影片
更多
2015-08-27
321 浏览
為負皮平反TM What The… 燒肉串酸菜凍檬粉 作為一個非屯門友，真係唔係好識點搵食，又新區又舊墟咁，確實唔係好識搵窿窿那那，呢個時候開飯個app就幫到我手，老老豆豆，裝呢個app我唔會完全信晒d comment，因為曾經誤信好評奶過嘢，但如果想知附近有咩食都可以幫到我嘅，果日入左屯門市中心岩lunch time，單係屯門市廣場基本上間間都爆晒，唯獨見到呢間What the Pho(好易叫錯個名~)越南嘢有幾個吉位，好自然就坐低左。坐低繼續掃下掃下部手機，先知道原來呢間嘢咁多負皮，嚇我唔到既，咩人咩鬼我都見過了，見天氣熱又口淡淡就求其叫左個串燒凍檬，食檬粉最緊要係個粉要夠涼爽唔可以一舊舊結實晒，係呢個位佢地都算合格，叫做條理分明。再講個肉，係豬肉，燒過又冇鞋口帶有輕輕嘅燒汁甜味，個肉處理還好啦。講真，汁呢落小小就已經夠，如果唔係，太過重味蓋晒D肉鮮味我就會懷疑係咪雪藏肉又唔夠時間醃了。另一個重點係佢D蘿蔔絲夠酸，呢個都算係「幾易得分但唔係人人都咁易得分」嘅位，其實我講緊乜？即係話，呢個位要合格其實舖頭係要睇緊d 存貨，酸菜黎講，唔酸唔爽唔捨得掉唔換過新嘅，就已經可以收得皮，毫無疑
TM What The… 燒肉串酸菜凍檬粉
作為一個非屯門友，真係唔係好識點搵食，又新區又舊墟咁，確實唔係好識搵窿窿那那，呢個時候開飯個app就幫到我手，老老豆豆，裝呢個app我唔會完全信晒d comment，因為曾經誤信好評奶過嘢，但如果想知附近有咩食都可以幫到我嘅，果日入左屯門市中心岩lunch time，單係屯門市廣場基本上間間都爆晒，唯獨見到呢間What the Pho(好易叫錯個名~)越南嘢有幾個吉位，好自然就坐低左。
坐低繼續掃下掃下部手機，先知道原來呢間嘢咁多負皮，嚇我唔到既，咩人咩鬼我都見過了，見天氣熱又口淡淡就求其叫左個串燒凍檬，食檬粉最緊要係個粉要夠涼爽唔可以一舊舊結實晒，係呢個位佢地都算合格，叫做條理分明。
再講個肉，係豬肉，燒過又冇鞋口帶有輕輕嘅燒汁甜味，個肉處理還好啦。講真，汁呢落小小就已經夠，如果唔係，太過重味蓋晒D肉鮮味我就會懷疑係咪雪藏肉又唔夠時間醃了。
另一個重點係佢D蘿蔔絲夠酸，呢個都算係「幾易得分但唔係人人都咁易得分」嘅位，其實我講緊乜？即係話，呢個位要合格其實舖頭係要睇緊d 存貨，酸菜黎講，唔酸唔爽唔捨得掉唔換過新嘅，就已經可以收得皮，毫無疑問呢個得分位係睇下處理食材嘅人有冇心，作為一條二條嘅「酸菜」，呢度D蘿蔔絲算無欺場，為成碟檬粉做出畫龍點晴之效，整體黎講，碟檬粉都OK有越南味啦~~
講返轉頭，呢度個環境唔係特別靚，但食物既價錢都ok大眾化，前面d comment講到服務欠佳嘅問題，當日比我感覺係可以接受，相信佢地比人鬧得多所以有檢討過掛？希望可以keep住，如果下次入屯門再幫襯發覺服務同食物差返既，我一樣會用「飯票」懲罰佢地~~
张贴
