四寶食堂 (兆安廣場)

营业中

休息中

喺銅鑼灣行咗一陣街之後見係時候食晚飯就去咗附近呢間四寶食堂試下。以為只係普通茶記，點知原來佢有好多嘢食，有排又有燒春雞，唔知以為去咗西餐廳。 見咁開心就揀咗兩個set dinner， 我叫咗一個板燒美國頂級封門柳配牛油粟米同炒雜菌，一個百里香蒜香橄油燒春雞配炸薯條同薯仔沙律。老公話好想試佢個秘製麻辣撈公仔麵，見只係要加$15就叫嚟試吓。嘢飲方面我哋我哋兩個都叫咗凍奶茶。set dinner仲包埋餐湯佢嘅忌廉白湯好香好Creamy都幾好飲。封門柳軟嫩多汁完全將牛肉嘅Juicy鎖咗入去。佢嘅燒春雞雖然係烤過，但係啲肉一啲都唔嚡口，雞髀肉好滑。最驚喜係個秘製麻辣撈公仔麵，佢個醬汁應該係特製同個公仔麵好夾超好食。認真講咁嘅質素有咁多嘢食只係三百幾蚊真係性價比好高。

四寶食堂喺香港地道冰室。 他們的食物搭配比一般的茶餐廳更有創意，而且份量多、價格也很合理。🥩板燒美國頂級封門牛柳：這道菜選用了美國頂級封門牛柳，份量十足，搭配粟米和炒菇。 七成熟肉質嫩滑，燒汁調得恰到好處，讓人感覺像在高档西餐廳用餐一樣🍝溫泉蛋卡邦尼意粉：有驚喜！這道意粉以其濃郁的卡邦尼醬而喜愛。 每一条面条都充满了这美味的酱汁，而且蛋黄還會流出来，令人垂涎欲滴🤤🍜葱油公仔麵：這道經典的港式麵食以葱油為主要配料。 麵子本身有彈性，葱油的香氣同公仔麵入口好夾好想食多幾啖。 如果你喜歡簡單而美味的面食，這道菜絕對值得一試。🫘雪糕紅豆冰：紅豆煮得夠軟糯，與雪糕的口感形成比較。 雪糕是香草口味，口感豐滿、順滑。

收工同朋友黎四寶冰室食個晚餐見過晚市set幾抵，又多選擇，所以都點左首先上蘑菇湯，味道香滑濃稠，而且仲落左大大片蘑菇，非常有誠意😲🔸板燒美國頂級封門牛柳配炒什菌炸薯條封門牛柳量份足，非常吸引🤤入口肉質鮮美，油脂甘香😍生熟度剛好香濃而且有咬口真係難以想像一家鬧市冰室都可以將牛柳烹調得咁有水準好有驚喜，證明個廚師真係非常專業👍🏻👍🏻🔸百里香蒜香欖油烤春雞配薯仔沙津炒什菌原隻春雞肉厚多汁，以香蒜欖油烤制到黃金色，賣相吸引，香味四溢，伴上磨菇汁，令人食指大動😀雞肉口感酥香脆嫩，肉汁飽滿，水準完全拍得住高級餐廳😍非常抵食!🔸黑蒜麻油撈公仔麵🍜美食追加左撈公仔麵，撈麵煮得剛好，爽滑彈牙，伴上惹味香蔥同黑蒜麻油😋🔸特飲 - 大大杯加8蚊就享受到!雪山紅豆冰 - 地道茶記風味，紅豆冰香甜滑，風味十足🍨朱古力雪山 - 冰凍朱古力特飲，唔太甜味道剛恰好總結: 👉地道港式高質茶餐廳，食物有水準，性價比高👍🏻👉晚市套餐有餐湯，自選伴菜，同追加美食，份量足，大大滿足，值得推薦😀

這裡的上菜速度真的是令人吃驚，剛下完單，ＸＯ醬滑蛋蝦球飯就馬送到了，真的挺驚喜！板燒美國頂級封門牛柳（１８８元）封門柳的份量挺足，每塊都煎得表面焦香，肉質柔軟多汁，熟度約五成熟，牛肉味香濃，配的是蘑菇汁。配菜有很多款可選，我們就選了薯條和沙律，份量都挺多的。ＢＢＱ醬燒豬肋骨（９８元）豬肋骨本身就煮得很軟嫩了，再經過燒烤，吃起來肉味更香濃亦帶點焦香，味道是ＢＢＱ醬的濃香，挺惹味的，而且肉挺厚，肉挺多的！配菜選了西蘭花和牛油粟米。ＸＯ醬滑蛋蝦球飯（７８元）份量都很足的一個滑蛋飯，表面的滑蛋還是最滑嫩的狀態，配上濃香帶點辣的ＸＯ醬和甜醬汁，吃起來既有蛋香，又有ＸＯ醬的海鮮味，整體非常下飯。蝦肉爽滑彈牙！菠蘿油（加配１５元）這裡特別一點，會切開了再將麵包烘香的，所以真的有外脆內軟的口感，而且熱熱的麵包配上冰冷的牛油，一口吃下去在口中熔化的口感，真的很邪惡！蘆薈白桃／鳳梨百香果冷泡高山烏龍（８元）中間就放了個茶包，茶味挺香濃的，配上濃香香甜的果醬，令整杯變得更有夏天的感覺，前者偏甜，後者帶點酸。

傳統港式風格茶記配合現代化既裝潢同食材新元素既配搭，迎合香港人口味之餘，亦同時間中有新式菜單可以嘗試，所以一到下午茶都偶見人龍。京式海鮮醬煙鴨胸刈包配薯條沙律（$68）見餐牌寫係18/7 - 21/7 銅鑼灣店限定，機會難得決定試一試。刈包口感軟熟，甜軟可口，入面有鴨胸、京葱及青瓜等。甜甜的醬帶走鴨胸的油膩感，京蔥、青瓜和海鮮醬有京式片皮鴨既風味。招牌沙嗲牛肉公仔麵（$55）配嫩滑炒蛋 及 丹麥提子酥沙嗲牛肉公仔面的湯汁濃郁，沙嗲味濃郁，牛肉份量好多，又軟身。公仔面煮得剛好，偏硬身，特別有咬口。丹麥提子酥皮包外表酥脆，入面竟然有椰絲及提子乾，個包設計得好有心思。食堂招牌熱狗（$32）熱狗夾有兩條香腸，有甜酸醬作配料，又幾開胃。菠蘿油（+$15）菠蘿包大大個，中間有一塊牛油，咸香十足。甜甜的包配上牛油，令菠蘿包提升到另一個高度。凍奶茶 熱檸水

I was eagerly anticipating trying the signature pineapple bun with thick butter at this establishment. The pineapple bun is meant to be a delightful contrast - a crisp, golden-brown exterior giving way to a soft, pillowy interior, with a generous portion of cool, creamy butter melting into the bun.Sadly, this is not what I experienced on my most recent visit. While the bun itself was toasted to perfection, with the right balance of crispness and fluffiness, the real letdown was the woefully inad

同朋友去銅鑼灣整指甲，臨走突然傾盆大雨，剛剛行到謝斐道一間餐廳門口，朋友話咁大雨行唔到，不如入去食埋晚餐先走。四寶食堂裝潢簡潔，座位舒適。是間港式茶餐廳。晚餐包括：餐湯十伴菜兩款十主食十飲品餐湯係忌廉蘑菇湯：蘑菇湯口感creamy,仲有一片片嘅蘑菇，好足料。百里香蒜香橄欖油烤春雞：烤雞色澤均勻，皮脆肉滑，又香又juicy,點些特製醬汁甚惹味。伴菜擇咗薯仔沙律和炸薯條，沙律醬酸酸甜甜的味道好開胃，薯條香脆可口。雪山紅豆冰：紅豆軟腍又不失口感，加上鮮忌廉，更香滑。蔥油豬扒飯：豬扒好大件，咬落啖啖肉又夠香，表面鋪滿蔥油，令味道更佳。再加上一隻半熟蛋，蛋汁伴飯美味極了。朱古力雪山：甘醇朱古力混上香滑嘅忌廉，濃郁順滑。西多士：西多士用咗兩塊白麵包，厚度適中，夾層內有花生醬，炸至金黃色，再加上一大片牛油同糖漿，滋味無窮。凍奶茶：茶味濃郁、口感滑順。

上次來食左個二人晚餐，念念不忘，晚餐雙扒套餐也不過$88，已包括餐湯，兩款伴菜，再加飲品，相當划算 。雙扒餐有豬柳雞扒，男士一定夠食，再配蘭花苔加薯仔沙律，營養均衡 。我自己就叫左封門牛柳，蘊含濃郁的牛肉香。配以炒得恰到好處的什菌，既鮮美可口又增添了菜品的層次感。晚餐可以追加北海道直送咖喱飯/鮮油多/菠蘿油等經典茶餐廳美食，菠蘿油超級大😂 烘得暖暖入面夾了冰凍既厚牛油，邪惡得來又好滿足—————-𝙒𝙚 𝙤𝙧𝙙𝙚𝙧𝙚𝙙:香煎加拿大豬柳 拼 燒紐約雞扒 + 香烤蘭花苔 薯仔沙律板燒美國頂級封門牛柳 + 炒什菌 / 香烤蘭花苔咖喱飯 / 菠蘿油蘆薈白桃冷泡高山烏龍（少甜）蘆薈西柚梳打（少甜）—————————————————𖠿𖥣 四寶食堂 (銅鑼灣)〒 銅鑼灣謝斐道482號兆安廣場地下1-3號舖—————————————————⠀⠀⠀⠀⠀⠀⠀

假日嘅三點三 銅鑼灣嘅呢間茶餐廳門口有條人龍 見到佢咁有人氣 就排埋一份 入去歎返個豐富嘅下午茶😎黑蒜蔥油瑞士汁雞髀撈公仔麵 呢隻瑞士汁雞髀超級大隻 肉質仲非常嫩口 咬開入面仲爆汁呀🐥 底下嘅黑蒜蔥油撈公仔麵唔會太過油膩 仲係我鍾意食嘅爽口公仔麵添呀🍜 呢個常餐仲配嫩滑炒蛋同埋丹麥提子酥 呢度嘅炒蛋真係好香滑 難怪每個嚟到呢度嘅人都會好想試呢個常餐啦🫢 丹麥提子酥就唔係度度有得食 味道方面唔會太甜經典粒粒花生醬西多士呢一個熱辣辣嘅西多係我非常推介嘅茶餐廳美食 喺兩層鬆軟嘅麵包中間有一啲粗粒嘅花生醬 再沾上蛋汁 放入油鍋度炸香🍞 加埋牛油同埋側邊嘅糖漿 一份完美嘅西多士就係咁樣整成😻 大家快啲嚟試吓七味椒鹽炸雞中翼配美式炸薯條另外我哋仲嗌咗份雞翼薯條share 因為下午茶餐嘅關係雞翼只有三隻 落咗啲七味椒鹽好惹味 外脆內軟 三隻有少少唔夠喉😝 側邊嘅薯條係我鍾意嘅粗薯條🍟 仲有少量嘅沙律菜喺側邊菠蘿油另外仲用加配價嗌咗一份菠蘿油 菠蘿包焗到熱辣辣 配埋一大片嘅有鹽牛油🧈 半溶嘅狀態令每一啖都係幸福嘅滋味 呢個係經典嘅港式風味😚飲品朱古力雪山 呢個一定係小朋友嘅最愛 濃郁嘅朱古力底 配上一

太耐冇食過一間好食嘅茶記，今日終於俾我搵到一間有水準嘅茶記，真係好開心黑蒜油叉燒滑蛋飯滑蛋叉燒飯周圍都有得食，但係整得好食嘅舖頭唔多。起初出於好奇，見到旁邊大叔點咗一碟滑蛋叉燒飯，個樣好靚仔，所以都想試吓。估唔到過咗一陣就上到菜，速度迅速。個滑蛋做得好出色，質感非常嫩滑，有啲溜心嘅效果，而且蛋味好濃。另外，叉燒肥瘦得宜，加埋個滑蛋口感層次非常之豐富。叉燒滑蛋上面加埋啲黑蒜油同豉油，撈埋食好惹味喜哥蔥油豬扒太陽蛋飯呢碟嘅上菜速度慢少少，但亦煮到好好味。個豬扒好嫩滑，滑到好似雞扒咁嫩滑，而且份量非常大塊，加埋蔥油食好惹味。蔥油嘅部份唔會太鹹，所以最後都可以食晒。檸檬桂花蜜糖冰茶味道清甜，同港式比冇咁澀，好解渴朱古力雪山比想像之中大杯，雪糕都幾多。夏天必飲～

銅鑼灣收工，諗住近近地食個晚飯，就約朋友去四寶食堂。它位於銅鑼灣核心地段，環境舒適自在，座位闊落，晚市都坐滿客人。晚市主打西式套餐，套餐有餐湯，主菜，兩樣配菜同飲品。餐湯係忌廉西湯，入面有磨菇，味道不會太鹹。板燒美國頂級封門牛柳配燒蒜+薯仔沙律美國頂級封門牛柳,肉質鮮嫩多汁,搭配原個燒蒜，一口牛柳一口蒜粒，及清爽可口的薯仔沙律，層次豐富，整體口感出色。朱古力雪山下層是朱古力，面層是忌廉，濃郁的朱古力綿密忌廉混合在一起，濃郁淳厚，好味😋秘製麻辣撈公仔麵麻辣醬汁香氣四溢，與公仔麵完美融合，公仔面彈牙，麻辣調味鮮香紐西蘭西冷牛扒配炒什菌+炸薯條牛扒肉質鮮嫩多汁，西冷部位肥瘦適中，配以炒香的時令什菌和酥脆的薯條，食牛扒時食上什菌可以解膩，牛扒同薯條絕配。蘆薈西柚梳打飲品顏色鮮艷，梳打口感清新，西柚味爽甜，夏日炎炎十分解渴奶醬多奶醬多到滿瀉，質地醇厚綿密,麵包烘到鬆脆，味道賣相都好好👍🏻

近排天氣都好熱，去到銅鑼灣想搵間餐廳坐低食下午茶就過咗嚟四寶食堂，下午茶係兩點至五點，啱啱好兩點就入左去，同朋友揀咗卡位坐，夠晒舒服！見到呢間餐廳都好多啲附近返工嘅人喺度食飯。今次叫咗一個英倫紳士炸魚薯條同埋美式薄牛扒拼滑蛋同沙律套餐，食物送到嘅時候熱辣辣，唔係預先整定的！美式薄牛扒好好食，一啲都唔韌，同埋冇啲好難咬嘅筋，口感好好，滑蛋就好似平時早餐食嘅炒滑蛋咁好香。下午茶時間特別想食炸魚薯條，朋友仔就揀咗呢一個，薯條好香脆，炸魚都好入味，而且份量都好足，呢間餐廳仲可以額外加配一啲小食，我另外仲叫咗一個辛辣麵，都只係加$15，啱晒啲平時一個餐唔夠食嘅朋友仔，辛辣麵好好食好入味，叫一個下午茶再額外加埋辛辣麵，簡簡單單咁都好滿足了！

呢間Tiffany blue顏色嘅茶餐廳，唔同區域都見過佢，今日經過銅鑼灣想平平哋食餐飯，就決定試一試！板燒美國頂級封門牛柳 🥩$188佢哋嘅頂級封門柳非常有肉味，上碟既時候已經切好晒一片片，唔使自己切非常方便！呢一個扒餐可以揀兩款配菜，我就揀咗原個燒蒜🧄 同埋 炒雜菌🍄‍🟫，套餐仲已經包咗忌廉湯～飲品方面我就加咗少少錢要咗檸檬桂花蜜糖冰茶，味道都幾清新！BBQ醬燒豬肋骨 🐷 $98估唔到呢個$100有找嘅豬肋骨上枱會有咁大碟！！食肉獸啱晒！！不過佢哋嘅豬肋骨肉質就偏向銀一啲～配菜方面呢一個餐都係包兩款配菜，我就揀咗田園沙律🥗 同埋 美式炸薯條🍟，另外我仲加咗$15 配咗個菠蘿油，非常邪惡🙈🙈飲品方面，就叫咗朱古力雪山（+8）🏔️，貪佢打卡靚啲呀嘛！炸雞翼配薯條🐔🍟$68可能有六隻炸雞翼，份量都算多嘅，即叫即炸，勝在熱辣辣！

出開銅鑼灣經過「四寶食堂」，試吓佢哋嘅下午茶，真係幾抵食。「四寶食堂」一向都多人幫襯，佢嘅signature 花花牆，仲有Tiffany blue嘅牆身深入民心，而啲間銅鑼灣分店都唔例外，而且亦係長期long queue，可見受歡迎程度！食堂招牌熱狗 $32有兩大條香腸，配上秘制沙律醬，麵包軟熟，果然係招牌菜，$32 仲要包飲品，抵食👍🏻美式BBQ醬燒豬肋骨 伴 美式炸薯條 $52$52 有燒豬肋骨食，比其他西餐廳平一半！雖然豬肋骨不算太燒烤，但勝在夠軟淋，醬汁都不會太咸，同樣抵食。菠蘿油 +$15跟餐可以追加小食，菠蘿油大大個，外脆內軟，牛油都幾大舊，都係一個追加必點推介👍🏻P.S. 凍飲+$3 ，如果加$8 仲可以轉特飲如朱古力雪山，下次試吓先！

之前食過四寶食堂既下午茶，覺得好食又超值。今日放工就約埋同事一齊去試四寶食堂既晚餐。相比起下午茶，晚餐既選擇相對地少。對有選擇困難既我黎講，絕對係件好事🤣🤣🤣今次我地點左2個晚市套餐，分別係1.）百里香蒜香欖油春雞拼炒什菌+田園沙律；再加$15 北海道直送咖喱飯2.）板燒美國頂級封門牛柳拼牛油粟米+田園沙律；外加$15 秘制麻辣撈公仔麵大大隻春雞絕不取巧，雞皮爽脆但內裡雞肉依然嫩滑。封門柳要5成熟，冇一般餐廳咁會過熟，肉味濃且鬆軟嫩滑，好味道😋