四寶食堂 (華凱大廈)

营业中

休息中

聽聞炮台山四寶食堂搬左去新鋪，menu都有唔同，緊係要去捧場。雖然係新裝修，但都係同一批員工，好親切。今晚叫左個晚飯套餐 - XO醬百合木耳炒豚肉，好香獲氣又大碟，菜同豚肉都多配個白飯，成件事好夾。仲送燉湯，個湯好清甜好正。老公就爽到爆，叫個牛扒+炒蛋+菠蘿油，再額外加多個蔥油撈公仔面。塊扒唔係求其茶餐廳啲梳打粉牛扒，呢塊扒好香牛味，有啲美式扒房既感覺，炒蛋就做到澳牛既feel，想食靚炒蛋而家炮台山都有得食喇。菠蘿油值得一讚，塊油冰鎮上，好有心思。個蔥油公仔面個撈麵功力十足，食撈公仔面最怕麵底淋曬，呢個撈麵就掂喇。呢個扒餐，唔食真係走寶，同埋想食都唔係一定食到，因為會賣曬。飲品我叫左熱奶茶，入口順滑，又唔苦澀，推介！老公叫左個特飲-阿華田雪山，咩係雪山？原來係cream加阿華田，口感更滑更順。埋尾口痕，叫多個煉奶多士做甜品，厚邊多士配煉奶，完美收場。

行過北角見到街坊推薦新開茶餐廳🍴門口有麵包賣，相信一定係自家製造。麵包全部大大個，都係賣$8起，麵包既Size係平日麵包店既2倍，放大版。至於常餐既雞扒撈公，餐包加上炒蛋，基本上一個人都食唔哂，塊雞扒大過我塊面😝同事嗌左乾炒牛河😜都係大大碟同埋勁乾身，唔油脷呀仲有一個餐係豬扒太陽蛋飯，塊豬扒係絕對大過隻手掌，仲要2大塊，真係食完都飽足一日。抵食，大份，推薦大家嚟支持店鋪。職員有禮貌，態度又好滿足既一日

一向有幫襯開炮台山店嘅「四寶食堂」，最近餐廳由 AIA Tower 搬咗去電氣道街市對面，趁今日嚟開呢頭，就順便過來吃頓午餐。餐廳外觀好搶眼，由門面以至內裡裝潢都用上湖水藍為主，色調柔和，感覺清新舒服。由於嚟到正值午市繁忙時間，所以餐牌上嘅選擇都係以套餐為主，只有三個系列，包括精選午餐、招牌推介及港式常餐。點咗香濃沙嗲牛肉麵 ($50) 同 招牌瑞士汁炒牛河 ($58)。麵餐十分抵食，大大碟，配有炒蛋同自家製精選麵包。麵條煮得爽彈，牛肉份量甚多，配上熱氣騰騰的惹味沙嗲湯汁，香濃得讓人忍不住大快朵頤。墨西哥包頂層嘅白霜，奶味濃郁，入口唔會「死甜」，配埋金黃嫩滑嘅炒蛋一齊食，真係無得輸。另外呢碟瑞士汁炒牛河，味道亦很不錯，河粉又滑又有彈性，入口時還略帶點焦香。牛肉肉質好鬆化、鮮嫩味美，加上甜味的濃汁，將河粉和牛肉重重包裹，非常惹味。頭先入嚟嘅時候，見到門口個玻璃櫃入面嘅酥皮蛋撻 ($7@) 同 磨菇雞批 ($12)  好靚仔，賣相非常吸引，一場嚟到，當然要試下。蛋撻做得十分出色，酥皮好鬆脆，食落層次分明，中間的蛋又滑又香，入口不會過甜，充滿茶餐廳風味。雞批亦有水準，皮薄酥香，入面嘅餡料有紅

最近新開咗好多新派嘅茶餐廳，除咗有一般茶記嘅茶餐之外仲有好多新式嘅西餐或者小菜，呢間都唔例外，仲有出爐麵包添！裝修非常少女，乘着大勢用Tiffany Blue顏色裝修同埋佈置，難怪咁受歡迎。同朋友首先嗌左兩個晚市套餐《蟹肉蛋白扒西蘭花》$88西蘭花好爽脆，冇太多嘅調味，蟹肉、蛋白分量都幾多，配合一齊食清清地感覺好健康。每份套餐都會送一個湯，好足料！而且唔會好鹹，飲唔出有味精嘅成份。《四川花膠麻辣雞煲》$98呢個真係要大贊，好有鑊氣！花膠大大片，而且唔會太淋，食起黎有口感，朔晒啲汁好入味👍🏻另外辣度方面啱啱好，適合大部份人嘅口味，雞件都好滑，但略嫌骨太多，冇嗰種啖啖肉嘅感覺，不過味道係十分之好👍🏻《拔絲山楂汁菠蘿咕嚕肉》$88咕嚕肉一向係我最愛，呢個都做得唔錯，首先做到拔絲嘅效果，菠蘿亦都係用新鮮嘅菠蘿，睇得出有誠意。咕嚕肉肥瘦均勻，食起嚟都好Juicy，肉質爽彈，山楂汁唔會太甜，啱啱好！《黑醬胡椒粉絲大蝦煲》$88粉絲唔會太水太濕，整體來講唔算太油，係最尾食到底先有比較油。胡椒味好重，味道啱啱好唔會太咸，大蝦都有四、五隻，推薦👍🏻👍🏻。《檸檬多多梳打》+$7幾好飲，一開始以為好甜，但係

經過北角 見到有間裝修都幾靚嘅茶餐廳 竟然有人排隊所以拉住朋友帶着好奇心落去試吓入到去都幾舒服同埋裝修新𩓙大方菠蘿油菠蘿包仲係熱既同埋都頗為軟熟容易入口之餘又帶有少少奶甜味 瑞士雞髀熟嘅程度啱啱好再加埋啲瑞士汁簡直係一流 雞髀算大份汁調味都好match瑞士雞髀嘅肉裏面都好冧呢度係沙嗲牛常餐嘅炒蛋同埋附上嘅餐包佢呢隻包同菠蘿油嗰包一樣 都係非常軟熟同埋係熱既證明佢哋對食物嘅要求係非常之有心另外炒蛋一見到就知道 佢嘅炒蛋右面又滑 而且係好大份㗎(上)凍啡 (下)凍奶茶都特別推薦嘅係佢嘅凍奶茶 因為真係好濃奶香味唔會淡如水 黃金比例的感覺一共叫咗兩個下午茶餐兩個人食$100有找食物質素各款都很美味 呢間餐廳性價比略高唔單止環境優美 食物嘅味道仲好好味添

住喺炮台山多年，想食個好味的沙嗲牛肉麵都幾困難。前排見到四寶食堂新開張，今日就試一試。 星期日朝早830，都已經要排一排隊先入座，不過又唔洗等好耐。 店員有禮貌帶入座，重要比個卡位我坐。望望餐牌，都好多款早餐可以選擇，不過本人就鍾情沙嗲牛肉麵， 所以都係唔洗諗，就招牌餐啦。招牌餐，香濃沙嗲牛肉麵，嫩滑炒蛋，餐包。早餐送到黎，香噴噴鮮黃色的炒蛋就送到眼前。 炒蛋蛋味濃郁，食落有creamy感覺，重有少少蛋汁，份量重好驚人。沙嗲牛肉麵，沙嗲汁有好香濃的花生味，微辣，沙嗲汁重可以掛麵，變成港式日本沾麵？，牛肉質感似牛頸脊， 厚切，有咬口， 唔似坊間的牛肉，用粉整到林哂，無哂牛肉味。呢個沙嗲牛肉麵果然係招牌餐， 精彩。奶茶就茶味香濃，熱度夠，合我口味。終於喺炮台山終到精彩的沙嗲牛肉麵。

Wow, convenient location, big restaurant, comfy seats, tasty food, strongly recommend visiting. Good friendly service! Newly renovated. Must try this place! Yummy!My friends and I visited this restaurant in North Point. It is close to Olympia Plaza. Very close to HK Jockey club betting place.

專程排隊食早餐，失望而回。沙爹牛依舊好食，彼但米粉底份量少左一半。炒蛋非常差，舊舖嘅炒蛋好滑口感豐富，新店炒蛋散修修碎哂。樓面熟悉的舊伙記唔見哂，莫非廚房師傅也指了班底？總括新不如舊，不會再排隊食。可惜。

四寶食堂有別於平時嘅冰室茶餐廳裝修門面好靚好吸引😍入邊嘅座位都好寛敞唔會坐得好逼夾我哋今次係星期五大約夜晚7點入去食好好彩地咁啱有舒服卡位可以坐😍之後陸續都見到唔少人喺出邊排隊😮😮餐廳staff都好好客 好有效率可想言之呢間冰室質素絕對有保證餐廳好多唔同嘅菜式任你揀佢哋有招牌菜式 eg 沙嗲牛肉公仔麵、蔥油豬扒煎太陽蛋飯etc 而我哋今次就選咗其中一樣招牌菜式：黑蒜油叉燒滑蛋飯想講呢個滑蛋飯非常之有驚喜😍唔好以為係普普通通嘅叉燒滑蛋飯食咗一啖之後 就會明點解係招牌菜啲滑蛋非常之嫩滑～可以話係食過最滑嘅滑蛋飯😮叉燒肉香味美🤩帶有蜜汁燒汁味滑蛋加左黑蒜油&蔥花 好香～撈埋飯一齊食真係越食越上癮😋火龍柚子檸檬雞球MENU超多小菜選擇🤔一定要食d酸酸甜甜嘅食物開胃先可以盡情享用美食。平時食嘅雞塊好容易過酸但係今次嘅芡汁調味恰到好處火龍果、水蜜桃、檸檬三者融為一體👏🏻令雞塊更上一層樓🐓⬆️北海道忌廉粟米.真石斑其實係因為鍾意食粟米🌽🤣（焦點錯左）所以今次就選咗呢一個菜式粟米已經分成六舊好易食又清甜而真焦點嘅真.石斑肉外層脆卜卜入邊肉質軟綿綿再撈埋微甜嘅忌廉粟米汁味道層次👍🏻👍🏻👍🏻蘑菇雞批以雞肉為

呢度叫所有嘢都係好大碟，上菜時我真係有啲嚇親😂 雖然個侍應話：「靚女，係你先有架」但我知道，佢係講笑😂 因為隔離係男人，嗰啲都係咁正咁大碟。夥記真好口😻由是日花膠燉湯開始: 好多料呢個 喜哥蔥油豬扒煎太陽蛋飯，真係無敵蔥油好香，豬扒好大塊好厚，差啲想encore，好飽好高汁🤤 加埋半生熟太陽蛋，撈飯一流🤤薄荷葉炒菜心豬肉：冇見過茶餐廳叫蔬菜，竟然可以咁足份量，而且每一條菜心都沾有薄荷香，好清新，剛剛好可以中和返豬扒飯嘅蔥油味另外，加咗半隻水門雞，仲有一碗飯跟，個雞肉好滑大塊，雞皮少少厚，真係好似喺泰國食到既，佢個甜豉油都好夾，食落比較juicy又滑同場加映：阿華田雪山🍫 好多cream好大杯，如果係小朋友，見到一定會好開心😂

早前見新開張，這間餐牌跟其他分店不一樣，有小菜提供，平日吃其它的都不錯，今日跟朋友叫外賣回家吃。點了晚餐黑椒牛仔骨、干扁肉鬆和牛四季豆、士多啤梨骨。黑椒牛仔骨 - 差不多整盒只有骨和肥膏、雖然味道是不錯、但是份量少得驚人、只有六塊左右、肥膏多過骨和肉，外賣已經沒有折扣、一人一小片。干扁肉鬆和牛四季豆 - 味道不錯、吃到和牛的味道，價錢貴，不值。士多啤梨骨 - 味道可以、惹味，但是都是份量偏少，加多一點配菜成本應該不會太高了吧。

個黑蒜撈面完全唔掂炒蛋買相又唔得 炒得又乾撈面啲面一舊舊 黑蒜油又唔夠最重要塊豬扒 唔係以前舊鋪大大塊又有肥膏係比塊又乾又瘦 完全係feel 到hea 整比你朋友叫咗個喜哥蔥油豬 同埋一個雞翼唔係話剩係得個彈冇讚係大大塊又厚又有肥 都似舊鋪果陣時味道但係唔知點解食到其中一塊 食到好大陣酸臭味我朋友係lun 都lun 唔切出嚟個雞翼買相ok但係食落大中伏！勁大陣雪藏味 肉質又硬 我食咗半舊已經食唔落總括嚟講質素同舊鋪比差咗好多唔會再有下次我希望老闆睇到以上會所改善

對上一次去食四寶食堂嘅沙爹牛肉麵，已經係年多前，在 AIA Tower 舊舖食。今日是搬遷後新舖第一個周日，個早餐相當不錯。第一，沙爹牛肉唔係凍嘅，據經驗，食過不少茶餐廳的沙爹牛肉會是偏凍，與麵湯形成溫差，今次入口沒有一種突然降溫的感覺，而且暖暖地；第二，公仔麵煮到爽口，而且彈牙，沒有煮到過火；第三，炒蛋應該是用牛油炒，牛油味好出，蛋是全熟的，鍾意滑蛋半生熟滑蛋的人，可能未必啱口味喇；第四，餐飽新鮮出爐，熱嘅。整體來說，沙爹牛肉麵做到相當高質素，唯一要改善的是炒蛋過熟的問題。