$92我諗呢一味係較有可取之處既一味，腸粉入面包住脆脆同魚肉，有麻醬甜醬點，已經算幾唔錯，不過成90就貴左少少。鵝肝龍鬚卷$60呢個都係另一味較有可取之處既，唔太油，炸得幾好，皮同涵既比例都比較合理，咁既質數先座底叫正常。呢個地方，景係OK, 但服務態度又係另一個經典。我地叫茶叫菊花，佢地又似好驚訝咁，叫菊花好正常je, 點解會好似好難沖出黎，又要畀客人聽到？仲要入錯單，咩都賣晒，分開四五次同我地講。同場加映有個 waitress 呀姐係咁一路抹枱一路大聲鬧隔離個 junior, 呢樣野又係高級餐廳應有既？唯一正常就係有個著西裝既女經理，話唔好意思入錯單，逐項解釋返我地叫左咩。所以，黎左一次，以後唔會再黎，

中秋節緊係要食月餅應節啦！見信用咭有優惠，今年特別買了國金軒既金箔三黃白蓮蓉月餅試下。包裝好靚，大方得體，已經加分。盒內除了四個月餅，還附送埋1份金屬刀叉，好細心。切開月餅，見到3個蛋黃就好開心！可能係白蓮蓉既關係，唔太甜，而且蓮蓉好滑，好味道！阿爸阿媽都好like呢盒月餅！果然一分錢一分貨！連一向唔好月餅既我都覺得幾好，唔太甜，唔太濟！

今天約了好友午餐，為了遷就他的工作地點，就在IFC隨便選擇了國金軒。可能是由於訂座訂得太遲，電話中已得知會被安排坐到門口的那一枱。準時一點到達，亦如所料坐上了最近接待處走廊旁的這一枱。雖然是在走廊旁邊，但也沒有不自然的感覺，反而覺得很有寧靜的私人空間，因為只有隔鄰一枱二人在用饍。唯一缺點是冷氣不太夠，沒有太涼快的感覺。室內環境是一流的，絕對是IFC應有的水準。員工的服務態度亦是酒店級，由經理到侍應甚至傳菜員也是笑容可恭，充滿工作熱誠，辦事效率亦高。包括其中一位不小心在上菜時打翻了鼓油碟的那位同事。小小意外，不足以扣分，反而是他處理這小意外時的細心和態度，令我們完全沒有不快的感覺。應予加分。簡單的午飯，至在聊天，所以兩人只隨便點了四款點心和後加了一個甜點。本人喜歡舊式點心，所以選擇了最普通的蝦餃，叉燒包，牛肉腸和XO醬炒蘿皂糕。甜點則是一個什麼咖啡味的東西，名字記不起了。茶錢$25一位，很合理外皮比較厚硬，有點失望，整體還算可以，算出來每粒蝦餃值$30，價錢不是問題，但我總是習慣了一籠四粒的設定，三粒好像很小氣似的。叉燒包外皮鬆軟，饀料足，味道調較得很對我的口味，再多也吃得下。姫松茸牛肉