四寶食堂 (華凱大廈)

营业中

休息中

星期六都要返半晝咁辛苦，於是我放工就約左朋友係北角嘅茶餐廳食午餐。呢間店都好多人去食，不過好在唔使等幾耐就入到去坐啦。餐牌上嘅選擇都好多，留意到呢間餐廳好似有比較多係用黑蒜油整嘅菜式。首先，黑蒜油叉燒滑蛋飯份量好足，黑蒜油嘅味帶出耳目一新嘅感覺，滑蛋多到蓋住哂成碟飯，值得推薦。拔道腩水門雞飯嘅雞肉好嫩滑，又夠多，點埋個醬汁黎食幾夾。而黑蒜蔥油豚肉眼撈公仔麵個塊豚肉眼係好大塊，用刀切係勁容易，唔使用力都輕鬆切到，油脂香令到成件事好滋味。通常黎到茶記，我都會嗌凍檸茶，呢間嘅茶底幾靚，再加上大熱天時飲呢杯野真係解渴呢。