囍越 (屯門市廣場) (已結業)

Although I live in Tuen mun, i seldom eat around there, and tonight i went there with my family finally!The restaurant looks quite cool and nice place to dine with family and friends!This is the mango soft crab rice paper roll, a colourful appetizer to start off the meal. The mango is quite juicy and the fried soft crab is crispy exterior. However, i think the portion of the soft crab is too little which cant really taste the crab, if the portion can increase a bit would be much better. And the

開業初期，老友食過一次，奏晒眉，今日我咁啱遠度入到屯門工作，越南癮起，就迫老友俾次機會佢，陪我去食個越南lunch! 我第一次嚟，但求唔洗同人迫! lunch時間都幾多位，非佢莫屬！~火車頭~ 勁大碗！內有牛丸，牛腩，牛筋，牛柏葉，肥牛...唔知有無數漏.....每樣都起碼2-3舊，我們'些牙'食唔洗淨餸食！ 湯底味道不錯，有芽菜，青檸配菜，客人自己落！牛腩牛筋都好正！ 老友說有進步！讚！！~話梅梳打~ 見隔壁枱叫這杯，好靚，晶瑩通透咁，結果我哋都點了一杯，話梅梳打其實平時比較少飲，都幾好，感覺清新！~牛油單骨雞翼~ lunch食佢係有少少過份，但我又好想食，難得老友願意，就梗係食咗先算啦！ 炸得好香好脆，雞翼也很入味，我係炸物狂，勁鐘意呀，老友也說好食呀！開始時朋友無咩信心，所以我唔敢點太多食物，簡簡單單一粉一小食開心些牙食! 點知兩個都比想像中好食和大份量呀！今次，我幫佢係朋友心裡解block, 下次再去屯門做野時，可以再試佢其他野呢。

入左屯門, 無心插柳, 去到呢間叫What the pho(唔識讀)o既食店應該係食東南亞野. 類似沙嗲王咁掛見佢個menu有好多重口味野, 岩晒本人叫左個海鮮炒金邊粉同越南粉包個粉ok, 爽口, 唔林味道都唔錯, 唔似個別東南亞食店勁落調味唔會over左, 個味恰到好處啦至於個粉包, 都合格我唔會用皮薄餡靚去形容, 事實上咁講亦太過誇但其實蒸粉包又何必強求0.03咁薄?最嬲o既係, 食親同類餃呀卷呀之類,個皮一係薄到夾唔起, 一係一夾就爛!講返呢度個粉包, 係成功夾得起的!! 而且放落口個味道都ok啦,開得屯門, 兩碟野幾十蚊o既個價錢都算過得去, 又不容挑剔了...不過去果陣係晚市時間, 似乎樓面都做得幾踼腳但d人都識得笑, 請多幾個人緊貼d客人o既要求,就可以多幾分啦~

為負皮平反TM What The… 燒肉串酸菜凍檬粉 作為一個非屯門友，真係唔係好識點搵食，又新區又舊墟咁，確實唔係好識搵窿窿那那，呢個時候開飯個app就幫到我手，老老豆豆，裝呢個app我唔會完全信晒d comment，因為曾經誤信好評奶過嘢，但如果想知附近有咩食都可以幫到我嘅，果日入左屯門市中心岩lunch time，單係屯門市廣場基本上間間都爆晒，唯獨見到呢間What the Pho(好易叫錯個名~)越南嘢有幾個吉位，好自然就坐低左。坐低繼續掃下掃下部手機，先知道原來呢間嘢咁多負皮，嚇我唔到既，咩人咩鬼我都見過了，見天氣熱又口淡淡就求其叫左個串燒凍檬，食檬粉最緊要係個粉要夠涼爽唔可以一舊舊結實晒，係呢個位佢地都算合格，叫做條理分明。再講個肉，係豬肉，燒過又冇鞋口帶有輕輕嘅燒汁甜味，個肉處理還好啦。講真，汁呢落小小就已經夠，如果唔係，太過重味蓋晒D肉鮮味我就會懷疑係咪雪藏肉又唔夠時間醃了。另一個重點係佢D蘿蔔絲夠酸，呢個都算係「幾易得分但唔係人人都咁易得分」嘅位，其實我講緊乜？即係話，呢個位要合格其實舖頭係要睇緊d 存貨，酸菜黎講，唔酸唔爽唔捨得掉唔換過新嘅，就已經可以收得皮，毫無疑

星期六入屯門市廣場行街，趁未到晚市排隊高峰時段，同honey想儘快找間食肆e肚，無意中發現了這間新派越南餐廳，6:20分已有80%滿客，見到仲有少量座位，便决定一試， 安排坐在餐廳外圍的露天位置，冷氣尚算充足，店內的椅子很舒適，木枱及布料木椅子的顏色用料配搭都很有簡約時尚感 是次點了手撕雞，香芹炒蓮藕和肉鬆炒飯三款試試 首先上桌是手撕雞，撕成細條狀的雞肉尚算嫩滑，有部份雞肉連有雞皮，但平時不太吃雞皮的我，今次偶爾吃了少許也覺得美味，雞肉配以幼長的酸白蘿蔔絲，底部塾有切得薄薄的青瓜片，內裏醬汁很清新醒胃，這個涼拌很讚！ 再來的是香芹炒越式蓮藕，由於已後久沒有再吃到過越式蓮藕，所以一見到men料有這菜式，便立刻點了，以前在其他餐店吃的越式蓮藕，炒的都會很乾身，這店的炒法略有不同，比較濕，加了個獻，似乎重手了點，有點糊糊的，但是配上幼香芹來炒仍非常爽口，不至於要扣分，蓮藕食落亦沒有纖維渣的感覺 肉鬆炒飯，最驚喜係盛載的食器，小巧的豆青釉瓷盛碟，不規則荷葉企身邊，古樸優美，能增加食色之情調，飯炒得乾濕適中不油膩，份量兩人剛好 見到隔離枱點的米紙鮮果卷和龍眼冰飲品

這間囍越在屯門開了2年有多,一直冇來光顧,因為見它有不少負評,今日一個人吃午餐，想不到去吃什麼，最後決定來試下眾多food blogger都彈餐廳，我信自己的味蕾，這間旳午餐時間冇人排隊，加上只有一個人，十分容易搵位,明明有不少吉位,店員仲安排我坐外面的座位，這裡的服務都OK.，我坐下之後好快叫了牛丸湯(48元)+凍檸檬茶(另加3元),首先凍檸檬茶來到先 ，凍檸檬茶夠茶味又不是太甜,呢杯覺得OK,牛丸湯河隨後來到，當我見到湯河時候，真是嚇呆了,它的油份多到我唔信,飲了一口湯，簡直咸到死,牛丸又細粒,有些小叔味並不太新鮮，河粉都OK,份量偏少,我覺得吃完唔飽肚,唔怪得知負評咁多，呢間冇下次，價錢又不是平 ，服務同環境只是一般，我不會再來

第三次黎，味道及安排唔錯，今次唔洗等咁耐，係開心既最鍾意食青木瓜絲雜菜沙律另外簡直後減肥最佳之選既鮮蝦幻彩雜果米紙卷，出奇地清新好味對我黎講較濃味既，屋企人就係咁話正，睇怕食完會好肥既豬手煲

半年前幫親過之後念念不忘，昨日再一次光顧呢間越南餐廳，估唔到水準keep到之餘，服務態度亦有進步！今次一坐低就已經有同事提供水，感覺好好多。因為得兩個人，所以叫得唔多：一向都鍾意飲沙冰，所以今次叫左芒果沙冰試試，味道OK，最適合夏天飲~呢個爆炸軟殼蟹其實食上去感覺似椒鹽炒，味道好香好脆！再叫左個冬蔭功湯，味道香濃。贊！最後食番d菜來清清腸胃，炒椰菜苗的感覺不錯，有味得黎又唔會太咸。屯門有一間有質素的越南餐廳相當難得，我以後會多d去！

放咗工之後唔想返屋企食飯，就搵咗個朋友食個夜晚飯。經過呢間餐廳見佢冇咁多人排隊就諗住求求期期搵間野坐低食個飯。依家野係屯門市廣場裏面，裝修嘅環境算唔錯，但係枱太多搞到好迫。入到去先講叫嘢食嘅時候，個職員好似傻下傻下。之後我哋叫完嘢食，佢覆返我地嘅嘢同我哋叫嘅有所出入。都唔緊要我哋叫咗個海南雞飯蛋網肉串米紙卷，個海南雞係無骨嘅，啲肉完全係諧口，但明明嗰個係雞髀位。都唔緊要但我哋係叫海南雞飯，個飯係隻海南雞黎左15分鐘先送上，但配以一個飯只係白飯一個。蛋網肉串米紙卷，係外面嗰層透明嘅蛋網完全咬唔開。肉串就係一條腸仔真係好灰。完全有一種被欺騙的感覺。

今個星期日行屯門揀左呢間餐廳試，時間尚早所以唔洗等位，叫左個青木瓜沙拉（好難食，完全唔似沙拉個味），香芒軟殼蟹米紙卷（好味，芒果同軟殼蟹好夾，佢比左個碟我地自己倒平時撈檬粉既汁去點，好夾好味），蒜蓉包（失敗，最簡單既野都整唔到，唔脆又唔香）蕃茄牛腩湯河（最好味係湯河，早知叫晒湯河湯檬唔食炒粉飯），馬拉盞肉碎炒飯（唔知有無記錯名）蝦油炒金邊粉，兩碟炒野無特別，由其炒檬粉就差小小，無乜味，感覺好油膩，裝炒野既碟又細，好易畢到跌晒落桌，唔係太方便，飲品叫左龍眼冰（幾清甜，多龍眼）涼粉綠豆冰（好一般）！一食完一碟野唔洗10秒已經有人泥收，未食完都不停望住想你食快d，我知開始多人等桌，但我星期日都想一家人開心食餐飯姐，成餐飯先食左45分鐘都無！整體我唔會再返轉頭，無論食物質素定其他都無特別之處⋯

見新開，所有去試下，不過覺得有些難食，我應該不會再去食了。龍眼冰$34(6/10)龍眼冰真的好大杯，不會味道又不會因為大杯而且加了好多糖漿，龍眼肉有好多，不會味道好淡。芒果軟殼蟹紙米卷$68(6/10)，一開始沒有給醬汁，只有空的醬油碟一齊上菜，竟然比碟但可以沒有醬汁。米紙好薄，入口煙韌，軟殼蟹不脆，口感過淋，而整體味道普通。魚露炒雜菜$48(4/10)無魚露味，就好似無加魚露一樣，真係淡而無味。蛋網海鮮炒金邊粉$ 74(1/10)，蛋網的外表在meun上好吸引，但現實上就完全不同，好失望。而味道又不特別，只是茄汁炒金邊粉。而海鮮就只是幾粒冰鮮蝦和冰鮮細帶子。這些配料，我家冰箱長期都有，當場覺得在屋企食好過。椰子海鮮炒飯$88(1/10)，只有表面有白汁，裏面只得炒飯，但沒有汁，非常難吞，因為汁太少，好乾身。而表面上的蝦和帶子，就是整個飯的海鮮了，整體的汁和配料都太少。好彩我有叫小菜，如果沒有小菜，就只食炒飯了。到最後有意見書填，我也寫了這些情況，希望他們真的會看和改善吧！

天氣好熱好熱，即刻order一杯沙冰，味道不太甜，沙冰佔半杯，飲到最後都唔會變到好淡味。咖哩雞煲，點的時候以為砂鍋形式上菜，點知係火鍋形式上枱。因為一路㷫住個鍋，辣味都一路keep住到尾。另外加$28要4件蒜蓉包，蒜蓉味唔重，但點咖哩汁食都ok。鍾意食金邊粉，點了1個。蛋網好薄。揭開後見到有2隻蝦，小貝柱，魷魚。夾起濕濕的，味道似茄汁味金邊粉。喜歡食椰菜苗，芥蘭苗，脆脆的感覺。看到餐牌有 "蓮藕苗"，孤陋寡聞未聽過，未見過，未食過，有個 "苗" 字應該都是爽脆的，就點了。外形似筍條，細看真係同蓮藕一樣有窿窿，食落口感似大蒜，蔥之類。用馬拉盞炒，調味料索哂入啲窿窿度，好好味。食完飯，店員比問卷我填，平時我係唔會填，因為覺得填完佢哋都唔會點睇。但呢日心血來潮就填了，最後寫了 "咖哩雞煲只有4舊雞"。埋單時店員看到我寫呢個意見，佢好驚訝，即刻跑去搵另一個男人講我寫呢個意見，個男人行埋嚟，比張卡片我（係經理嚟嘅原來），係咁講唔好意思，仲話下次再去會比個折我 X D。我心諗：就算唔比折，你個態度已經令我感覺好好。

早兩日入開屯門，問朋友有咩餐廳係市區冇的，佢哋話屯門市廣場有間越南野叫 What The Pho幾特別。於是我地一行四人就去左試試。先叫咗個豬頸肉沙律試試，少少的微辣再加上酸甜的沙律，都幾開胃；最緊要系D豬頸肉幾入味，有驚喜！之後上杏仁蝦餅，唔算好大塊但好彈牙，有埋杏仁個感覺幾特別。香芒軟殼蟹米紙卷味道OK, 但感覺就沒有太特別。蛋網炒金邊粉個造型好吸引，好鍾意一層薄薄的蛋嗰種質感同味道。雞翼味道好好，個調味好特別，問個店長佢話喺特別再改良過，所以而家好香同埋粉皮比較薄。最後叫咗個椰青糕，有少少淡但感覺好清，店長話因為係用真椰青無落糖做，所以唔會太甜。飲品我哋各自叫咗一杯特飲，其中我杯熱洛神花茶好香，不過夏日炎炎如果有凍嘅就更好。今次係一次驚喜，一般以為有質素嘅越南餐廳都會喺市區先會有，以後去屯門探朋友就多一個原因了！

星期六午餐食，見佢係附近唯一一間仲有位的就入去試試一坐低隔離枱已投訴食物質素叫左個炒飯同蕃茄牛肉湯河老婆話個湯河啲蕃茄完全係生既，同味道好麻麻我個炒飯可能啲米仲種緊，半個鐘都未黎，同佢地講後有人特登黎講唔好意思，話好快到。店員服務都不錯碟飯的肉碎有一半係脂肪粒....我最怕肥肉所以不停挑走，挑左一半出黎....炒飯味道都好一般。我知而家食材係貴左，但可唔可以用咁多肥膏的免治豬肉呀。另外因為唔係鋪位內，果日又係lunch, 可以話冷氣嚴重不足。加上咁的價格，冇下次

在屯門市中心算是比較新的餐廳,自從沒了越棧後,這家可以算是唯一比較就腳的越式食肆.這店的風格走潮格路線,餐牌都設計得很色彩繽紛.但某些人也會覺得有點凌亂.由於有同事己在開業之初試過,推介扎肉及豬扒,所以我與友人都點這兩款食品一試.同事亦講過這店的河粉不錯,所以兩人都點了河粉底.先來的是朋友的札肉河,河粉我個人覺得幾滑,但朋友吃了總是覺得有點美中不足,可能米香不足吧,....湯底清清的,不像是牛骨湯,真的吃不出是用什麼材料煲的.札肉果然出色,不單單只有絞肉,中間還混雜了很多菇粒,肉筋.吃起上來很有層次!加上厚切之下,吃起來每一口都十分滿足呢!至於我的豬扒河,豬扒與河粉是分開上的.豬扒燒得焦香,顏色十分及引!不過有一點令人很失望,上枱時熱度不足,只有僅僅的餘溫,...而且這份豬扒由落單到我枱已經過很長的時間,不禁想到是否已一早完成待放了很久才端出來.(此念頭因為這店的服務問題而生)至於味道,其實真的不錯,一來熟度烤得剛剛好,所以肉質細嫩兼且有肉汁,肉味都很夠.外香內嫩,不過,當然希望可以熱熱的上碟呢!我們亦點了小煲的冬蔭功濕濕喉嚨.就是這煲冬蔭功可以看出服務的不足,正常一這種煲類的湯,侍者