四妹廚房

营业中

休息中

四妹廚房真是一個家常味十足嘅好地方！今次試咗佢哋嘅菜，真心唔錯，肥仔話你知點解啦～🍽️韭菜魚肉角皮薄餡靚，韭菜同魚肉夾到正，煎到金黃香脆，食落好juicy，一啖接一啖！🍽️墨魚餅外脆內軟，墨魚味濃到爆，彈牙又香，點醬仲正！🍽️涼拌魚皮爽爽脆脆，酸酸辣辣好開胃，夏天食一流！🥣五指毛桃粟米紅蘿蔔栗子湯清甜養生，湯頭濃而不膩，栗子軟糯，飲完好舒服。🐠上湯金絲魚魚肉滑嫩，湯汁鮮到飛起，啖啖都係滿足。🍳窩蛋蒸牛肉餅蛋香同牛肉好match，入口即化，簡單但有心機。🍆麵醬雞肉炒菜心雞肉入晒味，菜心爽脆，麵醬香到不得了，真是一個好拍檔！🍦甜品香蕉煎餅甜甜軟軟，外皮焦糖香，配香蕉好夾，食完暖笠笠。總結，四妹廚房用料新鮮，煮得有心，無論前菜定甜品都好有誠意！環境舒服，服務親切，帶埋家人朋友嚟食一流。下次一定再返嚟試多啲好味嘢！

｛食盡荃灣之港式 — 四妹廚房｝————————————————呢間位於荃灣嘅隱蔽食堂，如果平時唔係逛開荃灣未必咁易搵得到， 但其實只要用心搵你就會搵到寶🤣 #四妹廚房 喺間主打家常菜 盆菜或者同埋海鮮加工嘅餐廳， 佢跟餐送嘅湯，連鹽都係另上嫁，保證冇味精🫡 🔸 香煎墨魚餅 $32 呢個墨魚餅煎得好香口，咬落去你係食到係真係手打墨魚嘅味道， 點埋啲甜酸醬食真係好快三兩下就清曬😋 🔸 紅燒乳鴿 $58 乳鴿一隻分四件大大隻， 一咬落去啲油香漏曬出嚟，佢嘅味道同茶樓比，感覺上係冇咁鹹，同埋新鮮d既感覺🤔 🔸 欖菜肉碎炒豆 呢碟嘢送飯簡直一流呀，佢嘅重點係佢啲汁， 仲有啲肉碎同豆都勁入味， 欖菜平時好少食，原來咁樣煮法咁好味😋 🔸蒸釘公 $78 叫咗個是日蒸魚套餐，佢呢度好特別有好多唔同魚可以揀，例如馬友 黃花 黃腳立 同泥鯭等等， 條魚蒸得啱啱好火喉，唔會太老， 而且仲好大條兩個人食都好足夠🤗 Overall comment: 其實呢間餐廳真係好適合平時收工唔得閒煮飯嘅打工仔， 又或者係今晚唔想煮飯嘅朋友， 佢嘅家常菜味道真係好好味， 我仲聽到啲街坊朋友係可以同老闆討論佢想點樣煮呢度菜㗎！

今日收早，同朋友去荃灣經過呢間 住家菜。首先係乳鴿，皮炸得香脆。而個湯煲真係驚喜，完全無腥味，特別啱怕食魚湯嘅人。最出色係鬼馬豆卜，入面仲有鮮蝦肉，配埋泰式辣醬，味道配搭得好好！仲有一碟 欖角肉碎炒豆角 完全是媽媽的味道 🙂整體黎講，呢度嘅菜式都係住家菜為主，冇味精 有家的感覺 ..另外，魚都蒸得恰到好處，保持住鮮味。值得一試！最後既甜品係 香蕉朱古力蛋餅,好似係個煎蛋上邊撈埋朱古力同埋香蕉咁。10分特別出邊冇呢個菜式。🍽️四妹廚房 (荃灣)📍荃灣西樓角路186-200號荃昌中心昌安商場地下5號舖

今日去左荃昌中心果邊行街，平時行開天橋果層，落地下行果陣無意中發現左一間幾隱世嘅小店，叫做「四妹廚房」，主打一系列家常農家小菜。價錢唔算貴，夜晚七十蚊已經包飯同湯，於是決定入去試試佢。叫完野食即刻有湯飲，天天新款，食果日就係紅蘿蔔栗子雞腳粟米湯，飲得出唔係味精湯，而係用時間煲出嚟嘅老火湯，好飲過好多燉湯店！餸就要左糖醋骨，調味唔錯，好開胃，每件骨都有好多肉，食得好滿足。再叫左一份乳鴿，炸得好香口，肉質亦都好嫩滑。冷盤叫咗藤椒魚皮，爽口彈牙，唔算好辣但夠惹味。蒸魚都好有驚喜，食得出係新鮮魚蒸成，肉質好嫩滑，亦都好香。豆豉鯪魚油麥菜都好食，炒得夠香，好有家常味。飲品揀左近期好hit嘅手打檸檬茶，打得幾好飲，酸甜度適中，茶又唔澀，夠解渴！最後叫左香蕉煎餅做甜品，食得出係自己煎，甜度適中亦唔會太滯，而香蕉味都好natural，好食過好多小食檔！整體食得幾滿足，間唔中想食D住家味道嘅人可以過嚟試。

荃灣嘅四妹廚房，係藏喺荃昌中心地庫嘅一間家常菜餐廳🏠，但就好有住家飯嘅感覺💖。踏入去嗰刻，簡樸嘅裝修加上老闆娘嘅親切招呼，真係俾人一種返咗屋企嘅溫暖✨。對於我哋呢啲平時少煮飯嘅家庭，呢度係一個好理想嘅選擇。我哋今日晚餐先嚟一個砵仔雲吞菜膽雞湯🍲，湯底濃郁，啲雲吞包得紮實，菜膽清甜，飲完暖住肚又暖住心。接住嚟就係清蒸黃腳鱲🐟，魚肉細嫩鮮香，無過多調味，但蒸得啱啱好，完美呈現魚嘅天然味道。紅燒乳鴿係必試之選🕊️，皮脆肉嫩，油香滲入每一啖肉度，仲配咗自家製嘅胡椒鹽，味道平衡又突出。而蒜心炒牛肉🥩，香味撲鼻，牛肉嫩滑，蒜心清脆，令人口感豐富又滿足。甜品方面，我哋試咗朱古力煎餅🍫，薄薄嘅煎餅包住濃郁嘅朱古力漿，入口甜而不膩，為整餐畫上完美句號。總體嚟講，四妹廚房唔單止係食物好味🤤，更加喺服務同人情味上都俾人有一種歸屬感💫。價錢親民，味道樸實，真係值得推薦💕。喺繁忙嘅都市生活中，呢個地方就似一個港灣，俾人停低嚟細味「家」嘅滋味😌。

荃灣住家飯呢間餐廳係家庭式經營，好多街坊幫襯。坐左一陣老闆端黎兩碗牛大力土茯苓湯,好好飲，冇落味精。另外嗌左酥炸乳鴿，清蒸馬友同店家新出既海鮮鍋。酥炸乳鴿好脆雖然細隻但啖啖肉，點淮鹽食，好味！清蒸馬友食得出好新鮮，肉質緊緻滑嫩，唔需要太多調味已經足夠😋海鮮鍋係店家最新推出，有蟶子、鮑魚、螃蟹、貴妃蚌等，超豐富，另外窩底有粉絲，索曬海鮮汁。另外，可以+20就有一碟菜，豆苗+28，有菜有肉有湯有營養，超抵。

今天一位住荃灣的多年老友記帶我來到這間溫馨小店，我和他一進門彷如回到家中，老闆娘深知我朋友的喜好，坐下便先奉上兩碗熱騰騰的老火靚湯。朋友推介必試招牌乳鴿 🦅 皮脆肉嫩，油香四溢！外皮金黃酥脆，咬下去還會聽到「喀啦」聲，肉質鮮嫩多汁，入口即化！配上特製的胡椒鹽，絕配！💯主菜點了二款小菜套餐酸辣豆角炒肉碎 🌶️ 這是我的心頭好！豆角爽脆，肉碎鮮香，辣椒提味但不嗆喉，酸中帶辣，開胃下飯！🍚 每一口都讓人停不了筷子！冬菜蒸撻沙魚 🐟 一般餐廳酒樓極少見，簡單卻極具功夫！魚肉新鮮，加上冬菜的鹹香，蔥花和薑絲提升層次，清淡卻不失味道！湯汁拌飯一流👍另外點了蒜蓉炒時蔬 🥬 用的是新鮮菜心苗，清甜爽口，蒜蓉香氣十足，完美配菜！整體來說，四妹廚房主打家常菜，每一道都充滿「媽媽的味道」！價錢親民，份量十足，最重要是每道菜都充滿心思💝，被濃濃的人情味包圍！🥰 #香港美食 #荃灣美食 #家常菜 #溫馨小店 #必試美食 #脆皮乳鴿 #老店 #人情味 #美食分享 #吃貨 #相機食先 📸

📍最近無意之中係屋企附近發現咗間小店🥢裝修簡潔❤️味道好有家嘅感覺😍🍲老黃瓜紅蘿蔔馬蹄湯：呢個老火住家湯真係唔錯👍真材實料✅好味道仲有家嘅感覺呢💯🐷阿媽滷豬手：超喜歡呢個豬手呀😋豬手炆得好腍👍重點係佢個汁甜甜地真係好好送飯🍚必吃💯🐣生炸乳鴿：估唔到咁細間小店都會有咁好食嘅生炸嘅乳鴿🦤乳鴿新鮮仲係好即叫即炸🔥非常之香口❤️🐥蔥爆雞：唔好睇佢好似細細碟😛其實佢嘅份量都唔少架👍而且爆完嘅雞件仲係好嫩滑添✅🐠麵醬馬友：第一次食用麵豉醬蒸嘅馬友🐠佢呢個麵豉醬嘅味道係甜甜好惹味🐠魚仲係好新鮮👍加埋一齊蒸就超夾呀💯🥬蒜蓉炒油麥菜：切開細細段嘅油麥菜好新鮮🥬咬入口非常之脆口呢❤️

一對夫婦經營既溫馨小店，主打平常住家菜，老火湯白飯任裝，位置有少少偏僻✨土魷冬菇蒸肉餅招牌菜‼️土魷有咬口，冬菇香濃增加，而且肉餅仲蒸得好juicy，送飯一流✨墨魚餅連墨魚餅都自家製👍保持原粒墨魚，好彈牙～炸皮唔厚，配埋自製辣醬，酸辣惹味✨紅燒乳鴿 炸琴皮脆肉嫩，蘸上淮鹽，夠脆身✨豆豉鯪魚炒油麥菜家常菜，味道正正常常～炒油麥菜夠鑊氣，唔會油膩✨鱷魚肉無花果湯無味精，飲完唔頸渴！清甜又滋潤，仲可以添多碗

作為無飯主婦的我，出街食都想食得健康，朋友推介荃昌中心有間小店叫「四妹廚房」，主打健康無味精住家飯，仲意想不到會提供BBQ到會服務，賀年糕點、盤菜。先按人頭呈上餐湯，係鱷魚肉無花果湯！無味精，飲完吾會頸渴，鱷魚肉有清熱潤肺、補氣補血、止咳化痰作用，特別適合鼻敏感、氣管敏感及哮喘人士，加入南北杏，清心安神。另外、白飯可以任添。墨魚餅（HKD 32):食得出連墨魚餅都自家製，仲保持墨魚顆粒係入面，好有咬口，炸皮吾厚蘸上泰式辣醬，酸酸甜甜，熱辣辣，好好味。紅燒乳鴿（HKD 58):皮脆肉嫩，仲鎖緊肉汁！雖然細細隻，但啖啖肉，甜甜地原來用左南乳醃製，蘸上淮鹽、好夠脆口。土魷冬菇蒸肉餅（HKD 72):土魷大大粒，增加咬口，冬菇有香濃菇味，增加層次感，肉餅加入紹興酒，冬菇嘅鮮味滲入肉餅當中，好多汁水，送飯一流。豆豉鯪魚炒油麥菜（HKD 72):油麥菜本身帶點甘苦味，用較濃味的豆豉鯪魚來炒香，更可口，油麥菜炒至香甜爽脆，最厲害係豆豉鯪魚完全唔油，好惹味。總結：荃灣住家菜之選健康無味精有誠意

呢間係荃灣可以搵家的味道的中菜，晚餐由$72起，仲包埋湯同飯可以改米線，加20元仲可以配一個蔬菜，CP值很高。今日的例湯是青紅蘿蔔粟米湯，無味精湯好岩成日出街食飯的人。洋蔥蕃茄豬扒 $72豬扒煎得好香，加埋蕃茄同洋蔥甜甜酸酸非常開胃。冬菜蒸七日鮮左口魚 $78七日鮮的咸香配上冬菜好夾，真係好送飯，食到停唔到口。香炸鯪魚球 $68鯪魚球很鮮味，不會太多粉，啖啖都係魚肉，煎得好香口。豬腩刈包 $38炒過嘅豬腩肉又香又入味 ，配埋酸菜同青瓜絲又加添清新的感覺。店員都好nice真係好舒服的一間餐廳，唔怪得咁多人一個人都會嚟食，真係好溫暖。

🐽 青紅蘿蔔陳皮湯湯底清甜，每一口都能感受到陳皮嘅香氣，配上青紅蘿蔔，既清新又有層次，有住家湯水嘅味道🐽 果皮蒸泥鯭䱽泥鯭鮮嫩，果皮嘅香味恰到好處，令魚肉更加鮮味，蒸得剛好，魚味好重一啲都唔會腥🐽 原隻燒乳鴿皮脆肉嫩，味道濃郁，特別係佢嗰種香氣，令人食到停唔到口。每一口都係享受，真係值得一試🐽 菜脯肉碎炒苦瓜苦瓜嘅苦味同菜脯嘅鹹香完美結合，炒得唔油膩，肉碎又香滑，係一個健康又美味嘅選擇🐽 香煎墨魚餅外脆內軟，墨魚味濃郁，搭配上啲自家雞辣，更加提升咗整體口感，簡直係一絕

呢間係荃昌中心嘅小店, 食嘅係住家菜的味道, 對我呢啲冇飯煮婦嚟講, 真係可以借人對手嚟醃住老公把口呀! 老闆老闆娘好熱情, 真係好似返咗屋企食飯咁, 佢哋仲有做到會、BBQ到會, 賀年糕點, 盆菜都有！所有餸菜自家製造, 好有家的味道, 絕冇味精。我地呢晚飲嘅係喺魚翅瓜蟲草花湯, 用魚翅瓜, 蟲草花, 紅蘿蔔, 粟米, 南北杏加豬骨煲, 好飲, 好清甜, 冇味精！韭菜魚肉角 - $38炸到好靚, 魚肉角外層係腐皮, 咬落去韭菜魚肉的味都好平均, 熱辣辣, 香口而不油膩, 又好酥脆, 真係自家製。紅燒乳鴿（一隻）- $58燒到個皮好香脆, 夠哂熱辣辣呀! 細細隻, 仲用咗南乳醃, 好似食緊南乳雞翼咁, 好香口; 仲可以點淮鹽一齊食, 食一隻都唔係好夠喉呀!麻辣炒肥牛 - $72肥牛加洋蔥同秘製麻辣醬汁一齊炒, 雖然簡簡單單一道菜, 但好有家的味道, 唔會好辣, 仲帶有少少甜味, 肥牛肥瘦均勻, 係一個好送飯的餸呀! 紅燒乳鴿同麻辣炒肥牛都可以做套飯, 加湯同飯, 白飯仲要任添啊！油菜 – 套飯加$20套飯加$20有油菜, 呢碟菜唔係一般灼菜, 有用蒜頭炒呀! 炒菜心炒得爽脆, 簡單調味

魚翅瓜蟲草花紅蘿蔔湯湯色金黃，入口帶有天然嘅清甜味，魚翅瓜煮得軟滑，有淡淡嘅瓜香，冇味精嘅調味令湯更加清新自然韭菜魚肉角超推薦👍🏻魚肉角外層係腐皮，炸得金黃酥脆，咬落去香口而不油膩，內餡滿滿嘅韭菜好惹味紅燒乳鴿乳鴿外皮燒得香脆，鴿肉嫩滑多汁，唔會過乾，肉香濃郁，啖啖肉蕃茄煮黃尾池餐廳嘅魚種類好多揀，煮法都包羅萬有，今晚揀左好開胃嘅煮法 - 蕃茄煮黃尾池🍅 酸甜開胃，魚肉實淨，冇任何腥味，煮得剛剛好土魷冬菇蒸肉餅肉餅肉香味濃，土魷嘅鹹香同冬菇嘅鮮味滲透入肉餅，好惹味，而且好juicy，送飯一流+$20 加配油菜好開心出街食飯都有菜食，就算一個人黎食飯，加$20就有碟菜，唔洗一叫就好大碟，夠晒健康，炒菜心炒得爽脆，簡單調味幾清新📌 四妹廚房地址:荃灣西樓角路186-200號荃昌中心昌安商場地下5號舖 🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐

❤️紅燒乳鴿（1隻） 啖啖肉，皮脆肉嫩😋❤️餐湯湯啱啱煲滾夠晒熱，完全沒有味精，飲完唔會覺得口渴👍🏻。內有紅蘿蔔🥕，十分健康。❤️香炸鲮魚球大大粒，彈牙有口感～😋❤️雪梨紅豆乾炒雞柳有酒香～🥰送飯一流！👍🏻❤️黃腳臘落左冬菜、蔥、薑絲去蒸，魚肉鮮嫩～剛蒸起上枱夠熱唔會鯹👍🏻😋。❤️臘味蝦米燴芥蘭菜除左有臘味和蝦米還有蔥。芥蘭鮮嫩爽脆，蝦米為芥蘭添上陣陣鹹香味👍🏻😋。推薦❤️銀針粉！👍🏻有菜脯、蝦乾、冬菇、旺菜、火腿絲，超足料！菜脯脆卜卜和彈牙的銀針粉互相輝映！🥳總括來說餐廳的餸菜很有家常便飯的味道～🥰老闆娘態度親切友善，好似番左屋企食呀媽煮嘅餸咁😍👍🏻。