四季芬芳

营业中

休息中

係沙田shopping前醫醫個肚先，朋友想食四季芬芳x蛇王芬餐廳。我一開始就好抗拒......食蛇？唔係好想喔！佢話有其他野食架，於是我地就入左去酸菜魚湯麵推薦！好好食呀，好有誠意，夠酸夠辣，魚塊新鮮結實，不過有少少魚鱗，影響進食體驗招牌蟹粉蟹膏撈麵都係好食呀，完全足料，撈埋之後每啖面都可以食到蟹粉蟹膏，鐘意食蟹人士不容錯過煙熏龍井炸雞幾得意，就試下！一上檯就好大煙熏味！皮脆肉嫩，但食落就冇咩味道，個人一般！

今次分享既係一間新派fusion菜 四季芬芳，原來佢係中環無人不識「蛇王芬」 其下既副線餐廳，唔怪得我平日去都好多人排隊，聽講仲係蔡瀾大讚的餐廳之一。餐廳環境好新穎，懷舊得黎充滿玩味😍花膠太史蛇羮 （$99）天氣開始凍凍地，可以食返碗皇牌蛇羮😝蛇肉唔會鞋颯颯, 食完又補身又暖笠笠黑松露小籠包/2件 ($39)原味小籠包/2件 ($29)呢度嘅小籠包好得意，用咗裝左醋既滴管直接插咗喺小籠包上面，咬開湯汁爆棚，再用滴管支一支啲醋，超方便。蛇王芬潤腸鹹水角/2件($39)喺呢度嘅招牌菜之一，鹹水角炸得剛剛好又熱辣辣，個皮煙煙韌韌好柔軟，不愧為皇牌菜川味紅油抄手/4粒 ($49)呢個抄手每粒都大大粒，皮薄餡靚，當然抄手最重要係個醬汁，惹味之餘唔會太辣，係我推介之一👍🏻牛油花甲菠菜($89)見到張相嘅時候已經好吸引，一定要嗌佢，花甲排列得好整齊，而且隻隻肉身飽滿，夠晒鮮味。菠菜唔使講吸晒花甲啲精華，非常好味雙重黯然鋿魂煲仔丼($79)呢個煲仔丼都幾邪惡🫢有大大嚿嘅蜜汁叉燒，仲有兩大塊嘅扣肉，個人覺得係男人最愛🤣飛雪小白兔 （$39）呢個見咁得意，原來係椰汁糕黎，唔會太甜，味道剛剛好，飯後甜品不錯

冬天將至，係時候食蛇啦，一提起食蛇一定會想起蛇王芬！不過原來除左蛇，其他小菜一樣都甘出色！酸菜魚唔會太酸，可以連埋湯底飲，魚肉肉質滑嫩無雪味，而且好大盆，都幾抵食呀！啫啫隻腸芥蘭煲，冬天必食，好惹味，芥蘭爽甜，臘腸潤腸，熱辣辣最好食！煙燻龍井炸雞，另一道推介菜式，皮非常之脆，但雞肉唔會鞋拾拾，好味道！香辣半筋半肉湯麵，湯頭甜而不膩，都幾濃味，岩晒重口味人士。重點係大大碗，二個人share食剛剛好！

今日嚟開沙田新城市食飯。天氣開始轉涼，俗語有云：秋風起，食蛇皮。陪老豆竇食下蛇羹&臘味煲先😄煙燻龍井炸雞半隻（$179）呢隻龍井燻雞每晚限量供應7隻，手快有手慢冇呀。嗌咗半隻，一打開個罩，一陣龍井茶香味撲鼻而來😀龍井茶葉炸脆左之後好甜，配搭脆皮燒雞，令雞肉都有淡淡茶葉味，幾特別。成碟雞都冇乜骨，斬曬細細件，一啖一件☺️幾易入口灌烏雞湯百花丸兩粒（$69）👍🏻👍🏻👍🏻👍🏻👍🏻呢個好正！除咗有針筒可以唧啲醋入去幾有玩味之外，外層脆脆嘅口感，好似食緊粒粒脆米咁。入面嘅蝦意想不到地爽口彈牙、大隻🤩，令成個蝦丸好有嚼勁👍🏻！！加上有啲濃湯流出嚟，令佢更加濕潤， encorable❤️~蛇王芬特色蛇羹套餐（$139）：［花膠太子蛇羹 ］蛇羹整體份量偏細碗，不過蛇肉比例都OK高，羹亦算稠身。附送的檸檬草令整體鮮味再提升，料頭加曬落去增加左口感［生炒臘味糯米飯］賣相幾好，花生量多。食落暖身，感覺紥實。個人覺得可以撈啲白米落去冇咁飽肚添。啫啫雙腸芥蘭煲（$89）一開始覺得份量真係太少喇。但食落又見到啲心思位：例如芥蘭切成一片片，好易入口；雙腸油脂比例分佈平均，唔算好油膩，幾香；加上用咗石鍋保溫好啲，整體係我

平日放工經過呢度都見到人頭湧湧，好多人喺門口拎飛等位，今日咁啱早放工，朋友同我嚟呢間餐廳食飯！果然係有啲水準，所以先咁受歡迎！✨蛇王芬特色蛇羹套餐❤️花膠太史蛇羹自己第一次食蛇，感覺上蛇嘅質地幾似豬肉，非常容易入口，絕對可以試吓！朋友就之前食過蛇嘅😄就話呢間餐廳蛇羹夠晒熱，同埋都算足料❤️生炒臘味糯米飯糯米飯口感煙韌！一睇就知道好多臘味！✨ 子薑麵醬魚腩煲魚肉好新鮮，同埋結實，一食就知係新鮮魚！一啲腥味都冇👍👍👍✨ 黑松露小籠包/2件造型非常可愛，上邊插着嘅針筒造型係陳醋！而且入邊有非常濃郁嘅黑松露味！真係爆汁！✨梅菜和牛酥餅入邊除咗和牛之外，仲有少許潤腸✨ 招牌蟹粉蟹膏撈麵呢個有啲驚喜！蟹膏入邊都有啲蟹肉！成個撈麵，唔算好鹹，反而充滿鮮味！

今日同朋友喺沙田行完山 跟住就去咗新城市廣場搵嘢食見到一間中式設計並以紅色同藍色為主調嘅飯店🔴🔵細看原來係蛇王芬副線 感覺份外新潮😎.🌟蛇王芬特色蛇羹套餐 ($139){花膠太史蛇羹+生炒臘味糯米飯}蛇羹上面鋪滿花膠 仲有木耳、蛇肉絲、冬菇絲🐍每一口都食到絲絲材料 份量十足而且仲分開配上薄脆、檸檬絲同生菜絲一齊品嚐😛生炒糯米飯軟硬適中 香而不油膩再加埋啲臘味粒同花生粒🥜更加惹味雖然睇落細細盅 但係份量一啲都唔細食完蛇羹同糯米飯覺得全身都暖晒🥰 冬天必食👍🏻.🌟雙重黯然銷魂煲仔丼 ($79)呢個係一個炒飯底嘅煲仔飯 中間仲有隻窩蛋🍳重點係我至愛嘅半肥瘦叉燒叉燒表面用蜜糖包住🍯 仲有兩塊腩肉 煮得非常入味煮得又軟又淋 仲好大煲 非常抵食.🌟原味小籠包 ($29)一籠有兩隻小籠包 皮薄多汁🤤而且每隻小籠包都插咗一支裝有浙醋嘅膠管方便食用又精美☺️.🌟蛇王芬臘腸卷 ($49)臘腸卷係懷舊點心 依家酒樓都好少有得賣呢度特別用咗紅色嘅包皮包住臘腸 賣相吸引又新穎❣️臘腸肥瘦適中 蒸完之後啲油香吸晒落包皮非常美味😋.🌟蛇王芬潤腸鹹水角 ($39)鹹水角嘅餡料加入左潤腸炸得外脆內軟 咬

同老公去沙田新城市廣場行吓，順道去朋友介紹嘅四季芬芳食飯，話有年輕文化創意新派粵菜，我哋一向喜歡試新嘢，今晚就嚐試吓！餐廳是中環蛇羹老字號蛇王芬開的副線餐廳，裝潢係加入新元素的中國設計，又是一個打咭好地方。蟹粉蝦仁：新鮮蝦仁配上時令蟹粉，蝦仁爽口，蟹粉滑溜，味道鮮上加鮮。花雕醉雞：雞味濃郁，酒香完全浸透嫩滑的雞肉，好夠味！原味小籠包：外皮厚薄適中能承托包內湯汁，餡料肉味香濃，包外還插有一枝有醋的膠管，只要用手按下，就可以將醋打入包內，非常方便，而且加埋少許醋食，味道更提升，有創意！流心蛋海南雞扒煲仔拌麵：雞扒嫩滑，另外有流心蛋、蔥花、木魚碎和肉碎用麵撈埋食，有多重口感，而醬汁調得好惹味，麵亦彈牙。古法肉骨茶湯麵：呢度嘅肉骨茶唔似傳統嘅帶有濃烈藥材味道，而係有陣陣胡椒嘅香氣，佢啲排骨同配料都好入味，湯嘅味道亦係極為濃郁。麵亦彈牙。蛇王芬生炒糯米飯：糯米飯口感軟硬適中，加入切左細粒嘅自家製臘腸和鮮鴨潤腸，味道香濃甘香，最後灑上蔥花同花生增添口感和香味。飛雪小白兔：用椰汁布甸造成小白兔形狀，既可愛又甜美。

屹立於中環「蛇王芬」相信無人不識，獲香港米芝蓮必比登推介，連BBC、CNN、NHK等海外傳媒也報道過，現今已傳至第四代。最近發現係沙田新城市廣場第三期嘅「四季芬芳」係佢哋其下副線，今日就同家姐去食個晚飯。餐廳裝修以中式帶點懷舊風，坐落舒服！今日涼涼哋，正所謂秋風起三蛇肥，食番碗蛇羹先，除咗蛇羹仲有好多款補身燉湯選擇！蛇王芬特色蛇羹套餐139 套餐有花膠太史蛇羹+蛇王芬臘味生炒糯米飯花膠太史蛇羹十分足料，有蛇絲、花膠絲、筍絲、雞肉絲、瘦肉絲、冬菇絲等，還附上薄脆、白菊、生菜絲，入口清甜有層次夠味，必食之選生炒糯米飯粒粒晶瑩分明，色澤均勻，香口軟糯，加上香噴噴臘腸、潤腸同花生，食每啖都好滿足，超正原味小籠包$29 小籠包每粒都有插住一支裝住醋嘅迷你管，好有玩味！小籠包皮薄餡肉Juicy有湯汁，再加吱入嘅醋，非常好味，超蟹粉蝦仁$129 分量十足嘅金黃蟹粉鋪滿係新鮮爽口蝦仁上，兩者鮮上疊鮮，係視覺味覺的享受，非常好味😋蟲草花安格斯牛柳粒$99 牛柳肉質細嫩多汁，蟲草花炸到卜卜脆，再加上蜜糖甜甜地，好創新做法，真係食到停唔到口

香港食蛇羹的地方好多，但好食嘅蛇羹唔易搵。聽朋友介紹四季芬芳的蛇羹幾好食，又好足料，基本上每一根都可以食到絲絲既蛇肉🐍就特地來食。花膠太史蛇羹用料確實足，有蛇肉，花膠，冬菇，木耳等，入口膠質好足，味道好香，美顏又補身。酸菜魚適合不太食得辣又想感受酸爽的人，魚肉好滑而且冇小刺，酸菜酸爽，泡椒味足，湯汁濃白，食到越尾泡椒味越足。麻醬咕嚕雞擺盤好有特色，中間是麻醬，咕嚕雞表面灑了菊花。咕嚕肉多用豬肉，雞肉冇點試過，果然咕嚕雞味道唔錯，雞肉表面炸了下裹了甜酸醬好開胃，裡面的肉質好嫩，雞味都足。點了麻醬之後的雞肉又是另一番滋味，一份咕嚕雞兩食👍蝦球海味蔥油撈面，蔥油極香，面的口感好勁道，唔會軟㜛㜛。蝦球肉質彈牙唔會腥，這個撈面品質好唔錯黑松露小籠包皮好薄，肉餡料足，湯汁都有，黑松露的味唔是好覺。最抵讚的是甜品椰汁黑金龜苓膏。龜苓膏清苦的味道恰好被椰汁中和，使椰汁香味更加突出，連食三件都唔覺膩。

呢間餐廳獲著名食家蔡瀾招牌題字🖋裝潢以海藍配大紅為主調，天花畫上彩繪牡丹同小靈蛇，帶中式優雅🐍經典粵菜中加入Fusion元素重新演繹🌺💗黑松露小籠包 ($39/ 2件)小籠包一咬湯汁滿瀉，肉餡充斥濃烈黑松露香，唧上黑醋更突顯鮮美，不過外皮略厚🥟💗灌烏雞湯百花丸 ($69/ 2粒)將烏雞湯雪成啫喱狀，釀入蝦丸內炸香，蝦丸爽彈帶鮮蝦粒，雞湯同蝦肉嘅鮮味相輔相成，可以再唧入黑醋提鮮🦐💗蛇王芬潤腸鹹水角 ($39/ 2件)鹹水角皮加入竹炭粉搓成，食落香脆煙韌，以自家製鮮鴨潤腸代替豬肉餡，味道更齒頰留香🥠💗金香脆米叉燒 ($89)選用半肥瘦梅頭肉，搽上香甜叉燒醬燒香，肉質爽滑細膩，入口油脂豐潤，底下放有脆米增加口感🐷💗招牌蟹粉蟹膏撈麵 ($139)招牌撈麵鋪上澎湃嘅生拆大閘蟹蟹粉，再加入日本元素- 飛魚籽同原個甲羅燒，每一啖掛滿甘香濃郁嘅蟹膏同蟹肉🦀再拌入温泉蛋，蛋黃香十足🥚💗蛇王芬生炒糯米飯 ($49/ 碗)生炒糯米飯口感軟硬適中，黏糯油亮🍚加入自家製切肉臘腸同鮮鴨潤腸，味道香濃甘香，最後灑上蔥花同花生增添香味🥜💗竹蔗茅根馬蹄薏米水($26 /凍)竹蔗茅根馬蹄薏米水飲落舒爽清甜，有清熱止渴功效

今日去食lunch，入到去服務員態度已經好惡劣，之後用電子落單，明明落咗三樣野。但係等左半個鐘之後，都無野食，吹左一次，十分鐘後，嚟左一樣野，等多5分鐘再嚟多一樣，之後食晒兩樣嘢之後，見第三樣仲未嚟，再吹佢一次。服務員行咗個圈返嚟同我講，唔好意思，原來嗰樣冇落單，但係，電子落單記錄都有三樣，唔知佢邊個星球返嚟話睇唔到仲有樣，無落單都算，態度惡劣先係重點，全部個樣西到爆炸。總括而言，呢間嘢就係垃圾！

蛇王芬呢個老字號都好出名啦！但係一直冇試過，原來佢地仲拎左米芝蓮，冇理由唔黎朝聖下🐍蛇王芬特色套餐$139 （花膠太史蛇羹、蛇王芬臘味生炒糯米飯）就黎又到冬天，緊係要食番碗蛇羹。一場黎點都要試佢地個招牌菜。揀左套餐，包左蛇羹同糯米飯，兩樣都係暖身暖胃嘅野食，咁就成個冬天都暖笠笠😚蛇羹非常足料，味道鮮美，質地較杰，配有蛋散同蔥絲，色香味俱全👍🏻👍🏻推介糯米飯粒粒分明，份量較細，約為一碗白飯size，口感軟糯🐍花雕醉雞🐓$89花雕酒味濃，醃到啲雞好重酒香味，醉雞完全冇骨，可以啖啖肉咁食，肉質有少少似海南雞，嫩滑🐍原味小籠包🥟$29除左小菜仲有點心可以揀，都係比較有特色嘅食物，走一啲特色路線。啲醋好似打針咁俾你自己打入小籠包🤣食果陣唔會流晒出黎🐍咸柑桔生煎包🍊 $39生煎包好啱叫黎打卡🤣外型好似兩隻桔仔，但係絕對冇咸柑桔味，都幾大個，口感油左少少🐍蛇王芬潤腸鹹水角$39鹹水角外型全黑，幾特別😯炸得幾酥脆，而且入面軟綿綿，夾埋潤腸食咸咸香香🐍子姜麵醬魚腩煲🍲 $109魚腩份量好多，魚肉厚肉而且煎得香脆，但食果陣要小心，都比較多骨。麵醬濃郁而不膩🐍鴨屎香水檸檬茶🍋 $28睇到個名已經好好奇個味🤓

餐廳位於新城市廣場入面，附近都有好多間同類型嘅餐廳，本來以為都係一間普通嘅中菜店，但係估唔到原來呢度主打係蛇羹，同埋糯米飯。 可惜我唔係好敢食蛇，所以都係食佢呢度第二樣推介，糯米飯同埋潤腸。 餐廳新開張，做緊九折優惠，咁啱同服務費對減咗，所以食落都幾抵。 我哋叫咗總共六樣嘢，埋單都係500蚊，但係食到我哋都好飽🤤🤤🤤 我最會推介嘅係呢度嘅潤腸魚蓉煎蛋角，雖然睇相好似平平無奇，但係食落其實入面每一啖蛋都同魚蓉合埋一齊，而佢啲潤腸都幾大塊，送飯一流❤️❤️ 其次呢度嘅蟹粉豆腐都好味，每一嚿豆腐都有蟹粉汁包住，食下食下唔覺意就食曬成兜🙈🙈 最後唔少得嘅梗係糯米飯，雖然個樣係一人份量但係始終糥米飯太飽，所以叫一碗兩個嚟食啱啱好。 原來餐廳同蛇王芬有合作，唔怪得知裏面好多嘢蛇王芬都有，傳統同埋新式融合埋一齊，值得試一試

沙田友出動啦！呢間餐廳經朋友介紹話有點心又有小菜食，今晚約埋朋友一齊黎試吓啦！一間餐廳唔單止要好食，仲要有良好服務態度，甘先係無得頂！正正呢間店就可以meet到曬呢啲要求啦！全晚印象最深刻又最想讚揚既係一位中年男侍應（應該係經理？感覺資歷較深）既服務態度，令我賓至如歸！話說我朋友遲左個幾鐘，佢見我企左甘耐主動問我要唔要坐低等，坐低之後我又等左一個鐘朋友先黎，但期間無任何人催過我落單，呢位侍應叔叔仲叫我唔使急，等齊再叫都得，完全唔會感受到有異樣眼光！食物方面都分別叫左小菜同點心，餐牌有好多款選擇，我地揀左好幾樣都係佢地既招牌菜！重點推介呢兩走款必試！雙重黯然銷魂煲仔拌麵本身係想叫飯底，因為煲仔梗係要配飯先係perfect match啦！結果自己手快㩒錯左面底，無辦法啦唯有試下！呢個面都幾彈牙，應該有用蔥油撈過，所以每一條面都充滿香味！而面頭既叉燒有兩款，兩款口感都有少少分別，但同樣地做到入口即化好邪惡！不過我覺得配飯，啲飯粒吸收埋啲油份咁應該仲正！椰奶炸龜苓膏呢個甜品好特別，佢口感似食緊糍粑，一樣都係外脆內煙靭。不過呢款口味上會更豐富，有少少龜苓膏既回甘味，配埋椰奶既香甜味，呢個配搭令你

蔡瀾推薦: 香港最好餐廳之一 四季芬芳by蛇王芬話明蛇王芬餐廳當然主要食蛇羹， 但係今日冇食蛇羹，主力食佢地啲小菜。首先講下餐廳環境， 餐廳嘅位置唔算多， 我哋今日兩位六點半去到已經有九成滿座，入餐廳一坐低侍應會攞壺茶畀你， 每枱都一式一樣， 全部都係伯爵茶， 所以第一啖已經飲到非常之香濃嘅茶香味， 非常好飲。 餐廳座位雖然不是很寬敞，但是環境很舒適及乾淨。 餐廳裝修很特別，大大個霓虹招牌，寫住四季芬芳，離遠都會望到。三色小籠包三色小籠包分別係原味，黑松露味，同麻辣味。小籠包size好大粒， 做到皮薄內有肉湯， 但是夾的時候真的小心些， 有一個小籠包畀我夾穿咗， 雖然冇曬肉湯，但係肉餡非常juicy， 推介黑松露味， 黑松露味非常之濃郁，食嘅時候隔離都聞到黑松露味道 ，反而麻辣味， 麻和辣味都不算突出 。而值得一讚 ，每個小籠包上都會有一小支醋， 畀你唧入小籠包入面，醋嘅份量亦剛好，食到醋味之餘又食到小籠包肉饀嘅鮮味。糯米飯糯米飯是蛇王芬招牌菜之一，糯米飯色澤非常均勻，內有花生，臘腸，潤腸，蛋花，顆粒分明，軟硬適中，冬天亦是食糯米飯最適合的時候招牌雙色蟹膏撈麵非常之多既蟹粉， 另外仲有