四寶食堂 (華凱大廈)

营业中

休息中

大家都知我銅鑼灣食神近來好注重食肆嘅禮貌！剛剛嚟到呢一間又係呼呼喝喝，大家如果睇OpenRice嘅可唔可以用腳抵制一下佢等佢改變一下！好實際嘅嘢OK好食但咁樣守頭關嘅人喺度係咁講趕客咁樣整個集團係冇將來好事實隔離幾間都幾好食你哋咁樣做會浪費廚房好品質唔係講笑我作為銅鑼灣食神我都睇唔過眼希望你哋做好啲我咁多年我都好中立㗎喇壓力大嘅員工休息多啲讓更加多職位出現更加好我就有咁嘅意見啦已經好中立！希望睇到

其實我之前喺網上面見到呢間餐廳，有唔少人都講室友佈置得好靚。我自己都幾中意Tiffany Blue 😍咁講返嘢食先啦，今次呢就同朋友叫咗幾樣嘢食因為樣樣都想試，好難取捨沙嗲牛肉麵+火腿炒蛋+菠蘿油並非一般茶餐廳既沙爹牛肉，而係沙嗲醬有非常香濃既花生味🥜 醬汁濃郁，唔會水汪汪甘，而且牛肉味重亦有咬口 炒蛋嫩滑creamy，係蛋味差左少少。已經有價錢來講已經係超級抵食。 菠蘿油表皮香脆，包身鬆化，加埋牛油既油香味 邪惡之選🤤🤤我自己應該都好耐冇食過菠蘿油拔絲山渣汁菠蘿咕嚕肉可能因為加左山渣汁既關係，醬汁變得清甜而無左一般咕嚕肉既死甜，甜酸balance剛好。而咕嚕肉炸得岩岩好，香脆而juicy 拔絲效果滿分。如果鐘意拔絲效果既朋友就唔好錯過啦! 😋😋 就算食到最後咕嚕肉亦都好脆口，值得一讚火龍果柚子檸檬雞球比起一般西檸雞多左柚子既清香，雞球同咕嚕肉相比之下就冇咁脆身。但肉質juicy 唔會乾噌噌，淨係得炸皮無涵。如果連續食左幾塊雞球覺得濃味 可以食一塊火龍果解一解膩👍👍薄荷菜心苗炒黑豚肉菜心苗有薄荷香味夠哂特別🌱 但出奇地夾 黑豚肉份量多得驚人😱😱一堆肉山甘😂黑醬胡椒粉絲大蝦煲必食推介!

下午茶幫襯四寶食堂，好抵食！餐廳門口有出爐麵包櫃，麵包款式多，琳瑯滿目，套餐仲可以叫菠蘿油添！瑞士汁雞髀配菠蘿油($38)熱辣辣菠蘿包加牛油，充滿港式風味！雞髀入晒味，呢個套餐抵食夾大件！蔥花鹹牛肉炒蛋三文治($34)三文治非常厚身，好足料，亦好飽肚！呢度的下午茶去到6點，其實當一個early dinner都唔錯！過左6點後有晚市常餐，一樣滿足到想食菠蘿油的人。招牌沙爹牛肉公仔麵，配炒蛋、火腿、菠蘿油($55)朋友遲到就只好食常餐吧，份量比下午茶更多，更飽肚，沙爹牛肉味道調教得較甜，怕辣者都啱食架！

「今晚 .. 可摸耳陪我食飯.」「可摸耳 ? 摸你隻耳 ? 」我回道 . 「可唔可以陪我食飯 ? 我係北角 . 」「可以 , 但你要等我搭車過黎.」我回道 . 「Okay.」一見面 , 佢就俾咗一箱野我拎住 . 原本我都唔知點解突然約我 , 直至我細細聲問佢呢箱唔通毒品黎 ? 佢先講我聽 佢今日俾人炒魷魚 佢今日炒左老闆魷魚.「咁今餐我請啦 , 當補償我咁遲先到.」(哄下佢都應該既)因為有一大箱野 , 所以就搵咗呢間坐得舒服啲又有卡位既四寶食堂 .點知佢一落單就落咗一個叉燒滑蛋飯同三道小菜 (一碟檸檬雞球 , 一碟忌廉栗米石班塊, 一碟椒鹽豆腐 ) , 仲想飲啤酒 !!!!!!!! 化悲憤為食量 ??????野食就隨佢叫啦 , 但啤酒就唔好啦 . 我見小菜加20蚊就可以升級套餐 , 有個養生燉湯 , 就呢個啦 , 再加杯忌廉紅豆冰俾佢 .叉燒滑蛋飯一上枱俾佢嚇親 , 洗唔洗咁大碟 !?  啲叉燒蛋鋪得好滿 , 叉燒唔嚡口 , 滑蛋冇水汪汪亦冇過老 , 淋係面既黑蒜油幾好 , 令整體食落冇咁膩 .不過我最大疑問係佢究竟用咗幾多隻蛋 ? 檸檬雞球 睇返餐牌全名應該係火龍果柚子檸檬雞球 , 

經過北角唔知食咩好 見到呢間茶記都幾多人 一於入去試下！去茶記有沙爹牛面就一定會叫，今次都吾例外，仲要聼講呢度沙爹牛面好出名。我地仲叫左黑醬胡椒粉絲大蝦同半隻水門鷄黑醬胡椒粉絲大蝦係餐牌見到已經覺得好吸引要試！黎到完全無失望用沙煲上 wok氣一流比左3隻大蝦 真係好大隻 彈牙粉絲炒到好乾身 胡椒入曬味 送飯好正！水門鷄 半隻 +20 轉餐我地見半隻都只係88 仲要加餐只係加20好抵就叫左結果好驚喜！水門鷄鷄肉好滑嫩 點醬汁同係泰國食既水門雞有過之而無不及！燉湯好足料 好多藥材 感覺好補沙爹牛火腿炒蛋公仔面麵煮得爽彈，牛肉軟嫩，湯汁濃濃既沙爹味，果然係其中一樣招牌跟餐配左個菠蘿油 個菠蘿包超大個食完都飽左一半lol塊油就略細塊 食食下就得反個包每樣野食分量都好大兜！好抵食 推薦！

今日黎到四寶食堂（北角炮台山）試下新式地道茶記先~呢間店好新,裝修好靚, 好適合打卡, 店員安排左卡位比我坐, 好闊落好舒服,餐牌有埋圖, 好易睇。傳菜速度快。店員態度良好, 親切 經典叉燒滑蛋飯係用大碟裝,可想言之有幾大碟幾飽肚! 叫左小飯都仲係好多飯~ 一D都唔孤寒, 滑蛋係完全覆蓋哂D飯, 而且超滑, 叉燒肥瘦適中, 大片, 加埋小小鼓油同蔥花真係好好撈飯!香煎紐西蘭牛扒餐 (包括有嫩滑炒蛋, 脆皮菠蘿油)牛扒可要求唔好煎咁熟, 我呢塊就岩岩好, 炒滑蛋係一如以往好滑好食! 菠蘿油好出色勝在菠蘿包夠熱夠脆, 而牛油夠凍; 牛油好貼心地係冰鎮, 自己將牛油夾入菠蘿包內, 牛油既香咸味太正! 而且大塊, 雖然好邪惡! 但一定要試!

成日經過四寶見到門口都好多人排隊，今日早左收工就過嚟試吓佢👍🏻好味，無得彈👍🏻門口大大張poster 介紹蔥油豬扒煎蛋飯，於是就試試佢，另外朋友仲叫左肉絲兩面黃同椒鹽豆腐磚。我大大力推介呢個蔥油豬扒蛋飯👍🏻👍🏻一上枱我同朋友都 嘩！左一聲，件豬扒成隻碟咁大塊，仲要唔係薄喎，睇份量十分足料。豬扒仲要煎到金黃色，望上去已經十分juicy ,咬落仲正，D油岩岩好係豬扒面層，食入口唔會太乾，雖然咁厚但都唔難咬開，肉質好鬆軟滋味😋😋仲有個蔥油，撈飯一流👍🏻豬扒，蔥油，太陽蛋，全部都高質♥️一啖蛋黃蔥油飯+一啖juicy 豬扒！大家真係必須要叫！好好食！朋友叫個肉絲兩面黃都好正😋個面炸到成個小山丘咁🤩4個字金黃香脆！肉絲汁濃稠足料，配合個香口脆面岩岩口。椒鹽豆腐磚，外皮咸香脆口，𥚃面豆腐嫩滑，一人一舊好快清曬🤩總結所有食物都好高質，上菜又快，環境都好乾浄，如果呢間四寶開係我樓下我實日日都落去食😋

喺東區有好多唔係好貴但又可以食飽飽嘅餐廳，尤其係北角/炮台山呢一晚同一個朋友想食啲酒樓菜，發掘到四寶食堂，原來喺東區人之間都有一定知名度！ 必食推介好吸引，好多都係茶記食物價錢好實惠亦有啲家常啲但喺屋企比較難整得好食嘅菜式健康啲叫個浸時蔬高湯係蟲草花湯，有好多蟲草花同杞子清清甜甜咁，我哋揀白菜仔都好淋無渣火龍柚子檸檬雞球芡汁酸酸甜甜好開胃同適合送飯雞球大概係一口size，炸衣薄薄哋同脆，唔錯招牌菜之一：蔥油豬扒煎蛋飯豬扒好厚好大件，蔥油係比較爽身，係我比較鍾意嘅口感大份同女仔可以兩個人share，勁抵食朱古力雪山，睇隻杯同其他物件嘅對照就知有幾大朱古力比預期滑同香，有少少偏甜面頭仲有大量忌廉，好懷舊呀🤣

夜晚約咗朋友食飯，於是就嚟到呢一間四寶食堂食晚飯。食物款式都幾多，除咗有晚餐之外，都可以單點餐牌裏面嘅食物，價錢合理。星加坡黑醬胡椒粉絲大蝦煲一上枱就聞到好香胡椒味，蝦大大隻，新鮮爽口彈牙，粉絲夠乾身，軟硬適中，索哂胡椒味道，味道濃郁。香煎紐西蘭牛扒配嫩滑炒蛋及脆皮菠蘿油牛扒煎得啱啱好，唔會過熟，肉質幾腍，都有肉味，外層煎得幾香口，另外配有蘑菇汁，令味道更豐富。炒蛋好嫩滑，重蛋味同牛油香。菠蘿油係分開上，牛油冰鎮住，菠蘿包熱辣辣，外皮脆卜卜，麵包鬆軟，夾埋厚切牛油，內冷外熱嘅感覺好正。邪惡鹹蛋奶黃流心西多士賣相都幾邪惡，多士好厚，炸到金黃色，裏面係鹹蛋流心奶黃，奶黃味道突出，帶有鹹蛋黃嘅鹹香， 咸甜咸甜既味道，好好食熱奶茶奶茶好夠熱，奶同茶嘅比例恰到好處，奶味唔會蓋過茶味，入口細滑，茶味香濃檸檬多多梳打賣相好靚，新鮮檸檬汁配上益力多同梳打，味道好夾，酸酸甜甜好開胃柚子氣泡茶柚子味幾出，甜度岩岩好，茶味濃，配搭得幾好雪山紅豆冰面頭好大pat cream，口感軟滑，紅豆多而且飽滿，起晒沙口感綿密，唔會好甜。配埋淡奶，好好飲。

2021年11月10日 晴上次食完銅鑼灣四寶太驚豔, 特登又試下北角呢間分店北角呢間主要係中式, 而銅鑼灣就西式為主黑蒜油叉燒滑蛋飯 $58黑蒜油好香, 幾特別。另外叫店員拎多左dou 豉油, 豉油都好香。滑蛋同叉燒都好多, 叉燒半肥燒, arm arm 好星加坡黑醬油胡椒粉絲大蝦煲 $88有三隻大蝦, 啖啖肉粉絲重胡椒味, 吸曬d 汁, 好食整體偏乾身, 就咁食粉絲好惹味。都見好多枱客叫呢個餸泰式腩肉炒椰菜苗 $72食落惹味, 似燒肉炒菜, 有d 汁送飯arm arm 好燒肉超多食唔曬, 我地話太多肉la靚哥話梗係la, 我地好足料ga ma小菜+$20 可轉套餐, 有湯有飯有野飲今晚係川芎百子湯, 好足料, 入口有濃濃藥材味本身叉燒飯+$20一個湯, 一個跟小菜+$20轉套餐, 點知姐姐話兩個小菜轉套餐抵d, 變左好多飯食野飲叫左男朋友飲過翻尋味ge 阿華田雪山+$7, 而我就熱朱古力埋單total $265, 抵！上次想食ge 菠蘿油又飽到食唔到了...唯有下次再食

係炮台山呢個小社區入面，四寶食堂絕對係值得一試，之前都已經試過銅鑼灣分店係唔錯。我地叫左個常餐牛油多士炒蛋同沙嗲牛肉公仔面，茶記必食😝牛油多士夠鬆軟，烘到微脆，唔錯～炒蛋賣相同味道不錯，唔會太生太熟，幾香幾滑。沙嗲牛肉公仔面有非常香濃既沙嗲味，牛肉份量又多，比起一般茶記質素高，要試！🤤我地仲叫左個瑞士汁乾炒牛河，加左瑞士汁的乾炒牛河顏色比較深，但唔會太濃味，無蓋過牛肉同炒河個種風味，非常推介大家試下。拔絲山渣汁菠蘿咕嚕肉，咕嚕肉唔厚粉，而且啖啖肉，加埋拔絲山渣汁酸酸甜甜配合得幾好，個汁真係可以拔絲！雖然食落會有少少倫盡，但效果十足😆菠蘿仲大大舊非常鮮甜，大滿足！！

星期日要返公司開OT, 心情十分不爽， 所以要對自己好d, 嘆返個豐富早餐先係good morning. 於是行去屋企附近的茶餐廳"四寶食堂", 平時經過呢間茶記都係要排長龍。 今日0830 都唔例外， 大約等左5分鐘， 終於入座， 望望餐牌， 有火腿通粉果, 多士餐等等。 但聽聞佢地出名係沙爹牛肉麵， 於是就叫左呢個招牌餐。招牌餐除左沙爹牛肉麵外， 重配炒滑蛋同餐包。 滑蛋炒得非常嫩滑， 剛剛熟，有蛋汁，亦有香濃蛋味。沙爹牛肉麵， 沙爹汁好香， 有花生醬味， 唔會好甜， 帶少少辣味， 非常可口。 加上個沙爹汁，杰杰地， 可以做到掛麵效果，好食。

四寶用上Tiffany Blue色調喺電氣道好搶眼💛嗱時段經過都有一條小小嘅人龍，等咗5分鐘入座完就快快手叫完餐，等一陣就有得食。喜哥蔥油豬扒太陽蛋飯 $58好多人都食呢個招牌菜，大大件豬扒啖啖肉，肉質唔鬆散，爽口又醃得夠味。蔥油同大陽蛋加埋甜豉油送飯一流！常餐B $50香濃沙嗲牛肉麵配嫩滑炒蛋 及 自家制精選麵包牛肉有咬口唔會嗱到鬆晒，沙嗲汁香濃有花生粒，撈勻沙嗲汁去爽口嘅麵度，味道啱啱好。炒蛋滑得嚟唔會油淋淋，麵包係比較少見嘅墨西哥包，甜甜地仲要係實心包，幾好食又特別。午餐香芋臘味炒飯配雙冬羊腩 $68秋風剛起，臘味羊腩缺一不可，羊腩炆得又香又夠入味，香芋臘味炒飯足料，啖啖都食到芋頭粒同臘味粒，用白飯炒比起糯米飯易消化亦少咗份肥膩感餐飲我哋分別叫咗熱奶茶同埋茶走，茶味非常之濃郁，飲落亦都好順滑。茶走加咗煉奶，成杯奶茶就更加香滑總結：性價比極高，咁嘅價錢咁嘅份量仲要係高質素，唔怪得真係咁多人排隊食。

森仔去左北角探朋友，之後一起去附近食晚飯聚聚舊。今次搵到間幾高質嘅茶餐廳：四寶食堂。😻😻😻之前我喺炮台山返工知道應該喺AIA附近，但原來近來轉去了北角渣華道街市對面。唯一不變的是地點方便，附近人流也不少。而改善嘅地方就多了，地方大了，有外賣包點直接購買，菜式更加是多了很多很多，讓人目不暇給。有選擇困難症嘅森仔用了好一陣時間才能決定好菜式😹😹😹當日我叫左經典黑蒜油叉燒滑蛋飯，老火養生燉湯套餐之魚香茄子🍆鮑魚雞粒煲和拔絲山楂汁菠蘿咕嚕西班牙黑豚肉😻😻😻嗜食嘅森仔將他們分了個高低排名🥇🥈🥉🥇黑蒜油叉燒滑蛋飯呢個叉燒滑蛋飯本身已經係冰室🍴經典又招牌嘅食品🤤🤤美味已經係必定的🤫大大件肥瘦適中嘅蜜汁叉燒再配上香滑炒蛋，真係100分😍不過，餐廳🍴仍然在尋進步，嘗改用黑蒜油取替甜豉油，帶來新味覺衝擊。獨特而香濃嘅黑蒜油，真係香濃到不行。而當中叉燒滑蛋嘅份量真係不得了，起碼有3隻蛋嘅份量，真係抵食到爆！又好食又足料，真係每次森仔都會必叫👍🏻👍🏻👍🏻👍🏻🥈拔絲山楂汁菠蘿咕嚕西班牙黑豚肉呢個就係森仔從未試過嘅新菜式。佢個醬汁真係超級無敵正，酸酸甜甜，真係做到拉絲嘅效果🤪🤪🤪而西班牙黑豚肉係貨真價實，有優質豚

睇食評見好多人都叫滑蛋叉燒飯, 所以一坐低餐牌都唔使睇, 即叫一份黎食, 嘩~快到呢, 唔使5分鐘, 侍應就奉上一碟上枱, 以為係整定的, 又唔係喎, D滑蛋係熱辣辣, 真係超級正呀!蛋, 確實非常之滑而且仲有蛋香, 有好多叉燒, 嚿嚿都嫩滑, 佢地係絕配呀~😋😋食食才醒起未叫其他嘢添, 見有個水門雞$88有半隻, 好抵食喎, 份量唔少, 肉質都算滑流。😍😍跟住餐牌又有個吸睛嘅黑醬胡椒粉絲大蝦煲, 依~個煲上枱同餐牌張相一樣咁靚, 蝦確實係大蝦, 而且仲好爽口彈牙, 粉絲都好大堆頭, 每一口粉絲都有香濃嘅胡椒, 哈哈, 食唔停咀啊!👍🏻👍🏻見到餐牌有好多一人前養生燉湯晚餐, 好吸引呢, 不過, 兩個人真係無辦法再叫啦, 下次, 下次....後會總有期!😜