四寶食堂 (已結業)

經過見到覺得入邊環境都幾好，而且好旺場，所以入咗去食個快lunch！坐低好快就揀好咗嘢食，就係蔥油豬扒飯啦！仲要係兩個人都好堅定咁揀咗呢個🤣豬扒飯一上到枱，發覺果然無揀錯，豬扒好大塊，亦都煎得好靚，豬扒上面有好多蔥油，分量十足，擺碟喺茶餐廳來講真係算一流😋! 食落豬扒唔會鞋口，不過加埋蔥油之後有少少偏鹹，送飯都幾正嘅!小插曲係兩個人都嗌凍檸茶，但最後嚟得一杯，睇清楚張單先發覺漏咗一杯，不過侍應哥哥都好快跟返，服務都唔錯！

四寶食堂每次經過都有少少人龍上次食過一次lunch set 覺得佢唔錯所以就再黎多次蔥油豬扒煎蛋飯呢個係佢地招牌黎一上枱我同個大面仔朋友都呆一呆呀我仲即時講左句""件豬扒仲大過你塊面呀!!!!!"之後佢嬲左一陣厚切既豬扒醃得入晒味亦都煎得好爽口蔥油味勁香亦都唔會太咸加埋隻流心蛋真係白飯小偷黎果然係招牌菜蛋牛治蛋又厚身, 麵包又係厚切, 真係好鬼大份下蛋炒得滑咸牛肉又惹味overall 呢度既野真係大件夾抵食!!

相信大家對呢間四寶食堂應該唔陌生，講咗咁耐今次同朋友去完旺角行街決定一試，估唔到味道都唔錯有驚喜☺️招牌沙嗲牛肉麵 $55網上見到最多人推介佢哋嘅沙嗲牛肉麵，果然冇介紹錯！沙嗲醬汁香濃惹味，牛肉分量充足，配上火腿炒蛋多士非常滿足，值得一試熱情果檸檬梳打 （套餐加$15）餐廳亦有提供多款特飲選擇，熱情果檸檬配搭得宜，飲落去酸酸甜甜好開胃粉紅草莓雲朵（套餐加$15）聽個名大家又估唔估到係啲咩呢？其實係草莓牛奶上邊仲有非常多嘅cream，飲落去好順滑，鍾意奶類製品嘅朋友仔可以試吓七味椒鹽一口山水豆腐 $58有驚喜！食落去好香口，外皮香脆，內裏豆腐好滑！作為小食夠曬惹味燒美國極級牛板鍵 $158餐廳有提供三款牛選擇，今次就揀咗牛板鍵同七成熟，肉味香濃煮得剛剛好，旁邊仲有烤蒜頭同西蘭花等配菜，估唔到茶餐廳都可以有呢個水準廚師發辦沙律跟餐會包埋呢個沙律，特別之處係上面竟然有都幾多下嘅魷魚🦑食落去幾開胃有口感流心芝士西多士 $38有冇朋友仔同小編一樣好鍾意食西多士呢，有別於平時落花生醬嘅西多士，呢個流心芝士口味都唔錯，食落去唔會太膩，配埋糖漿一齊食唔錯

呢間茶餐廳長期大排長龍，人氣超高呢！餐廳以Tiffany Blue為主色仲有打卡花花牆🌸🌸食物亦有港式同西式，非常多元化呢！-🥄經典叉燒滑蛋飯（$59，包熱飲）炒蛋滑溜，蛋汁都幾多🥚而且加有蔥花，幾香口呀！叉燒肥瘦適中，軟腍香甜🥢沙嗲牛肉麵+炒蛋+丹麥牛油厚多士（$50，包熱飲）呢個常餐非常豐富呀😍牛肉大件，份量多沙嗲醬好重花生味，帶小小辣🥜炒蛋份量同樣都好多！炒得香嫩多蛋汁丹麥牛油厚多士就充滿牛油同煉奶香味外皮酥脆，惹味香口喔！🥤凍奶茶（+$3）奶味比較重，茶味較淡而熱奶茶嘅茶味相對會濃d個人覺得熱奶茶比較好飲呀💕🍟松露鹹蛋醬雞中翼配薯條（$35）呢個係下午茶餐上枱嘅時候已經聞到好香嘅松露味雞翼有三隻，炸得香脆肉嫩入口松露味濃郁，帶咸香味！薯條新鮮熱辣，份量都算多👍🏻🥤阿華田雲朵（+$15）面頭忌廉佔咗1/3而膠杯上闊下窄，所以阿華田份量唔多飲幾啖就無哂喇！不過阿華田味道好濃，好好飲😋

今日係旺角買完野，jo想食茶記但老公又想食西餐，經過見到呢間咩都有得食就入去試下，坐低睇餐牌已經睇左好耐，太多選擇咩都想食🍜招牌沙嗲牛肉公仔麵 $55叫得招牌一定要試吓，沙嗲牛香濃惹味， 仲有少少花生粒，正！常餐仲跟火腿炒蛋多士，炒蛋不錯好細滑，係我想食茶記的味道🥰🌶泰式冬蔭公醬雞中翼 $48一共有六隻，雞翼好Juicy炸得好好，沙律醬加上冬陰功唔會太辣好惹味👍🏻🥚70度溫泉蛋凱撒沙律 $68超大碟！性價比好高，醬汁調得好好食，溫泉蛋吉穿個刻真係好治癒🥰🦀魚子軟殼蟹羅勒醬意粉 $88呢碟真係不得了jo食到停唔到！好大隻軟殼蟹配上好多蟹子，食落脆卜卜超級正，加上羅勒醬意粉口味清新，呢個配搭一級棒！😋🍠紫薯蛋糕拿鐵 $28靚靚杯真係打卡一流，餐廳無哂雪糕改左cream一樣好飲，紫薯味道好出又唔太甜.🍧紅豆冰 $15茶記的味道，正正常常.整體來講jo十分喜歡，環境坐得不錯又有靚靚花牆打卡，店員服務態度又好好會主動拎櫈俾我擺野，價錢一d都唔貴仲意外地好好食，款式超級多jo一餐食哂港式西式泰式日西fusion!地點又方便係旺角中心點，jo食完出面仲有好多人排隊🤭抵佢咁好生意！

我係一個好鍾意試新餐廳嘅人，可能香港會越嚟越多呢種人😝因為有呢個app。衹要我睇到有邊間餐廳想食就會收藏，然後逐一逐一去試。當我遇到唔好食或無服務嘅餐廳，一次就玩完。當我遇到做得特別好嘅餐廳，就會記住先，等有機會再食，但分分鐘要等幾個月😆😆。但有一間餐廳好唔同真係好唔同，佢令我起一個月之內幫襯十次以上，冇錯，佢就係『四寶食堂』。經過我N次幫襯后，我發現佢嘅午餐、晚餐係做得特別好嘅，尤其是晚餐。因爲我的工作是服務性行業，所以需要每兩星期檢測一次（非典型肺炎）。所以今日特登早一個鐘出來，但今日奇跡地很快做完檢測，所以順勢去到『四寶食堂』食lunch。我叫左 3 號）黃金餐肉粒炒飯 配 避風塘椒鹽豬仔髀 $ 65炒飯裏面有鹹蛋黃，可能我個人比較重口味，鍾意食香口嘢，所以我仲撈埋豬仔脾上邊嘅避風塘炸蒜一齊食。真係有兩隻豬仔髀喎，感覺好實在，好滿足。而且配菜用左高級嘅蔬菜，有火箭菜、紅邊菜。在我幫襯過N次嘅歷程中，我都一直遇到良好的服務態度，以茶餐廳嘅服務水平來講，呢度真係叫做得好好。

行經波鞋街附近，就俾呢間店面Tiffany blue颜色餐廳吸引住望下出面餐牌食咩，原來四寶食堂係茶記同西餐餐室類別價錢$5x～$8x飯/意粉類下午茶好抵下$3x～$5x左右見佢不斷外面排隊入又出，都等左一陣先入得入度去一大幅花花牆，真係好多人影緊打咭相又想食西餐野又想食飯，同朋友share食就啱哂試多d新野叫左個喜哥蔥油豬扒煎蛋飯$58巨大塊厚切豬扒配多蔥油超香超惹味，再夾揾太陽蛋汁配少少甜豉油大啖大啖咁送飯朋友叫左M5和牛漢堡配薯條$108漢堡夾左兩層肉，蕃茄多汁甜，生菜爽脆配芝士肉汁多到漏，略嫌多左d芝士，有點腻薯條係我喜歡的，十足直版"扭扭薯條“，呢個再脆d飲杯熱情果檸檬梳打特飲爽哂打返張咭先

我收工想去食個茶記常餐醫下肚仔餓 但係朋友又食緊低碳餐要食肉同埋食菜 發現到呢度d野食2個都岩食😋。沙嗲牛肉公仔麵 配火腿炒蛋多士 連熱飲  $55。沙嗲牛肉醬濃香淡淡花生香味 牛肉肉質軟熟有牛味 仲要份量都好多公仔麵唔會淥得岩岩好有少少咬口 。個炒蛋好似一座細細嘅山咁 都幾滑身有蛋香個多士就真係正 佢用左丹麥麵包去做多士麵包蛋香味濃帶有微微甜味 再烘香之後塗上牛油加埋杯荼香奶味濃既奶茶一個高質港式特餐就得左。燒美國極級牛板腱 套餐 $158有餐湯。沙律／ 黑松露海鹽薯條。餐飲個湯係忌廉湯 正常發揮唔會好稀揀左薯條 食落口唔太覺有黑松露味係炸得好脆口 有少少似薯格果種既薯條有跟埋個茄汁點黎食。牛板腱呢個位置肉質緊實同西冷差唔多但係比西冷更為柔軟細嫩而且充滿油脂 牛味濃香個牛板腱真係煎得好靚 五成熟 佢切好埋 唔洗自己慢慢切 加哂分 仲跟埋平時比較常係高級西餐先見到嘅原個焗蒜如果個蒜再焗得再熟d就更好 檸茶個茶底都好夠香。蒜蓉炒菜心 $58碟菜超級大碟 覺得成有成斤菜係度蒜香味唔錯 菜心幾甜同埋都炒得脆口。成個環境都幾舒適裝修都好靚又好抵食 性價比都幾高今日坐唔到花花牆附近 下次早餐再去

-🔸奶醬多 $25🔸沙嗲牛肉麵 $50🔸叉燒滑蛋飯 $59🔸流心芝士西多士 $38🔸奶茶雪糕紅豆冰 +$15🔸凍檸茶 +$3-有時放假懶得出去排隊食打卡餐廳，hea hea哋去茶餐廳食都可以😌 又慳錢又快靚正，以為係充滿麻甩嘅味道？No no，四寶食堂裝修有花心思都幾靚架，唔似普通茶記咁頹呢～沙牛麵係男朋友最愛，四寶嘅沙嗲牛肉夠晒味，仲有花生醬嘅顆粒感，如果轉埋出前一丁就仲正啊！常餐仲包咗勁滑嘅炒滑蛋，同埋烘得鬆脆又充滿牛油香味嘅丹麥多士，用料講究。叉燒滑蛋飯嘅滑蛋調味恰到好處，半熟仲流動緊嘅滑蛋真係超吸引，加埋瘦叉減低罪疚感，仲有葱花點綴，依餐真係非常滿足！

成日行旺角都經過四寶食堂店舖Tiffany Blue顏色之餘 仲有片花花牆 真係勁吸睛一直想嚟食 打吓卡今次同朋友喺旺角睇完戲一於就嚟食晚飯！-蔥油豬扒煎蛋飯 $62見到唔少人推薦 終於到我一試啦大大塊厚豬扒煎到金黃色 好吸引呀 切開仲係好爆肉汁 好好味本身都好鍾意食蔥油 加上太陽蛋撈飯 啱晒我！蒜蓉炒白菜仔$58清清地炒個菜 蒜香一流 份量十足 抵食！山楂菠蘿咕嚕伊比利亞黑豚肉 $78睇名字就知道尼碟咕嚕肉唔簡單了！上桌果然好有料到 廚師係有用心去擺盤㗎菠蘿並非就咁炒埋一碟 而係燒菠蘿呀隨你沾唔沾個甜酸汁食 又幾好喎咕嚕肉夠脆 啖啖靚豬肉就係正！晚飯時間好旺場 就未能排到近花花牆嘅位置入座食物都好好味 係質素高嘅茶餐廳下次再早啲嚟食過先😋

邪惡鹹蛋黃醬黃金櫻花蝦炒飯 🦐 🍳🍚好香鹹蛋黃味，賣相都唔錯，份量夠肥仔食🤷🏻‍♂️ 食到一半已經覺得有啲飽🙈🤣 不過炒飯入面嘅蝦仁有少少雪藏味🙈印尼沙嗲黑豚肉菜遠炒河 🐖 🍲 配搭幾新，原本有些微期待，但最後感覺太膩。黑豚肉切得偏厚身，肉質可以再嫩啲🤭不過好彩叫咗杯特飲熱情果檸檬梳打，化解咗沙嗲汁嘅油膩感🤪 奶茶紅豆冰🧋茶味香濃，配大大粒紅豆又唔會太甜😌👍🏿值得一讚總結，旺角這間分店所提供的菜式比銅鑼灣更多，又唔洗等咁耐 會再光顧

今日同媽媽嚟到位於旺角嘅四寶冰室食午餐，我哋11:30嚟到，喺門口排左幾分鐘隊之後就有得入座，餐廳坐滿晒客人，相信食物質素應該唔錯。餐廳環境都幾靚，一入去就見到充滿花嘅特色牆，啱晒一眾女士打卡食物款式方面都幾多，除咗有午市套餐之外，仲有常餐。而主餐牌都有各式各樣嘅食品，有西式同港式，西式有意粉、漢堡包同全日早餐等等，而港式就有飯類同三文治等等，任君選擇。我哋叫咗瑞士汁雞髀撈公仔麵雞髀大大隻，賣相吸引，外皮同肉質都幾滑，而且好入味，食得出瑞士汁係餐廳自己調製嘅，食到花椒同八角嘅香味，而且比起一般瑞士汁冇咁甜，個人幾鍾意。撈丁煮得啱啱好，軟硬適中，索哂啲瑞士汁，好惹味😋瑞士雞髀撈丁仲配埋炒蛋同丹麥牛油厚多士，炒蛋熟度啱啱好，口感好滑，而且好香蛋味。丹麥牛油厚多士質地鬆軟，甜甜地仲有牛油香，仲好食過一般嘅多士。馬友鹹魚煎肉餅漢堡配美式薯條鹹魚煎肉餅就食得多，配漢堡都係第一次食，感覺幾新穎特別。麵包外皮烘到少少脆，裏面鬆軟。肉餅煎到底面都好香脆，裏面保持juicy，肉質新鮮，鹹魚味道都幾出同惹味，同漢堡幾夾，加埋蕃茄同生菜中和返冇咁漏。薯條份量好多，炸到脆卜卜，重薯仔味。我哋額外仲叫單點左一塊

好耐之前已經食過銅鑼灣分店，幾好食價錢又唔貴。甘岩出嚟旺角，又諗唔到食咩就過左黎食四寶。平時都係叫佢嘅蒽油雞扒飯，蔥油夠香味，雞扒又大塊又煎得香滑！但今日決定試下新野，首先叫左個fish and chips，魚肉勁滑亦算厚身，炸粉唔多，可以同啲西餐比較🤣主食要做軟殼蟹羅勒醬意粉，蟹唔算大隻，但個意粉真係好好食！夠香但又唔會太heavy，好推薦！男朋友要左西班牙豬，好厚身又juicy，擺耐一陣都唔會乾！如果可以大塊啲就perfect！最後小食要左冬陰功醬雞翼，冬陰功醬唔算出，不過雞翼真係好脆好juicy!!!!整體來講，西式菜式比相像中出色！

<<Thursday Couple 為食記👣😋>>喺旺角呢地段最多就係放題雞煲任食嘅嘢食，但係如果想食中西合璧兩樣都有嘅fusion菜，我諗呢間四寶食堂係一個不二之選啦！其實佢個feel有少少似冰室嘅，但係呢佢所做嘅菜式比較多元化，中西嘅美食都包含喺入邊，無論你係鋸扒，定係想食中式嘅小炒，我諗佢都滿足到你☺️☺️🥰👍🏼我開頭睇佢個Menu都睇咗一陣都未揀到食咩😂😂😂對於呀選擇困難症嘅我其實都係一大挑戰🙂😎開頭叫咗個花膠燉湯，見到入面都好足料！而且味道好鮮甜，係好滋潤嘅感覺👍🏼👍🏼🥳😋之後就叫咗個肥牛沙嗲金菇煲，呢個煲一出到嚟，仲係熱辣辣🤪🤪🔥🔥好似啫啫雞煲，仲滾緊咁！好正☺️👏🏼佢沙嗲醬比較有特色，同我哋平時食到嘅鹹沙嗲醬唔係幾同，佢比較重嗰啲香料嘅味道，而牛肉都幾滑，同切得比較厚身少少，整體來講味道係真係唔錯！☺️☺️之後就係馬拉盞炒芥蘭，又輪到我最鍾意食嘅馬拉盞炒菜😂😂🤣🤣🤣菜都炒得好清脆！但係裏面都夠林，而味道就唔使講啦，不嬲都咁好味，唔知係咪我對馬拉盞有bias 啦！🙈😂同埋都幾有鑊氣！之後就佢哋比較主打嘅蔥油雞扒煎蛋飯，冇令我失望，因為豬扒肉質嫩口🐽🐽唔

🌟🌟🌟🌟🌟🌟🌟🌟🌟🌟🌟🌟🌟🌟🍽 四寶食堂📍旺角豉油街 23 號地舖🌟🌟🌟🌟🌟🌟🌟🌟🌟🌟🌟🌟🌟🌟成日經過呢一間都好想試，因為佢嘅顏色好特別，成間餐廳都係tiffany blue😍但係其實佢係一間茶餐廳嚟㗎！😝今次終於約到朋友喺旺角行街，行完就順便過嚟試一試佢，發現好特別，原來除咗茶餐廳嘅經典食物之外，竟然仲有唔少西餐，仲有扒鋸！蔥油豬扒炒蛋冰火菠蘿油 HKD68首先當然要叫返一道充滿香港特色嘅茶餐廳名菜🤣冰火菠蘿油簡直不得了，菠蘿油熱辣辣，配上凍冰冰嘅牛油，食落去口感層次好豐富，炒蛋同埋蔥油豬扒更加唔使講，非常之有香港特色🥰另外叫咗2個扒餐😍燒美國頂級封門柳 HKD 138燒美國極級牛板鍵HKD 158首先會送上餐湯以及廚師發辦沙律🥗朋友仲揀咗松露海鹽薯條😍好香口，炸得好脆😎我哋兩個都係叫咗三成熟，啱啱好，肉質係超嫩冇overcook😻封門柳肉味極濃郁，份量超多，好愛🌟❤️阿華田雲朵 特飲+$15小甜小冰啱啱好～～仲有花花牆打卡好靚呀，好有少女心😍✨如果喜歡我的文章，可以關注我及讚好以作鼓勵喔✨