四季‧悅 日本餐廳 (遠東金融中心)

营业中

休息中

臨近情人節，餐廳都推出唔同的套餐，我就覺得食放題都唔錯，一來價錢固定易預算，二來比套餐更多選擇及份量多，實行餵飽情人。呢度放題由晚上六點至十點，任飲任食四小時，可以慢慢食慢慢傾計，而且仲送冰鎮磯煮鮑魚及燒羊架，情人節仲送甜品。地方很大很夠空間，而且較寧靜舒適，下單至上菜都非常迅速，亦沒有漏單的情況，職員收搭也很勤快，服務令人滿意。飲品有橙汁及蜜桃茶任添，也有熱水提供。蟹籽沙律冰凍脆口，好清爽開胃。呢度每款食物都精巧細份，可以食多幾款都唔怕飽。再來日式蒸蛋，熱辣辣又滑溜的蒸蛋，材料很豐富，有雞肉、冬菇、蝦仁、銀杏等，味道很好。反而一口甜薯又凍又乾，味道不夠串燒煮法好。冰鎮磯煮鮑魚是附送每人一隻，擺盤精緻優雅，睇落好名貴。近影鮑魚已經覺得好味，已細心切開，鮑魚都算大隻。好彈牙的質感，鮑魚味不算很重，但有陣陣酒香，煮得也夠入味。刺身有7款，先點部份來食，之後再點第二轉，其中三文魚、吞拿魚、油甘魚、劍魚腩及甜蝦。三文魚較好食，肥美鮮嫩，魚油豐富。油甘魚同劍魚都較普通，但甜蝦真係好正，鮮嫩甜美。之後壽司都來啦，一排海膽及帆立貝太吸引了。海膽壽司有滿滿海膽，鮮橙色一排引誘著食客，海膽甘甜味濃，紫菜

一向愛吃放題，不過每次一提到揀地區，幾乎都離唔開旺角或者尖沙咀。最近友人提議我一試位於金鐘嘅《四季‧悅》，據說餐廳自從經過翻新後，特別增設咗壽司吧，提供手握壽司和新鮮刺身，而且款式相當多。至於晚市嘅任飲任食，價錢雖然比市面一般放題豪華，但質素有保證，絕對值得一訪。餐廳位於夏慤道遠東金融中心閣樓，店內面積頗大，據說佔地超過 4,000 呎，以和式裝修為主，而且座位寬敞闊落，完全沒擠逼感，加上以矮身小屏風作間隔，增添了私隱度，令人感覺舒服。開餐前，先介紹一吓這裡嘅晚市放題價格，原來唔分時段，每晚由 6pm 食到10pm，足足四個鐘，任飲任食，定價每位 $428，而且每位仲送冰鎮磯煮鮑魚一隻。不過醒目嘅我就發現，其實 like 餐廳 fans page 並訂座，即可以特價每位 $328 享用，非常超值。優惠期由即日起至 2 月 28 日，另收正價加一服務費，可惜情人節不適用。先拿起柯打紙細看，共有 7 張，由 A-G 排列，而類別方面，就包括有刺身、壽司、卷物/燒物、鐵板燒/串燒、炸物/煮物、飯/麵/湯、前菜/沙律/甜品等。咁就先由送嘅冰鎮磯煮鮑魚開始，鮑魚 Size  不大，但肉質柔嫩細滑

一般係金鐘食午餐又貴，質素亦一般，但很開心這裏有這家日本餐廳價錢不是特別昂貴，而仍可以保持高質素的食材。鰻魚飯的鰻魚非常大條，不似得很多日本餐廳只給你兩件很細片，鰻魚飯除了跟烏冬外還有味噌湯及生果。刺身飯的刺身非常新鮮，刺身多到完全蓋着了飯，而且還不止一層，另外還配前菜，蒸蛋，烏冬及生果份量非常豐富👍🏻另外的同事亦都非常滿意他們的lunch set👍🏻怪不得這家日本餐廳可以在金鐘營運那麼久，真的值得長期支持。

First day at work after the long CNY weekend, all the colleagues are still in happy holiday mood. We decided to go to have a decent lunch to carry on the happiness. At such a prime location, the price of the lunch set is reasonable. The sashimi is fresh and the portion is surprisingly large. The sashimi rice bowl I ordered has prawn, scallops, salmon, octopus, fish eggs, tuna and a few more different kind of fishes. This is far more than I expected and much more sashimi than other Japanese resta

位於金鐘地段，前身為日式餐廳，現改為做日式放題，鋪頭位置好闊，比普遍放題食得更舒適🤓，當然亦都要試下佢嘅食物好唔好食啦！-刺身賣相雖然唔夠霸氣，冇乾冰去做咩特效，亦冇一大堆冰去墊底，但刺身嘅質素卻係比一般嘅高👍🏻，食得每款刺身都係非常新鮮，特別係佢嘅吞拿魚，普遍放題嘅都係好乾又腥，好似食緊擦膠咁，但依間放題就做到肉質軟冇根易咬開，同時味道都好鮮美👍🏻👍🏻👍🏻👍🏻😊，單食任食刺身就值得再回頭食！-壽司款式精簡，最鐘意佢嘅海膽同帆立貝壽司😆，海膽味道唔腥而鮮甜，帆立貝彈牙鮮美，依種質素外面餐廳單叫絕對要$60以上先食到！-仲有幾款嘅小食，如蒲燒鰻魚😚、銀鱈魚西京燒，燒得好香，味道咸香，肉質香嫩！-

好朋友剛剛在上星期生日，為了慶祝這個忙碌的壽星女，這天特意到她工作附近吃晚飯。好久沒見她，她跟以前一樣那麼愛吃日本菜。幸好在她公司附近有一間吃放題的店，所以我們就決定在這裡慶祝她的生辰環璄都好開揚， 都有不少上班一族收工過來吃每位包括蜜桃茶、橙汁任飲我們就選了蜜桃茶，先給我們熱， 再有一杯冷，熱的香味更濃， 冷飲既時候都陣陣甜味，一樣咁好飲另外每位再送羊架、及一杯梅酒羊架經鹽燒，醃得好入味，而且食落又唔痴骨，肉質頗嫩， 好好味愛吃蛋的我們當然要點「溏心蛋」，半熟的蛋好滑身， 差點連筷子都夾唔到，而且有醃製過， 甜甜的好好味另外我們再點了「牛舌串」一串有兩件， 清清地只係用鹽燒過已經好足夠，肉質比較實在，咬落無筋， 不錯「炸一口豚」通常吃放題， 有很多東西都想吃，但個肚子有限位， 所以有部份吃不下， 炸一口豚就好像平常吃到的炸豬排，啖啖肉，配埋炸豬扒的醬汁一齊食， 可以減低炸的熱氣感「壽司」分別我選左三文魚、象拔蚌、蟹籽、甜蝦、海膽、蔥吞拿魚蓉、三文魚籽、玉子，其中海膽壽司我跟我朋友特別欣賞的，因為每一件都鋪滿滿的海膽，在外面吃放題，好少機會可以飲點海膽壽司，因為價格較昂貴，但在這裏可以

唔知你有無同感？香港既日式放題愈開愈多，但好多都有限時，食到趕頭趕命，想同朋友開心傾多兩句都唔得。如果你都認同，可以考慮去位於金鐘商業區既「四季‧悅」，呢度既晚市放題由六點食到十點，每位$398，食得開懷又無壓力。 我周六晚黎到，本來以為會大把位 (因為係商業區嘛)，但點知座無虛設，人山人海咁，一睇就知係抵食之選。為左應付咁多客人，餐廳請左好多壽司/ 刺身師傅，大家即管點即管剔，唔駛等好耐就有得食！ 梅酒除左橙汁/ 桃茶任飲，餐廳仲送上每人一杯梅酒，甜甜既酒味，加上冰粒，爽！ 刺身 + 壽司先黎回本既刺身同壽司！海膽壽司係必點，軟滑鮮甜，食完一輪再一輪，完全唔駛閘住，真開心！刺身方面，我最愛石恒貝，十級爽口，咬到卜卜聲，又係食完再encore！ 鐵板燒 + 串燒最喜歡係牛舌，加左少少黑椒調味，夠厚夠腍，有油香；其次愛日本大蔥，好大粒，夠鮮甜，燒到熱辣辣，美味！ 炸物平時少食炸物，今晚都忍唔住要破戒！軟殼蟹香口、多肉；天婦羅當然要有番薯同南瓜，甜甜地好好食；蟹柳肉係一絲絲的貴價貨，唔會食到成口粉，唔錯。 燒物銀鱈魚必食！肉質嫰滑有油香，筷子一夾開，一片片既魚肉，夠實淨

剛去完嘉年華，就諗去邊樹食，結果朋友問有無興趣去試放題，結果去了這間，入到去環境舒靜，服務人員細心，好啱傾計，食物水準高，魚生新鮮，燒物及串燒又熱，而羊胺又有薄荷醬，燒鰻魚，茶壺蒸，温泉蛋，咖哩烏冬，呢啲食物放題出面啲乜喜，乜屋係無，其他日式放題都無，雖然價錢高啲但值得

之前跟好友去完AIA嘉年華後行去四季悅食午餐，去係因為在很久之前得到兩張此店的$100現金券，帶喜歡食日式魚生的好友去就最好不過😊😊😊望落每個餐的價錢唔平，可能係因為位置的問題~~~雖然好似快餐店咁排隊落order，仲可以用八達通找數，但佢地係有送餐服務，仲有人俾綠茶慢慢飲~~~好友食吞拿魚餐，但佢覺得唔算特別好食，反而好懷念某店的魚生飯~~~而我的燒靖魚飯感覺正常，跟五十嵐食的感覺冇乜分別，如果要自己俾錢我應該唔會去食物質素跟價錢唔成正比的地方午餐

現在真係揾食難。好彩有美食網站提供資料。今次係膽粗粗的心態去試吓。因為係金鐘的地標重要係日本菜。重要有日本師傅處理。地方又方便不偏。奇怪就是常推團購。剛剛朋友生日飯人少又唔知食咩好就最好選擇去食放題。就係咁來食了豐富滿足的一餐。最好味係不顯眼的醃漬物牛蒡。佢的醋味又唔會蓋過牛蒡原有的味道依然保留。另外就係刺身。。。石恆貝真係好鮮甜。爽 重有 free 的羊架唔羶又燒到烚到好處。比埋薄荷醬配合free 梅酒 太多野食選擇都未能一一試哂要再去

放題要幾平有幾平，但唔係間間都好食。團購$318三位送一位，咁岩朋友生日，決定一齊去試下呢間四季悅。第一輪當然狂食刺生，三文魚同蝦都好新鮮，咁正當然有再encore啦！燒物中規中矩，餃子可不叫。最愛燒菠蘿，好甜好多汁。鰻魚就一般，感覺燒得唔夠乾身。串燒。天婦羅都唔錯，唔係求其。計埋加一，每人大約三百蚊。食物上枱速度算快，同埋呢間最好食係刺身，夠新鮮，之前食過放題三文魚係霉，令人失望。如果再有團購優惠，會再來！🌯🍣🍢🍹

四季‧悅的食物質素一向都不錯，以前只是食過午餐，今次剛好看見有團購任點任食4小時放題優惠就以這個預祝朋友生日。因為我6點去到，完全不用等位而且不像其他放題要等齊人才可以入座。而且很好服務。每人還送一份羊架首先當然點了刺身及壽司，刺身很新鮮。其他食物也是即叫即做，除了羊架煮得過火了一點其他食物都很好味。今次是我第一次寫食評，不足之處請各位見諒。

難得拿了半日假，當然要好好利用，早上辦過事後便相約男友午膳。前一晚明明說好要去中環，但隔天男友Whatsapp我說在金鐘等，以為他預約好位子要帶我去威，滿心歡喜地打扮一下然後準時出現，到達時始知道一切只是我一廂情願，十二時多帶著失望的心情和大家衝鋒陷陣地找東西吃。之前曾有一段時間在金鐘上班，只記得每次到食飯時間也像打仗，人來人往又難搵住位，今天也不例外，走著走著來到遠東這一塊，希望在人潮到達前快快找到個地方落腳。這兒同一家餐廳分兩邊，一邊是較高檔次的經營，一邊是快餐形式，沒心情吃頓好，隨便選了較便宜的一邊，原來是採用自助購票，買完食物才找位子，店員順手奉上一杯熱茶，然後將那食物咭夾在桌面上，不久便有人會將食物送上。 碎蔥吞拿魚腩飯 $98雖說是快餐，但畢竟付上一百大元，還是會有一點期望。成品不消一會便送來，第一眼覺得頗為嚇人，橫看豎看也像一陀生的豬肉餅放在飯面，淺粉紅色的蔥吞拿魚蓉味道不過不失，不鮮甜但幸好也不腥，底下的飯是一早盛好的，十分乾又黏作一團，要用上九牛二虎之力才能把它們撥開進食，吃得超不滿足。 蒲燒鰻魚飯 $108每次見到鰻魚飯也會點的男友二話不說也來一客，我對於此物並無研

某個週日在金鐘集合前先行吃個早餐,選了可以望街景的杜汶澤快餐店,吃罷才發現同層的日本餐廳四季悅也有早餐供應,價錢也只比連鎖快餐店貴十多元左右,相信無論環境上及服務也較優了吧???為求真相特意選一個放假日子一嘗四季.....悅早餐。有接待處卻沒有知客的平日早上,踏入門面有著蠻濃日本風的店裡,第一眼是看到一盤盤的刺身,似乎早餐尾段時間已為午餐作準備,如果坐在這仄壽司吧位置,就算一個人吃午飯也沒有突兀感覺。偌大的內堂吉位處處,當然選個景觀最佳,可以看街的沙發位,一個有和煦陽光相伴的早餐,就算味道一般也能略加分數吧。早餐時段的侍應沒有太熱切的服務,默默送上餐牌及熱茶一杯便離去,單單這杯日式熱茶已比快餐店優勝一些。早餐餐牌選擇也算不少,日式餐廳當不缺配一碗白飯的日式早餐,可惜我不喜吃魚,不然這個有飯吃的早餐也蠻不錯。總覺得早餐有個蛋才算滿足的客人,最後挑了這份看似最普通的西式早餐作為我的四季.....悅早餐。女侍應以日式木盤子將整份早餐送上,像定食一樣的造型,讓本來配搭很一般的早餐看來吸引很多。蕃茄濃湯通粉份量真不少,店裡的湯粉也以這款茄膏為主味的湯底作配,味道算得夠濃,可惜卻不是真鮮茄的食味,

今日去左四季食lunch Order 左地獄豬軟骨拉麵我同同事都叫左小辣雖然個拉麵都几硬但都几配合豬軟骨食物咬感層次出哂個餃子都有驚喜饺子皮脆肉汁夠我同同事都覺得碗麵不錯