四季‧悅 日本餐廳 (遠東金融中心)

营业中

休息中

之前在網上已見到金鐘有間吃日式放題的餐廳，可任似任食4小時，還有任食矜貴食材如海膽，超正！任飲任食4️⃣小時🕰（$428/位）位位送長腳蟹一份🦀鮮甜多汁，肉質又夠滑。飲品櫃上有多種日本汽水、果汁等飲料。超過8️⃣0️⃣款刺身壽司熱食及煮物 仲有自家製甜品刺身拼盤 海蜇爽脆惹味，很開胃 溏心蛋很香 日式蒸蛋蛋味香濃，非常滑溜 中華沙律 特色壽司 還有任食海膽壽司 燒銀鱈魚油脂滿滿，魚質滑溜，燒得夠香，配沙律醬一流！ 炒牛柳粒 炒雜菜炸雞翼、雞軟骨 惹味 燒菠蘿鮮甜多汁，是encore之選！燒粟米 燒魷魚原隻魷魚超美味 燒牛舌 燒鰻魚 天婦羅有大蝦、秋葵、蕃薯、蟹棒等！ 冷烏冬冰涼可口，質感彈牙 最後吃個自家製甜品—木糠布甸 還有日本雪葩，有青檸、西柚口味，小小一杯，非常方便。 

這間放題餐廳位於金鐘, 地理位置高級, 環境舒適, 比起那些在旺角的放題餐廳好坐很多, 而且, 位置沒有那麼迫夾。 他們提供4小時任食放題, 讓你由六時吃到十時正, 可以中途休息一會再繼續戰鬥。餐廳亦提供很多飲品供選擇, 我們點了刺身、枝豆、燒西京銀鱈魚、牛油燒粟米、炒雜菌、一些炸物、燒牛舌、炸軟殼蟹、雞軟骨串等等。西京銀鱈魚煎得很香, 魚肉也算嫩滑, 不過煎得比較油, 有點油膩。我很喜歡吃枝豆, 所以我點了四碟, 我喜歡這裏沒有沾鹽的枝豆, 吃下去清新很多。這裏送餐的效率也非常快, 每一次點完不夠十分鐘, 食物也很快地呈上來, 店員的服務也很好, 很有效率。

最近聽朋友講去了金鐘食放題，都有衝動想一試，同MK放題比較下。今日到四季悅交通十分方便，就近地鐡，餐廳座位寬敞闊落，完全沒擠逼感，空間感同環境都很舒服，窗外飽覽告士打道景色。放題時間由6點到10點，都等於無限時，可以盡慶，比起MK限時的好多了。今晚每2位就會有長腳蟹奉送。長腳蟹賣相漂亮，份量足也十分新鮮，肉厚鮮甜。放題重點刺身有吞拿魚、油甘魚、𩶘魚、劍魚腩、甜蝦、石恒貝、榮螺，刺身質素正常，當中石恒貝幾特別，清爽彈牙。壽司有海膽壽司很加分，滿滿海膽一點不吝嗇，海膽新鮮味濃，紫菜仲卜卜脆。卷物、燒物蒲燒鰻魚、銀雪魚西京燒、軟殼蟹卷銀鱈魚西京燒，肉質雪白肥厚，香軟滑嫩，醬汁調味匹配；而蒲燒鰻魚，醬香嫩滑，相當惹味。軟殼蟹香脆，外層有魚籽，口感豐富。鐵板燒、串燒鐵板一口牛柳粒、牛舌串、黑椒豚肉串選擇豐富。鐵板一口牛柳粒才點了一份，但份量真的太多了，而且不夠嫩，有些韌；牛舌串都算Juicy，口感不俗。而豚肉串，相對來說就一般，肉燒得偏干帶點韌。炸物、煮物炸雞翼、木魚絲炸豆腐、雜菜豆腐鍋炸雞翼粉有些厚，但肉質嫩滑。木魚絲炸豆腐有驚喜。雜菜豆腐鍋湯底清甜。甜品雪糕泡芙 雪葩總括來講，食物質素都有高

本週又繼續為朋友慶生，特意選擇曾經到訪過的四季.悅吃放題。除了地點方便，亦無需擔心人流問題，而且有金鐘入夜後的寧靜街景，感覺優雅。每位$428+10%，由即日起至20/7還有8折呢！雖然任點任食時間由6-10時，但其實9時便會截單的哦。飲品沒有在落單紙上，因為全部都放了出來由客人自取，我們都拿了葡萄味波子汽水呢。今次每四位餐廳便會送上一大盤//長腳蟹//！的確很大盤，肉位很多，夠凍就鮮甜，味道還帶有淡淡海水咸味，十分新鮮。再來//刺身//點了吞拿魚、油甘魚、𩶘魚、劍魚腩、甜蝦、石恒貝和榮螺。刺身新鮮，石恒貝很清甜脆口，甜蝦晶瑩剔透，口感爽甜。//壽司//壽司方面只重複地點了海膽壽司，因海膽份量多，甘香鮮甜無腥味，而且即叫即包紫菜仍脆口。//卷物、燒物//點了：蒲燒鰻魚、銀雪魚西京燒、燒鮮菠蘿和軟殼蟹卷。蒲燒鰻魚是必點項目！今之再到訪，發現鰻魚的份量大了，質量亦好了，所以重點了3次都被我吃光光！蒲燒鰻魚肉厚味濃，魚皮燒得十分香脆，入口後變得煙韌彈牙，口味無窮！//鐵板燒、串燒//點了鐵板一口牛柳粒、炒雜菜、牛舌串和黑椒豚肉串。鐵板一口牛柳粒很大碟，雖則肉裡嫩紅，但肉質不夠鮮嫩，肉韌亦有渣

之前公司請食呢度既放題，當時食完覺得質素唔錯，以$500樓下既日本放題算幾高質素！前日同男朋友一齊左520日，所以揀左呢間黎食當慶祝一下。一坐底店員就送上一碗松葉蟹！好吸睛，二話不說把放在桌面既剪刀拎起黎剪蟹殼！有較剪真係超快地可以食到蟹肉。每件都啖啖肉，好滿足！上次食完呢度既燒魚後覺得好好味，今次都order左好幾款！有燒銀鱈魚、蒲燒鰻魚、煎三文魚！每一款都煎得剛剛好，又香！特別係銀鱈魚，好鮮甜，一共食左5件！鰻魚燒得好入味，魚質帶點油脂，口感滑溜！煎得最香係三文魚，但食到少量魚骨！壽司中叫左最想食既海膽、帆立貝、甜蝦！當中既海膽壽司都有好多膏，一啲都唔會細件！味道又夠鮮甜！剌身中就叫左：甜蝦，三文魚，石恒貝！甜蝦比想像中大隻，三文魚大片啲就好啦！石恒貝爽脆鮮甜！一口牛柳粒，肉質結實，味道juicy 天婦羅中，炸軟殼蟹都幾多肉，日本蕃薯最好吃，又香又粉！食左好多塊！芝心年糕，口感偏軟，但芝士餡都幾多！溏心蛋整得幾好，幾入味！牛油燒粟米，幾甜燒菠蘿，勁多汁，唔會酸甜品方面就較少選擇，雪糕泡芙可能係雪櫃拎出來未夠時間解凍，所以中間啲雪糕係實既。雪葩得兩隻味，檸檬味幾好味！牛奶布甸，牛奶味

食放題唔係得旺角先有，今次試左間係金鐘既四季·悅！$428一位晚市食足4個鐘（6點至10點）價錢係金鐘地段黎講都算合理！刺身種類都算幾多，比較少有既油甘魚都有！刺身方面都算幾新鮮，無咩冰味，厚度適中，咁就唔會好快就食飽你咁。壽司方面既驚喜位竟然有海膽壽司，而且每件壽司既海膽份量都算好多，一啲都唔hea!一人一份既松葉蟹腳都好鮮甜多肉，冰震住特別好味！熟食方面都有好多既選擇！天婦羅即叫即炸，炸蝦脆而唔油膩，爽口，一個入都食到十隻！同埋竟然有炸軟殻蟹散叫，唔洗俾你食手卷食飽你！連一個最普通既蒸蛋都唔馬虎，好滑入面仲有雞肉同蝦，連我平時唔太食呢啲前菜都食左一整碗！總括黎講，食物款式都真係好多，而熟食都係即叫即做，所以熱辣辣係加左好多分！特別想講下有個戴眼鏡既暑假工女仔服務態度勁好同好勤力，最衰餐廳無意見書，如果唔係我一定讚佢！

平時好少黎金鐘食飯, 今晚黎開呢頭, 見到呢間日本放題好似幾正, 價錢都幾貴, 但依然好多人, 一於試下~ 野食種類都好多, 刺身多款, 而每位亦送一隻松葉蟹腳! 松葉蟹腳好大隻!! 好多肉而且鮮甜~ 刺身方面都幾新鮮, 仲有冷門d既劍魚腩同石恆貝~ 而壽司種類就較少, 無火灸壽司, 但就有海膽! 海膽壽司好鮮甜, 一D都唔腥, 每件既海膽量亦唔小, 好正, total食左9件XD 燒物方面不得不提銀鱈魚西京燒, 平時出去食都好貴, 呢度有得任食, 另外仲有蒲燒鰻魚大大件~ 天婦羅都有好多款, 最特別係香蕉天婦羅, 仲唔到又幾好食wo~ 仲有燒牛舌同豚肉串都燒得好香~ 飲品方面係自助形式, 而甜品有雪葩~ 整體呢間放題坐得舒服, 食物都有質素, $428可以食足4個鐘, 希望可以keep住個質素la~

好友生日, 但又厭倦了銅鑼灣那些擠迫的放題店, 所以我們就到了細妹介紹的一間, 在金鐘的放題店.我們被安排坐在窗邊位置, 可以看到繁忙的馬路景.每位食客都送贈香草羊架一件. 雖然是送贈的, 但竟然有驚喜. 它的羊羶味輕微, 肉質軟腍而保留彈性, 除了羊, 原來牛肉也很讚. 燒牛柳粒肉質軟嫩, 而又不乏嚼勁, 肉汁也頗多哩.我最期待的銀鱈魚西京燒, 很快便送到來. 銀鱈魚魚皮略脆, 雪白的魚肉豐腴油潤, 咀嚼著, 滿口也是魚油, 銀鱈魚的愛好者, 不能錯過. 蒲燒鰻魚的醬汁下得很慷慨啊, 多得滲透入魚肉之內. 鰻魚肉的質地柔軟而緊緻, 亦頗彈牙的. 很讚.各款刺身也十分新鮮, 甜蝦出奇地大隻, 油甘魚和劍魚腩尤其肥美, 我倆也吃了很多.三文魚蕃茄沙律超級爽甜, 亮點是那新鮮的沙律菜, 吃到大家嗦嗦聲, 壽司上的象拔蚌和帆立貝也是厚切的, 令人吃得滿足.甜品有明治雪糕棒.我們也很喜歡這個自家制奶凍. 絲滑的奶凍充滿朱古力的香甜, 奶味也十分香濃哩.

這是公司樓下的餐廳，也是老闆的食堂，鬼知道他為什麼一定要吃這裡的牛肉飯，反正每次來公司要吃飯都是這家。於是入職到現在我幾乎試過了所有的午市套餐。重點說今天。今天叫的是三色魚生飯不要吞拿魚腩改鰻魚。它們長這樣配的烏冬普普通通，我從來都是只吃一口。蒸蛋也是。啊，為什麼不要吞拿魚腩呢，很簡單，吃過幾次覺得麻麻地，而且今天不知道為什麼很想吃鰻魚，所以就換咯。今天的海膽和三文魚子都很新鮮，鰻魚給的是海鰻加一分。雖然份量不大，剛好我今天也不餓。這一碗要價188，不便宜哦，自己買單的話我才不會吃哈哈。

推介食物： ⭐️甜蝦、帶子、三文魚刺身，好新鮮，帶子好甜------------------------------⭐️羊架必食，燒得好香，食落啖啖肉，而且好juicy------------------------------⭐️天婦羅：最緊要夠脆，料夠足，做齊哂、仲有齊蝦、蟹棒、仲有秋葵喎，炸得卜卜脆------------------------------⭐️海膽壽司走唔甩，呢度任你食，而且俾得你嘅都好足料，海膽迷必點呀！------------------------------⭐️油甘魚壽司：油脂比例超好，每一件食落都好甘香，好鮮味------------------------------⭐️銀雪魚：難得有任食銀雪魚我就緊係唔會放過啦，我一次過食哂三件😝------------------------------雖然放題黎講呢個價錢真係唔平，不過耐唔耐食好d豪番次都係要嘅，因為質素超班就已經抵哂啦！仲有餐廳會送每人一杯梅酒，一邊食任自己鍾意嘅食物，一邊飲少少梅酒😊嘩，好嘆呀！食落飽嘅野，一定要嚴選呀😋

在網上看到這間店好評如潮，剛好又有團購，決定來試一試，就發現大”驚“喜從來都不寫食評的我也忍不住發洩一下首先，滿心歡喜嘗一口海膽軍艦，第一口還好，之後的全都又腥又臭，就像別人在口中放屁一樣! 真的接受不了魚生全都不新鮮，只有甜蝦的質素還好西京燒是冷的，鰻魚像超市賣的一樣還有燒冬菇，燒得像黑炭般，如果放在黑色的碟子上我一定找不到它們!最好吃的，就是那個明治雪糕，因為是買來現成的，質素比較有保證自家甜品是一個沒有任何味道的牛奶布甸，可以做出這樣"驚"喜的味道還真是高難度還要每人HKD400, 說真的，40也不值

講起放題，通常都係去旺角、尖沙咀、銅鑼灣⋯比較少啲去金鐘，可能地點偏門，所以識嘅人都唔係好多，坐得舒服啲！ 四季悅就係地鐵站附近都好方便！ 而且環境舒服有落地玻璃睇出邊嘅景！ 不過睇返食物種類，都唔算太多，不過都有幾樣特別野值得推介！ 首先就係鮑魚壽司啦！！！真係大大隻鮑魚， 感覺好抵食😂😂😂 另外呢間野服務態度都算好，嘢食都上得好快！唔駛等好耐就有得食！ 刺身種類雖然唔多，不過都係新鮮同好味嘅！ 壽司都唔錯，唔會俾大大嚿飯你！

見上網有coupon， 咪買兩張試下，約咗屋企人去食， 六點鐘到達， 見舖面細細裝修幾靚， 諗住今次有口福， 上網見話出名食手握壽司， 好失望魚生唔新鮮，手握壽司 明顯一早整定放喺雪櫃等人嗌都唔係即叫即做沒有良心過飯好似未煮熟咁咬落粒粒有心。 真係好失望 ，啲魚生真係好不知所謂。間嘢仲差過旺角嗰啲200蚊左右的放題， 見佢裝修咁靚諗住可以安安靜靜食一餐點知嘈個花墟。不過勝在員工有禮，有笑容，希望下次更好。

約咗一位好耐冇見嘅舊朋友食飯，呢位朋友在港島返工，而且出名忙收工夜。約佢食飯亦一定要在港島。為咗方便大家搭車，我做咗一輪資料蒐集，揀咗位於金鐘嘅四季悅日式放題。食物選擇唔係特別多，但係基本野一定有，而且都好齊。每人送一隻磯燒鮑魚，鮑魚有半個掌心咁大，都幾好肉。第一輪當然先叫刺身啦，刺身不過不失，有鮮味。壽司賣相亦唔錯，軍艦手卷樣樣都做得好精緻，而且都好足料。貴價小小嘅食材例如海膽，三文魚子等等都有齊。我比較欣賞佢哋貨真價實，收得呢個價錢就有齊咁多款食物，唔會樣樣都話冇貨，叫幾多上足幾多。熟食方面，最欣賞係西京燒同埋燒鰻魚。燒鰻魚表皮香脆，鰻魚汁甜甜地，幾惹味。西京燒係放題中比較少見嘅，因為都幾花功夫，甜甜地當中有滲出魚油嘅香味，好好食。其他食物其實都唔錯，但相對驚喜無咁大。佢哋嘅甜品亦都好有誠意，用個小奶樽裝住嘅牛奶奶凍，賣相好吸引。最後埋單一人四百幾蚊，放題來講唔算平，但係地點、環境、服務、食物選擇等等，都算係唔錯，算係值回票價。

7號個日放工之後同屋企人去食放題，質素比較差。我覺得啲魚生好腥，啲壽司飯好硬，好似喺雪櫃拎出嚟咁。飲品選擇係冇嘅，只係得橙汁同埋茶，而且佢個茶唔好飲。甜品方面，選擇好少，其中一個係限量每人一份嘅，我叫佢做 「布甸伴罐頭水果」。布甸係正常味道的，唔會太甜，但係用罐頭水果伴碟就有啲令人唔開心。唯一比較好嘅地方係，佢的環境好乾淨同埋坐得好舒服。黎嘢食都黎得足，我食得比較多的是雞軟骨，都燒得幾好味，而且Order左幾多串就真係係黎足。