四寶食堂 (華凱大廈)

营业中

休息中

四寶食堂幾受歡迎都唔洗多講😌長期見到人龍 常餐 碟頭飯 客飯 甚至麵包樣樣都大把選擇🐻今鋪為咗試真d🤭真係豁左出去～叫到一枱都係 十足茶仔放題咁🤤—- ʕ•ﻌ•ʔฅ —-🍍拔絲山楂汁菠蘿咕嚕西班牙黑豚肉聽個名都知威風啦🤣賣相味道都非一般茶仔水準D拔絲勁到可以拉到上天花板😂 咕嚕肉好脆又爽口 酸甜味開胃得黎又唔重口味 就算無白飯都ok喎🙌🏻 伴碟仲要用新鮮菠蘿～成碟都真心驚喜之作✨—- ʕ•ﻌ•ʔฅ —-🍳喜哥蔥油豬扒+嫩滑炒蛋+脆皮菠蘿包呢個常餐樣樣都係招牌👑豬扒好厚身 唔韌唔嚡口 幾juicy🐷蔥油味香 但唔會蓋過肉味炒蛋真係好滑 完全唔老😌色澤仲好靚～.菠蘿包好巨型！脆皮做得好靚 麵包舖都未必有咁高質😍—- ʕ•ﻌ•ʔฅ —-🥦飛魚籽珍珠帶子扒西蘭花 + 養生燉湯就連碟炒菜都要加d魚籽 帶子咁講究😆質素拍得住酒樓～.燉湯都唔係例湯質素😙係藥材燉蟲草花 清甜足料👍🏼絕對唔係味精湯—- ʕ•ﻌ•ʔฅ —-🍞麵包類✨特別推介四寶嘅麵包真係估佢唔到咁好食🤩除左常餐個巨型菠蘿包 其他包都大件夾抵食🤭.🧡麻糬QQ波煙韌！係有少少拉扯感嗰種😙抹茶味食到茶香🍵仲有少少回甘 推介～重點係面頭層脆皮😍

食早餐是健康的好習慣，揀健康的食物也是很重要的，我很少在早餐食肉，多數會食蛋加麥片加蔬菜。今日就係茄蛋三文治加一杯奶茶，新鮮的番茄加上炒滑蛋，厚厚的三文治，份量十足，食完就充滿能量啦。😘😘

今日去開香港島炮台山嗰邊，行下行下見到四寶食堂裝修企理，門面光鮮，就試下佢先。-喜哥蔥油豬扒+嫩滑炒蛋+脆皮菠蘿油👍🏻，呢個晚市常餐，咩都有，豬扒煎得夠香，炒蛋夠creamy. 菠蘿油邪惡得黎夠滿足。-朱古力麻薯波👍🏻，大粒得黎煙韌，朱古力味香。-沙嗲金菇封門牛柳粉絲砂煲👍🏻，肥牛見得多，用封門牛柳都係第一次，封門牛柳非常多，食極都仲有，牛肉味好濃，配埋金菇一齊食，好惹味，推介。-XO醬勝瓜雲耳炒蝦球👍🏻，炮台山店限定，今晚係桃膠雪耳燉湯，飲得出冇味精，蝦球分量多，又彈牙，正。******************************👍🏻好食 | 👌🏻可以 | 😔 難食評分 : 7/10簡評 : 首推沙嗲金菇封門牛柳粉絲砂煲，真心好食

之前食過四寶食堂lunch同埋下午茶，都好好食，今次試埋晚餐都真係好得！晚餐大約80幾蚊，有燉湯、小菜、白飯同埋野飲，性價比好高。今晚叫咗4個小菜：沙嗲金菇封門牛柳粉絲煲、拔絲菠蘿咕嚕西班牙黑豚肉、意大利陳年黑醋豬扒同埋椒鹽豆腐。首先嚟咗個燉湯，味道唔錯，係淡咗少少，以茶餐廳嚟講，水準係超班。我哋一致覺得個椒鹽豆腐係最好食，真係好食過好多出名嘅大酒樓，外皮好脆，入面嫩滑到不得了。拔絲咕嚕肉，炸得好脆，個汁好拉絲，波羅燒過，好甜，好多汁，好有小準。陳年黑醋豬扒有成4爽塊豬扒，真係好誇張，好淋身，好入味，絕對可以餵飽2個細食啲啲嘅人。沙嗲金菇封門牛柳粉絲煲係佢哋嘅推介菜，沙嗲汁好濃好濃，粉絲索曬啲汁，好味。

我食lunch嘅三大原則就係快, 靚,有時唔熟地頭, 只要揾啱人其實都可以食到好嘢.是日上晝去開炮台山, lunchtime揾咗個老死食飯.佢帶路, 去到門口,  唔係呀! 咁多人等緊位!!! 佢一句放心就繼續碌手機.....果然轉頭唔夠5分鐘就有埋卡位坐.MENU我都未睇, 佢就落單叫咗兩個飯.餐飲都幫我叫埋.揾得個MENU來, 兩杯奶茶已經上枱.即沖港式奶茶茶味濃, 少澀而夠滑口.『拔道腩』水門雞飯 $65"拔道腩, 即係泰國曼谷水門街."朋友開始解釋."水門雞飯, 你可以理解為有泰國風味嘅海南雞飯."皮薄肉嫩, 雞肉的脂肪剛剛好.點埋醬, 一入口就食到泰國風味.油飯香噴噴, 粒粒分明.跟飯配埋有香濃胡椒味嘅清湯一碗.黑蒜油叉燒滑蛋飯 $58熱辣辣, 夠哂鑊氣!!滑蛋好嫩滑, 叉燒肥瘦均勻.配飯食真係一流, 兩個人三扒兩撥就KO哂!!!兩個人share來食, 可以一次過食哂兩樣好嘢!! 

好耐冇食過四寶食堂，所以嗰日見唔算好多人排隊即刻入去食。晚餐多好多嘢食揀，今次都係試咗佢個招牌黑蒜油叉燒滑蛋飯，好香黑蒜油味，另外值得一讚嘅係滑蛋好多，每一啖都有咁滯，自己係好鍾意食蛋撈飯，加埋佢嘅豉油，推介！另外仲叫左一個特別嘅星馬菜，黑醬油胡椒粉絲大蝦煲，大蝦好大隻，有三隻，蝦好新鮮另外亦都入晒黑胡椒嘅味道。另外佢嘅粉絲配飯好惹味，不過粉絲都真係太多，最後都有少少食唔晒。另外想講吓佢可以加$20轉餐，有每一日嘅老火湯，我哋今日嘅湯係雪梨海底椰湯，非常清甜，同埋真係好足料！每一次去親四寶食堂都多左嘢食揀，越來越多唔同嘢食可以試。

蟲草花杞子高湯浸時蔬高湯清甜健康，叫左菜心，菜都新鮮又甜黑蒜油叉燒滑蛋飯黑蒜油超香濃，叉燒又大件，飯夠乾，撈汁一流！叉燒同蛋份量又多，價錢平，性價比超高低調沙嗲金菇封門牛柳粉絲砂煲個名叫低調，上到泥勁高調！沙嗲又濃又傑！封門柳都叫重味，配翻咁高調既沙嗲同粉絲金菇真係多多飯都食得落！拔道腩水門雞半隻好肥美既一隻雞，無論邊個位都好滑，皮下脂肪都叫多，刮出泥再點個辣汁，超好食！我自己再問店員攞左蔥油，另一翻風味。檸檬利賓納梳打酥皮蛋撻抹茶QQ麻薯包

呢日係北角上完 full-day training ，同飯腳去附近搵野食，見到呢間茶餐廳光猛企理，入去試試～叫咗兩個摩登家常小菜，再加多個🥬🥬🔸低調沙嗲金菇封門牛柳粉絲砂煲呢個小菜嘅名幾攪笑，話就話「低調」但味道一啲都唔低調，封門牛柳牛味濃郁，粉絲、金菇同芽菜仔都入哂味，送飯一流🍚，鍾意食重重牛味嘅朋友必選～🐮💯🔸拔道腩水門雞Order 咗半隻雞，望落都幾大碟啵雞件擺得幾靚靚整齊，仲加埋沙律菜伴碟雞肉嫰滑，味道清清地個Pratunam 汁係靈魂，一點即出水門風味🇹🇭 不過今日未有配經典嘅雞飯，若有所失～🔸蟲草花高湯浸時蔬時蔬可以揀：芥蘭、菜心、西蘭花……揀咗芥蘭，芥蘭煮得啱啱好，口感微微爽脆高湯浸到啲菜好好味蟲草花都幾粗壯，仲有好多杞子添芥蘭份量好多，無諗過碟菜咁大碟，今日蔬菜吸取量即時達標！✌🏼呢到食物份量好足Order 佢嘅摩登家常小菜，仲可以用💲2️⃣0️⃣優惠價升級套餐，💲2️⃣0️⃣多碗養生燉湯、白飯，同埋飲品，超值組合 👍🏻🔸千層酥皮蛋撻同飯腳吃得飽飽的，但我嗰個甜品胃仲有位喎 😈叫多個千層酥皮蛋撻先雖然蛋撻唔係新鮮出爐，但個皮都仲幾脆，啲蛋蛋仲好滑添～食埋個蛋撻，完美作結～～～

通常食嘢有好多選擇，貴有貴好食，平也有平的樂趣，四處去食吓，也是享受人生？今次相約舊同事聊天，便選擇去茶餐廳去食港式下午茶。二時半到達，要排隊，也等了20分鐘才有位。我在這條街便行上行落，也見到有其他好幾間茶餐廳，但也沒有龍要排隊。坐下後.，看看餐牌便明白，下午茶餐，大約也有十款選擇，最平是廿幾蚊最貴也是42蚊左右,實在好平。我叫了一份瑞士雞髀/菠蘿油加熱鴛鴦，另一份是餐蛋治烘底加咖啡，最後一份便是薄牛肉餐加檸茶。味道都幾好，有港式茶餐廳的味道，同埋好大份好夠食。我們在哪裏聊天大約兩個鐘頭，冇人趕你走，幾好。茶餐廳中，這間好抵食，同那些大集團嘅茶餐廳相比，這間好得多。差不多的價錢，又同連鎖快餐店相比，味道就好得多了！

茶餐廳是香港最大特色,連外國遊客也喜愛到此吃。現在的茶餐廳裝修,越來越漂亮,有些可以打卡。就像北角的四寶食堂,光看門面一點不像茶餐廳,顏色是部份港女至愛Tiffany blue💖但它還保留最大特色之一~麵包櫥窗。光看一個個脹卜卜的麵包,令我流口水了。-HK$7/個酥皮蛋撻~可以看到酥皮的層次,手拿起來還微暖,咬下去有化開感覺又不太油,甜度剛好又夠滑；-HK$65水門雞飯(少飯版）~嘩,好多件雞。雞皮下沒有多餘脂肪,肉質緊緻又滑。白飯粒粒分明,軟硬適中,傳統風味醬汁拌飯蘸上及雞件,份外惹味。水門雞飯贈送的例湯材料十足,輕微的胡椒辣味是我杯茶😆-HK$15阿華田雪山（跟餐價）~點單的時候我不知道水門雞飯是有例湯送😅所以點了阿華田雪山🤣。超大杯的阿華田雪山,超多軟滑的忌廉,阿華田甜度剛好。如果在忌廉上再灑勁多勁多阿華田粉會更加興奮。😜-一個人吃了這麼多的東西,總共是HK$87元,食物的分量大,味道不會太鹹或過甜。幫我落單的侍應十分風趣。

晚飯想飲湯，看到這裡有燉湯供應，於是入來試試。今晚是五指毛桃燉唐排，正合心意。兩人點兩套餐，＄88的套餐包一碗湯，一個送 ，一碗飯，一杯飲品，可算實惠，但食材就認真麻麻。😒湯好淡，有湯渣，但都係無乜味。我叫左豬軟骨煲，調味都還可以，但豬肉就係好柴兼無味，碗飯就正常，夠熱，飯後仲有一杯飲品。生意難做，將貨就價都是常用的手法。😮‍💨

餐廳：四寶食堂 (北角)地址：北角電氣道258號華凱大廈地下Ｃ＆Ｄ號舖以湖水綠色成為茶餐廳特色之一嘅四寶食堂 @soulkitchen729 有三間分店，一間喺旺角，另外兩間分別位於銅鑼灣同北角，之前去過旺角店食dinner，今次去咗北角分店，喺門口就聞到勁香嘅麵包味🤤，作為麵包控嘅我索性入去食個lunch再試吓佢哋啲麵包🥯Lunch time有招牌推介、港式常餐同午市套餐三大類，價錢都只喺介乎$50-$68，難怪吸引咁多人大排長龍食lunch啦，連外國人都有唔少，等我都排埋一份先😜✝️黑蒜油叉燒滑蛋飯 $58超大份嘅叉燒滑蛋，未食都已經睇到蛋嘅嫩滑，仲見到輕微帶有蛋漿😍，中間夾雜住蔥花同一舊舊叉燒，當然唔少得黑蒜油嘅香味配搭啦😋，淨喺食完呢個飯都夠晒飽肚👍✝️蕃茄薯仔牛肉通粉 $54呢個常餐配嫩滑炒蛋同自家製精選麵包，原來喺我嘅至愛——迷你菠蘿包💕，雖然唔喺熱辣辣，但喺食落仲喺暖同鬆脆；蕃茄湯底清甜順喉🍅，食唔出有味精味，除咗軟嫩嘅生牛肉之餘，仲有軟腍嘅薯仔同入味嘅豬𦟌，以常餐嚟睇價錢好似貴咗少少，但以質素嚟講都值得一試話明喺比佢哋嘅麵包香吸引入嚟食lunch，又點可以唔試佢哋嘅包包呢😎

假期約埋朋友一齊歎個早餐吹下水，呢到真係啱曬！首先交通方便，離地鐵站好近。但人氣好高！朝早排隊嘅人比較多，嚟食需要預鬆小小時間。價錢實惠，試咗佢哋來all day breakfast都覺得口味不俗，好值得嘗試👍🏻

每天食早餐是健康的好習慣，香港西式早餐不外是幾大類，雞蛋，麥片，粉麵，包點，火腿，腸仔，煙肉等，一杯好的奶茶會令人精神一振，會令平凡的早餐生色不少，很喜歡這裡的奶茶，茶香色靚，入口不澀，夠熱夠大杯，飲完叉足電的感覺。😀

Tiffany blue嘅茶餐廳之前喺旺角已經離遠見到，呢款裝修風格感覺新派，呢日特登近近地黎北角分店食晏。茶記我最鍾意就係食常餐架喇，炒蛋，多士同奶茶永遠都係我最愛嘅茶記配搭，呢度有我最鍾意嘅蕃茄湯通粉！至於朋友就嗌左個撈丁。50幾蚊食到飽飽😚☝️蕃茄薯仔牛肉通粉。蕃茄湯鮮甜唔會特別好酸，牛肉都夠冧，份量都好夠。炒蛋比一般茶記大份，估唔到，仲配埋個自家制好軟熟嘅餐包，好滿足啊！杯熱奶茶都好香滑啊，完全唔洗落糖都唔會有苦澀味，證明奶同茶嘅份量調得剛好👆🏻黑蒜蔥油豚肉眼撈公仔麵。朋友嗌果碟蔥油香味勁香勁吸引，特別要推介下個豚肉係超級冧身好好食啊，仲有成兩大塊雖然撈丁係好邪惡嘅一樣野但下次黎我要跟風嗌返同一樣野再食過