囍筷大排檔

营业中

休息中

銅鑼灣呢間懷舊風大排檔主打每日由坪洲直送嘅生猛海鮮，亦都有多款鑊氣小炒小菜，岩哂一班人嚟聚會🥳 想講估唔到喺度食到人生豆腐！佢哋嘅鍋塔蝦籽豆腐係將豆腐沾上蛋白漿高溫油炸，外鬆內嫩超驚艷🥹 餐前小食必點口水花甲王，自家製香辣醬汁勁惹味🌶️ 脆皮芝麻雞亦係招牌之一，外皮非常香脆🍗 最後連甜品芒果布甸都係坪洲送過嚟，啖啖果肉超香甜，好味！🥭 成餐飯都好滿意，而且環境行懷舊風又舒適，大大力推介俾大家🫶🏻

📍「囍筷大排檔」- 銅鑼灣平時食海鮮都要一大班人先會食，估唔到呢間嘅午市套餐都有海鮮食，而且海鮮係來自坪洲，唔需要入離島都食到平、靚、正嘅海鮮😍📷餐廳係永光中心1樓，唔算難搵😗餐廳佈置充滿懷舊風，仲有好多霓虹燈裝飾，好岩打卡😝午市海鮮lunch set HK$80 起，其他非海鮮嘅套餐仲抵，大約HK$60 起，仲包埋中湯同野飲，幾抵👍🏻係社交平台 like 仲會送坪洲名物芝麻餅添😍🍴蒜蓉粉絲蒸扇貝💰HK$95✨推薦指數：8/10一碟兩份蒸扇貝，大大隻扇貝夠新鮮，粉絲整得勁入味，吸哂炒香咗嘅蒜蓉同扇貝嘅鮮甜，用嚟撈飯都好正😋每個餐都包碗中湯，今日係花生眉豆煲雞腳湯，花生眉豆焾到化，湯底香濃又唔油膩，飲完成個人暖粒粒😛餐飲揀咗杯熱奶茶，奶同茶嘅比例岩岩好，幾正😗

終於食海鮮唔使特登入去坪洲咁遠😉黎囍筷大排檔就有啦～好鍾意佢個霓虹燈牌好有香港特色今次叫咗個羅漢上素同埋蒜蓉粉絲蒸日本元貝食前者連擺盤都咁認真 睇得出好有美感🤣👍🏻而且味道都好清同足料 至於個日本元貝啲粉絲都好入味 同埋個元貝係好爽口佢個坪洲特產芝麻餅 好脆身仲要差唔多成隻碟咁大塊！雖然係脆但佢一啲都唔油🫶🏼估佢應該係焗嘅唔會話去到油炸咁熱氣同肥仔同埋佢啲座位都好港式 係正宗嘅紅色同綠色配搭 好搶眼職員嘅服務態度都好好 做嘢好爽手我見呢間大排檔都仲有好多海鮮選擇！！下次一定要嚟試其他款式

飲個勝嘅！我終於在銅鑼灣找到我要不斷encore的餐廳了😍 這家餐廳是坪洲「囍筷」的分店，在銅鑼灣插旗一絲不苟，從濃厚的大排檔風味裝潢，到坪洲直送海鮮及一款款鑊氣小炒，每個部分都做得很細緻，加上職員真的太熱情好客，每一桌來的客人真的是飲飽食醉大滿足地回家！🔸蒜蓉粉絲蒸蟶子這裡的海鮮都是坪洲直送非常新鮮，選購的想吃的海鮮後需要再選擇料理方式，很有風味，蟶子真的是啖啖肉～🔸海鮮泡脆飯我一個人大概吃了三碗😂因為真的好有鮮味，米飯炸過再下鍋，兩種米粒帶來豐富口感，加上真～的有很足料的海鮮在裡面，光是湯底已經很濃，難怪每一台都點。🔸乾迫粉絲蝦煲這個真的要趁熱吃，粉絲很彈牙，鹹香味特別鮮明，份量很多，不過懶惰寶寶的我不喜歡剝蝦，不然下也很，香口😂🔸生煎馬友肉餅肉餅煎到外脆內多汁，脆脆的口感讓你想追吃，特別下飯，整體不會太鹹。🔸菜甫肉碎煎蛋很大份的煎蛋，每一件都有一定厚度，肉碎帶來一定的鹹味，頗濕潤的。PS:佢個芒果布甸真真真係好好味,記得一定要叫~

cwb室內大排檔~ seafood lunch set at this cozy indoor daipaidong for under $100! perfect for quick work lunches or group hangouts!海鮮午餐由$60up好抵啊，附近返工的朋友可以試試，都好適合一班人聚會🌶️salt & pepper abalone 椒鹽鮑魚 super tender & crispy. we love the crispy spicy garlic bits鮑魚超嫩脆口，仲有香辣蒜粒，送飯一流🦪steamed scallop w garlic & vermicelli 蒜蓉粉絲蒸元貝the scallop was surprisingly plump for the price & the garlic was so fragrant元貝又大又鮮甜，蒜香十足🥣FREE boiled soup例湯也是送的🫗weekday bonus: FREE DRINK星期一至五來的話會有免費咖啡茶,但我週末來水吧沒有開price: $60-90 pp (lunch)ra

去書展前先喺銅鑼灣食LUNCH！同朋友行去登龍街，選擇真係多到眼花！見囍筷大排檔有海鮮，超好奇就上左去試吓！店鋪有普通午市套餐但為咗食海鮮，我們揀咗特選午餐套餐仲有例湯同白飯任裝，抵食！🍴椒鹽鮑魚鮑魚有半個拳頭咁大，香脆椒鹽外層配彈牙肉質，超滿足！豉椒花甲花甲粒粒脹卜卜，吸滿濃郁豉汁，微辣開胃，配白飯一流！問咗店員，原來店鋪既海鮮黎自坪洲！平時食新鮮海鮮要遠啲先食到，價錢又貴但依家銅鑼灣都可以試到咁抵既海鮮！見隔離枱都點咗幾次扇貝，感覺都係上班族Lunch好去處！

囍筷大排檔 (銅鑼灣) 銅鑼灣登龍街28號永光中心1樓從來冇諗過，喺銅鑼灣放lunch竟然可以用超平價錢食到坪洲直送海鮮!! 喺港島商業區打工嘅打工仔，從來食飯$100冇走雞，但係呢度竟然係$60就有一個唔使加一，連無味精靚湯，仲要連一杯凍飲熱飲都唔使加錢嘅好味嘢飲!! 今日我12點嚟嘅時候，可以影到店舖嘅環境，因為大家放lunch朋友仲未到，但係一到咗12:30全間舖頭滿晒!! 好容易知道點解，因為呢度嘅嘢真係好抵食好大份，而且全部店員非常有禮貌，裝修都好特別。我哋叫咗椒鹽鮮魷同埋粉絲扇貝，兩樣都超級新鮮，椒鹽鮮魷食落味脆卜卜，粉絲扇貝充滿蒜蓉嘅香氣，冇諗過係幾十蚊就可以食到！我哋仲要係坐梳化超級舒服!! 10分有禮貌同埋笑容滿面嘅店主仲同我哋介紹，每個星期都會轉Menu，真係絕對可以嚟多幾次都唔會悶!! 晚飯餐單仲有更加多菜式，小精靈一定會過嚟試!!

呢間本身係坪洲，開咗過黎銅鑼灣，依家唔洗搭船都食到新鮮海鮮，因為佢哋每日都運海鮮出嚟銅鑼灣😍雖然都仲有啲菜式係坪洲限定但新店都有好多值得推介！口水花甲王勁新鮮冇沙，味道辣度岩岩好，超下酒😙仲要凍食，好岩食住等其他食物到！鍋塔蝦籽豆腐，手工菜😆以為係平平無奇既炸豆腐但其實用蛋白漿包豆腐😆質感軟糯，成為朋友心目中no1菜式🤎龍蝦泡脆飯要預訂既菜式！非常值得食，真材實料有龍蝦肉😍湯底好鮮好味！係加入咗魚湯菜脯等材料，撈飯好好味！飯仲要有心思係脆米，口感豐富👍🏼脆皮芝麻雞，雞皮又白又脆，唔會油膩！仲要勁好肉😍芝麻味好香口，應該係炒過先👍🏼豉椒蟶子王好鮮甜！炒既時間岩岩好，仲係爽口😙仲有好多其他配料一齊炒，好想食碗飯🤣魚腐浸娃娃菜，湯底唔會好鹹，清清地所以食到菜既味😙魚腐份量都幾多！芒果布甸都係每日係坪洲拎過嚟，好有誠意！亦都睇到對食物既堅持！😙有芒果肉，好清甜，好食🤎

近日銅鑼灣登龍街新開一間由坪洲而來的懷舊風格大排檔在坪洲甚受歡迎滿滿的地道風味不僅延續小島每日供應的新鮮海鮮更加入多款港式經典小菜為市區食客帶來熟悉又新鮮的餐飲選擇一踏進餐廳濃厚懷舊氛圍隨即撲面而來彷彿回到舊日香港街頭溫馨之餘更添地道感𖧷 口水花甲王花甲鮮甜飽滿佐以店家自製香辣醬辣味刺激卻不過火, 非常惹味送啤酒一流是必試之選如果他們出一樽樽辣醬我一定會買🤭𖧷 脆皮芝麻雞外皮金黃酥脆，雞肉鮮嫩多汁芝麻的香味增添了風味搭配特製醬汁, 酸甜可口𖧷 鍋塔蝦籽豆腐豆腐先以蛋汁薄裹炸至金黃再回鍋燜煮至入味外層香脆, 內裡滑嫩配合蝦籽鹹香雙重口感令人一試難忘𖧷 海鮮泡脆飯此主食份量十足, 以鮮魚熬製高湯有星班、帶子、大蝦等新鮮海產上桌時再即場加入即煎脆米及芫荽碎提升口感與香氣, 湯底鮮美甘甜

最近到訪銅鑼灣一間新開嘅港式大排檔門口有大大嘅懷舊霓虹燈用來打卡❤️‍🔥店主係坪洲人，每日都會喺坪洲攞活海鮮過嚟🦐等大家喺市區都食到離島嘅風味好適合約埋一班朋友嚟飲啤酒食小菜🍻🌟特別推介🌟龍蝦泡脆飯🦞用上本地龍蝦，湯飯加上脆米，口感獨特砵酒台山蠔🦪砵酒味道一上枱非常香魚仔鮮味湯（四位用）🐟奶白色湯底非常鮮甜脆皮芝麻雞🐔芝麻脆皮相當考功夫，雞肉頗嫩滑生煎馬友肉餅🍗香口大件，適合多人分享

近日由坪洲衝到出黎市區開店的囍筷大排檔午市人流絡繹不絕因為有抵食的午市套餐同海鮮套餐海鮮來自坪洲不用入離島都食到平 · 靚 · 正海鮮✨好適合同同事大顆兒食個午市圍餐.海鮮套餐會有一款或兩款菜式的價位選擇 豐儉由人 其實幾樣都好吸引豉油王蝦 · 椒鹽鮮魷 · 蒜蓉粉絲蒸扇貝都想食🤤但食量有限🫣 就先試好多人都推介的吧～.椒鹽鮑魚炸得乾身又炒得有鑊氣鮑魚厚身 新鮮彈口 啖啖肉 好味🤤豉椒花甲炒得入味 醬汁比例剛好忍不住把椒都吃光光 lol .➿ 豉椒花甲 $80 ➿ 椒鹽鮑魚 $95 .以上套餐價錢包括例湯、白飯及飲品，星期一至五供應。可選兩款海鮮，價錢$150起，菜單可參考餐廳IG。另外亦有午市套餐每週更新。.餐廳門口有不少懷舊燈牌，好適合打卡影相

銅鑼灣永光中心 新開左間港式海鮮大排檔午市除左平時既小炒蒸餸 仲有坪洲黎既海鮮食一百蚊有找有得食海鮮 仲要包足料靚湯同餐飲羅漢齋 $80唔似一般酒樓炒到好油 唔會好重南乳味有幾款唔同菇菌 好爽脆 佢下面有堆芽菜 好中意 蒜蓉粉絲蒸扇貝$95/2隻有無人中意食粉絲多過扇貝😛 我係其中一個粉絲勁多 加埋金銀蒜超香口 餸飯一流 夠曬飽扇貝係坪洲度黎 好新鮮 蒸得啱啱好唔會過韌同我山長水遠搭入流浮山食 都差唔多好食🥹

最近銅鑼灣又有一間適合🈴朋友飲酒食飯吹水既地方唔洗入離島都可以食到靚海鮮🦞每日親自由坪洲運送新鮮海鮮出黎👍🏻------------------------------🔅龍蝦泡脆飯🔅砵酒蠔🔅豉椒蒸聖子🔅口水花甲王🔅魚仔鮮味湯🔅脆皮芝麻雞🔅鍋塔蝦籽豆腐🔅懷舊炸大腸🔅生煎馬友肉------------------------------🔅脆皮芝麻雞芝麻香氣都唔錯雞肉🍗都唔會乾柴------------------🔅鍋塔蝦籽豆腐炸完既豆腐都仲係嫩滑不過應該因為店家想啲醬汁同蝦籽可以好好黐住炸皮🙈所以塊炸皮就確實厚左啲--------------------🔅龍蝦泡脆飯大大煲又勁多脆米一定要一大班人開心share 先得----------------------🔅砵酒蠔酒味都夠👍🏻但如果要挑剔既話就係蠔既邊位煮得有啲韌有啲難咬------------------------------我地同朋友仔四位一致認為🔅魚仔鮮味湯🔅成為當日MVP一飲落去好鮮甜☺️新唔新鮮絕對呃唔到人煲湯🍲份量好足就算6-8人都夠飲重點係放到凍晒都完全唔會腥到飲唔到👍🏻每人$400-500都已經可以食得盡興

同老婆食 想食小炒 又想環境好D 就撞左上去 新店探險旅程如下店員親切 地方闊落叫左3個餸 蝦籽豆腐 先上一上就知 9成9 要外賣差唔多有 10舊原本以為個價係因為銅鑼灣鋪 原來係因為個量同靚料前菜咸酸菜 老婆讚口不絕我冇問點解 我mama酸野見到個碗 有種小島風味炸豆腐外 滿滿蝦籽 誠意十足外脆內軟 冇油益味 豆腐仲有豆香同滑大葱喺底 顯得師傅唔想hea 上 就咁放蔥花喺面好既開始蝦籽量多 可能我口味重 豆腐香蓋過左少少老婆就覺得個味道balance 剛剛好咕嚕肉 店員介紹本身都冇咩期望 周圍都係點知估佢唔到 menu 都唔寫有金沙喺裏面一咬 驚喜就被發現 估你唔到 加分加分粉簿保持到脆既口感 肉 三色椒 新鮮唔錯唔錯到個鱔嚟 份量多 多香菜頭抽帶出鱔鮮味 有種屋企feel 值得一試埋單600 性價比高 因為又食又拎整體咁講料鮮 份量大2個人就要輕手叫除非第2日拎飯盒會想去試埋其他菜

銅鑼灣登龍街新開嘅呢間餐廳真係令人驚喜！一上到去就覺得環境好舒服，裝修有心思，仲有好多打卡位，啱晒同朋友一齊影相留念。餐廳主打多款小炒同海鮮，款式多之餘，味道仲好正，特別係佢哋嘅海鮮，新鮮又夠鑊氣，食落真係！店員服務態度好好，好熱情友善，上菜速度又快，完全唔使等好耐。整體來講，呢間餐廳絕對值得推薦俾朋友，如果你經過銅鑼灣登龍街，一定要試吓！仲有，佢哋有一款坪洲特產芝麻餅，香脆可口，仲有芒果布甸，甜度啱啱好，做飯後甜品一流。另外，店員話我知，晏晝時段有超值午餐，$60就有飯、嘢飲同湯，選擇仲好多！星期五仲有特別款式，星期一至五嚟食午餐真係好抵。如果人多嘅話，可以試吓佢哋嘅商務套餐，入面有齊小炒，啱晒一班朋友或者同事一齊分享。呢間餐廳真係性價比高，大家值得一試！