四季‧悅 日本餐廳 (遠東金融中心)

营业中

休息中

見上網有coupon， 咪買兩張試下，約咗屋企人去食， 六點鐘到達， 見舖面細細裝修幾靚， 諗住今次有口福， 上網見話出名食手握壽司， 好失望魚生唔新鮮，手握壽司 明顯一早整定放喺雪櫃等人嗌都唔係即叫即做沒有良心過飯好似未煮熟咁咬落粒粒有心。 真係好失望 ，啲魚生真係好不知所謂。間嘢仲差過旺角嗰啲200蚊左右的放題， 見佢裝修咁靚諗住可以安安靜靜食一餐點知嘈個花墟。不過勝在員工有禮，有笑容，希望下次更好。

約咗一位好耐冇見嘅舊朋友食飯，呢位朋友在港島返工，而且出名忙收工夜。約佢食飯亦一定要在港島。為咗方便大家搭車，我做咗一輪資料蒐集，揀咗位於金鐘嘅四季悅日式放題。食物選擇唔係特別多，但係基本野一定有，而且都好齊。每人送一隻磯燒鮑魚，鮑魚有半個掌心咁大，都幾好肉。第一輪當然先叫刺身啦，刺身不過不失，有鮮味。壽司賣相亦唔錯，軍艦手卷樣樣都做得好精緻，而且都好足料。貴價小小嘅食材例如海膽，三文魚子等等都有齊。我比較欣賞佢哋貨真價實，收得呢個價錢就有齊咁多款食物，唔會樣樣都話冇貨，叫幾多上足幾多。熟食方面，最欣賞係西京燒同埋燒鰻魚。燒鰻魚表皮香脆，鰻魚汁甜甜地，幾惹味。西京燒係放題中比較少見嘅，因為都幾花功夫，甜甜地當中有滲出魚油嘅香味，好好食。其他食物其實都唔錯，但相對驚喜無咁大。佢哋嘅甜品亦都好有誠意，用個小奶樽裝住嘅牛奶奶凍，賣相好吸引。最後埋單一人四百幾蚊，放題來講唔算平，但係地點、環境、服務、食物選擇等等，都算係唔錯，算係值回票價。

7號個日放工之後同屋企人去食放題，質素比較差。我覺得啲魚生好腥，啲壽司飯好硬，好似喺雪櫃拎出嚟咁。飲品選擇係冇嘅，只係得橙汁同埋茶，而且佢個茶唔好飲。甜品方面，選擇好少，其中一個係限量每人一份嘅，我叫佢做 「布甸伴罐頭水果」。布甸係正常味道的，唔會太甜，但係用罐頭水果伴碟就有啲令人唔開心。唯一比較好嘅地方係，佢的環境好乾淨同埋坐得好舒服。黎嘢食都黎得足，我食得比較多的是雞軟骨，都燒得幾好味，而且Order左幾多串就真係係黎足。

乜原來金鐘都有放題，應該係高質啲啦，所以就同朋友去試下啦。仲有得要杯梅酒。都幾香㗎。原來天婦羅蟹柳都好好味。炸粉又唔太厚喎。係我至愛嘅海蜇呢。加埋青瓜絲清啲又爽口。溏心蛋啊。真係溏心仲有少少流心。蛋白又岩岩好，又幾入味。嘻嘻，又邊少得熱氣嘅炸物啊。又唔會好油膩呢。天哪。估唔到放題都會有海膽壽司啊。仲要係質素都唔係好差㗎，都唔會太腥臭。係刺身呢，種類都幾多下，而且都新鮮。又有冷麵， 樣樣細細碟，咁樣都幾好。可以叫多啲唔同嘅嘢食。估唔到羊架都唔差喎，調味唔錯，又唔會好重羶味。仲有明治雪糕，嘻嘻。

好耐無食過日式放題，與友人行黎到金鐘‘四季悅’食晚飯放題。老實說第一次系金鐘食放題，系呢個地段開得放題，一定有距ge過人之處！門口非常大氣，裝修都有日本風味，經過一個長長ge壽司吧臺之後就係餐廳ge大廳，檯凳都多，可以一次容納好多人。刺身叫了甜蝦，三文魚，吞拿魚，榮螺，油柑魚，反正就樣樣叫d啦用一個刺身盤形式呈上，擺盤都ok，不過就唔係叫咗好多。無乜雪味,特別個甜蝦,放題有得任食甜蝦真係好正。特別提呢度個壽司系有海膽壽司,好正啊連海膽都可以任食,不過切勿浪費啊大家,量力而為^^海膽出奇地幾好,無想象中ge腥,意外驚喜,因為見佢個擺盤麻麻所以本身有啲擔心友人系海膽狂,加咗幾次單都無漏單,不錯不錯!另外都試左佢少少熱食，有天婦羅同串燒。呢度放題,距會送每人一份羊架同冰鎮鮑魚。羊架好嫩滑，燒得幾好，無so味，配合距提供ge薄荷醬，好想食多件啊><冰鎮鮑魚，好夠味，鮮！肉質彈牙可口！奈何又係得一份，回味無窮。食物款式都算好多，分量足夠一兩個人食，唔會一次過上太多搞到食唔晒。呢個鰻魚有驚喜！見佢細細份，但係啲醬汁同個鰻魚燒得好好，如果有碗白飯送就好鍾意食蛋嘅人唔可以放過！我覺得4

遲來的一篇食記用餐當日係2月1日 我係有買coupon 去食的，折實價係$398 一位 我去呢間食 係睇中左 佢有四個鐘 可以慢慢食 同埋有海膽壽司呢個放題 係有包一隻鮮鮑魚+羊架 +梅酒 各一然後咁我就開始叫野食啦，我入座果時 全場只有兩台客。 咁我叫完之後就慢慢等啦 話哂都4個鐘， 之後佢每樣野都黎得好散 足足等左45分鐘都未黎得齊野 當時5台客都冇。 其次 當日佢係冇海膽提供！ 我話六點開場 我已經六點到啦話 咁快冇海膽。 server 只係講句 今日冇海膽。 唔好意思都冇。 之後 我當自已唔好彩啦。 結果有樣野我叫左3次佢都係冇黎(遲左post 唔記得係咩), 其他野食都係黎得好慢 好甩單超嚴重。而味道上只係一般 亦都冇咩貴價野食可以叫飲品只係得 桃茶or橙汁甜品 都只係得兩款 而且供應每人各1 p. s. 只有一樣野係讚既。 coupon 本來係有期限 但我臨時不在hk, 餐廳亦都可以比我推遲2星期内再黎食。

行完山很肚餓，大象也吃得下。知道附近有間日本放題，就來試試。 餐廳位於夏愨道旁的遠東金融中心，地點方便。 餐廳空間很大，但枱不算很多。枱與枱之間的距離十足，讓人坐得非常舒適，比一般日式放題餐廳好。放題6-10pm，不會分兩場。我們6點多入座，已經有7-8成滿座。坐在窗旁，可以看著夏愨道的景色。 食物選擇不算很多，但種類比較特別。 刺身 - ★★★★☆  我們最感興趣的當然是刺身。吞拿魚、三文魚當然少不了，還有油甘魚、劍魚腩，讓人蠻驚喜。我很喜歡吃吞拿魚，但放題的吞拿魚質素總是強差人意。這𥚃的吞拿魚入口甘香，没鐵銹的腥味。劍魚腩油脂蠻豐富，入口軟滑，魚味濃郁。最令我印象深刻的是甜蝦，鮮味非常。爽口質感之中帶膠質。Encore再encore，不知不覺我一人吃也了10多隻呢。 壽司 - ★★★★☆  $428/人的放題，絕不欺場。壽司的品質與種類，非常吸引，少見的海膽、三文魚子、帆立貝等都有提供。海膽還算鮮味; 三文魚子脹卜卜的，口感十足; 帶子壽司也夠新鮮，油甘魚也不失色。加上脆脆紫菜，更加分。 第一次食放題，喜歡吃壽司多過刺身。 冰鎮磯煮鮑魚 - ★★★★☆  每位食客都有一隻的冰

Four of us seated at 6pm sharp at a spacious window seat.  The extensive view of the wide road gave us great pleasure leaning against the sofas to relax.  We made our all-you-can-eat orders within a few minutes and not long later, food was served. To highlight the meal,  the Fried Rice Cake with Cheese, Spring Egg, Ox Tongue Skewer, Grilled Cod Fish, Abalone and Grilled Lambs were definitely the most orders here! Very well executed! The grilled lamb came in large portion, it was offered to each

之前在律師樓返工經常路過呢度，以前見門面太靚所以都唔敢入去。嗰日朋友約食放題，左揀右揀揀左呢間，去到先知係以前成日經過。環境好闊絡，佈置高級，亦冇平時放題咁局促同忙碌。去到一坐下就送左杯梅酒同飲品止止渴。老實說，餐牌款式不及外面多但也不少。前菜點了溏心蛋，汁煮榮螺。還有炸豆腐。老實說溏心蛋真係好出色同surprise。螺比起來就遜色了點。黎到最期待嗰part，就是刺身同壽司。老實說，款式不多，但食材新鮮高貴，有海膽三文魚子嗰d，值回票價。但好似叫左2轉就話賣晒最愛佢有個貝類刺身，好爽口！另外叫左d燒鱈魚同鰻魚，係意外地出色！我叫多左幾round。還點了d炸物同麵食，不過不失！喜歡熱湯稻庭烏冬，湯頭好甜！其實有d貴，但環境食材服務都值既！

好友乃團購高手, 經常以較低價錢享用正價美食. 今次佢有兩張四季.悅團購, 正好果日老公約咗朋友聚舊, 時間夾啱一齊去大食一餐也!唔講唔知原來四季.悅位處金鐘都有做放題. 食放題通常唔係旺角尖沙咀銅鑼灣就係屋村商場, 環境衛生認真麻麻, 想價錢平一係好早食, 一係去到宵夜時間食. 難得四季.悅放題做六點至十點冇時限, 可以慢慢食傾吓計, 雖知香港地好難有地方可以坐耐少少又唔俾人趕走!是夜六點半去到都已經人聲鼎沸, 完全想像唔到身處金鐘. 放題有四洲粒粒橙汁或蜜桃茶任飲, 橙汁同蜜桃茶唔會好甜飲得過.每人送上磯煮鮑魚同燒羊架. 磯煮鮑魚令肉質保持鮮嫩彈牙, 又可讓濃郁的湯汁包裹住鮑魚.燒羊架有少少羊脂香味十足.先叫前菜熱熱身, 牛蒡漬用上較幼身日本牛蒡, 入味又爽脆, 我地每人都食咗兩碟.凍豆腐四四方方一啖入口又凍又滑.東風螺好細粒不過都醬油味濃.刺身只叫咗油甘魚同石垣貝. 油甘魚口感柔軟細滑, 入口甘香, 油份豐滿, 係食刺身必然之選. 石垣貝厚肉爽脆彈牙, 中和油甘魚厚重感.壽司比刺身更吸引, 海膽壽司新鮮鮮味十足, 三文魚籽壽司充滿光澤, 入口煙韌得來一咬即破, 滲出點點甜香. 帆

十年了……大家沒有見十年, 是我放不低才不見, 甚至連短訊和whatsapp也不回,  因為我心仍有一條拔不出的刺, 一直忘不了她當年所做過的事情。今年同樣收到她的whatsapp, 但我終於回覆了, 還勇敢地答應一聚…..今晚會如何? 是好還是壞?那麼多年沒有見面, 當然要好好詳談一晚, 一於選擇放題, 可慢慢吃慢慢傾。但在觀塘、旺角、荃灣的放題店都較嘈雜, 絕對不是傾談的好地方, 幸好找到一間位於金鐘, 環境優雅、地方寬敞、坐得舒適, 還可任食足足4小時的放題店, 必定夠時間又食又傾, 好好享受。開放式的門口, 寬敞闊落, 設計高貴優雅。走進內裏, 先是一排長壽司吧枱, 但今晚決意食放題, 不太合適。再走入一點, 裝潢簡約平實, 優雅舒適, 地方不算大, 靠牆有一排長沙發的四至六人枱, 近窗就有幾張闊落的四人卡座, 中間則分隔了多張四至六人枱, 每枱都獨立, 讓大家都坐得很舒適。晚巿放題只有一個時段, 每晚由6:00-10:00pm, 成人收費 ($428+10%), 而11歲或以下小童及65歲或以上長者則享有7折優惠。今晚是星期五, 大約7時多已差不多全場滿座, 餐廳必有一定的質

金鐘的日與夜給人截然不同的感覺，放工後好攰想擦番餐好既，就近近地去位於遠東金融中心閣樓既四季悦放题，鍾意佢4小時任飲任食，每晚由6-10时供應，每位$428，而且仲會每位送冰鎮磯煑鮑魚和羊架各一。攞啲menu望吓，有多達80款刺身，壽司，炸物，熱食及煑物任叫任食，飲料亦任飲任攞，另外奉送自家製甜品一客，長者及11歲以下小童七折。冰鎮機煑鮑魚甚爽口，羊架醃製味道可口，肉質鬆輭。當然剌身和壽司用料肯定要新鮮，因我食剌身和壽司不加任何調味醬的。可能天氣比較凍，熱食及煑物如果可以熱一點，就更好味。其實我對日本料理要求很簡單，海鮮刺身要新鮮，熱物要夠熱，煑物要調味濃淡適中，炸物要炸得香脆，正所謂肉要有肉味，菜要有菜味，用這個要求尺度，放眼各國菜式皆準也。離去時街道很有點涼意，跟日間熱鬧的金鐘真有天淵之别。

高質放題 ($398/位)-平時食放題唔係去旺角就係出尖沙咀，雖然價錢係比較平，但係一分錢一分貨，講真食物嘅質素有時都幾普通😂。今次就黎到金鐘食放題，無論係環境一話食物，整體都相當高質。-喱度食物種類嘅選擇唔算好多，不過就有啲特別嘅食材😍，例如刺身方面，佢有放題比較少見嘅劍魚腩、𩶘魚、石恒貝等，特別推介劍魚腩，入口肥美而且鮮甜👍🏻，另外甜蝦亦同樣係非常新鮮。熟食方面水準平均都唔錯，推介銀鱈魚西京燒、燒鰻魚、羊架同軟殻解天婦羅😋。同埋佢有得任飲梅酒，一路食一路配番杯酒，真係幾好feel。

作為一個典型的金鐘上班一族，對於四季‧悅並不會陌生，因為在金鐘好吃的餐廳實在不多… 我們行內都會說金鐘有酒店三寶，就是JW, Conrad再加Island Shangri-la。金鐘也有辦公室四寶，就是統一、海富、力寶和遠東中心。在這附近上班的人，都會走遍這些地方買外賣，又或者是走去灣仔或中環吃飯，但每次排隊都要排超級久，價位也蠻高。之前來到四季‧悅一般都是lunch time時段，因為覺得性價比頗高的。但這次和男友是試試看他們的晚市放題來慶祝我生日。沒錯，不要驚訝，這家原來也有放題，哈哈。每位價錢為$398，但可以食足4個小時，可以挑戰一下你的戰鬥力~第一round 叫的不是刺身，而是壽司，因為有我最喜歡的帆立貝、海膽和三文魚籽!!!放個close-up給大家看看~這裡的三文魚籽粒粒晶瑩飽滿，光是看已叫人垂涎欲滴... 入口非常鮮甜，完全沒有海腥味，而且咬下去時三文魚籽的汁液在口中爆開，配著壽司飯一起吃，過癮過癮。港人愛吃海膽，去到日本黑門市場，不難發現都是香港人圍著海膽專門店，哈哈。這裡的海膽完全不腥，而且入口即化呢。接著點的是刺身。無論是tuna,三文魚還是甜蝦都有哦。果然是一分