囍公館 (已結業)

西九靚景tea set 囍公館呢間喺西九既囍公館，係間藝術餐廳入面裝修勁靚 而且出面就係海濱 咁鬼正啱晒港女去打卡呀～ 港女除左要靚景打卡，就梗係要叫埋專屬港女tea set la ~~~ Assorted Dessert Platter $298 呢個tea set 有10件小甜品再包埋一杯指定嘅白酒～佢哋用中國風木架裝住十件小甜點，分別係榛子朱古力蛋糕，士多啤梨雪條，白酒果凍乳酪慕絲，抹茶馬卡龍，意式奶凍，意大利芝士餅，法式千層酥，彩虹芝士餅，芒果雪葩，士多啤梨Cupcake～ 我最鐘意彩虹芝士餅，除咗蛋糕賣相精緻，用咗彩虹嘅顏色，甜味適中，而喺蛋糕上仲有好似白雲嘅綿花糖，令蛋糕變得更加完美～～ 我地就自己加錢轉左白酒做cocktail 📍Purple：顏色就好似酒名一樣呈紫色，佢哋用左自家製嘅Elderflower Gin，Chartreuse同埋Tonic Water。有陣陣嘅接骨木花獨特嘅香味而佢嘅獨有嘅甜味亦令到整杯酒變得更易入口～📍Green Collins：呢杯顏色呈較為淡嘅綠色，而入面用咗Gin，Pineapple Sherbet，Ginger Beer，因為有菠蘿所

今日帶住兩隻狗去西九文化中心食”囍公館”完全係垃圾，奉勸各位帶狗人士，真係唔好過去，你會得到一個令你唔開心全日嘅結果1️⃣ 兩個大人，兩隻狗只係得三張凳，咁就問侍應可唔可以要多一張啦，得到嘅回應係，三張同唔夠你兩個人坐咩？係，兩個人坐兩張櫈，但係仲有兩隻狗呀嘛同埋其實呢，你就可以有禮貌少少嘅2️⃣ 唔去到叫嘢食嗰陣，都冇水冇碟冇餐具唔知道仲以為呢度唔收服務費添，所有嘢你唔講唔問，你就冇㗎啦3️⃣ 嘢食完全離奇失蹤叫咗五樣嘢食，等咗最少30分鐘，一樣嘢都冇嚟過叫侍應幫手跟一跟啦，廚房漏單由頭再問多次我哋食乜嘢其實根本冇落單，而唔係漏咗單無落單你講呀嘛，我走啦反正都冇分別㗎4️⃣ 去到最後，真係忍唔住入咗去間餐廳又要搵佢哋經理出嚟，結果啲態度衰到一個點，簡直係整個管理層都有問題，佢哋係唔會在乎你所有投訴，因為基本上佢哋係無服務可言。你想投訴比張公司卡片你，有乜意思？上梁不正下梁歪，所有嘅投訴意見都係冇意思。另外:如果你真係有小狗寵物，我真係極度唔建議你去呢間餐廳，因為其實佢哋都真係唔係好Pet friendly , 都係做樣，問佢攞張凳比隻狗坐都唔得,咁我唔覺有幾愛錫寵物囉。

去完西九公園，入咗呢間餐廳飲嘢食甜品人，飲品正常唔錯，但個甜品新鮮水果併雪糕嚟到真係個心離一離，士多啤梨加埋得一粒，車厘子一粒，火龍果同奇異果好似波子咁細粒，個雪糕size等如咖啡匙咁細，咁樣收呢個價，值唔值就見仁見智。

這天晚上 到圓方參觀 Sky100 之後乘的士到 西九文化藝術公園 這天有個 FriendsWithYou 的藝術裝置 想到帶老媽來 拍些照片 📷📷下車時 碰上正在下雨 避雨時 就在裝置藝術前 原來想到晚上 吃飯的地方 就在這裡 🥢🥢原本打算拍照後 再吃飯 下雨的原因 也就先吃了 餐廳就在地下一層 面積很大 餐廳也分了區域 感覺不太像中菜館 似是酒吧及西餐廳 裝飾較新派 有些很舒適的 梳化位 全玻璃外牆 如沒擺放藝術裝置 就可看到全海景色 🏝🏝侍應安排座位後 看到餐單上 在剛過了中秋的時候 點了個 中秋節 · 花月佳期 八道菜套餐頭盤先來了二款煙燻四喜素鵝 西班牙豚肉玫瑰露叉燒皇 🐖🐖素鵝用腐皮 包裹紅蘿蔔絲 雲耳絲 青瓜絲 稍微煙燻過 淡淡香味 口感爽脆 開胃涼菜叉燒肉味濃郁 小小的一件 軟糯而不韌 醃漬入味舖上了蠔油豆 好吃 🤤🤤主菜惹味欖菜龍蝦 🦞🦞龍蝦切件 用油泡 再將橄欖菜 加入辣椒爆香 再翻兜龍蝦件 香氣撲鼻 龍蝦新鮮 爽脆口感 有點像椒鹽做法 沒有想到龍蝦 可以配上橄欖菜 鹹 香 鮮 脆 嫩 絕對是這晚的焦點 😋😋😋😋😋鮮松茸燉螺頭湯 🐚🐚這道燉湯相對較清 雖然清澈 但却

除咗西九文化區海景外，沒有一樣嘢是合格的，食物性價比低，員工態度奇差。點了一個雞球要求少辣，結果好辣，算！照食！太辣問個waitor攞杯水，兩個人佢比一杯，問佢再攞，就問你要sparkling定distilled,大佬，我哋已經叫咗兩杯嘢飲，如果唔係碟野咁辣，駛乜問你攞杯水，之後，嗰位中年男waitor 掟杯水落枱面，我哋食咗$8xx野，都好似冇食過，之後仲好似乞佢杯水飲，我好想搵個老細投訴下，真係好少食野食到咁火滾！永久backlisted以下係我哋叫嘅嘢：-mocktail x 2 $88 each-啫啫芥蘭 $168 -燒腩仔 $168-桃仁香辣雞球少辣，但係勁辣，乾，難食 $218-白飯埋單加一 $850

訂位時餐廳一早講咗當晚有婚宴，要坐戶外。我地都覺得冇問題。於是訂左4人檯食晚飯。點知到左之後，職員只係比左張 low table 加 3張櫈，問佢攞多張櫈，職員A 就「已讀不回」走開左，職員 B 答:「出黎食嘢係咁！」咁⋯ 究竟係乜玩法？

入到去先知片皮鴨Book，價錢都幾相宜，有興趣既朋友仔可以試下餐廳有分室內室外，裝修唔似食中菜，顏色線條好鮮艷新式,煙燻四喜素鵝 $88擺盤好可愛的骰既素鵝，作為前菜酸酸味味的確開胃素鵝外皮爽脆，入面既素菜清新感又有口感，成道菜素而不淡、口感豐富好味指數： 8.5/10.大廚炒飯 $198炒飯炒得好香而唔油膩，炒到一粒粒好有鑊氣食到有蝦粒、魚子、帶子，幾有咬口，味道幾好幾推薦，只係份量太少好味指數： 8/10. 啫啫芥蘭 $168成個煲仔上食落都辣口，芥蘭好新鮮、爽脆、無澀味加左肉碎同蝦米炒，成道菜好香口、惹味好味指數： 7.5/10.茶都係普通餐茶，不過不失，但可以中和中菜既嘅油膩感(有茶錢、加一服務費).- 整體評分 -環境 : 8.5/10 (有海景同草地加分)味道 : 8/10 抵食 : 7/10 (西九所有餐廳價錢都偏貴，但呢間扣分位係份量太少)

食物味道不錯，出菜夠快，因為夠快點心夠熱，驚喜是個綠茶紅豆雪頂餐包，唔太甜不感得膩。景觀靚，嘆茶睇景不錯，但個別員工服務態度差，食具質素差令到感覺污糟(匙)，其實係甩色

碗筷有一半都有污漬(忘記了影相，污漬大多是橙黄色，一點點），請員工換過，他們好像不覺得有問題....員工年紀老邁，大多無表情生硬地招呼食客，亦聽到類似經理在訓斥員工衣著不合規矩，員工推塘走開便算。食物ok, 但偏咸。價錢偏貴，但服務水準完全不配合價錢。

呢度窗邊位可以眺望維港風景唔怕大風嘅朋友可訂室外座位而且係pet-friendly整體上食物幾好味，但偏中價價位：鹽燒豬腩仔 - 個皮燒得好脆，加埋芥醬食，都幾惹味如果肥啲會更好龍鳳配：彩虹鮮蝦餃及野雞鱘龍魚子燒賣👍🏻蝦餃夠彈牙，燒賣夠juicy 黑金雪山包-其實係叉燒包，外皮焗到有少少似心太軟個外皮咁，而且上枱時熱辣辣，幾香口👍🏻楜椒餅 - 口感鬆脆楜椒加焗香左嘅芝麻無得輸👍🏻素鵝 - 用素鵝包住紅蘿蔔絲、木耳絲同芹菜絲食落幾清新香草蜜豆玫瑰露叉燒 - 雖然唔係肥叉，但烹調技巧搭救，上面嘅蜜豆咬口煙韌，整道菜喊中帶甜，有少少日式fusion嘅感覺。只好傳統食法嘅人未必鍾意。灌湯餃 - 反而比較失色食左咁多嘢，其實已經好飽最後老公居然叫左個#豬油撈飯😳無諗過佢會咁好味佢用砵仔上，形成飯焦食嘅時候，要將所有嘢撈成一團令更有口感之餘每粒飯都被豬油包住但神奇地完全唔覺得油膩反而想一吃再吃結果話咁快就清曬🤣

西九🍲都唔錯既中餐，所有點心都唔錯，叉燒，雪山包，腸粉，蘿蔔絲酥，幾精緻，係個龍蝦泡飯差dd(利苑真係最好食)。$200-300 /head🚸但落雨就真係好麻煩，要開傘，第一次黎會蕩失路，因指示牌不足，行黎行去搵餐廳，又搵唔到路。🪑西九d 木椅免費借用，6:30 前還就ok。💡內圖附各種交通工具到達方法 🚘有車就揸黎parking$15/ 小時， $60 全日，飲食消費有2 hrs free parking

第一次黎係上星期日（2021/07/18），係電話已經book左位同講明訂左一隻片皮鴨，同一火炎蛋糕，重點係朋友生日飯！去到餐廳挪威嘅時候已經同佢講訂咗一隻鴨，結果我哋等咗45分鐘，再問佢隻鴨幾時到，佢先同我講話冇訂到，仲要一句道歉都冇，啲態度好似理所當然咁！呃冇埞度，仲要落錯單，其中一位男職員完全係卸膊，掉頭就走！都算！個火焰蛋糕真係唔點也罷！我唔知啲火焰係邊，亦都唔知自己食咗啲咩！仲要係我朋友嘅生日飯！真係非常失禮‼️‼️‼️‼️到今日（2021/07/25）帶媽媽嚟飲早茶，真係啲服務態度係非常之差，應該講佢係好冇禮貌，而且我坐嗰個位地下有曱甴，張沙發又多污糟野，我問佢可唔可以坐第二張，又係嗰位男職位，指我叫我坐低先，問左可唔可以調位！其實個場係有勁多張枱係吉嘅，我唔明點解要咁麻煩！我order左椒鹽九肚魚，然後佢行埋黎同我講今日冇九肚魚就走咗，連Menu都唔俾我睇下🙄真係唔會再帶朋友嚟呢度食第三次！‼️‼️離晒譜‼️

無意中見到介紹，片皮鴨做promotion, 又未去過西九文化區，都好有興趣想去試吓。不過拖吓拖吓冇咗件事。好彩，片皮鴨promotion extend 再extend, 終於book咗一個好好天嘅周末下午去試吓👍由於想順便去西九睇日落，所以book咗4點先食，當tea加dinner咁啦！🤣 Book位時已訂咗片皮鴨，職員溫馨提示，話4:15師傅會準時出黎片鴨，所以要準時到。由於第一次去西九，由西隧口巴士站行入去都有一段路，4:00仲搵緊間食肆响邊之際，職員就打黎問係咪會準時到，可能要準備燒鴨掛🤣行到身水身汗，終於搵到啦！坐低就飲杯茶涼吓冷氣先。叫完點心，師傳同片皮鴨已經準時出場啦！師傅好快手已經KO咗隻鴨，總共片到兩大碟，師傅叫趁熱食，當然我就緊係相機食先啦！🤣熱辣辣，塊皮好脆，好食！另一賣點係京蔥平時切到一條條，今次係切到蓉，食落口感唔同！當我哋好努力消滅兩碟片皮鴨之際，點心就陸續出現啦！😅真係食唔切！當食完鴨嘅時候，點心已經唔係熱辣辣啦！好彩，味道還可以，唔係太大影響！不過如果職員安排貼心啲，等客人食完鴨先上點心就好啦！唔駛等啲點心凍咗，影響味道嘛！當中鮑魚酥和雪山包都焗得好香，

見天氣幾好 難得唔熱 想坐出面d位 個兩個reception 掛住同賣雪糕個個女仔傾偈 求其望下booking 本薄就話無位 問佢會唔會等下有枱 佢就話唔知架 好難講 然後繼續傾偈 對客人極不尊重我望下 出面其實有幾張枱無人的 起碼有4張 就問下佢地 個女仔就施施然行出去話 d客係咪岩岩埋左單走左？ 然後就俾枱我真好笑 客人要自己搵枱 再話番俾佢聽服務差過茶餐廳 咁既工作態度 根本不適合做服務行業餐廳食物ok 招呼客人既waiter & waitress 服務都超好唯獨個reception 就好似成間餐廳既曱甴屎一樣…..

首先間餐廳一行入去，裝修一啲都唔似中菜廳，顏色線條配搭破格有型吸引，比人一種鮮明嘅感覺，好fresh!今日星期五中五，係冇人！坐左好耐都係得我一枱，服務員仲多個食客，所以服務好好，不停為我哋加茶。雖然冇人，但其實食物一啲都唔差啊！首先要介紹盆栽蘿蔔卷，呢個點心個樣好得意，做到蘿蔔形狀之餘，盆栽入面有啲餅碎好似泥咁，好搞笑，小朋友見到一定鐘意！另外佢個脆香炸豆腐，真係好脆口，上面配有辣嘅蒜蓉碎，十分香口，而豆腐入面有少少香菇同埋蝦肉，口感好好，值得一試！仲有，佢哋個XO醬煎腸粉超好食，食到停唔到口，呢個極力推薦！