四季芬芳

营业中

休息中

沙田新城市廣場嘅Marks and Spencer shopping之後，喺對面見到呢間餐廳，因為攞住好多野，唔想再行去搵第二間食，所以同朋友一齊入去坐低食晚飯。入面裝修都係幾中國化，好在都乾淨企理。睇完menu之後就叫咗鼓椒排骨白鱔煲仔飯($108)，子薑麵醬魚腩煲($128)，薑蔥焗生蠔🦪($128)，花膠太史蛇羹($98)。鼓椒排骨白鱔煲仔飯唔會話好大㷛咁，但係都幾好食，排骨白鱔鋪滿晒飯面，肉汁流晒落去啲飯度，仲有就係㷛仔飯嘅靈魂-飯焦超好味😋。薑蔥焗生蠔🦪用㷛仔上枱，一路可以keep住溫度，正，呢㷛嘢有成十隻蠔，隻隻差唔多大細，啲汁剛剛好可以包住晒，唔會太多太厚汁，正！蛇羹個presentation 好靚，食入口都好味道！

今日同朋友約左係新城市見面朋友話轉天氣想食蛇羮我就諗起四季芬芳 裝修都好中國傳統特色 但又不失少少modern 味睇餐牌都有好多唔同的中餐菜式 幾吸引朋友叫左的蛇羮 好足料唔小家竹絲雞百花丸 仲有試管俾你將d 汁送入丸入面 幾新趣 亦都好脆口 作為小食黎講唔錯啫啫雙腸芥蘭煲 好入味 配搭唔錯 魚腩煲都有5-6 舊 美中不足係有少少幼骨食的時候要小心一點最後叫左一個白鱔排骨煲仔飯好飽肚 又有少少飯焦 上菜個時仲好熱排骨唔老 都值得一試總括黎講 食中菜唔會old school的中菜之選

新城市3樓新裝修後有唔少餐廳進駐，今日行經呢度搵食就俾呢間古式古香既裝飾吸引左。呢間係食蛇羹做招牌既，店主“蛇王芬”賣蛇都有一段時間，因為我唔食蛇，所以一段時間都冇留意到佢，但後尾望到餐牌其實唔單止得蛇，仲有好多其他唔同既種類既菜式，就決定一試。餐廳好寬敞，所有餐椅同裝修擺設都十分中式，燈光明亮，坐落好舒服。食物款式不少，有佢出名既蛇羹，蛇凍，炒蛇肉之外，羊，牛，雞都有唔少選擇。呢度最出名嘅除咗係佢嘅蛇羹之外仲有唔同款式既養生燉湯，我地點左個花膠百合燉水鴨（$98），上台既底盤好樣緻，望落幾靚。飲落每一啖都足料，大大舊既水鴨，花膠都夾得起。個湯非常濃郁，而且濃得黎好鮮味，飲完都唔覺口渴，食得出唔係味精既味黎。主食方面就叫左松茸茶膳文昌雞鍋（$288），呢個雞鍋係原隻雞同原煲上既，份量好足！湯底有松茸同淮山等唔少配料，一滾已經好香。個煲上台之後，店小二會幫足我地落雞，開火，計時焗好等一系列步驟，服務周到值得一贊。雞件係原隻文昌雞，大大隻，肉質鮮嫩，咬落彈牙，配埋個藥膳湯底突出原有既鮮味，我個人比較喜歡。但因為個湯底唔濃，所以如果鍾意濃味嘅可以都可以點佢提供埋既配醬。除咗隻雞之外佢仲提供兩

香港終於開始凍了，朋友好想食蛇羹，對比起傳統嘅店，就諗起上次行過新城市廣場，呢間裝修得幾靚嘅老字號 午餐嚟食價錢都相對抵啲，有套餐叫！ 朋友揀咗 花膠太史蛇羹撈麵我自己就唔食蛇嘅，但聽朋友講，都幾好味，而且都算多蛇肉，好似咁樣一影，都見到好多蛇 而且職員喺拎一盅嘅蛇羹，嚟到你眼前，先幫你撈落個麵度 我自己就揀咗三餸一湯飯我揀咗北菇、磨鼓醬牛筋牛腩、蝦醬腩片個飯好有驚喜，好好味，而且呢兩個餸送飯一流！牛腩唔會癡牙，北菇亦都好香！而且個飯啦仲可以免費加量！ 湯方面 我就加錢配左淮杞圓肉燉竹絲雞燉湯嘅料都算足料，不過我就覺得個湯稍鹹，如果落少啲鹽就會再好味同健康啲！

媽聽見沙田有蛇食, 諗都無諗, 就揀咗呢間食lunch.  好啦, 既然放假就陪佢食蛇啦!!  佢喺天天海南雞後面, 唔難搵. 去到2點幾, 明明見到有好多吉位, 但就係都唔比人入咁奇怪嘅! 明爐老火湯+生炒糯米飯 ($58)(轉花膠太史蛇羹($38))生炒糯米飯: 炒到好乾身, 好好食. 味道亦好好.  但d 料就好少, 有10粒8粒臘腸同膶腸. 糯米飯Size 就係似普通茶樓碗仔size. 花膠太史蛇羹: 蛇羹比較希. 味道係OK 嘅. 有少量薄脆, 生菜絲同菜菊花比你放入蛇羹一齊食三餸一湯蒸飯 ($78) (轉蔥油拌麵 (+$5) 轉海底榔雪梨蘋果燉豬展 (+$18)三餸一湯蒸飯: 叫咗豬手, 牛筋牛腩同北菇, d 餸好入味, 好好食. 因為轉咗蔥油拌面, 面嘅味道都好好食, 但油就多咗少少. 食到底d 麵就好油膩.海底榔雪梨蘋果燉豬展: 食到無味精, 好足料, 好正.

新城市三期翻新後都未黎過,今日趁住放假就黎行下發食下野,的.見到呢間充滿中國古色彩既餐廳咁特別,行去一望先知原來係好出名食蛇羹既蛇王芬！除左蛇羹外加插左唔少小菜同特色美食,咁特別就當然要入去試試.XO醬爆三鮮三鮮內有蝦球,帶子同珊瑚蚌拌上三色椒及XO醬爆炒.蝦球爽脆彈牙又唔帶腥味,食落又唔會好大雪藏味.珊瑚蚌同樣爽彈又唔會過韌,容易咬開帶子甘甜而且肉質咬落唔會霉.XO醬帶瑤柱海鮮香味再配上三鮮爆炒令海鮮既鹹香味更突出.XO醬同樣帶少少香辣感就更加惹心.清酒大蜆蒸蛋清酒大蜆由外而內以環形模式排列好後,整齊地屹立係蒸水蛋面上,充滿氣勢.清酒大蜆既蜆肉唔算大粒但勝在無沙,蜆肉亦尚算彈牙.蒸水蛋蒸得香嫩滑溜,蛋面層光滑平順唔會蒸得過火.入口嫩而香滑,一下子就溜入口腔內,為口腔帶黎陣陣蛋香及蜆肉既鮮味.溫泉蛋陳皮和牛肉餅煲仔飯將滑牛肉內加入陳皮後打成牛肉餅,牛肉餅內帶有層層陳皮清新既幽香,柑桔果皮味甘濃而不澀.同時間亦能為牛肉作提鮮的作用.蒸牛肉嫩滑不老,質感滑身而且比豬肉多添份細膩及滑身既口感.輕輕穿破半熟蛋衣,蛋黃立刻湧出,將牛肉餅及飯面染上黃昏般既橙黃色.蛋黃果香質感稠密,令牛肉餅食落更滑

喺沙田新城市第二期，好易搵個location🤣尤其佢個邊全部都係食肆，行過幾間都好吸引！不過今次target四季芬芳🤣佢入面係好有型格嘅裝修，紅match籃好撞，但好有氣派，又好古色古香上網見到松茸藥膳雞煲好classic好有氣派好想試!!原來每日有限供應㗎，好彩有得食今次！！其實有少少似打邊爐，個鍋好令好igable啲配料好得意😎有小青檸，可以提升個味，酸酸辣辣個味好特別，醒胃!!個文昌雞，好肥美，啲雞肉吾會好鞋，無味！最得意佢有2支小米通比你當泡飯食🤣好得意！無食過這樣配搭，好有馬拉風味！脆卜卜又似吃早餐🥣但又吸哂啲味😂粟米星斑 厚切星斑，炸完又唔係好熱氣！啲汁好多，可以點勁多🤣而且佢啲魚又吾係好淡淡嘅味，都幾好食😋值得一提，個茶係earl grey黎架！！好正😂🤣

想食鮮味十足既海鮮，但疫情之下又怕海鮮菜館大排檔果Ｄ衛生問題踏入秋冬想飲返碗滋補靚湯，但又怕出街食又落味精又唔足料？黎呢間四季芬芳就可以解決晒你既問題一上台店小二已經即時沖左壺靚茶比我地花膠太史竹絲雞羹先黎個養顏花膠睇下佢足料到可以夾得起不論係花膠定係雞絲，啖啖你都食到仲可以配埋附上既配料一齊食，味道口感更上一層樓冬瓜瑤柱燉嚮螺呢個嚮螺湯好鮮味，而且飲落去唔會口乾，證明佢既鮮味係真材實料唔係落味精而且你可以見到真係有嚮螺係有面，無花無雞除左嚮螺其實仲有大量雞腳等等既材料出黎飲湯好少咁有良心鮮象拔蚌仔荷葉蒸飯唔係見到個「仔」字就以為象拔蚌好細又好少可以見到每一塊都唔細，而且仲要鋪滿晒成個荷葉飯同埋真係食得出Ｄ象拔蚌好新鮮唔係Ｄ雪藏次貨每一條都好爽口彈牙，仲要啖啖鮮味荷葉飯同象拔蚌一齊蒸，令佢吸收晒象拔蚌既鮮味仲有淡淡清新既荷葉香，令你食極都唔會膩最有良心既係，呢個咁正既荷葉飯份量超級足以呢個普通飯碗ＳＩＺＥ既份量保守估計可以有十碗以上３—６個人食都完全足夠XO醬爆三鮮（蝦球、帶子、珊瑚蚌）是日最大驚喜，亦係我至愛點解呀？因為一個字：鮮！你可能會擔心，用ＸＯ醬黎炒海鮮，咪食唔出海鮮既鮮味囉

餐廳裝修古色古香， 擺放許多古典傢俬 ，佈置十分華麗， 充滿懷舊古典風彩，經典的【 蛇王芬】 招牌， 令人眼前一亮， 絕對是拍照打卡熱點，恍如回到60年代的老香港， 座位寬敞舒適， 環境不錯。焦糖龍井煙燻炸雞$168煙燻雞用透明玻璃蓋著， 打開蓋後瀰漫著白煙， 並散發著陣陣迷人煙燻香味， 雞皮煙燻 至油光亮麗，香氣十足，令人垂涎，雞肉皮脆肉嫩， 上面灑滿焦糖龍井茶葉， 與雞肉一齊吃， 香濃美味， 別有一番風味， 啖啖都是幸福的滋味。豉椒排骨白鱔煲仔飯$108排骨白鱔煲仔飯， 原煲盛 上 ， 保持溫度， 上枱時熱呼呼， 香氣四溢， 白鱔肉質鮮味彈牙， 新鮮貨色， 魚油豐盛， 魚油並且滲入白飯裏 ， 加上軟滑的排骨及淋上甜豉油， 食後滿口魚鮮， 滋味無窮 ， 還有煲底香香的飯焦， 滋味得把所有的飯焦， 通通吃光了。子薑咕嚕肉$88咕嚕肉是有名中菜佳餚， 外國人特別喜歡 ，咕嚕肉充滿鑊氣， 外皮香脆可口， 豬肉十分爽口， 還掛滿甜甜酸酸醬汁， 加上爽脆的子薑，風味迷人，令人胃口大開。椒鹽鮮花枝$98椒鹽鮮花枝，外皮炸到金黃色， 厚身大件， 熱呼呼， 香噴噴， 賣相吸引， 外皮甘香酥脆，口感彈

看見朋友分享的 四季芬芳 美食己令人垂涎三尺，她所點餸菜恰好是我所愛😍 小編迅即約飯腳朋友了。🤣餐牌上有多種款色，王牌蛇羹、煲仔飯、火鍋、小菜等等指定荔枝茶，味道撲鼻，入口清香豉椒排骨白鱔煲仔飯 HKD 108 馳名煲仔飯！ 必點 火喉足夠，打開蓋後急不可待了先吃一口，飯己收乾 鱔肥美啊！ XO 醬炒三鮮 HKD 128 這個菜有帶子、象拔蚌及蝦 🦐 味道鮮甜中帶小許辣。藥膳乳鴿王 HKD 128 藥膳味道強烈 正適合這種天氣了！乳鴿皮相當入味，而肉質嫩。薑蔥焗生蠔 HKD 128 惹味菜！火喉控制得宜，醬汁不會章著咀，蠔美味 沒腥味 整個感覺有著中式古典味道 很高雅 可再回頭

早兩個月到過沙田新城市廣場第三期商場瀏覽，看見「蛇王芬」的新派食肆店鋪「四季芬芳」，可是當時未有時間一嘗久遺了的蛇羹滋味，今天終於有時間，特來滿足饞嘴的我，也因為蛇羹是香港有着十分深厚的傳統美食。中午12點鐘多入座，不用等位，甫坐下女侍應便提來充滿花香的茗茶。細看餐紙有多款套餐選擇，我楝D餐花膠太史蛇羹撈麵。很快，蛇羹撈麵便端來了！女侍應用熟練的手勢，將一盅蛇羹傾倒在雪白的麵條上，我也將薄脆、菊花.......放在蛇羹上，開始享用我的花膠太史蛇羹撈麵午饍。蛇羹撈麵味道很淡，有吃家庭飯餐的感覺，我也看見有客人向侍應要點兒豉油調味，因此我看見載豉油的瓶子很漂亮，但我沒有要求取豉油，雖然味道比較淡，但仍愛原味！湯色清澈、濃稠適中。非常雪白的切條狀花膠。太久沒有品嘗的蛇肉，蛇肉不多，不知道會否為我帶來暖胃補身功能呢？！

約左朋友去沙田食飯，新城市廣場有好多食肆，但呢間偏偏吸引到我，事關成間餐廳嘅設計都好古色古香，好有深刻印象，我地就入左去食，坐埋位侍應就送上一煲熱茶，芳香茶濃。我地點左幾款小菜食~.灌湯竹絲雞百花丸 $76即叫即炸，好大粒，一人一粒岩岩好，小食多滋味~ 附送左支秘製黑醋，食之前吉落去注射入去百花丸入面，有趣又新奇，仲可以增添鮮味。百花丸外面裹左層炸粒，入面內有乾坤，蝦膠中藏有秘密，就有咬落去好香脆，再有爽口彈牙嘅口感，仲用左灌湯嘅方式加入左竹絲雞絲，非常鮮味，不過食之前要小心辣親個嘴呀~柚子海蜇頭沙律 $78先黎個沙律醒醒胃先，柚子海蜇頭沙律賣相好精緻嘅中式沙律，一層海蜇頭一層苦瓜，口感豐富，海蜇頭好爽口，而苦瓜爽中帶甘甜，配上柚子醬汁，甜甜地，好開胃。蜜汁西班牙叉燒 $128叉燒雖然比較瘦，都不失肉嫩嘅口感，叉燒燒得焦香，入口仲有蜜汁香甜味，味道恰到好處，肉味濃郁唔黐牙，整體感覺肉香不膩。溫泉蛋陳皮和牛肉餅煲仔飯 $128侍應送上煲仔飯時會即場加入秘製煲仔飯豉油，再蓋埋焗多幾分鐘就岩岩好，成個觀想效果都好靚。將溫泉蛋刺穿，蛋汁流至肉餅同飯粒，更添惹味，飯粒粒粒分明，沾滿蛋汁同豉油，好

好耐都未嚟過沙田了，今日專登嚟逛一逛，依家沙田新城市商場開咗好多新餐廳，好多都想試呀！😍今日就試左四季芬芳，之前已聽朋友話呢間唔錯！今日雖然係平日，但一樣全場爆滿，要等左一陣先有位！花膠太史蛇羹$98黎食四季芬芳，一定要叫碗蛇羹試下先，好足料，上面有層花膠絲，有好多蛇肉，而且湯底好濃，加埋菊花，檸檬草一齊食更能帶出蛇嘅鮮味！啫啫芥蘭雙腸煲$98一黎到已經香噴噴，芥蘭青翠爽口，膶腸金香，臘腸肥瘦適中👍🏻👍🏻子薑麵醬魚腩煲$128呢個好抵食，份量大，約8-9 件大大件魚腩，用子薑麵醬嘅煮法，令人胃口大增！灌湯竹絲雞百花丸$76/2 粒賣相特別，炸得金黃香脆，咬落去好Juicy, 入面釀左竹絲雞湯，加埋醋食大大提升蝦丸鮮味！豉椒排骨白鱔煲仔飯$108排骨醃得相當入味，肉質好腍，白鱔肥美，煲仔飯係有飯焦，一個字「正」！😍😍😍兩個人食左好多野都唔使$600，價錢適中，最重要係食物高質👍🏻👍🏻👍🏻

以前時常光顧中環的蛇王芬，它的燉湯、蛇羹、切雞、臘腸潤腸都是我的至愛，但近年都少了幫襯。今日好想食煲仔飯，朋友話有好介紹，我們去了新城市廣場的「四季芬芳」，一看原來是蛇王芬與天天雞飯合作開副線，未食已經好開心。因為行完山，大家都非常疲累，胃口不大好，所以只點了幾款來試試。花膠太史蛇羹 跟以前的食味差不多，蛇絲、雞絲、肉絲、木耳絲、冬菇等等，材料豐富，滋補有益。薑蔥焗生蠔 滋味，中型的生蠔嫩嫩滑滑，時間掌握非常好，薑蔥爆得香口，一件不留。鮮象拔蚌仔荷葉蒸飯香口，整個飯充滿荷葉香，很不錯。芋頭臘味煲仔飯 上桌時還做個火焰效果，他們的臘味很甘香，有臘腸、香腸、臘肉，還有香香的飯焦，好滿足啊！

裝修環境非常清幽，而且又有舊香港果種氣氛，真係令人懷念以前跟父母去食蛇羹依家真係買少見少。花膠太史竹絲雞羹（$88）一食落口就知道超級補,又花膠又竹絲，口感亦都豐富有層次一食就知道非常足料，你唔好睇佢個樣都細細地，實質個容器深不可測，食極都食唔完咁。藥膳乳鴿王（$128）Baby King 🤴 乳鴿肉質本身已經非常 嫩滑，再配合埋多種名貴藥材烹調，小弟利用僅餘的味覺食得出有花雕酒淮山杞子......其實仲有好多好多。除咗夠哂補之外味道層次亦都非常豐富👍🏻薑蔥焗生蠔（$128）薑蔥焗得好香，而且好惹味，生蠔份量好多粒絕對冇花冇假，好滿足🙂豉椒排骨白鱔煲仔飯（$108）煲仔飯用新加坡深色豉油，煲起身勁香，再加上白鱔完全唔腥，令到我依個唔鍾意食鱔嘅人都深深愛上呢個煲仔飯。竹絲雞湯豆苗（$98）食咗咁多咁補嘅嘢當然要清清腸胃，份量絕對唔少唔會到喉唔到肺，soak 埋啲清雞湯簡直係perfect。整體來講三個人食價錢唔算貴而且菜式有特色又夠香港嗰種味道食得出幾十年前香港嗰種優越感👍🏻