嚐囍煲仔小菜

营业中

休息中

N年無食過煲仔飯，聽聞呢間嚐囍煲仔小菜唧煲仔飯做得好出色，梗要試食啦。由於驚拿唔到檯，17:50就過咗去，好彩即時可以入座，間食肆18:00開門，唔夠10分鐘就已經幾乎Full晒，人氣好旺。所有魚類中我最鐘意食鱔，所以嗌咗個白鱔煲仔飯。可能因為我落單早，唔使50分鐘，飮下茶等咗半個鐘就有嘢食。揭開個蓋，撲面而來的飯香同魚香味令人胃口大開。第一啖試咗白鱔肉，魚肉肥美嫩滑，油脂飽滿，尤其係白鱔魚皮，彈牙肥膩。白米飯熱辣辣，粒粒分明又有嚼勁，撈埋微甜唧鼓油，越食越開胃、越食越滿意。不過鋪頭姐姐啲服務態度......真係有待改善。