影片
港铁铜锣湾站 B 出口
继续阅读
电话号码
62136403
营业时间
今日营业
11:00 - 15:00
18:00 - 22:00
星期一至五
11:00 - 15:00
18:00 - 22:00
星期六至日
12:00 - 16:00
18:00 - 22:00
以上资料只供参考，请与餐厅确认详情
食家推介
铜锣湾又一新店开业，今次迎嚟新式大排档！呢间位于登龙街嘅上楼大排档嚟自坪洲，阿叔间唔时都会到小岛帮衬，佢哋𠮶种别树一格嘅饮酒氛围真系搅唔掂，每次都令阿叔乐而忘返。今次餐厅登陆铜锣湾，除保留岛上每日提供新鲜生猛海鲜外，仲主打多款传统特色小菜，口水花甲王、酥炸台山蚝、蜂巢荔茸带子、脆皮芝麻鸡、锅塔虾籽豆腐等，款款都经典十足。菜式够怀旧，店内装修亦好有旧时回忆，门口、楼梯多个霓虹灯招牌，既抢眼，又够气氛。跟老板倾开，宜家仲喺试业阶段，菜式、装修都会逐步优化，到时期望会以更好嘅资态示人。🥢口水花甲王 ($78)阿叔唔太辣得，但呢个口水花甲王就真系辣得几过瘾。花甲味道够鲜甜，配上店内自家制嘅香辣酱汁，非常惹味，送酒一流。唔怪之得系店内嘅招牌菜，绝对系嚟到必食菜式之一！🥢锅塔虾籽豆腐 ($128)「锅塔」嘅造法系先煎再烹，师傅将豆腐薄蘸面粉，裹蛋汁，炸至金黄色后，再落汤等豆腐煨至收汁。呢种烹调方法令豆腐口感湿湿地之余，亦有外脆内软嘅质感，配合虾籽嘅咸香，双重滋味。🥢海鲜泡脆饭 ($238)大大份嘅海鲜泡饭，足够阿叔今次同2位朋友每人食足2碗半。汤底百份百用上新鲜鱼熬制，再加入大虾、带子、星班等海鲜，味道鲜甜。上菜时，店员会即时加入即煎脆米同芫荽碎，前者增加口感层次，后者就提升鲜甜度，不如不觉，我哋三个就KO 咗成煲。
继续阅读
铜锣湾登龙街新开嘅呢间餐厅真系令人惊喜！一上到去就觉得环境好舒服，装修有心思，仲有好多打卡位，啱晒同朋友一齐影相留念。餐厅主打多款小炒同海鲜，款式多之余，味道仲好正，特别系佢哋嘅海鲜，新鲜又够镬气，食落真系！店员服务态度好好，好热情友善，上菜速度又快，完全唔使等好耐。整体来讲，呢间餐厅绝对值得推荐俾朋友，如果你经过铜锣湾登龙街，一定要试吓！仲有，佢哋有一款坪洲特产芝麻饼，香脆可口，仲有芒果布甸，甜度啱啱好，做饭后甜品一流。另外，店员话我知，晏昼时段有超值午餐，$60就有饭、嘢饮同汤，选择仲好多！星期五仲有特别款式，星期一至五嚟食午餐真系好抵。如果人多嘅话，可以试吓佢哋嘅商务套餐，入面有齐小炒，啱晒一班朋友或者同事一齐分享。呢间餐厅真系性价比高，大家值得一试！
继续阅读
囍筷大排档新开超舒服有冷气又有包房可以一大班朋友食到啲有镬气嘅食物店员服务好好👍🏻今年难得少见嘅大排档超级推介龙虾泡饭+避风塘龙虾（两食）另外芝麻鸡都系必食炸大肠，超级脆仲有坪洲脆芝麻饼最后要食埋芒果布甸！芒果超多最钟意有气氛嘅碗碗碟碟食返以前怀旧嘅感觉。上嚟饮吓嘢食吓饭今晚嘅聚会都超开心
继续阅读
早Book早享受，朋友生日想试新嘢，决定试下呢间囍筷大排档，俾咗间房我哋，坐得舒服私隐度高，队酒唔会嘈到其他人。之前响坪洲食过好正，海鲜好新鲜，鱼虾蟹样样齐，镬气十足味道好啱港人胃口，多款特色小菜送酒无得输，铜锣湾店地点方便，而且价钱合理，经理仲签酒俾我哋，大家玩得开心、饮得畅快，好掂！《清蒸东星斑》 😋😋😋😋😋《姜葱炒肉蟹》 😋😋😋😋😋《口水花甲王》 😋😋😋😋《椒盐脆豆腐》 😋😋😋😋《酥炸腰果鸡软骨》 😋😋😋😋《沙姜猪手》 😋😋😋《黑椒蒜片和牛粒》 😋😋😋😋😋《蒜蓉粉丝蒸扇贝》 😋😋😋😋《锅塔虾籽豆腐》 😋😋😋😋《砵酒台山大蚝》😋😋😋😋《啫啫通菜》 😋😋😋😋《脆皮芝麻鸡》 😋😋😋😋《坪洲香芒布甸》 😋😋😋
继续阅读
之前已常常系坪洲⛴️囍筷🥢食饭🍽️，今次老板🧔🏻♂️进驻铜锣湾登龙街一定要试下啦。昨晚我们一行十几人👬，佢地有房间私稳度十足，地方大枱与枱之间唔迫，又好多📸打咭位。老板推介咗几个特式小菜都系水准以上，我紧系要食我至爱炸大肠😋，其实系铜锣湾区食小菜晚饭不外乎去鹅颈桥街市熟食中心，或者楼下地铺果两间饭店，食物水准都系一般。现在多个选择我就同班老友又多个食饭🍚饮酒🍻的好地方👍🏻。
继续阅读