四寶食堂 (兆安廣場)

营业中

休息中

餐廳位於銅鑼灣市中心，好方便。餐廳環境都闊落有好多張卡位，一入到去就已經比餐牌兩杯特飲”雪山紅豆冰”同”朱古力雪山”所吸引我哋嗌咗個牛扒餐同埋燒春雞，兩碟份量都好大，牛扒叫咗個五成熟，仲有兩款配菜可以揀，選擇都多。我哋仲嗌咗個雞翼薯條小食，賣相好得，隻隻雞翼都好飽滿，略嫌薯條入邊空氣感好重下次會再試佢個叉燒滑蛋飯，好多人嗌。

銅鑼灣食茶記嘅話，首選一定係「四寶食堂」，茶餐廳嘅價錢，西餐廳嘅級數！茶餐$55起，港式飯餐如滑蛋叉燒飯$65起，以銅鑼灣嘅地段黎講，算係幾抵食！☺️平時午市我哋最鍾意食茶餐和蔥油豬扒煎蛋🍳飯！😆晚餐就有得鋸扒！有原隻烤春雞，仲有美國頂級封門柳！😳晚市套餐$98起，包餐湯、主菜、配菜兩款、飲品，好抵！👍🏻是日餐湯為粟米忌廉湯，味道比較普通。百里香蒜香欖油烤春雞（$108）‼️推薦‼配菜揀左牛油粟米🌽和炒雜菌，牛油味好香，不過不失，不過最有驚喜係春雞好大隻！💕仲要好厚肉，肉質一啲都唔嚡，值得一試！板燒美國頂級封門牛柳（$188）‼️推薦‼簡直係超水準！冇諗過茶餐廳嘅封門柳可以咁出色！🥰份量好足，一份有6-8片，熟成度拿捏得剛好！五成熟封門柳，切開帶點血水，肉味香濃，軟嫩多汁，及得上西餐廳嘅質素！😋雖然賣相唔係幾好，不過味道確實相當唔錯，配菜薯仔沙律都可以一試！😜我地仲優惠價$15加配黑蒜蔥油撈公仔麵及肉醬意粉🍝。黑蒜蔥油撈公仔麵一定要趁熱食，就咁食已經好正！😋肉醬意粉🍝好足料，不過質地就唔係幾夠彈牙，有待改善。

為左見好友 收工即刻趕去銅鑼灣搵食🫦見到餐廳都幾多人食 就跟機坐底左餐牌嘅選擇唔係話好多 但張張圖都好鬼吸引🤓最後都係揀左個二人餐 $198🥣是日餐湯-忌廉粟米湯比較重奶味 加啲胡椒粉就好好味個底有好多粟米😍🥗廚師沙律啲菜都幾新鮮 可以幫助消滯🥩香煎西冷牛扒（五成熟）+$38塊扒好有誠意 煎到啱啱好 中間帶點粉紅色🩷軟硬度適中 無根唔會un 再加上一大堆薯條 🍟 包你食得飽+38係值得嘅🍝經典卡邦尼意粉超誠意之作🤩淨係隻蛋都已經值💯毫不孤寒地 將意粉面灑滿芝士粉😈仲有勁多煙肉同菇菌 見到超多人都食呢個啊👍🏻👍🏻👍🏻👍🏻🍞雪山西多士唔記得咗叫後上 第一時間上咗枱🙁超大份西多士 兩塊厚切方包堆砌而成 中間再夾花生醬超邪惡之選😈😈😈但係好味道食唔停 今次一定變大月巴女未🫣🍹雪山紅豆冰+$8就有特飲 緊係要試下🤭又一邪惡次作 一座山嘅cream😈包你滿足😌🍹鳳梨百香果冷高山烏龍叫左少甜 甜度岩岩好 食呢個邪惡晚飯好夾朋友未食完呢餐 就已經諗好下次要食蔥油豬扒飯😂睇黎佢已經愛上咗間餐廳🥰我地就算加呢樣加個樣 兩個飽到上心口 呢個邪惡晚餐組合都只需$252係呢個地段 呢個價位 絕對物超所值👍🏻👍🏻

四寶食堂．百里香蒜香欖油烤春雞 冇得輸尋晚去咗CWB四寶食堂食晚飯，真係好抵食！呢間餐廳裝修唔係嗰種非常豪華，但輕鬆舒適，燈光暖暖地，成個氣氛俾人感覺好chill最啱OT放工後想放鬆一下嘅人。講返啲菜式，真係每一樣都好有水準，特別推介佢哋嘅百里香蒜香欖油烤春雞春雞烤得外皮香脆，內裡保持住嫩滑多汁，啲香料同欖油滲晒入去，每一啖都食到個雞味同香草味融合得啱啱好佢仲配埋原個燒蒜炸薯條，呢個組合好有驚喜！燒蒜一擠開，嗰啲蒜香係咁滲出嚟，拌埋炸薯條一齊食，濃郁到一個點薯條炸得金黃酥脆，但又唔會太油膩，食完一啖又一啖然後我又試咗佢哋嘅板燒美國頂級封門牛柳，呢個真係無得輸。牛柳煎得恰到好處，肉質鮮嫩，入面仲係粉紅色嘅medium rare封門牛本身已經係肥瘦分佈完美嘅部位，配上佢哋炒過嘅什菌同烤過嘅蘭花苔，食落真係每一啖都充滿層次感。個菜好香但唔會過鹹，啲菌同菜都夠fresh，令成道菜唔會食到攰，仲有啲輕盈嘅感覺。我哋仲追加咗兩樣小食，一個係菠蘿油，另一個係咖哩飯。菠蘿油係呢度嘅小驚喜，菠蘿包皮酥脆，夾埋塊厚厚嘅牛油，一咬落去真係滿足感爆燈至於咖哩飯，感覺係日式+港式嘅風味，咖哩汁濃郁但又唔會過辣，

呢間舖頭幾多點都好多人，其他舖頭都唔使等位，但佢成日都要排隊，不過好彩都唔使排好耐。1. 蔥油豬扒蔥油豬扒係呢間餐廳嘅招牌，果然名不虛傳，豬扒好厚，完全冇“葉”肉嗰啲鬆肉粉唔好嘅味道，雖然咁厚，但都做到嫩滑，超級大滿足，幾十蚊可以食到出面餐廳二百幾蚊嘅貨式，必食推介。2. 瑞士汁雞髀配菠蘿油一次滿足曬兩個要求，雞髀個汁好好食，菠蘿包個皮夠鬆脆，好食。3. 西多士最後用西多士做一個完美嘅句號，麵包夠厚，又炸得好香，好食。4. 紅豆冰必定要叫，紅豆綿滑，而且唔會太甜，好正！

四寶既個餐牌好似upgrade 咗，款式選擇好多。見到佢個Menu樣樣都咁吸引，我揀咗兩個dinner set。分別係板燒美國頂級封門牛柳同香煎加拿大豬柳拼板燒紐約雞扒。整體2個sets 都好正，特別係牛柳，先得牛油味好香，外熟內軟。另外個豬扒同雞扒都好味，特別係個豬扒好彈牙脂肪比例啱啱好，食到好飽，價錢又好超值。每個set除咗主菜，仲會包埋是日餐湯/ 伴菜二款/ 飲品一杯。伴菜有7個選擇，我就揀咗香烤蘭花苔同原個燒蒜。朋友就揀咗田園沙律香烤蘭花苔。飲品upgrade 特飲都係加$8/杯，仲抵過x仔米線。我們order 咗鳳梨百香果冷高山烏龍茶同檸檬桂花蜂蜜冰茶。兩杯都好出色，百香果焙茶，非常清新，又唔會好甜好啱我飲。另一杯桂花蜂蜜，好清甜，桂花味勁香同清新，都好好飲。最後見到佢個追加menu 好吸引，樣樣都勁想試，每款都係加$15。掙扎咗好耐唔知道叫黑蒜蔥油撈公仔麵定係秘製麻辣撈公仔麵，最後揀咗黑蒜蔥油，味道好香，個公仔麵又好爽，但係唔會好鹹，好啱我食。整體樣樣都好食，期望下次再試佢個dinner set燒春雞同埋秘製麻辣撈公仔麵。

🥢呢度茶餐好有性格，唔係一般炒蛋多士，而係茶餐跟提子🍇丹麥酥、同埋黑蒜蔥油撈丁，黑蒜蔥油撈丁都幾香，丁麵偏淋。瑞士雞脾🍗都幾juicy，唔會炆到好柴，淨係個雞脾都大滿足！🥢日式咖哩雞扒配吉列蝦飯：日式咖哩少辣惹味，吉列蝦好脆，雞扒夠大塊。🥢蘆薈西柚梳打：唔太甜幾解渴👍🏻，梳打多啲汽就更好。味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

喺銅鑼灣返工 冇理由唔識四寶 明明只係一間普通茶餐廳冰室 真係唔知點解佢有種魔力你成日都想食 喺銅鑼灣返工間唔中就會食一次長期12:30後就要排隊 入完坐滿打工仔 除咗有平時都有嘅常餐之外 如果食得辣嘅非常推介麻辣撈麵 佢個味好惹味之餘，又唔會好油膩 另外茶餐廳最出名嘅叉燒滑蛋飯佢都做得好出色 每日都會有唔同嘅當日午餐 佢唔係普通茶記嗰種碟頭飯 我會形容係比較有營養嘅午餐 咁做開gym嘅人都可以有雞肉揀 仲一定會有一份係沙津

銅鑼灣人多車多，美食都好多！今日黎開依頭做野，打算極速食個午餐，揀左黎四寶食堂，70蚊左右一個午餐都算係中價位。中午通常都會有ABCD 餐揀，AB 餐聽落比較少，一個沙律一個意粉，唔岩我。甘我就當然揀個大份量D 既 C 餐， 蒜蓉汁雞扒餐。份量好大，雞扒大大份而且有兩大塊！已經用香草醃過雞扒，所以底味好足。肉質都幾滑，絕對唔鞋，做得好好！蒜蓉汁比較少，未可以每舊雞扒都沾到醬汁，有d 可惜！飯後再來一杯港式熱奶茶，茶味足而奶茶入口好滑，加分！70蚊左右既午餐可以算係完滿。

茶餐廳｜四寶食堂 ｜銅鑼灣—————————————🫶🏻 XO醬滑蛋蝦球飯 $78雞蛋一放落口 滑到喉嚨直落蛋香唔油，而且蝦份量多，彈牙爽口加埋蔥花XO醬，十分美味～🫶🏻 板燒美國頂級封門牛柳 $188- 5成熟- 配料：原個燒蒜+炒什菌見好多人食，我都叫咗份～5成熟啱啱好，牛味重冇筋十分juicy！！🫶🏻 秘製麻辣撈公仔麵 +$15齋食牛扒覺得滯，加埋撈麵冇得頂！🫶🏻 朱古力雪山 +$8都幾大杯，夏天必飲～🫶🏻 凍0茶 +$3————————————📍銅鑼灣謝斐道482號兆安廣場地下1-3號舖————————————Overall 💗💗💗💗 #四寶食堂 #香港美食 #香港茶餐廳 #香港茶記#四寶食堂 #香港美食 #銅鑼灣美食 #北角美食

以前在銅鑼灣上班時，「四寶食堂」是我的午餐飯堂之一；今天難得陪朋友到銅鑼灣買護膚品，一於舊地重遊，看看是否可以保持水準。卡位寛闊舒適，鮮藍色牆紙及座椅襯木板紋理裝飾，十分搶眼。兩份晚餐，有湯有飲品，價錢實惠。迷你肉醬意粉，質素不錯，晚餐追加價格只需$15。晚餐餐湯磨菇忌廉湯：味道較清淡，粒粒蘑菇提升咀嚼質感。BBQ醬燒豬肋骨（$98）；抵食夾大件！燒烤醬滋味十足，豬肋骨亦鬆軟。另一份晚餐點了板燒美國頂級封門牛柳（$188）並追加了北海道直送咖哩飯（$15）咖哩味道調配得宜；開胃又惹味。封門柳外皮煎得香脆，有效將肉汁鎖住。牛柳肉質細嫩，肉味尚算濃郁。天時暑熱，點了兩杯特飲：檸檬桂花蜜糖冰茶及蘆薈西柚梳打。味道不會太甜，消暑透心涼！扒類晚餐街坊價，值得一試。

每次去到銅鑼灣想食茶餐廳，都會令我諗起<四寶食堂>，今晚又來呢度，食下港式扒餐。<板燒美國頂級封門牛柳配炒雜菌蘭花苔>以茶餐廳來講，呢度嘅封門牛柳，仲可以order叫五成熟或者七成熟，真係非常驚喜，五成熟嘅牛柳又軟又嫩，帶有油香，煎得剛剛好。配埋黑椒汁，香口好食。蘑菇湯有勁多蘑菇，入口creamy。加$15菠蘿油，size非常大個，皮脆麭香。<BBQ醬燒豬肋骨配薯仔沙律薯條>豬肋骨份量好多，足足有兩大份，而且每一排豬肋骨都有好多肉，吾會好乾，BBQ味非常香濃惹味。薯仔沙律入口非常之香滑，而薯條就炸得夠曬香脆。加$15要咗黑蒜油撈公仔麵，公仔麵撈埋黑蒜油之後，更加惹味香口，彈牙好食。另外叫了一份雞翼薯條，呢度嘅雞翼薯條真係一定要試，佢哋嘅雞翼帶有微微嘅南乳香味，而且炸得非常之香口好食。加$8蘆薈白桃冷泡高山烏龍茶加$8鳳梨百香果冷泡高山烏龍茶兩杯特飲都帶有清甜的果香味道，入口清新解渴。以茶餐廳來講，呢度嘅扒餐真係豐富又好食，而且質素高，有西餐廳水準，抵食推薦！！～

好耐冇食好嘢啦🤭今日去咗銅鑼灣食嘢🤭今次試呢間茶餐廳幾特別 居然有封門柳 （$188）套餐包我最鍾意嘅白湯，平時啲白湯冇粟米呢個有！個湯都幾濃，都幾好飲。但係佢就冇紅湯供應。鍾意食紅湯嘅就要留意吓啦！然後可以揀兩款slide dish!我就揀咗牛油粟米同埋炒雜菌，牛油粟米居然係粟米芯！🤡但係炒雜菌嗰個就幾好食，佢啲菇都幾入味！都幾好食🫶🏻咁我哋嗌咗嗰個封滿牛柳啦，雖然落單嗰陣時冇問我哋要幾熟，餐廳自動整左約7成熟，但都唔會太過粗糙，都有滿滿嘅肉香味!驚唔夠飽嘅話，仲可以加多$15撈公仔麵👻我嗌咗蔥油公仔麵🍜蔥油公仔麵，好好食！記得要撈勻，好惹味！晏晝下午茶都值得一試🤭另外羊膝都唔錯，煮得軟腍，份量比想像中多。佢嘅調味都唔錯！我再要多咗個麻辣撈公仔麵，雖然我唔食辣，但係我覺得都幾惹味🫶🏻！再嗌咗杯凍朱古力同熱檸水！總體而言係一間值得一去的店😋

呢間雖然係平民食堂，但係佢嘅環境同座位都算舒服，比普通茶餐廳好啲，但價錢夠平，所以lunch time 嚟都要排吓隊。-平時通常都係叫雞扒或者豬扒，貪佢夠大塊，而且唔會落好多鬆肉粉搞到冇晒口感。就試吓叫佢嘅肉眼扒試吓。嚟到見到塊肉眼扒好大塊，起碼半隻碟咁大，咁啱我呢塊筋位比較少，所以好易切，食落都夠腍同埋仲有啲牛味，佢哋蘑菇汁亦唔會太鹹。整體嚟講，lunch平平哋有肉眼扒，味道又唔差，性價比真係好高。

平時經過這餐廳都是人頭湧湧，排滿長龍，沒有機會試到。今天非常好運，放工與朋友路經銅鑼灣時居然無人排隊，機會來了！當然要馬上試試。餐廳以卡位居多，座位不會太狹窄，坐得舒服，餐廳店員熱情細心，待人有禮，令人感覺放鬆舒適。餐廳食物種類繁多，難以選擇，而最後決定點：黑蒜蔥油瑞士汁雞脾撈公仔麵配嫩滑炒蛋 及 丹麥提子酥 $57大大隻瑞士汁雞脾，肉質嫩滑，非常Juicy；濃郁而不油膩的黑蒜蔥油撈爽口彈牙的公仔麵非常出色，味道令人難以忘懷。由於我不喜歡提子酥，所以加$2轉成油多，厚切油多士配上蛋味濃郁的嫩滑炒蛋，誰能不愛。❤️黑蒜油叉燒滑蛋飯 $62餐廳招牌食物，滿滿的鮮嫩炒滑蛋配上肥瘦均勻的叉燒，份量非常多；最愛是軟硬度適中且粒粒分明的白飯加上甜鼓油，絕對是完美的配合，令人忍不住一口接一口。必點👍跟餐可以加$8轉滋味特飲，而我地點了：鳳梨百香果冷泡高山烏龍第一次見茶餐廳凍飲是茶包上，很有特色。而濃郁的百香果味配上烏龍茶底，感覺清新，炎炎夏日，解渴一流。朱古力雪山從小到大都很喜愛的朱古力，加上口感軟綿綿的cream，充滿回憶。難怪經常人龍滿滿，真的是價廉物美，物超所值，而且令人回味。絕對要再來嘗試其他