囍筷大排檔

营业中

休息中

銅鑼灣又一新店開業，今次迎嚟新式大排檔！呢間位於登龍街嘅上樓大排檔嚟自坪洲，阿叔間唔時都會到小島幫襯，佢哋嗰種別樹一格嘅飲酒氛圍真係攪唔掂，每次都令阿叔樂而忘返。今次餐廳登陸銅鑼灣，除保留島上每日提供新鮮生猛海鮮外，仲主打多款傳統特色小菜，口水花甲王、酥炸台山蠔、蜂巢荔茸帶子、脆皮芝麻雞、鍋塔蝦籽豆腐等，款款都經典十足。菜式夠懷舊，店內裝修亦好有舊時回憶，門口、樓梯多個霓虹燈招牌，既搶眼，又夠氣氛。跟老闆傾開，宜家仲喺試業階段，菜式、裝修都會逐步優化，到時期望會以更好嘅資態示人。🥢口水花甲王 ($78)阿叔唔太辣得，但呢個口水花甲王就真係辣得幾過癮。花甲味道夠鮮甜，配上店內自家製嘅香辣醬汁，非常惹味，送酒一流。唔怪之得係店內嘅招牌菜，絕對係嚟到必食菜式之一！🥢鍋塔蝦籽豆腐 ($128)「鍋塔」嘅造法係先煎再烹，師傅將豆腐薄蘸麵粉，裹蛋汁，炸至金黃色後，再落湯等豆腐煨至收汁。呢種烹調方法令豆腐口感濕濕地之餘，亦有外脆內軟嘅質感，配合蝦籽嘅鹹香，雙重滋味。🥢海鮮泡脆飯 ($238)大大份嘅海鮮泡飯，足夠阿叔今次同2位朋友每人食足2碗半。湯底百份百用上新鮮魚熬製，再加入大蝦、帶子、星班等海鮮

銅鑼灣登龍街新開嘅呢間餐廳真係令人驚喜！一上到去就覺得環境好舒服，裝修有心思，仲有好多打卡位，啱晒同朋友一齊影相留念。餐廳主打多款小炒同海鮮，款式多之餘，味道仲好正，特別係佢哋嘅海鮮，新鮮又夠鑊氣，食落真係！店員服務態度好好，好熱情友善，上菜速度又快，完全唔使等好耐。整體來講，呢間餐廳絕對值得推薦俾朋友，如果你經過銅鑼灣登龍街，一定要試吓！仲有，佢哋有一款坪洲特產芝麻餅，香脆可口，仲有芒果布甸，甜度啱啱好，做飯後甜品一流。另外，店員話我知，晏晝時段有超值午餐，$60就有飯、嘢飲同湯，選擇仲好多！星期五仲有特別款式，星期一至五嚟食午餐真係好抵。如果人多嘅話，可以試吓佢哋嘅商務套餐，入面有齊小炒，啱晒一班朋友或者同事一齊分享。呢間餐廳真係性價比高，大家值得一試！

囍筷大排檔新開超舒服有冷氣又有包房可以一大班朋友食到啲有鑊氣嘅食物店員服務好好👍🏻今年難得少見嘅大排檔超級推介龍蝦泡飯+避風塘龍蝦（兩食）另外芝麻雞都係必食炸大腸，超級脆仲有坪洲脆芝麻餅最後要食埋芒果布甸！芒果超多最鍾意有氣氛嘅碗碗碟碟食返以前懷舊嘅感覺。上嚟飲吓嘢食吓飯今晚嘅聚會都超開心

早Book早享受，朋友生日想試新嘢，決定試下呢間囍筷大排檔，俾咗間房我哋，坐得舒服私隱度高，隊酒唔會嘈到其他人。之前响坪洲食過好正，海鮮好新鮮，魚蝦蟹樣樣齊，鑊氣十足味道好啱港人胃口，多款特色小菜送酒無得輸，銅鑼灣店地點方便，而且價錢合理，經理仲簽酒俾我哋，大家玩得開心、飲得暢快，好掂！《清蒸東星斑》 😋😋😋😋😋《薑蔥炒肉蟹》 😋😋😋😋😋《口水花甲王》 😋😋😋😋《椒鹽脆豆腐》 😋😋😋😋《酥炸腰果雞軟骨》 😋😋😋😋《沙薑豬手》 😋😋😋《黑椒蒜片和牛粒》 😋😋😋😋😋《蒜蓉粉絲蒸扇貝》 😋😋😋😋《鍋塔蝦籽豆腐》 😋😋😋😋《砵酒台山大蠔》😋😋😋😋《啫啫通菜》 😋😋😋😋《脆皮芝麻雞》 😋😋😋😋《坪洲香芒布甸》 😋😋😋

之前已常常係坪洲⛴️囍筷🥢食飯🍽️，今次老闆🧔🏻‍♂️進駐銅鑼灣登龍街一定要試下啦。昨晚我們一行十幾人👬，佢地有房間私穩度十足，地方大枱與枱之間唔迫，又好多📸打咭位。老闆推介咗幾個特式小菜都係水準以上，我緊係要食我至愛炸大腸😋，其實係銅鑼灣區食小菜晚飯不外乎去鵝頸橋街市熟食中心，或者樓下地鋪果兩間飯店，食物水準都係一般。現在多個選擇我就同班老友又多個食飯🍚飲酒🍻的好地方👍🏻。

碰上剛剛開業，難得鬧市中的大排檔，其實最原始既食肆應該只有人間煙火，唔使咩美顏修圖，味覺先係最真實。兩條友食左鍋塌蝦子豆腐，外脆內軟蝦子滿滿，仲有大蔥墊底；頭抽煎焗金錢鱔，薑蒜都煎到好香；蒜蓉蒸勝瓜，蒜蓉走過油夠曬香；再加兩碗靚仔。兩個人食唔曬打包做聽日午餐，埋單五舊水，係今時今日物價騰貴既日子，算係好實惠了。聽講老闆在坪洲經營大排檔多年，想把傳統大排檔菜式帶返市區。呢座嘢主打飲酒夜生活多年，似乎未見過有傳統大排檔開係呢度，希望小店可以生意興隆，不忘初衷。