四寶食堂 (已結業)

之前食過佢地喺銅鑼灣嘅分店，今次再嚟到旺角嘅四寶食堂。一入到去店內就有種少女嘅感覺，牆上佈滿花花，而餐廳入面嘅配色都湖水綠將你包圍為主。先上餐湯，今日嘅西湯係三魚忌廉湯，非常足料，一粒粒三文魚肉足以令人感覺滿足。而店買都推介呢度嘅炒滑蛋話唔錯，配上鬆軟多士，伴著餐湯相當美味！繼續前菜階段，檸檬煙三文魚沙律菜用料新鮮，配合檸檬汁，感覺清新，令人胃口大開。而餐飲叫左凍奶茶檸菜茶都好有質素，飲得出茶底夠濃，同埋檸檬唔係預早切定。去到主菜，點左傳統英式啤酒脆漿炸魚，賣相幾靚，魚扒大大份。切開脆漿，雪白魚柳冒出香氣，食指大動！可惜沒有冰凍啤酒，否則更完美。然後係燒美國極級牛板鍵，叫左5成熟，牛柳肉汁豐盈，伴著微焦黑蒜絕配。呢到雖然唔係樣樣都做到貴價餐廳嘅質素，但都估唔到竟喺一間茶記吃到咁多款式嘅食品，樣樣都整得唔錯，仲有甜品就要留番下次個肚先有空位食了。

其實，我同老公係一個沙嗲牛控😆😆😆我地甚至會入沙嗲牛群組mon住邊到有好野食！見至群友介紹，特登過嚟試吓今日係食下午茶，好在的確係唔錯。另外叫咗個豬仔脾沙律，少少咸，不過可以接受的兩個餐都幾好食，奶茶就average la😉燒豬仔脾黎講，茶餐廳甚至其他餐廳都比較少見。見到有得食真係要試下，肉質柔嫩可口，good!主角沙嗲牛味道香濃，分量正正常常啦，個面就普通。可以encore。炒蛋幾正，俾80分

假期出旺角逛逛，多餐廳選擇~四寶食堂以為是普通茶餐廳，原來有中西菜式選擇，同朋友食飯一定合心水。裝潢幾靚，有花花牆，好似cafe。點了出名的凍奶茶，香滑茶香，而凍檸茶茶靚清新。最鐘意食常餐，一個餐多選擇，這個招牌沙嗲牛肉麵+嫩滑炒蛋+丹麥牛油厚多士 $50丹麥多士牛油味好香，味道濃郁鬆化，炒蛋加入鮮奶炒成好滑。沙嗲牛肉，牛肉鬆化沒有根，更有花生粒，湯底好濃郁，麵條彈牙剛好，好好味，比起好多餐有水準。點了lunch set 黑松露溫泉蛋卡邦尼意粉弄開溫泉蛋，拌勻意粉一齊食，每條意粉吸收醬汁，還有黑松露香，有好多雜菇、煙肉、洋蔥等配料，西式也好有水準。

行過旺角的這間四寶食堂，見到裏面的牆身鋪滿花海，非常吸睛，裏面亦都很多人食，所以今日就入來試下。Menu很多菜色，特色豬扒飯、牛扒、西式意粉，真是粉、麵、飯小菜都有，還有燉湯……。山楂汁菠蘿拔絲咕嚕伊比利亞黑豚肉$78這個咕嚕黑豚肉名很長，上枱見到有驚喜，見到菠蘿及菜式擺盤都很精緻，菠蘿切開連皮上，咕嚕肉炸得深啡的顏色，再配上鮮黃的菠蘿，見到已特別惹味！咕嚕伊比利亞黑豚肉夾起時一條條的拔絲，已令人覺得特別吸引，口感帶爽，入口帶山楂特有的酸及香甜，肉質爽口又帶著酸甜惹味~~刺激味蕾……！！一個字~讚！喜哥蔥油豬扒煎蛋飯$62喜哥蔥油豬扒煎蛋飯上枱當真有驚喜，見到豬扒足足比平時食開的豬扒厚一倍，金黃的顏色，豬扒大大件，厚切，整個豬扒足足鋪了大半個碟，入口帶爽又多肉汁，真是大件夾抵食，啖啖肉的，食得夠滿足又滋味！太陽蛋煎得蛋邊香脆，蛋黃流心，伴飯非常香！薄荷安格斯封門柳炒菜遠$78安格斯封門柳入口帶點薄荷味，封門柳不會靭，份量頗多，薄荷增添牛柳特別的香味。菜遠很軟嫩，吸收牛柳的汁很鮮甜。是日燉湯五指毛桃燉雞湯$38 平時比較少煲湯，所以要了個是日燉湯，五指毛桃燉雞湯，湯底真的很清甜又有益，價

我住喺附近，所以見證佢裝修開張，佢唔單止嗰名特別裝修顏色都比較搶眼。一路都冇去試，因為睇佢裝修咁靚、精致應該價錢唔會平，再講附近已經有啱我心水嘅幾間餐廳！嗰日得閒經過順便睇吓佢menu，令我好驚訝！係一般茶記價錢但環境超越所有茶記！我食過幾次啦，因為佢太多選擇，係茶餐同cafe既結合體😊。味道，服務，價錢😜都令我好滿意！以後我唔使為我食咩而煩惱啦！四寶飯堂就係我嘅飯堂啦😊。希望香港開返多啲咁樣嘅良心飯堂

有日同朋友四圍fing，見到哩間裝潢好似幾好💫，於是就試下， 同埋都見到openrice食評其實佢都幾高評價😙所以就一試🤗1. 邪惡甘筍鹹蛋忌廉意粉 $98意粉份量少，唔夠攝牙罅🙄同偏鹹， 鹹蛋味唔係好重，收得哩個價錢有d失色2. 溫泉蛋挪威煙三文魚忌廉意粉 $88朋友點咗呢個，反而同樣意粉， 呢個價錢仲平啲，但係唔知點解呢個意粉份量正常好多，係多好多😜 呢個做得幾好 ，味道正常， 覺得呢個好食過鹹蛋意粉🤗3. 瑞典香草豬肉丸伴牛油忌廉薯蓉 $40薯蓉係幾大碗嘅， 啲汁唔太鹹，做得幾好， 有啲似KXX既味道。 肉丸方面都做得幾好，好juicy， 唔會好似IKxx咁果d實的的，值得一讚👍👍p.s 場內好多都係阿叔做侍應 ，粗聲粗氣，擺低啲嘢食又係大大力 ，冇乜禮貌 。當日去嘅時候已經係teatime時段，冇乜人好多吉位😏

垃圾侍應 一去到坐底等左勁耐都無餐牌 我地巳經自己去取 然後等左好耐 水都無比一杯 然後佢比水隔離台 我同佢講唔該我都要杯水 我巳經黎左好耐 佢啤住我話 "黎緊啦！ "態度極差！其實你地唔想做生意可以直接講 唔需要咁既。 無下次！

今晚放工特別肚餓，所以起公司附近揾間餐廳食飽先返屋企。四寶食堂是我一直收藏的餐廳之一，因為每次經過佢都排長龍，但無奈我食飯時間只有一個鐘，所以趁呢個機會就試下啦。呢度唔單只d野好食，服務仲非常好，所以我先花時間寫呢個食評。叫左一個晚餐和一個小菜，晚餐仲送燉湯和飲品。燉湯香甜足料晚餐胡椒蜜糖雞，好香好入味。小菜魚香茄子魚柳煲，保持魚香茄子嘅香，但我覺得魚柳淋咗d。晚餐份量十足，又好食，又抵食，服務又好，下次一定帶埋屋企人和朋友過嚟試下。

朋友遠征蒲台島，離開島後第一件事要嚷著要吃飯，她太肚餓了，她說晚飯最重要有肉有湯，是日消耗太多精力，一定要吃飽飽恢復精神，我提議去四寶食堂，那裡甚麼都有得吃，絕對符合朋友的要求。我和朋友均熱愛喝檸檬梳打，各自選喝利賓納檸檬梳打和百香果檸檬梳打，百香果與利賓納跟檸檬梳打協調相融，酸甜酸甜的，相當清爽解膩，朋友說盛夏果然要來一杯百香果檸檬爽打消暑呢。泰式冬蔭公醬雞中翼雞皮酥脆，肉質鮮嫩多汁，強烈推薦必點。一口咬下泰式冬蔭公醬雞中翼，獨特的泰式冬蔭公滋味，使雞中翼味道不單調，有種意猶未盡的感覺，讓人吮指回味。吃完泰式冬蔭公醬雞中翼，朋友忽然又想吃港式風味的瑞士雞髀。瑞士雞髀同樣誘人，鹹鹹甜甜的瑞士汁滷得入味透徹，品味起來蠻舒服，雞髀肉處理不錯，雞肉細嫩，肉汁豐腴，教人念念不忘。香煎喜哥蔥油豬扒厚實大塊，目測二人分享吃著不成問題。豬扒外表煎至焦脆，卻肉質嫩口不乾柴，呈現豬扒真正的味美，豬扒拌上蔥油一起吃，口中釋放蔥肉香味，口齒留香。羅勒蕃茄M5和牛肉醬意大利麵可以滿足嚐和牛的慾望，搭配酸香羅勒蕃茄醬，令人食慾大開。和牛肉醬超級嫩口，蕃茄味濃郁，醬汁濃濃地巴附在麵上，每一口都吃到羅勒蕃茄和牛肉醬

呢間係炮台山食已經好多人，而家開到去旺角，環境靚咗，餐牌中餐西餐都有得揀，梗有一款啱心水😃 🌟喜哥蔥油豬扒煎蛋飯 $59大推！佢嘅豬扒勁厚勁大塊，同埋一啲都唔乾，如果細食嘅 兩個人share啱啱好🤣 佢個蔥油都好正，冇出面嘅姜蓉咁重口味，唔會食到好油膩～用黎撈飯唔錯～ 羅勒蕃茄M5和牛醬意大利麵 $78瑞典香草豬肉丸伴牛油忌廉薯蓉 $40意粉份量唔算好多，但個肉醬好juicy，好多牛肉碎🤣 另外仲叫咗個薯蓉，呢兩樣一齊食好match😛 豬肉丸好大粒，不過偏淋～個醬唔錯，想健康啲可以叫呢個👌🏻燒安格斯牛肉沙律配意大利陳年黑醋汁 $88個安格斯牛肉味道好出，雖然牛肉熟哂，但一啲都唔韌👍🏻黑醋汁偏酸好開胃😋成個沙律份量好多，幾個人share會比較好～最後叫埋個燉湯清清腸胃，$38一盅都幾抵飲😛

✨係旺角行行吓餓餓地想搵間茶記食港式下午茶,見呢間［四寶食堂］裝修門面同顏色都好搶眼又幾靚,餐廳入面仲有個好靚既花花牆咁有心思,我呢個打卡怪就梗係走入去試下‼️.💬瑞士汁雞髀配菠蘿油 🍗$38 配熱飲☕️♨️雞髀無咩特別,正正常常,夠味夠色,菠蘿包微熱,表面有少少脆口,如果牛油再厚啲會開心啲再邪惡啲😆！整體黎講ok既！好滿足！.💬板燒芝士安格斯牛肉漢堡流心蛋風車包 🍔$42 配熱飲☕️♨️首先想講講,按呢個茶餐價錢同質素真心唔差！雖然呢個價錢唔會予係好高質,但真心算對得上價錢,麵包鬆軟,牛肉漢堡無雪味仲有少少牛味可以,一口咬落去啲蛋流晒出黎做到效果,整體味道可以！抵食❗️..📍四寶食堂 (旺角)旺角豉油街23號地舖..

*看似平凡，大有驚喜，性價比極高*呢間港式餐廳出品款式好多，重點係好多看似簡單既大路野，試過先似佢殊不簡單。*燒安格斯牛肉沙律配意大利陳年黑醋汁*呢個開胃菜絕對係健康得黎又好味，燒安格斯牛肉嫰滑而有牛味，連平時唔點食菜既朋友都成碗食哂。你冇睇錯，佢真係成碗咁上，牛既比例仲要幾大下，計落相當抵食。*邪惡黃金咸蛋醬露荀大蝦意大利麵*呢個名入面提到既內容，佢每樣都做到好出色，包括邪惡，因為我食完都仲想再食多幾啖。呢個意粉看似簡單，但佢煮到超好味，蛋黃醬，芝士加埋松露均勻地遍佈每一條麵，令啖啖都好重蛋黃油香味，配上新鮮露荀同爽口大蝦真係超好食！邪惡就難以避免架喇。*慢煮西班牙黑毛豬配黃梅果醬*Iberico 一向都係我至愛。呢度既慢煮黑毛豬完全滿足到我，豬扒煎到岩岩好唔，外面半焦香而內裡肉質嫰滑就當然啦，再配上黃梅果醬微酸帶出清新解肉膩感既效果，令食到後段都仍然咁想食。*雪糕西多士* 加 *香滑奶茶*聽人講甜品係用另一個胃，其實係真的。我地再encore 加多個正既甜品。係熱辣辣香噴噴新鮮西多士，本身已經好好味，加上雪糕慢慢溶落每一啖西多上面，一冷一熱，大滿足！😁配埋呢度又香茶味，口感又滑既奶

9點幾同老公行過諗住求其搵啲嘢食下，見到門面唔錯企理(Tiffany blue 主色配花花背景牆) 就諗住是但食。老公話有人喺入面應該還可以，我心諗開得喺依個位其實應該水準一般都會有人。叫左燉湯餐，湯非常足料仲有舊大花膠。上菜速度都快同侍應有禮貌。而晚餐肉嘅份量都好多吓，加埋嘢飲都係7x. 最重要係食物水準算中上，性價比好高

呢間餐廳裝修好特別，外面望入去見到好大幅花牆，睇裝修會以為係一間港女打卡餐廳，但睇真啲，幾張窗口位嘅枱都坐咗大叔們 😆 立刻覺得親民咗，今日就黎試下佢地嘅下午茶餐啦。🍴 瑞士汁雞脾配菠蘿油聽個名就知係邪惡增肥餐 😆雞脾肉質都嫩滑，加上瑞士汁甜甜地幾好味。而菠蘿油入面塊牛油唔係好大塊，食落好香牛油味，但又唔會太過油膩感，而個包就正常味道軟熟。🍴 東京黑蒜蔥油撈公仔麵 配自家製吉列豬扒公仔麵好多蔥，食落啖啖蔥油香味係幾香，但食到後期會覺得有啲咸。吉列豬扒就正常味道，不過不失，係豬扒邊邊位會有小小硬。

之前喺銅鑼灣已經有食過四寶，大大間粉藍色做主題嘅餐廳，感覺好新穎好新潮，完全唔似平時傳統茶餐廳。望一望Menu竟然有成十幾頁😅每一頁都有唔同款式，中小菜嘅咕嚕肉，沙嗲牛肉麵，再有西式卡邦尼意粉，凱撒沙律再去到雪糕窩夫，雪糕紅豆冰，真係好多選擇，我同老公差唔多睇咗成10分鐘先揀到😂老公想飲雪糕紅豆冰，但係唔小心買錯咗正常紅豆冰，都一樣好好飲嘅紅豆唔會太甜而且大大粒。⭐️沙嗲牛肉麵常餐沙嗲牛肉麵跟餐嘅方包好唔簡單，超級好食，上邊有溶咗嘅牛油，係似酥皮嘅多士麵包。每一餐都要食下蔬菜，試咗佢哋馬拉盞炒白菜仔，夠鑊氣。我哋仲試埋佢呢個卡邦尼意粉，覺得整體上比較淡味，可以再濃郁少少，可以再重多少少芝士味，但係賣相好好，份量都好大。嚟到我最鍾意嘅焗薯條出場，大碟到不得了肉醬有好多！