四季芬芳

营业中

休息中

沙田「四季芬芳」係中環「蛇王芬」嘅年輕線，除了傳承老香港味道之外，更要與時俱進，以新潮粵菜、點心及輕食貼近都市人健康日常飲食模式，將傳統與現代融合。今日同朋友做完GYM, 就去咗四季芬芳食Dinner, 餐廳裝修風格以中式帶點懷舊。蛇王芬特色蛇羹套餐: 包括有花膠太史蛇羹+生炒臘味糯米飯蛇羮不愧該店嘅招牌菜，材料豐富有蛇絲、花膠絲、筍絲、雞肉絲、瘦肉絲、冬菇絲木耳絲等。伴上薄脆、白菊、生菜絲，入口清甜有層次夠味！生炒糯米飯粒粒晶瑩分明，色澤均勻，再加上香噴噴嘅臘腸粒、潤腸粒同花生，入口香口軟糯！原味小籠包: 每粒都插住一枝裝有醋的膠管，因個人喜好酸度而吱出, 小籠包皮薄餡料足有湯汁，再加上吱入嘅醋更提升了味道。菊花蝦餃:用菊花粉入饌調配出獨特淡淡金黃色皮，蝦肉餡料新鮮彈牙，絕對係實而不華的地道點心。蛇王芬子薑紅油抄手:皮薄潤滑，餡料有蝦同肉碎，入口柔嫩鮮美，湯汁微辣濃香十分開胃。酸菜石斑魚:酸菜魚可揀辣同唔辣，石斑魚肉每件都切得厚身大大件又冇骨，入口嫩滑得來又帶少少爽口，非常新鮮，酸菜酸爽，配菜還有本菇、秀珍菇同芋絲吸湯汁好惹味！

嚟到沙田朋友介紹蛇王芳，個名好熟嘅原來係指四季芬芳，間店舖細細但客人唔少，六點半已經有十幾台客！門口寫明食用時間限時一小時，好似短咗少少，但都入去試試；坐落都舒服，用手機點餐比較方便！點了一個蛇羹湯燕窩和蟹肉炒飯套餐，再加個特別嘅潤腸鹹水角，小籠包和菊花蝦餃等等；之後再加多個黯然銷魂拌麵，柑桔生煎包和花甲菠菜；首先嚟到嘅蛇羹湯燕窩，湯清甜再加少少燕窩，感覺特別潤喉；而蟹肉炒飯雖然色澤就比較淡，但食落都有鮮甜味；而鹹水角賣相真係比較特別，好似一舊炭咁樣！但係食落又唔錯，加埋條潤腸一齊食，別有一番風味！小籠包嘅特色就係浙江醋要自己唧落去，食落都還可以；菊花蝦餃仔啲蝦餃上面有小小菊花，嘅花瓣香味都比較創新！最吸引嘅柑桔生煎包外形成個桔一樣，外脆內軟又多汁，值得推介！銷魂拌麵就不過不失，啲麵質都可以；花甲菠菜有花甲嘅清甜，而菠菜再加上紫菜食落感覺健康同埋潤喉！整體來講菜式好有創新意味，食落味道亦都可口，值得推介！

其實經過中環店一役， 對「蛇王芬」的出品有點保留但是沙田市廣場的食物選擇實在不多，主要以連鎖店為主所以唯有選這間有點特色但又不會太多人排隊的餐廳- 四季芬芳來到「蛇王芬」的餐廳，理應吃蛇/ 糯米飯， 但今天實在對其興趣不大，加上有陰影，還是試一試其他招聘菜式雙重黯然銷魂丼$89中間是流心蛋可拌飯雙重，顧名思義，其叉燒則有2 種製法-薄切的3塊是炆腩肉 -厚切的則是叉燒汁腩肉各有特色， 個人較喜歡叉燒汁那款， 味道甜而不膩，也帶點鹹味薄切的炆腩肉 則是醬油味為主可惜自稱的煲仔丼， 竟然一點飯焦也沒有， 基本上只是一煲以煲上菜的叉燒飯（炒底），不過炒飯底她們的炒飯，的確炒得不錯， 乾爽粒粒分明，有蛋味飯香。另外的主菜蝦球海味葱油乾撈麵$89撈麵做到基本夠乾身，有被其海味乾驚艷到了，有鮮味， 不太硬，有咬口，炸過的葱絲有葱味，葱香濃郁撲鼻撈汁不會過鹹帶點甜味且野味麵條不一定要追求彈牙，她們家用上粗一點的上海麵，麵煮得夠淋而不是爛，很掛汁。配菜蝦仁是最失色的一項，有４隻，不是新鮮蝦又是急凍打水蝦， 只有彈，沒有其他可取之處。還點了小食蛇王芬子羌紅油抄手$49有4 顆， 味道不太辣， 醋味甜味較

廣受食家名人鍾愛嘅蛇羹🐍同臘味飯向來係蛇王芬嘅傳家寶，有別於一般嘅蛇羹專門店，年輕四季芬芳研創、協調新舊美食；百年老字號之初哀、𡚒鬥故事。回顧老字號蛇王芬百年歷史，讓我哋一齊閂入時光隧道，由1895年開始，吳桂芬祖母喺台灣經營蛇羹攤，頗有拿手好菜，當時有唔少客人都特地跑去品嚐，而呢股風潮一直傳承到依家。🌟燕窩蛇湯燉節瓜盅🥣：營養豐富，清補不燥。配上臘味粒蟹肉蛋白炒飯，粒粒分明。🌟太史蛇羹酥🥐：蛇肉營養高，肥肪少，蛋白質豐富。外酥內嫩，保留住蛇羹嘅原汁原味。🌟翡翠蘆筍餃：餡料有豬肉、雞髀菇、秀珍菇同埋蘆筍，加入中醫師推薦嘅百合，清涼解熱，寧神鎮定。🌟菊花蝦餃🌼：餃皮加咗菊花粉，菊花可以疏散風熱，平肝明目，藏喺蝦餃內嘅蝦肉新鮮彈牙，好好味。🌟紅菜頭素餃🥗：用上營養價值高達200分嘅紅菜頭，含有天然抗氧化物同埋補血功效，餡料有雞髀菇同埋冬菇，加埋中醫師極力推薦嘅杞子，蒸餃最能夠保持蔬菜嘅原汁原味。🌟太子參帶子餃：混入中醫師推介嘅太子參粉，氣陰雙補，太子參嘅藥性較溫和平實。加咗太子參嘅帶子餃甘香味濃，鮮味十足。🌟橙皮蓉柑桔包🍊：餡料用豬肉同埋鹹柑桔混合而成，鹹柑桔消炎止痛，含有大量維生素C同埋

行經餐廳，見到入面嘅裝修好有格調，行中式懷舊風，而且菜單又加入唔少創新元素，於是就入去試下。雖然以食蛇為主，但其實有好多唔同嘅菜式選擇，唔食蛇嘅朋友都可以一試。唔講唔知，蛇肉有好高營養價值，四季都可以食用。餐廳用QR Code落單，Menu 內有前菜、點心、小菜、特色飲品、燉湯同蛇羹等等。 由於朋友唔食蛇所以今餐就冇叫到相關菜式。灌雞湯百花丸賣相好似一粒荔枝，咬落爽口彈牙，味道鮮。黑松露小籠包味道唔錯，黑松露味突出，小籠包插住一支醋，將醋注入小籠包內同里面嘅肉汁混合埋一齊，相當有驚喜，我都係第一次咁樣食。蟹粉蝦仁蟹粉份量超多而且仲有蟹肉響里面，蝦仁爽口，非常鮮味。香辣半筋半肉湯麵香味撲鼻，牛腩同牛筋都炆得好入味，配合埋湯底及配料一齊食，真係唔錯。招牌雙式蟹粉蟹膏撈麵好有特色嘅一道菜，蟹粉嘅鮮味加埋蟹膏嘅咸香，配合溫泉蛋、蟹子同葱絲，令味道更豐富，口感更有層次。

約左朋友去沙田聚下， 我地去左沙田新城市廣場「四季芬芳」最近佢哋就推出咗全新春夏養生食療調理 ，非常適合春夏進補之用，今次食療主菜仍然有蛇，而佢哋嘅菜式大多數都 好有色彩，打卡一流，而且很美味。燕窩蛇湯燉節瓜盅 拼紫椰菜臘味粒蟹肉蛋白炒飯蛇湯營養豐富，節瓜祛濕消暑，仲有燕窩潤肺滋陰， 而且仲加入咗玫瑰花瓣，氣味更香，個湯味道很清甜，飲完個胃暖暖的；配上臘味粒蟹肉蛋白炒飯，炒飯粒粒分明有口感，加上紫椰菜及陳皮絲，清新爽口，令臘腸油膩感減低， 炒飯清清地鹹鹹地，食完唔會好滯。藥膳醉乳鴿王用上當歸和杞子等醬汁浸泡一晚，乳鴿肉質嫩滑，味道鮮甜，而且淋上紹興花雕酒，所以非常香，愈食愈想食。橙皮蓉柑桔包又好味又得意，柑桔包入面餡料有豬肉與鹹柑桔混合，包皮加入橙皮蓉在麵粉當中，用天然的食材，令顏色像更似， 手工細緻，打卡一流。太史蛇羹酥用鬆皮酥皮包起炸到金黃色，外層鬆脆香口，入面嘅蛇羹原汁原味，非常美味。另外仲有各種賣相高的特色，包括翡翠蘆筍餃、菊花蝦餃、紅菜頭素餃、太子參帶子餃及黑芝麻豆沙包，味道同樣一流。

四季芬芳推出～四季吃蛇配臘味皆進補、調補、更健康～今次推出嘅養生料理係配合返中醫學，利用食療方法進補！燕窩蛇湯燉節瓜盅湯底係用蛇骨、豬肉、雞肉去熬製，蛇湯營養豐富，節瓜祛濕消暑，另加入珍貴燕窩，燕窩潤肺滋陰，可大補元氣，能治虛勞咳嗽，潤腸開胃。藥膳醉乳鴿王除咗用紹興花雕酒之外，仲參考中醫師嘅建議加入當歸和杞子，將乳鴿浸一晚令到完全入味，當歸杞子係女士補身食品，既能補血、活血，又能調經！太史蛇羹酥外邊酥皮炸到金黃色，香脆可口之餘，咬落口入邊係啖啖蛇肉！黑芝麻豆沙包用竹炭粉做包皮，將黑芝麻、麻蓉同豆沙蓉混合出美味嘅爆漿流沙餡料！翡翠蘆筍餃豬肉、雞髀菇、秀珍菇同蘆筍切碎，再加入百合，話說百合清潤，歸肺經，有助清肺止咳，入心經，寧心安神，可紓緩常因壓力大而引致失眠多夢！菊花蝦餃加入左菊花係餃皮入面，令到餃皮成淡淡金黃色，蝦肉彈牙！橙皮蓉柑桔包外表可愛嘅包包，入面係將豬肉與同柑桔混合作餡料，鹹柑桔營養價值較高，消炎止痛、除痰止咳，含有大量維生素C同多種抗氧化物，維護血管功能，橙皮蓉加入麵粉當中製造出包皮！咬落好juice!太子參帶子餃將太子參混合入帶子製造出餡料，食落有淡淡參香！紅菜頭素餃食素人

沙田新城市廣場的「四季芬芳」是蛇王芬的年輕路線，也是主打蛇羹等的藥膳料理，裝橫古色古香優雅之餘，也讓工作一天的人很放鬆蛇王芬特色蛇羹＆生炒臘味糯米飯。蛇羹口感豐富，啖啖都是蛇肉絲雞肉絲，臘味飯粒粒分明，有豬潤腸粒，蝦米粒，花生，天冷食就最好不過了香辣半筋半肉湯麵，只碗超級大，麵夠煙韌，榨菜爽脆，牛筋牛肉非常腍滑，湯底是淡淡的藥膳味翡翠蘆筍餃，內有豬肉，雞比菇，秀珍菇，蘆筍粒，百合，餡料豐富，顏色碧綠碧綠的，相當誘人灌雞湯百花丸，外表佈滿一粒粒麵包糠，脆脆的，猶如一顆大荔枝還有一根管子自己注入醋汁，與內裡的蝦肉雞湯融合，別有一番滋味太子參帶子餃太子參，顧名思義太子也吃不壞的養生品，皮薄透亮，肉滿多汁原味小籠包也是有管子注入醋汁，與內裡的湯汁融合，好食又好玩桂花桃膠雪耳燉原個雪梨養顏之選，雪梨燉至熟透入心，還有不少的雪耳桃膠，大啖食也沒有負罪感的植物糖水「四季芬芳」是暫時來講少有的養生料理餐廳，非常值得一試

陪阿女去沙田做瑜伽，之後佢帶我去四季芬芳食飯，餐廳是中環蛇羹老字號蛇王芬開的副線餐廳，主打除咗招牌蛇羮風味外，還有加入嶄新元素的傳統菜式。蛇王芬特色蛇羹套餐：花膠太史蛇羹非常足料，湯色清澈、濃稠適中，用料有蛇絲、肉絲、冬菇絲、木耳絲，入口香滑又有咬口。吃時撒上菊花瓣、檸檬葉絲，更加清香誘人，食完暖身又滋補。生炒臘味糯米飯，是蛇羹最佳配搭，糯米飯香口不油膩，飯粒水份適中有咬口，配料中的臘腸、潤腸香甜美味。子薑麵醬魚腩煲，子薑麵醬非常濃郁，帶有酸甜味道，每塊魚腩都沾上醬汁，又滑又惹味！蟹粉蝦仁，新鮮蝦仁配上蟹粉鮮上加鮮，因為是滑炒的，火候掌握十分重要，必須經驗豐富的廚師才能把握住它的最佳狀態。蟹粉和蝦仁食落爽口帶鮮味！香酥豬扒擔擔麵，香酥的炸豬排表面脆脆的，雖然係厚切又炸過，但內𥚃肉質一啲都唔會鞋口，擔擔麵不算太油但湯底超濃味，而且口感很好。

經過見到餐廳格局有特式，行中式優雅路線，菜單又新頴，見有時間就入去試下入面裝修有格調，座位舒適，更設有圓桌，適合十個八個飯局雙重黯然銷魂煲仔丼$89腩肉半肥瘦，比例幾好。分兩種唔同煮法而有唔同味道，一舊略薄切，面頭鋪有芝麻，味道較香口。另一件腩肉厚切，汁味道香濃，質感香稔流心蛋勁流汁，撈飯食一流，勁好味牛油花甲菠菜$89同一碟有菜又有海鮮，實屬少見又幸福花甲新鮮肥美無沙，菜亦夠淋又健康花雕醉雞$89好香嘅花雕酒味，煮到雞件好入味。而雞件份量多，肉質嫩滑，雞皮冇毛，食左一兩塊都好香花雕酒味冬瓜瑤柱燉響螺$79夠足料，煲得好夠火喉，好清甜入味，好飲到呢一小碗都飲唔夠喉灌雞湯百花丸$69外型卜卜脆，入面係香滑灌雞湯蝦膠，味道鮮甜，可用已插係百花丸既針筒加醋原味小籠包$29味道唔錯，但略嫌小籠包內裏湯汁唔夠juicy,同樣可用針筒加醋桃膠菊花桂花雪梨$26解渴清甜消膩

屹立香港83年蛇王芬的蛇羹和臘味飯向來也是店家的招牌菜，除此之外還有不少巧手小菜、傳統美點、煲仔飯及燉湯等美食，菜式豐富絕非一般蛇羹專門店能媲美，本店環境夠傳統經典年青一輩可能未必懂得欣賞，所以店家近年開拓了年輕線品牌四季芬芳，將傳統經典的粵菜以嶄新的形式呈獻，我絕對是她的蛇粉所以今趟已經第三次來品嚐美食了。位於沙田新城市廣場內的四季芬芳便是蛇王芬的年輕綫餐廳，裝潢時尚得來不失傳統的味道好型格。今天來品嚐四季芬芳全新的四季養生菜，打破了大衆覺得蛇是燥熱之物只能冬天才可享用的舊觀念！原來只要根據季節配合不同的藥材，在春夏季吃蛇和臘味也可吃得補而不燥，真的令我這個吃貨長了知識。先來個冷盤藥膳醉乳鴿王＄129開開胃！乳鴿以當歸、杞子浸至入味再淋上花雕才上檯，乳鴿口感皮爽肉嫩兼充滿肉香，配合鮮甜的汁料實在太好吃了吧！接下來要品嚐燕窩蛇湯燉節瓜盅拼紫椰菜臘味粒蟹肉蛋白炒飯＄149/份，一套兩盅的套餐份量十足非常抵吃。燕窩蛇湯燉節瓜盅的湯頭來自蛇王芬經典蛇羹變奏而成，伴上內有帶子、蝦仁、瑤柱和袪濕生熟薏仁的節瓜甫，面頭再加上滋陰矜貴的燕窩，更特別的是在燉湯中加入玫瑰花瓣令味道更加清香迷人，而且更有

📍 四季芬芳 沙田沙田正街2-8號新城市廣場三期3樓363A號鋪餐廳位於沙田新城市廣場，鄰近地鐵站，非常方便。餐廳是中環蛇王芬的副支線，以蛇羹作為招徠，同時配搭特色的上海菜式，吸引不少年輕食客！餐廳的裝潢走懷舊風，店內沿用古代客棧的設計，更有「四季芬芳」的牌匾，非常吸睛。🍽️ 蛇王芬潤腸糯米燒賣特色Fusion燒賣，用糯米製成口感比普通燒賣更豐富。🍽️ 蟹粉蝦仁蟹粉份量很多，中間有蟹肉，蝦仁大大粒，非常鮮味。🍽️ 雙重黯然銷魂煲仔拌麵黯然銷魂煲仔拌麵有飯麵兩食，腩肉肥瘦層次分明，分厚切和薄切兩款。薄切腩肉非常掛汁，肉質軟綿，厚切腩肉非常邪惡，表層的脂肪用炭火燒過，非常有咬口，口感十足！流心蛋100分，蛋黃醬佈滿帶點焦香的飯面，醬汁與蛋汁拌勻之後，十分惹味！🍽️ 香脆蘿蔔絲酥餅誠意推介！酥餅香脆可口，餡料有滿滿的蘿蔔絲，十分足料。🍽️ 酸菜魚酸菜魚稍為遜色，魚身雖然很嫩滑，但有點魚腥味。🍽️ 原味小籠包多汁，皮薄餡靚，必試！

蛇王芬屹立中環多年，一向以蛇羮及臘味糯米飯吸引一眾食家，除了這兩款招牌美食外，當然另有多款懷舊小菜、煲仔飯、燉湯…. 等水準也是不俗。「四季芬芳」是其年輕線，主打新潮粵菜、點心及輕食等類型，而裝修方面卻是別緻中帶點宮廷色彩。小店也設有一間別緻的VIP房，安坐當中自然吃得更加自在舒適啦。大部分人覺得蛇羹與臘味只適合秋冬進食，其實只須依據季節、再配合適當的藥材，一年四季也適合享用。吃主菜之前先試幾款點心，點了其中七款，包括：黑芝麻豆沙包(黑)、太子参帶子餃(白)、紅菜頭素餃(紅)、咸柑桔生煎包(橙)、菊花蝦餃(黃)、翡翠蘆筍餃(綠) 及 太史蛇羮酥(金黃)；所有點心的顏色也和認知有所出入，原來大廚刻意把一些健康食材如黑芝麻、紅菜頭及蘆筍等添加入傳統點心之中，保持傳統口味之餘也能將營養價值提高。當中的菊花蝦餃、太史蛇羹酥及咸柑桔生煎包印象最深。菊花蝦餃～加了菊花的餃子皮呈淺黃色，帶淡淡花香、蝦肉鮮爽，頗清新。太史蛇羹酥～大廚將蛇王芬最出名的名菜蛇羹 - 凝固成啫喱肉凍，以酥皮包起並炸至金黃香脆，不但保留蛇羹的原汁原味，更可以用手拿著逐口品嚐，創意與味道兼備。咸柑桔生煎包～將橙皮蓉與麵粉混和，

我有聽說過冬天吃蛇羹可進補暖身，原來一年四季都可以吃蛇，只要根據季節以不同藥材入饌，春夏則配搭適時的輕淡煮法和食材，則可達到補而不燥的效果，四季得宜。 餐廳最近推出全新春夏養生食療料理，非常適合春夏清補之用，今餐還集合了7色食療啊﹗  燕窩蛇湯燉節瓜盅 拼紫椰菜臘味粒蟹肉蛋白炒飯  以「蛇王芬」的經典蛇羹作為藍本，蛇湯以蛇骨、雞肉、豬肉等新鮮食材熬煮半日而成；選用長身節瓜挖去瓜肉，釀入帶子、蝦仁、瑤柱和袪濕的生熟薏仁等，原盅燉煮 2－3 小時。並加入珍貴燕窩及玫瑰花瓣，氣味更為清氣，能潤肺滋陰、疏肝理氣而解鬱。味道有點像節瓜瘦肉湯，好鮮甜美味的，飲完好暖身。 配上臘味粒蟹肉蛋白炒飯，炒飯粒粒分明，特別加上紫椰菜、蟹肉及陳皮絲等，清新爽口，減低臘腸的油膩感。  太史蛇羹酥  先將蛇羹湯水凝固成為啫喱肉凍，再以酥皮包起並炸至金黃色，外層酥香可口不油膩，內裡保留蛇羹的原汁原味。  藥膳醉乳鴿王  幾乎每個人都推介的一道菜，乳鴿浸泡在加入了當歸和杞子的醬汁裡一整晚，上碟時淋上紹興花雕酒，乳鴿王肉質鮮嫩又入味，好喜歡這藥膳味道，剛剛好，酒香也沒有蓋過乳鴿的鮮甜肉香，而且大廚還細心地把乳鴿王起骨了